أزهري ||باللهجة العراقية||

البارت|الأخير|~

≤بسم الله الرحمن الرحيم≥

#أزهري...
#البارت|الأخير|~
#ل: إيلاف الابراهيمي.

صلوا على محمد 💜
.
.
.
مشتاق إني إلك...مشتاق إني إلك
ولك قلبي محتام
هاي الأرض ما توسع حنيني
يا همي وعذابي وحركت الروح
كضيت ويا الحزن أجمل سنيني
هم عود إني أشوفك وأكعد وياك
وك أبوس تراب جدمك من تجيني❤
.
.
.
رجعت من المگبرة وإني شايل هم چبير على ظهري..
هواي أسئلة تكرر ببالي بخصوص الحلم..
يعني زهرة مو زينه وابوية ما يريدها الي؟
لو اني مو زين لزهرة؟
منو الي راح تجيني احسن من زهرة؟
كلام الجاهل وراه رسالة؟
احس عقلي وكف من گد ما فكرت..
دخلت للبيت ولكيت امي وجدة جديلة وزهرة يتريكون سلمت وكعدت وياهم على الريوك وإني ما شلت عيوني من زهرة صافن وافكر بكلشي مر وياها من مواقف..
صحتني ضربة العوچية مال جدة جديلة..
إسرائيل:آااخ جدة شبيج..
جدة:بالك وين انه الي شبيه لو انته امك جاي تحجي وياك وانته مبهم..
انتبهت زهرة ضحكت ابتسمت على ضحكتها..
إسرائيل:ها يمه عيدي شكلتي؟
إيمان:اگلك شعندك من الصبح طالع وين جنت..
ما حبيت اكول الها يم گبر أبوية..
إسرائيل:اي مو جانت عندي شغلة گضيتها وجيت..
كملنه ريوك وكامت زهرة تغسل المواعين..
إسرائيل:لعد استبرق ويوسف وين؟!
جدة جديلة:ما تدري بيهم يسهرون وما يكعدون للظهر أحنه نتغده همه يتريكون ومن نتعشه يتغدون ونصاص الليالي يكومون يدورن عشه..
إسرائيل:يمممه انتي عليش هيج منطيتهم مجال مو هاي زهرة تكعد من الصبح من تشوفيهم تأخروا اصعدي انتي كعديهم..
إيمان:يمه يعني شنو اسوي الهم شريد منهم خليهم عطلة خطية ما صدكوا تجي خل يرتاحون..
كمت وإني اخذ بطل مي من الثلاجة..
إسرائيل:هو شنو لگلگهم غير دلالج..
اخذت البطل وصعدت فوك فتت للغرفة مال استبرق اريد اعرف راسها من رجليها ماكو متگمطة بالحاف تگمط جريت اللحاف والحمدلله لكيت راسها طشيت عليها مي بارد ثلج فزت فزة طفرت للسگف..
استبرق:إسرررررائيل عفية شنووووووو هاي..
ماماااااا تعاي شوفي ابنننننج..
كلت ببرود..
إسرائيل:وزرد كومي يله شوفي الساعه راح تصير ب ١١:٣٠ وانتي حضرتج نايمة كومي سويلج شغلة شي بكلشي ما فالحة بس نوم واكل..
راحت وهي تدردم..
استبرق:ياربي شوكت ازوج واخلص من هل البيت والله اول چلب ابن چلب بجي اقبل بي..
إسرائيل: يووول تره اچيچ شهل الحجي..
طلعت من غرفتها رحت لغرفة زهرة لان يوسف نايم يمها..
شفته حبيبي شلون نايم استخطيت اكب عليه المي حطيت البطل على الميز وتمددت يمه من قربت فتح عيونه..
يوسف:بوووووووم..
فززني السخيف كمت ادغدغ بي..
إسرائيل:ها يووول تفززني اني الگ اليوم من الضحك اخليك تسويها على روحك..
يوسف:هههه با ههه بابا هههههههههههههه كاف.. هههه ي هههههههههههههه..
إسرائيل:تسويها بعد يول..
يوسف: هههههههههههههه لا هههههههههههههه والله..
إسرائيل:گول توبة..
يوسف:توووبة هههههههههههههه..
وخرت منه ورجيت نفسي على تاج الجرباية..
إسرائيل:يله كوم بدل ملابس النوم مالتك وخل ننزل..
كام يغسل ويبدل..
إسرائيل:آاااخ شلون مريح الفراش من هذا يوسف لازگ يم زهيرة والله بيها خووش نومه وإني ما نمت الليل كله..
خلص يوسف ونزلنه جوة لكيت استبرق حاطه موبايلها وتشوف مسلسل وتتريك..
جدة:عفية وليدي السبع والله ما تلام بيهم خاسوا من النوم..
استبرق:استغفر الله خلونه ننام شتريدون منه مو يكولون النوم عبادة..
إسرائيل:اي والله الظالم نومه عبادة..
جدة:يول الي بگدج عدهن گوم جهال..
استبرق:ويكعدن من الصبح ينظفن ويسون ريوك لرجالهن وره ميروح يسون الغدة وقبل ما يرجع يسبحن ويسبحن الجهال..
اعرف والله حافظة هل الكليشة..
ضربتها جدة بالعوچية خربنه ضحك عليهن يظلن متناكرات..
.
.
.
انتهينا وانتهى ذاك
وانتهى وقت المذلة والخضوع..
.
.
.
إيمان: إسرائيل ما حاجة لا تروح تفسر الحلم يم شيخ ولا شي مبين الحلم ابوك جاي يگلك عوف زهرة تجيك الاحسن منها..
إسرائيل:يمممه والله راح اتخبل يعني شبيها زهرة وابوي ما يريدها الي؟!!
إيمان:انجب شهل الحجي اكيد ما بيها شي واصلا اني اريد زهرة چنة الي قبل ما انته تريدها زوجة الك بس هو كلشي قسمة ونصيب وزهرة مو قسمتك..
إسرائيل:لا انتو تتخطون لكلشي ومن ما يصير تذوبها براس القسمة والنصيب هم الي ما درس وما نجح نگله والله هي قسمتك تعيد سنه؟!!
لو الي قره وتعب ومن يرسب نگله والله هذا نصيبك هاي هي؟!!
يمممه زهرة اريدها والله واذا هي ما تحبني من اتزوجها تكوم تحبني اني اخليها تريدني..
يممه تعبت والله والي خلق السماء بست ايام تعبت كلشي أريده وأحبه تاخذو مني تذكرين من جنت صف سادس ابتدائي وجنت اكول اريد اصير عسكري شلون غيرتوا تفكيري وحطيتوا ببالي الطب وغيرت حلمي كلت هاي هي الطب احلى..
تذكرين الموبايل الي اشتريته جديد ستوه نازل اخذتوا مني وانطيتوا لابن عمي..
كلشي اتعلق بي تأخذوا مني حتى زهرة راح تاخذوها..
بس عبالج اخليكم لا والله زهرة الي وهي مزروعه بأرضي...
كمت وطلعت من البيت كله..
كرهت الدنيا وكلشي بيها الا زهرة و يوسف املي الوحيد بهل الحياة عايش لاجلهم..
اتخيل اتزوج زهرة ونعيش اني وياها ويوسف ببيت وحدنه والسعادة والحب والاحترام يملي هل البيت وتصير زهرة حامل وتجيب الي بنيه عدها مثل عيون امها..
اي زهرة الي وما راح اخليها تصير لأحد غيري..
هي ابوي خطبها الي قبل لا يموت الله يرحمه ليش هسه عارض وأجاني وهو مو قابل..
زهرة ليش ما رجعت الي خبر لحد هل اللحظة؟!
توجهت لگهوة عادل لان دائما اروح بيها ارتاح هناك..
فتت وكعدت طلبت جاي جابوا الجاي ضليت صافن عليه حتى ما شربته ما الي نفس..
احد جر الكرسي المقابيلي وكعد..
باوعت عليه عطت عليه..
إسرائيل:هيييي انته منو سمحلك تكعد..
لابان:اعصابك دكتور شبيك،بس جيت اكلك شي وحطه ترجيه بأذنك..
زهرة راح اخذها تعيش يمنه ابوك ومات الرب واليسوع يشفعون اله ما الها داعي ظلتها عدكم..
حسيت نار وشبت بداخلي بس حاولت اكون هادئ..
اخذت الجاي وشربت منه وسويت صوت وخرت الاستكان من يم حلكي وكلت بصوت وطريقة مستفزة..
إسرائيل: وانته من گالك زهرة تقبل تعيش يمكم؟!
سألها انته اذا تقبل تعيش يم كفرة لو لا؟!
ضرب الميز قوي وگام..
لابان:اشوفك يا دكتور اشوفك بسيطة..
.
.
.