روايه: حياه شغف
البارت:20
بقلم:يارا هشام
فى شركه الصياد
كان ومصطفى مش مبطل ضحك على هذه المجنونه وسكاكينها اللى نواياها على رنا دخل اياد واخد مصطفى يشوفوا حاجه في الملفات شغف طلعت راحت تشوف شمس لقت همسات من الموظفين كتير عليها وفى اللى بيضحك لغايه ما سمعت بتلف على فلوسه فكراه هيتجوزها على مراته شفت الصور ياريتنى مكانه استغربت جدا ورجعت مكتبه تانى
مصطفى : اى لسه مطلعتش
شغف: مصطفى انت لازم تعلن فى الشركه إن انا مراتك
مصطفى باستغراب: ماما أعلنت فى الصحف والازاعه والتلفزيون كل الناس عرفت فى اى
شغف: معلش ريحنى بس
قاطعها رن هاتف شغف
شغف: دى شمس...... الو
شمس بصوت واطى جدا:الو
شغف: ايه يا بنتى دورنا عليكى كتير فكرتك روحتى ومالك بتتكلمى بصوت واطى كدا
شمس:لا مروحتش انا فى مصيبه
شغف:مصيبه ايه انتى فين
شمس:انا فى النيله الشركه مستخبيه ومتسئلنيش فين انا نفسى معرفش
شغف:طيب اهدى وقليلى انتى مستخبيه فين وانا اجيلك
شمس:هو جوزك دا ايه عامل متاهه كام مبني وكل مبنى فى ميت اسانسير وميت سلم.... بصى انا معرفش انا كنت بجرى ركبت اى اسنسير وصلت لاخر دور لقيت اوضه ضلمه مفهاش حد استخبيت فيها
شغف:طيب تمام انتى فى دور رؤساء الاقسام..... هدور عليكى اهو انا موجوده فى
شمس: طيب بسرعه قبل ما ابو لهب يجى ويدبحنى زبح بنقلديش
شغف: ابو لهب مين.... هو انتي عاملتى ايه
شمس: انا معملتش حاجه.....فاكره الحيوان اللى حكتلك عنه الصبح....اهاا الجموسه دا شفته بيركن عربيته بيضه قدام الشركه الصراحه الدم غلى فى عروقى... قلت لازم انتقم.... جبت جردل دهان اسود ومضتله عليها بقلمى وخربشتهاله
شغف: الله يخربيتك ايه اللى انتى هببتيه دا انتى اتجنيتى
شمس: اهاا مجنونه بس فرحانه قوى... عارفه كتبتله ايه( مع تحياتى شمس عملك الاسود الاسود يليق بحياتك) 😂😂😂😂
شغف: والله انتى مجنونه طيب حد شافك
شمس: اهااا واحد وقلى يانهارك اسود دى عربيه مازن بيه و اتصل يقله وانا جريت استخبيت
اتفتح الباب ... ايه دا يعنى النور ولع........ يانهار اسود
شغف بخضه: ايه فى ايه.... بتقولى ينهار اسود ليه..... ردى عليا
النور ولع فجئه و شافت مازن كان واقف والشر باين فى عنيه وكان متنرفز جدا
شمس: اهدا انا مكنش قصدى عليك........ ايه اليوم اللى مش معدى دا
أنت تقرأ
♥️حياه شغف♥️
Random"عاشت حياه مليئه بالمغامرات حتى اصابتها سهام القدر واخذ منها اعز ما تملك ولاكن بدون معرفه الحقيقه و يعوضها الزمن بشخص لا تتوقعه حتي في خيالها ولاكن ستضرب سهام القدر حياتها من جديد ولاكن هل ستستسلم مره اخري ام انها اصبح لديها القدره على مواجهه واقعها...
