≤بسم الله الرحمن الرحيم≥
#أزهري
#البارت|الحادي عشر|~
#ل:إِيلاف الابراهيمي
صلوا على محمد 💜
.
.
.
الحب؛
هو تضحية خديجة بثورتها..
من اجل رسول اللّه..
(ليست من كتاباتي).
.
.
.
ارتطم رأسه بالستيرن ولوف عن السيارة كام ابو السيارة الي ردنه ندعمها يسب ويغلط ولابان هم ماقصر..
بقدرة قادر نجينة كلت والله راح نموت..
اباوعله كام يسوق على كيفة بس كصته مچروحة وتصب دم بس مو هوواي..
زهرة:ممكن افهم هل سخافهه الي سويتها قبل شووي..
يعني لو مسوين حادث جانت شكلت لربك هااا؟؟
وكف السيارة على صفحة باوعلي ثواني قبل لا يحجي..
لابان:تحبينه موو شفت اليوم هذا الشي بعيونج الحلوة شفت حب بعيونج اله بس ما شفته تجاهي ابداً..
انصدمت من حجية!!!رجة راسه على الكرسي ويباوع ليكدام ويحجي..
لابان:جان ابو يوسف الابو الناصح ،الصديق الوفي، المدرس الناجح..
الي أن اجه ذاك اليوم يوم اعترافي اله انو اني اريد أخته اريد ازوجها..
رفض رفض قاطع وسبني وشتمني وشتم ديني ما فهمني انو ميصير لو حرام لا رأساً تعارك وياي..
ما جنت حاجي ويه استبرق أبداً ولاهي تعرفني اني منو عبالها صديق للعائلة وبس،بس جنت اشوفها دائماً واخلاقها حلوة فقررت اخطبها بس ما قبل ومن يومها خربت علاقتي وياه..
جنت امج دائما ازورها من انتي بالمدرسة وعدت مرات شفتج من ترجعين من المدرسة صرت اراقبج وين متروحين كل صغيرة وچبيرة اعرفها عنج جنت..
تخافين من المطر والرعد..
تكرهين الاكل الحار..
تحبين اللون الابيض والرصاصي..
طولج ١٦٣ سم..
تحبين تلبسين الكعب..
ما تحبين الشعر الطويل بس امج ما جانت تقبل تكصينه..
صوتج حللو من تغنين لو تقرين قرآن..
قياس رجلج ٣٨..
قياس ملابسج من متوسط إلى صغير..
باوعلي وكال..
لابان:شفتي زهرة اني شكد اعرفج وشكد حافظج..
بس جان اكو واحد مراقبني وهو ابن خالج وشك انو عندي شي تجاهج ومنعني من شوفتج حتى من ماتت امج عدة مرات ردت اجي عليج بس جان ميقبل ويطردني كل مرة، مرة ،مرتين ،ثلاثة، عشرة سكتت وكلت يلة بس وصلت حدها وياه بنت عمي وما اكدر اشوفها ولا هي تدري عدها عمام عاد جيت عليه طلع وحاول يطردني مثل كل مرة تعاركت وياه وتعمدت اصيح كلت بلكي تطلع والحمدلله طلعتي وصار الي صار..
ما عرفت شنو اجاوب لو شنو ارد ما كدرت اكولة ما احبك لو ما اريدك لان هو أصلاً ما اعترف بحبه بطريقة مباشرة علمود ارفضة بس اعترف بطريقة مبطنة..
زهرة:رجعني للبيت..
ما حجة شي زايد شغل السيارة ومشه ناحية البيت وصلنة وقبل لا انزل گال..
لابان: زهرة ليش ما اتصلتي عليه؟؟
توترت شكول اله..
زهرة:هاا مو ضاع الكارت وملكيته..
ضحك وگال..
لابان:فدوة الج يروح كارت يجيج عشرة بدالة..
طلع من محفضته كارت وانطاه الي وگال بضحكة..
لابان:تره هذا ما انطي بس للناس المميزين..وغمز..
ضحكت اخذت منه الكارت وتشكرته ونزلت..
فتت باوعت ذني كارتين مو كارت واحد رقمه والثاني..
عزززه الثاني كارت مال بنك ضليت فاگة عيوني ومصدومة ياللة هذا الخبل سواها صدك..
ابتسمت وفتت جوه استقبلني جدة واستبرق محيت ابتاسمتي رأساً..
جدة جديلة:خايبة زهزة شللللون تطلعين وحدج يابه شعرمه انتي..
زهرة:جدة شبيج هاي بدال ما تسألين على حفيدج شلونه شلون صحته..
كالت استبرق من وره خشمها..
استبرق:ما عايشين بالعصر الحجري علمود ننتظرج تجيبين النه الاخبار اكو شي اسمه موبايل اطمنه عليه مشكورة..
عافتني وراحت كل عقلها هاي زين اني شعلية محد كايلة يسوق سريع..
وظلت جدة ترزل بيه عاد طكت روحي عفتها وفتت صعدت لغرفتي شفت موبايلي يدك باوعت هذا يوسف صار اله يومين يم بيت جدة اهل امه لان مشتاقيلة جدته تموت عليه خطية..
زهرة:هااا حبيبي شونك مشتاقلك..
يوسف:اني هم والله باجر راح ارجع..
زهرة:هاا خوش اي استعجل ترره مشتاقين..
ضحك وگال..
يوسف:لعد بابا وين ادك عليه وميجاوب؟؟
ما خوفته طمنته وگلت..
زهرة:يويو حبيبي أبوك مسوي حادث بسيط ومكسورة رچلة وايديه بس مبي شي قبل شووي جنت يمه..
خطية هو كام يبجي..
زهرة:والله مبي شي لا تبجي..ضليت اهدي عاد هدء صاحه جدة علمود يطلعون عاد سلم وراح..
طلعت الكارت من جيب التراكسود نقلت رقم لابان ودست اتصال..
ما طول وجاوب..
لابان:هااا لحكتي تشتاقين..وضحك
زهرة: هههههههه شلون عرفتني..
ما جاوب بس سمعت اغنية ماجدة الرومي..
انا قلبي دليلي..
وطفه المسجل..
لابان:هاا عرفتي شلون عرفت..
خجلت ومعرفت شجاوب غيرت الموضوع وكلت..
زهرة:صدك لابان شنو هل البطاقة مال البنك..
شو انته سويتها صدك تره والله جنت اتشاقة واصلا اني ما محتاجة والله شكرا الك بأقرب وقت اشوفك بي ارجعها..
لابان:تمسلت لا تمسلتين خووش، اني مو كتلج ما تغلى عليج وهي صدك ما تغلى عليج..
شوكت متريدن تصرفين منها روحي لاي مكتب وسحبي فلوس هسه راح ادزلج الرقم السري..
سده واصلا لا سلم ولا خلاني احجي..
يله هو هذا هم حظي شكو واحد خبل الله يحطه كدامي..
.
.
.
لا تغلى عليكِ الروح والنفس يا حبيبتي..
انتي علاجي عند المرض..
وانتي مرضي بحد ذاته.
.
.
.
زهرة:ثاني يوم طلع ابو يوسف من المستشفى وهسه صارله اسبوع من طالع وجهه الخدوش والكدمات اختفت وطابت وشالو الخياط الي بكصته ضلوا بس رجله وايديه كالوا يضلن شهر يله يطيبن..
يوسف:زهرة بابا ينادلج..
زفرت بعصبية من طلع من المستشفى لحد الان هو بس يتآمر ويدلل ولازم كلشي تقوم بي زهرة حتى لو موجودة يمه استبرق ما يصخرها..
زهرة:اي حبيبي جيت..
لبست شالي ونزلت رحت لغرفتة وجانت يمه استبرق رجعت عادي طبيعي تحاجيبني هي هم خبلة مثل اخوها تزعل لحالها وترضى منها ومن كيفها..
زهرة:هاا كال يوسف تريدني..
باوعلي وابتسم بخبث..
واستبرق حاطه سماعتها وكاعدة ما تسمعنه بس من فتت رفعت راسها ورجعت تباوع على موبايلها..
ابو يوسف:اي اذا متصير زحمة انطيني دولكة المي..
اباوع دولكة المي على الكوميدي الي يم رأسه يعني بس يمد أيده ينوشها..
تنفست وحاولت اهدي اعصابي..
ابتسمت واتقدمت اله شلت دولكه المي وكبيت نصها على وجهه هو فز وخرت ورجعت الدولكة لمكانها..
زهرة:محتاج شي بعد..
باوعلي وضحك وهو يمسح وجهه..
ابو يوسف:الله وايدج كثري من هل التصرفات لان كل ما زادن يزيد عقابج وإني اموت على العقابات..
زهرة:هسه دكوم بخير وعود فكر بعقابك..
ابو يوسف:لتخافين يزهيرة اكوم اكوم..
عفته وطلعت يربي صبر ايوب انطيني دا اتحمله..
توجهت للمطبخ موبايلي بأيدي صار هزاز معناها جتني رسالة فتحتها جان مكتوب بيها:
أنت تقرأ
أزهري ||باللهجة العراقية||
Roman d'amour🔴{مكتملة} من انا؟!انا التي سخرت لها الأقدار حياة غير الحياة العادية... من انا؟!هل انا اللقيطة، ام اليتيمة، ام المتشردة، ام انا فرد زائد في هذا المجتمع ليس لي اي فائدة أن مت ام عشت... اشتقت ليس لاحبتي الذين فارقوني، بل اشتقت لروحي الضائعة اريد ان ار...
