♥️حياه شغف♥️

البارت:28 الجزء الثانى

روايه: حياه شغف
البارت: 28 الجزء الثانى
بقلم: يارا هشام

فى الشركه فى مكتب اياد

اياد: قولى يا ندى

ندى: فى غلط فى الحسابات الشهر دا

اياد: غلط ازاى

ندى: فى حوالى مليون ونص مصروفين ومش مكتوب هما راحوا لايه والكلام دا من سنه المليون ونص دول بيتصرفوا كل شهر يعنى بنسبه18 مليون فى السنه راحوا فين منعرفش ومفيش ورق بيهم

اياد بعصبيه هزت المكتب:ايه الاستهتار دا اندهيلى مدير الحساباات وابعتى لمصطفى خبر بالموضوع دا بسرعه

ندى اتحركت جرى من قدامه اول ما طلعت اتنفست براحه

ندى: الحمد لله كان هيبلعنى

الموظف2: ايه يا ندى مالك

ندى: مفيش يا بشمهندس سيد امور شغل

ومشيت من قدامه وبعد ربع ساعه كان مدير الحسابات اسمه على كان واقف هو ندى قدام مصطفى واياد

على : نعم يا باشا طلبتنى

اياد شاور لندى تتكلم.

ندى: دلوقت فى مليون ونص بتتسحب من الحسابات بتاعه الشركه كل شهر من السنه اللى فاتت بتاريخ(17/2/2019)بدا اول سحب للمبلغ بدون زكر اى عمل بيه وعدا على الموضوع دا سنه وكام شهر يعنى بمعدل22 مليون لغايه دلوقت ممكن نعرف هى راحت فين

على بلع ريقه: ايه يا باشا انا معرفش اى حاجه عن الموضوع دا

ندى: غلط علشان كل الشكات طالعه بامضتك

على :انتى يا بت انتى عاوزه تكدبينى وخلاص وانتى ايه اللى يسبت كلامك دا

ندى: حضرتك دا ملف فى كل الشكات اللى اتصرفت انا مش جيه اتبلى عليك

على :حضرتك انا اديلى فى الشركه 8 سنين هنا هتكدبنى وتصدق حتت سكرتيره هنا مكملتشي يومين

اياد: انا مش جايبك هنا علشان تقلى الكلمتين دول انت رد على سؤالهااا واتكلم بادب انت فى شركه مش فى الشارع

على :حضرتك انا اول مره اسمع عن المليون ونص دا

مصطفى: طيب تمام يعنى انت مش عاوز تتكلم اياد اطلب الشرطه وارفع دعوه انه اغتلس من شركتنا بحجه العمل وهما هناك يحققوا معاه هو اللى ساعدوه

على :يا مصطفى باشا والله معرفش انا بس مراجع الحسابات دي كتير ممرش عليا الموضوع دا

مصطفى قام بهدوء واخد الملف من ندى

مصطفى :يعنى هي هتتبلى عليك هي متعرفكش اصلاا وكمان انا اللى بتكلم مش هى وديت فين 22 مليون يعنى هو علشان بنثق فيك هنتسرق

على :لا يا باشا انا اديلى 8 سنين فى الحسابات عمر محد شكك فى زمتى

اياد :طيب قلنا فين 22 مليون اللى مسحوبين