≤بسم الله الرحمن الرحيم≥
#أزهري
#البارت|الثاني عشر|~
#ل:إِيلاف الابراهيمي
صلوا على محمد 💜
.
.
.
دون امي ؛ اكون كصخرة في نهاية الشاطئ ؛
ومسمار في رأس الخشبة ، كَمُقدّمة كتاب: وصحيفة قديمة
مرمية ؛
مملوءة بالقهوة واقدام العابرين!(ليست من كتاباتي)
ودون ابي ؛ اكون كزهرة قطفها طفل ؛
فأعطها هدية لأمه المهملة ، أو كرسالة اعتذار من حبيب لحبيبته
يعتذر لها بسبب خيانتة ، لترمى بالقمامة وتنسى ويرموا فوقها الأوساخ!
.
.
.
زهرة:اباوع بالوجوه كلها تترقب ردي..
دموعي صارت تجمع بعيني حاولت ما اغمض عيوني لان بس راح اغمض حتوكع دموعي بس غصباً عني وكعن..
ما فكرت بالزواج ولا بالخطبة بكد ما اتحطمت واتكسرت اشياء بداخلي لو اهلي هنا جان ما انخطبت بهل شكل ،لاا جان اتصلوا على بابا وانطوه موعود وشوكت يجون وجان اني رتبت نفسي وامي حظرت ضيافة ومن يجون اني اقدم الضيافة وإني خجلانة ويبدون يحجون وشوي ويطلبون ايدي من بابا وبابا يكول نخلي البنت تفكر ونرد الكم خبر..
بس كل هذا ما صار خالي جاي يطلبني من نفسة لابنة..
كمت وكلت بهدوء..
زهرة:اني ما مقطوعة من شجرة ولاجايبني من الشارع علمود تخطبوني بهل طريقة عندي عمام ورحوا اخطبوني منهم..
عفتهم وهمه علامات الصدمات على وجوههم مرسومه..
صعدت وطبكت الباب قوي وقفلتة شمرت جسدي على الجرباية وغطيت وجهي بالمخدة وابجي بكل قووتي احس شي بداخلي انكسر وغصة ما كدرت اتجاهلها..
اي لهل الدرجة اليتم يذل واكثر بعدد ابسط شي انحرمت منه بسبب اليتم..
ابسط شي وهو الخطبة انو يخطبوني من اهلي حالي حال اي بنية..
شوي وسمعت أحد صعد تجاهلت كلشي ولفيت راسي اريد بس انام ما أريد شي ثاني..
سمعت صوت خالة ايمان وهي تترجاني افتح الباب..
دفرت اللحاف وكعدت على حيلي كمت الطم وادك واهلس بشعري واخمش خصل خصل كامت توكع من شعري من كد ما هلسته عطت وكلت بصوت يبجي واترجاهم..
زهرة: عووووفني عليكم الله كاااافي تعبت اني تعبت بعد ما اتحمل بشررررر اني والله بشررررر..
ما حسيت اله انكسر الباب وكع على الكاع شهكت وفزيت..
فات وهو يمشي على الباب المدد بالكاع..
وفاتت كل العائلة وراه حتى جدة جديلة خطية هي ما تكدر تصعد الدرج بس علمودي صاعدة..
ركضت لحضن خالي صدام لان بس هو التمس يمه الامان الي مضيعته من زمان..
حظني وما كال شي بس طبطب على ظهري ومسح على رأسي..
بعدني ولزم وجهي باثنين أيديه عيونه بيهن لمعة وحب وامان رموشة عليهن قطرات دموع..
خالي صدام:بوووية ليش مخربة هل وجهه الحلو هيج..
اني اسف وامسحيها بوجهي اني معتبرج مثل استبرق الله شاهد عليه ما جنت ناوي اكسر بيج لو اجرحج بس حسبتج حسبة بنتي وجيت سالتج اعتبري سؤال اب لابنته مو خال لابن أخته لو واحد جاي يخطبج لابنة..
جدة جديلة:وانته يا ابن المطفية ما جيت علية وخطبت زهرة مني رايح على أبوك هو أبوك بيش الكيلوو
وانته منو كالك انطي حفيدتي لواحد خبل مثلك أيده والضرب ولسانة متبري منه وزهرة بعدهي فرخة وانته شكبرك بس تنفخ عليها اطير..
صدك ضحكت على كلام جدة بعد عافيتي شلون ادافعلي..
ابو يوسف:لااا يحبوبة رجيتها من غيرج مو منج هاي كلهن اني لعد نسيتي اني حباب وخوش ولد ودختور..
عود ناصب على جدة لان هي تكول دختور ما تكول دكتور..
طول ما هو يحجي صافن علية..
جدة جديلة:عيونك زيحهن عن البت لا افكسهن الك..ويله شعندك اهنا انكشر روح لغرفتك خلص شغلك..
تحجي وهي تدفع بي من ظهرة بالعكازة مالتها..
وهو ملتفت ويباوع عليه كأنو يترجى اوافق عليه..
نزلته جدة ورجعت يمنه كعدنه بالكاع بس جدة كعدت على الجرباية ما تكدر تكعد بالكاع لان..
كعدوني بالنص وهمه داير ما دوري ويوسف حاط رأسه بحظني وإني العب بشعرة..
ظلوا يحجون وياي ويشاقون يحاولون يطلعوني من الحالة الي اني بيها ومحد بعد فتح موضوع الخطبة مال عزرائيل الخبل..
صدگت حمدت ربي على حبهم الي ودعيت ربي يخليهم الي وما يفجعني بواحد بيهم..
بس تمشي الرياح بما لا تشتهي السفن..
انت تريد وانا اريد والله يفعل ما يريد.
.
.
.
ما كان الخيار بيدي ياعزيزي..
انتهى كل شيء بيننا..
انتهى من اول رفض..
انتهى من اول تهمه وجهتها لي..
انتهى من اول صفعة تلقيتها منك..
أعرفت الان منذ متى وحبك انتهى.
.
.
.
كاعدة ويه الشلة مالتي ما عندي علاقة قوية بأحد بيهم بس زملاء وهاهيه يعني مو دائماً وياهم بس مرات اضوج واكعد وياهم..
گال عصام..
عصام:بس شوفولي وليد هم حاسب نفسة فتشي ونافخ روحة والله لو اذكرة كم مرة بال على روحة من جنه بالمدرسة حرام الا الكلية بعد ما يفوتها..
أحنه فرطنه ضحك بحيث كمنه ندمع من الضحك هذا عصام فلم مكرود الي يوكع بلسانه يشبع تصنيف والي يحير يذب السالفة وما يضحك عادي يضل وجهه جاد عبالك هو ما كايل شي..
كالت دلال..
دلال:عليك ابو فاضل اسكت والله كحلي ساح من الضحك..
عصام:اخخخ يالحمزة بس شوفولي أية شللون تأكل صدقة لله بالشوكة والسكين شللون لو ما بالبيت تحط بخشمها عبالها حلكها وتكف اردناها للمعصم ودوس دوسه ونص بالثريد..
لا والله من تأكل فاصولية الله لا يشوفكم اتلثم واكعد الله وكيلكم..
يابه اني هنا فطست اريد اجر النفس ماكو بعد كمت اهفي بالملازم على وجهي..
هاي أية بنت عم عصام فد بنية حبابة بس وكعت بعد بحلك عصام..
انمسحت ضحكتي وإني اشوفه يتقدم نحووي..
لابس قميص ابيض وسترة سودة رسميه وفاتح اول دكمتين من القميص وبنطرون اسود كتان وحذاء رسمي اسود وحاط نظراته بالقميص والسويج والموبايل بايده شايلهن وعروق أيديه بارزه احسها حطك..
عصام:يابه شهل صاك هذا إذا خطب اختي انطيها اله بدون مهر ولا شي بس المهم نحسن النسل..
كلها كامت تضحك بس اني صافنة ببلوتي اكيد حأكل رزالة معدلة..
تقدم وسلم على الشلة وعصام اللوكي اكله بالسلام اكل..
صد علية وگال..
ابو يوسف:يله زهيرة كومي..
خطية همه انصدموا ما عبالهم يعرفني..
خطية عصام صدك اعتبره اخ من شافني خايفة ما قبل اروح گال..
عصام:يابه تره البنية اختنه شلون تأخذها هيج وتروح لا عبالك ما عدها أحد..
هو عبالك بس واحد يكله بز يطك بوجهه جاوب عصام بشبه عصبية..
ابو يوسف:زهرة خطيبتي انته الي جاي تدخل باشياء ما تعنيك..
صد عليه عصام وهو مستغرب لان كلها تدري اني لا مخطوبة ولا مزوجة ولا عندي علاقة..
عصام:صدك زهرة هذا خطيبج..
استحيت ما عرفت شاكول..
زهرة:اي صدك خوية عصام بس صارت السالفة بسرعة ونسيت اكول الكم..
عصام:مبروك خيتي شايفة الخير..
صد وبارك لعزرائيل الخبل وشال غراضه ومشه..
ودلال هم باركتلي وكالت عود بعدين نحجي وتحجيلي كلشي وغمزت وراحت..
ابو يوسف:ايي يزهيرة اني مو منبهه ماكو صداقات ويه شباب ول بويه انتي ليش تحبين العناد..
زهرة:عصام مو صديق عصام اخ فه لا تخاف..
ابو يوسف:زهرررة لا اطلعني من طووري اني كلت صداقة ويه شباب ماكووو يعني ماكو انتي ليش خشمج گوي..
زهرة:هيييو لا تأخذني بصياحك اولاً..
ثانياً شللون تكول خطيبتي لا عبالك سكتت يعني قابلة بس مردت افشلك وافشل روحي كدامهم..
ابو يوسف:زهيرة امشي كدامي تره وحك المصطفى روحي واصلة لخشمي..
زهرة:و ما توصل اني شكو ؛وبعدين وين تريد تاخذني؟
ابو يوسف:اچدي من ربي صبر ايوب..
ول يابه شهل عنااد هذا هسه امشي وبعدين تعرفين..
دكيت رجل بالكاع وكلت..
زهرة:ما اتحرك منا اله اعرف وين ماخذني..
يجوز تريد تسوي عليه تجارب لو تبيع اعضائي اني ادري كلشي يطلع من واحد خبل..
شو ما اشوف اله مات من الضحك بلع ضحكته وگال ببتسامة..
ابو يوسف:عازمج على مطعم..
نهدي النفوس ونكعد نتفاهم عندي سوالف اريد احچيهن وياج..
وما شاء الله البيت مراقب من كل الجهات الواحد يريد ياخذ راحته ماكو..
زهرة:ما مقبولة عزيمتك شكراً..
شلت غراضي ودامشي جان يلزمني من أيدي..
وجرني وراه..كل الشباب الي واكفة تهامس وتأشر علينة وتضحك..
اريد اجر ايدي منه بس وين هو شكبرة على كولت جدة ينفخ عليه اطير..
صعدني بالسيارة وصعد گال وهو يلبس حزام الامان..
ابو يوسف:الي بالي اسوي..
فسوي الي اكولة الج براضتج احسن من ما اجبرج لان هيج هيج اني مسوي الي اريدة..
حاولت اهدي نفسي بس كل محاولاتي تبوء بالفشل..
كلت بعصبية..
زهرة:نزززلني اني المكان الي انته بي ماااا اطيقة تعرف شنوو ما اطيقة يا اخي عوفني كرررهتك بعد ما ارررريدك رجعني للكلية لو اگلعني للبيت..
شو هذا ولا يمه صد عليه وابتسم..
ابو يوسف:يروحلج فدوة اخوج وعشيرته..
وضغط على المسجل وشغلة گال..
ابو يوسف:اسمعي زين..
أنت تقرأ
أزهري ||باللهجة العراقية||
Lãng mạn🔴{مكتملة} من انا؟!انا التي سخرت لها الأقدار حياة غير الحياة العادية... من انا؟!هل انا اللقيطة، ام اليتيمة، ام المتشردة، ام انا فرد زائد في هذا المجتمع ليس لي اي فائدة أن مت ام عشت... اشتقت ليس لاحبتي الذين فارقوني، بل اشتقت لروحي الضائعة اريد ان ار...
