♥️حياه شغف♥️

البارت:30الجزء الثانى

روايه: حياه شغف
البارت:30الجزء الثانى
بقلم: يارا هشام

بعد مرور 10سنوات

بتخبط على الباب بس محدش بيرد فتفتح الباب وتبصلهم

الداده:ما شاء الله نسختين نيمين جمب بعض

فقربت منهم وهزت مصطفى اللى كان نايم حاضن المخده وجنبه قاسم نايم نفس النومه بالظبط

الداده: مصطفى يابنى قوم

مصطفى بتململى فى السرير

مصطفى:صباح الخير يا داده

الداده:صباح النور يبنى يلااا اياد مستنيك تحت وبيقولوا ان نتيجه 3 ثانوى فاضل عليهااا ربع ساعه وتظهر

مصطفى:هى الساعه كام يا داده

الداده:الساعه 6 لا ربع

مصطفى:ماشى يا داده قليلوا نازل

نزلت الداده ومصطفي اتعدل وقام وقف عند صوره لشغف وهو وقاسم وقمر مع بعض

مصطفى:صباح الخير يا شغفى وحشتينى اووى على فكره النهارده قاسم نتيجته هتظهر وايوا يا ستى خلاص خلاص متقرفينيش حاضر هوديهم يتعلم فى امريكا علشان التعليم باظ فى مصر حاضر حاضر وايوا يا ستى اخد بطوله الجمهوريه للمره الثالثه من كام يوم ايوا بطل ابن ابطال نومه تقيل ومفجوع زيك الواد قاسم على فكره كان نفسى تكونى معايا دلوقتى انا مردتش ادخله ثانوى فى امريكا خفت اخسره بس هو اصر لو طلع من ال10 الاوائل فى الجمهوريه هيروح يدرس جامعه هناك وصباح الخير يا قلب بابا وحشتينى انتى كمان خلاص يا حببتى مش هتكلم مع ماما وهكلمك انتى ايوا بقا بقينا قمرات قمر يا قمر صدق اللى سماكى قمر

وهنا دموعه نزلت على حبيبه قلبه وبنته الراحيلين وهنا فاق من كلامه ودموعه على ايد بتتحط على كتفه ودا كان قاسم صحى لما ملقااش ابوه جنبه بص لقاه بيعيط قام وكانت دموعه هى كمان بتنزل قاسم بصله وابتسم

قاسم:صباح الخير يا ماما صباح الخير يا قمرى عاملين ايه اكيد انتو احسن مننا بكتير وحشتونى يا حياتى شيفانى يا ماما انا كبرت اهو و حاضر يا ماما هروح جامعه بره وهتعلم ثقافات جديده عارفه يا ماما بابا مش راضى يخلينى اضرب نار معاه معنى بطل الجمهوريه فى ضرب النار شايفه يا ماما ابنك بقااا بطل زيك وزي بابا واخد بطولات فى الملاكمه و ضرب النار شيفه انا شطور ازاى

مصطفى باس راسه

مصطفى بابتسامه:يلااا خد شور بسرعه

قاسم ابتسم ودخل اخد شور وبعديه مصطفى وصلوااا سوى ونزلوااا كان تحت متجمعيين الكل ( قاسم) عنده 18 سنه وعنده نفس غمزات شغف وعيون مصطفى الخضراء وبشره شغف الخمريه وشعره اسود حريرى حاد الشخصيه ومرح جدا و مش بيتكلم كتير وقوى بيحب ابوه جدا وبيحترمه جدا جدا زكى جدا زى شغف وبيلقط الاشياء بسرعه مش بيحب حد يتحكم فى بيلعب رياضه الملاكمه والمصارعه الحره وضرب النار