أزهري ||باللهجة العراقية||

البارت|السابع|~

≤بسم الله الرحمن الرحيم≥

#ازهري...
#البارت|السابع|~
#ل:إِيلاف الابراهيمي

صلوا على محمد 💜
.
.
.

يأتي العلاج أحياناً على شكل أشخاص..
أشخاص تنسيك همك،وحزنك،والمك..
أشخاص يحولون حياتك من الهم والغم..
الى الفرح والبهجة.
.
.
.
زهرة:الخوف سره بجسمي اني شلون فاتتني ونسيت اكوول الهم..
حتى لو اني بيت عمي بس يضلون همه اهلي ولازم اخذ شورهم وما دامني عايشة عدهم لازم استأذن منهم..
زهرة:ابوو يوسف اسفه خليتكم قلقين عليه..
:بنت النعلللل وتحجيها بكل برود جايج هسه انيييي...
زهرة:سبني لو اني متوهمه!!اني الك شكد ما جنت خايفة منه بس الخوف تحوول الى عصبية بعد ما سب ابووي..
ما بينت شي كدام بيت عموو سويت الوضع طبيعي..
زهرة:هذا ابوو يوسف دك وكال جاي..
لابان:وهوو شكو اني اخذتج اني ارجعج..
كلت بصوت ناصي بس لابان يسمعني..
زهرة:مو انته ما تدري اني حتى مكلت الهم طالعة..
لابان:اييي شكوو بيها قابل انتي بيت دعارة تررره انتي بيت عمج..
جان يحجي بعصبية وحتى عمو جرجيس انتبه علينه بس ما تدخل..
زهرة بعصبية:انته شلوون تحجي هيج مو هذا قصدي،اقصد اني مكلت الهم اني طالعة وهسه كالبين عليه الدنيا وخايفين..
ضحك باستهزاء وگال..
لابان: هههههههههههههه والله هذا عايش الدور..
رجع كال بعصبية وتشكيك
لابان:هوو عندة شي وياج زهرة احجي الصراحة؟؟
زهرة:هيييي انته لهنا وبس شكلك هوواي تماديت..
عفته وكمت سلمت على عمي وعمتي وإِيلنور وطلعت برره انتظر ابوو يوسف..
لحكني وكال بهدوء:
لابان:زهرة اسف اني مجان قصدي بس من عصبيتي حجيت هيج ادري انتي شنو..
زهرة:لا لابان انته حيل تماديت تره ما عرفتني للبارحة لا تحكم علي..
لابان:لاااا زهرة اني اعرفج من زمان ومن زمان حييل..
ردت أسئلة واكوله من شوكت بس طواطه زرفت اذني زرف..
مد رأسه عمي جرجيس وكال..
:عميي زهرة عوود كولي لابو يوسف ينزل نسلم عليه..
هزيت رأسي وطلعت وفتحت باب السيارة وكلت:
زهرة:عمووو جرجيس يريد يسلم عليك..
صاح بيه:اصعدددددددي بسرعه خرااا بعمج والي جاب عمج علينه..
من الخوف صعدت وشخط السيارة بسرعة وطلع والطريق كله يعيط عليه ويرزل..
:انتييييي ما الججج لا صداد ولا رداد شلووون تطلعين هييييج بدوننن ما تسألين وتكولين يزهيررررة انتي حيييل كمتي تتمادين..
تدرين ابووي ضغطه معللللك من وررراج..
بجيت وكلت..
زهرة:والله مو قصدي بس فضولي انو اشوف اهلي ورغبتي تجاههم خلتني اتصرف بلا وعي مني اسفه اني..
وضليت ابجي وهو سكت وبعد ما حجه..
وصلنه للبيت نزلت وهو نار وتتحرك احس بأي لحظة عادي يحطني ويبسطني..
دخلت للبيت وفتت للصالة شافني خالو صدام كام وتوجهه ناحيتي ورفع أيده وضربني راشدي!!
بعدني ما مستوعبة وكربني لحظنه وهي يبجي..
خالي صدام:يووولي يزهرتي وكف كلبي عليج يصير هيج تخوفينه عليج يولي ردت اموت كل التصورات الموزينة جتي بالي..
نسيت الراشدي ورزاله ابو يوسف وإني اشوف خووف خالي عليه..
زهرة:ايي اني غلطت يخالي سامحني بس والله بدون قصد مني..
خالي صدام:اني مزعلت منج يزهرة علمود اسامحج اكوو واحد يزعل من رويحته..
ابتسامة نرسمت على شفتي وإني اشوف حب خالي الي ربي لاتحرمني منه وتحفظه الي وديمه فوك رأسي..
جدة جديلة:يمممه يمكرج يزهرة فرتي راس زلم مشوربه الله يستر منج..
خالي صدام: هههههههه والله يا يمه سوالفج مدري شلوون يعني شتريدين نسوي مثلاً..
جدة جديلة:اسجنونها، اذبحوها،اصلخوها،ترره والله تكوه وتطلع عينها اليوم بيت عمها باجر بيت صاحبها..
هز خالي برأسه بقله حيله وما كدر يحجي تضل امه بس حجه الافندي وكال..
:علمود موتها على ايددددي..
غصه وكفت بلعومي هو يشوفني هيج معقولة؟؟
زهرة:رحمة الله والديك تتصور اني هيج..
ما حجه شي..
اجتي استبرق تركض عليه وحضنتني وهي تبجي وإني اطمن بيها انو مبيه شي..
ويوسف نززل من فووك العيوون حمر من البجي ومورمات..
فتحت اديه اله علمود احضنه هوو صد عني بصفحه وراح على ابو حضنه..
انصدمت ليش سووا هيج؟؟
زهرة:يويو حبيبي شبيك..
يوسف:وخرري عني زعلان عليج اني لان خوفتيني حييل عليج..
تقدمت وجريت يوسف من حضن ابووه وحضنته قووي وهو كام يبجي فرفح من البچي وإني اريد بس اسكته..
زهرة:يروحي انته اني اهنا ليش تبچي مبيه شي..
كال وهو يشهك..
يوسف:خفت لا تروحين تعيشين يم عمامج وبعد ما اشوووفج..
وكام يبجي اكثر..
سكتت شجاوب وهاي اكيد ابوو حشى برأسه..
باوعت على ابوو يوسف وعيوني مدمعه صد وطلع..
كدت يوسف وصعدت فووك كعدته بحضني وكلت..
زهرة: يووسف حبيبي شو باوعلي..
باوع عليه كملت..
زهرة:حبيبي لا تتوقع بيوم اعوفك حياتي انته،اني بس رحت زرتهم وهاهيه ما راح اعيش يمهم..
يوسف:شوو اني لعد سمعت بابا يكول لجدو راحت يم عمامها وهسه تحله الها العيشة وتظل يمهم..
زفرت بعصبية والله هل رجال مدري من يا مادة مصنوع اكص ايدي اذا عاقل..
.
.
.
لا تلوموا الحب..
بصنع الجروح بل انتم الذي جرحتم قلوبنا..
بأسم الحب.
(ليست من كتاباتي)..
.
.
.
خالة إيمان:بس انتي يبنيتي غلطتي وهو من خوفه عليج هيج سووه..
زهرة:حتى لو يخالتي متوصل بي لدرجة يسب اهلي وابووي تره ما ارضاها مو شافني سكتت وعباله قابله لا والله بس اني سكتت لانو ما ردت أزيد الطين بله...
خالة إيمان:والله ادري يزهرة انتي ما شاء الله عقلج يوزن بلد ما شاء الله عقلج جبير وفاهمه..
زهرة:شحصلت من كبر عقلي..
اله صدك خالتي هوو ابو يوسف شللون اندل بيت عموو هو يعرفهم؟؟
خالة إيمان:ايي شللون ميعرفهم هو جان صديق لابان جان ابن عمج لابان يجي على ابوو يوسف يدرسه من جان سادس اعدادي بدون علم أهله وحتى جان يزور امج..بس الشيطان دخل بينهم وتعاركوا لحد الان مندري على شنوو..
زهرة:هااا هيج السالفة..زين عمي شمعرفه بأبو يوسف؟؟
خالة إيمان:هاا يجوز من راح ابو يوسف بفاتحته ابوج شاف عمج وتعارفوا لان من اجه ابو يوسف من الفاتحة حييل مدح بعمامج..
زهرة:هاا..زين عمي الثاني وين..
خالة إيمان:مو هنا يا يمه مهاجر لبريطانيا..باوعت للساعة وكالت..
خالة إيمان:ياااا اخذتنه السوالف وراح الوكت دوبني الحك اسوي عشة هسه عمه جديلة تفضحني..
عافتني وكامت وإني ضليت كاعده بالصالة حسبة تجيبني وحسبه توديني هسه توضحت عندي نص الأمور..
وعرفت من لابان يكول اني اعرفج اثاري جان يجي علينه لعد ليش اني ما اذكرة ومجنت اشوفه ابدا يجي علينه..
استبرق:يوولي شبيج زهرة هييي مو احجي وياج..
زهرة:هاااا هااا شبيج ثبرتيني..
استبرق:هوو اني الي شبيه لو انتي صارلي ساعه احجي وياج واكولج ماما اتكول اطلعن كصن الحديقة..
زهرة:اييي،بس ليش ما يكصها ابوو فيوزات..
استبرق:طالع مو هناا،وبعدين بس احنا مو كل مره نكصها من ايمته هو يكصها..
زهرة:اي عيني مو هو على رأسه ريشه الافندي ما يكصها..
يله روحي اروح ابدل ملابسي والحكج..
صعدت علمود ابدل ملابسي لانو جنت لابسة دشداشة مو مريحة بالشغل..
لان اني راح اكنس الحديقة بالعثگ واستبرق تكص بيها..
لبست تراكسود كله اسود ولفيت الشال مثل الچراوية على رأسي ونزلت..
طلعت للحديقة وجدة جديلة كاعدة على الكرسي بالطرمة..
زهرة:اهوووو هسه عاد تكوم ادقق على كلشي وشيخلصنه..
رحت جبت عثگ من وره البيت وتوجهت للحديقة وبديت اكنس وره استبرق..
جدة جديلة:جددري بناويت هل زمن صارت رواحهن بهل بنطرون مدري شلون تفوتنه بيجين وهو هل گصفه..
استغفرت ربي ومجاوبت بس حجت استبرق..
استبرق:جددة هذا موو بنطرون هاي بجامة وبعدين احنه وين طالعين اشو هو بحديقتنه..
جدة جديلة:هو مو يگسم الرجل نصين معناها بنطرون..
ضحكت هي هاي سوالف كل الكبار لازم منلبس بنطرون اخاف العالم تعرف عدنه رجلين اثنين والله يالله..
جدة جديلة:هييي انتي بنت مليكة خفي ايدج يالمفهية اگضبي العثگ زين ولزگي بالگاع مو مطريته بالهووه وتگنسين..
ذبيت العثگ وكلت..
زهرة:جددة اذا ما عاجبج شغلي تعاي انتي اشتغلي موو كاعده ومرتاحه على كرسي وتعلقين..
جدة جديلة:اياا چليلة الحيه شوون تحجين وياي هيج والله بس يجي حفيدي ابوو طول الحلو اگوله لان بس هو دواج والا ابني ما منه فايدة كاعد ويمسح على شعرج وما يگولچ على عينج حاجب..
زهرة:لاا والله أصلاً اني ما اخاف منه،واذا سووه الي شي خالو صدام حبيبي يوكف بوجهه..
بعدني جاي احجي وجان يفوت وهو يوسف من بره لانو جانوا يتمشون برره..
خرسيت سكتت وكرمزت وكملت كنس.. سلم وباس راس جدة باوعلي من فوك ليجوة وهو ما عاجبة الوضع، دوولي هو ما عايزني بس انته..
جدة جديلة:هاا يزهرة شو خرسيتي مو تكولين ما اخاف وتهوبزين وين السانج اكله الفار لازم..
يابه جدة ولا تركد بحلگها سالفة..
گال:شكوو من شنو ما تخاف زهرة..
جدة جديلة باوعتلي بمگر وكالت بتمسكن..
:والله يوليدي مكلت الها شي جاي اعلم بيها شوون تكنس،وهي عبالك متحمله عليه عاطت عليه وتكولي ما عاجبج كومي انتي ترضها انته ومن اكول الها اكول لابو يسوفي تكولي ما خاف منه..
وغطت عيونها بالچرغد مالها وكامت تبچي عساس..
يمممه والله هاي جده تخوف شوون فرت السالفة فرر..
باوعلي وهو معصب..
:يزهيرة تعاي اهنا يمي..
ذبيت العثگ ومشيت ناحيته بكل ثقة بس والله داخلي خايفة ادري ما راح يضربني بس اني اخاف منه..
گال:صدك حاجية ويه حبوبتي هيج؟؟
زهرة:ايي بس هي كضتها ترز..
بعدني ما مكملة سالفتي وعاط..
:وانتي شوون تحجين هيج وياها لو ادددوس بنصصص مصارنيچ ما جاوبين افتهمممتي..
نزلت راس وما رديت..
رد عاط انوب وگال:افتههههمتي؟؟
رفعت راسي وركزت عيني بعيون وكلت بثقة..
زهرة:لااا ما افتهمت..
وعفته ومشيت واسمع جدة تكول:
يمنه منج صلفة ولا ينكدر الج يوول شبيك واكف الحكها نعنع اعظمها تنعنع..
صعدت لغرفتي وطبكت الباب قووي كعدت على الجرباية وإني اكرط باضافري من العصبية..
شووي واندكت الباب،كلت بصوت عالي وعصبية..
زهرة:خيرر منوو؟؟؟
يوسف:اني يوسف يصير ادخل..
هدئت وكلت:فووت حبيبي..
فات وهو يبتسم وشايل علاكة مال حلويات..
ركض عليه وحضني حضنته حيل بعد وگال..
يوسف:لا تزعلين من بابا ما جان راد يرزلج بس استحه من جدة ورزلچ..
بتشكيك كلت:يويو من دازك عليه ومحفظ الك الكلام..
نزل رأسه وما جاوب..رجعت حجيت وكلت..
:أبوك موو؟؟
ما جاوب بس هز رأسه بأي..زفرت بعصبية وسكتت غيرت الموضوع وكلت..
زهرة:ايي هاي شجايب الي حلويات..
هوو رأساً فتح العلاكة وكعد يراويني بالحلويات شغلت تلفوني شغلنه فديوات مضحكة وناكل وتضحك ما حسينه بالوقت الا اذن المغرب كمنه صلينه اني وياه وكعدنه نقرأ قران..
فاتت استبرق اني صدقت بس يوسف ضل يقره..
استبرق:تقبل الله..
زهرة:منا ومنكم صالح الأعمال..
استبرق:اميين..يله تره ماما صبت العشر تعالوا تعشوا..
صدق يوسف وگال:
اي عممه چينه..
ضحكت عليه هو واستبرق جنهم ديوكه أربعة وعشرين ساعه مناكر..
طارت وراه استبرق وهو يركض وهي تركض وراه نزلت الدرج وإني اضحك عليهم شفته رأساً مسحت ابتسامتي ونزلت..
رحت كعدت يم خالو لان الصراحة خايفة منه لان بس يخوزر بيه..
جانت خالة إيمان مسويه مقليلات وتمن احمر ومسويه لجدة شوربة مال خضار لان مرة جبيرة وميصير الها تأكل الدهون..
خالو يلف إليه لفات وإني اكل واستبرق مخنزرة عليه ادري بيها تغار كمت ارفع بحواجبي واغور بيها هي ما تحملت وكالت..
استبرق:ايي عشتو الدلال بس لزهرة وإني رجل كرسي..
ضحك خالو صدام وسووه لفة وانطهالها وهي كيفت عبالك جاهل وتفر باللفة تغور بيه وإني هم افر باللفة اغور بيها..
صاح بينه الحقنة:هييي انتن جهال عيب عليچين يوسف ما سواها نعمة الله هاي اسكتن واكلن..
صدك عاد احنه خرسينه وحتى خالو بطل يسوي النه لفات احنه كمنه نسوي النه مثل الخوش اداميات..
جدة جديلة ما شاركت بالحجي استغربت كلت خاف زعلانة عليه لو ماخذه بخاطرها بس والله هي ابدا ما تزعل..
زهرة:ايي شونها جدة الحلوة..
باوعتلي بطرف عينها وكال..
جدة جديلة:والله جنت زينه بس من شفت وجهج تعكرت..
يبوو تفشلت هاي عود وإني اريد أراضيها..
زهرة:افااا عليج جدة وهاي اني زهرة بنت مليكة شظلج منها بس اني من ريحتها وهيج تكولين الي..
خطية هي رأساً دمعت عيونها ادري بيها تحبني بس هي هيج طبعها متعرف تعبر عن حبها بس ويه الحقنه تصير شاعرة ما شاء الله..
جدة جديلة:يمه شو تعاي احبنج..
رحت يمها باستني وكالت..
جدة جديلة:يممه انتي غالية عليه والله انه ما اكرهنج بس من حبك لاشك..
حضنتها وكلت..
زهرة:ادري جدة والله اني اموت عليج واصلا كيفت من كالوا راح تجي تعيش يمنه..
كاعدين كلنه بالصاله نشرب جاي دك تلفوني باوعت هاي هيفاء ترخصت منهم وكمت،جاوبتها وكلت..
زهرة:لا هله ولا مرحبه صارلچ ٣ ايام ما داكه عليه متكولين صديقتي ميته حيه..
هيفاء:هوو اني متعمده اريد تمر ٣ ايام وادك علمود خايف ميته تكون خلصانه ايام الفاتحه وما اجي واجيب فضل على اساس اني ما ادري بيج ميته..
زهرة:يممممه عوذه منج شلون صديقة شلون تفكير إسرائيلي..
اسم الله على روحيتي جعل يومج قبل يومي..
شللون بخل عليج يعني اني وحيه ما محصله منج شي حتى وإني ميته هذه..
هيفاء: هههههههه،ايي شونج شكو ماكو اخبار امور اني شفتج مختفيه كلت ما أريد ازعجها هي من تفضى تخابر بس شفتج طولتي وخفت؛ شكو صاير شي؟؟
زهرة:اوووف هو صاير شي صارت اشياء...
وحجيت الها شكو صار صارلي بهل فترة..
هيفاء:يبوووو هاي كلها صايره وإني ما ادري،زين عمامج شطلعهم هسه؟؟
زهرة:غير ماتت ماما الله يرحمها وطلعوا..
هيفاء:لا حبيبتي مو لهذا السبب راح يصير الها امج ١٠ اشهر من ماتت هسه تذكروا..
زهرة:صدك راحت عن بالي ليش هسه يله خرااا ببلسيج خوفتيني ما فكرت هيج..
هيفاء:لا لا تخافين انتي مو تكولين حبابين يعني ما يأذوج..
زهرة:ان شاء الله الله كريم..
سمعت صوت وراية صديت لنه هوو واكف و حاط أيديه بجيوبة وصافن عليه..
زهرة: هيفاء اني اروح عود غير وكت واخابرج..
هيفاء:تمام حبيبي،الله وياج..
زهرة:باي..
:سمعت اكو وحدة ما تخاف مني،صدك؟
توترت واحس روحي عرفت..
زهرة:لا اني ما قصدي هيج..
تقدم ناحيتي وكال..
:لعد شنو قصدج يزهيرة؟اسمعج كولي..
كم امتمت مدري شحجي..
زهرة:هوو مو جدة كالت انو تكول الك وإني..
ما كملت لان خفت صار حيل قريب مني رفع أيديه وحطها على حايط وكال..
:ايي كملي..
زهرة: وخرر شوي..
:واذا ما وخر شتسوين؟؟
بعدني ما مجاوبة وسمعت أحد يكوول..
:هااااي شجااايي اتسون؟؟!!
.
.
.
هلا والله يالغالين شونكم يارب تكونون بخير..
هاا شلون قفلة😂😂..
أولاً:شنوو رأيكم بشخصية لابان؟وتتوفعون اله دور قووي لو هيج دور عابر؟
ثانياً:وشنو رأيكم بتصرف ابوو يوسف من راحت زهرة لبيت عمها بدون متكول الهم ضد لو مع؟وليش؟
ثالثاً: تتوقعون شنو سبب خلاف ابوو يوسف ولابان؟
رابعاً:منو الي شاف زهرة وأبو يوسف بهل وضع؟؟
.
وبس والله شاركوني ارائكم جوه بالتعليقات٠
.
.
مودعين وربي يحرسكم ميضيع الي يم ربي 💜.

#للكاتبة:إِيلاف الابراهيمي.