أزهري ||باللهجة العراقية||

البارت|الثاني والعشرون|~

≤بسم الله الرحمن الرحيم≥

#أزهري...
#البارت|الثاني والعشرون|~
#ل:إيلاف الابراهيمي
.
.
.
ومن فرط عشقى لك ..
اعتنقت حبك " مذهبآ " ..
وفى محراب عيناك " أقمت صلاتى " ..
وجعلت شفتاك " كتابى المقدس " ..
وبين يداك " أكملت دينى "
.
.
.
إسرائيل:انته شنو من حقاره شايل لخاطر ربك..
لابان هذا مو انته اكثر من اربع سنوات اعرفك ما مره شفتك هيج..
تقرب مني همس يم اذني..
لابان:اني الي يتقرب من احبابي ويأذهم اگلب وحش..
إسرائيل:بس اني ما سويت شي بعدك ذيج السالفه ببالك..
ابتعد وهو يحرك حذائه بالكاع ويضرب الحصو..
لابان:لا تأخذ دور الضحية تره ابد ما يلوك الك..
وزهرة راح اخذها وگدام عيونك هم گول لابان ما گال..
عطت بي..
إسرائيل:خريط لا تخرط زهرة بنتنه واحنه ربيناها واصلا منو گال زهرة تريدكم..
لابان: هههههههههههههه حتى لو اني راح اخليها تريدنه..
عافني وراح رگب سيارته غمزلي وحرگ..
احس شي خنگني كعدت على رگبي وإني احاول اتنفس اليوم زهرة حالتها تأزمت اكيد ما راح تقبل بيهم واصلا خايف عليها ترجع الها الحاله النفسيه..
واحنه يله يله طلعنها منها ورجعت طبيعي وتدرس..
كمت وإني انفض التراب من ملابسي فتت للبيت تلاكني يوسف..
فتحت اديه اله واجاني يركض حضنته..
إسرائيل:شلونه البطل مال ابو..
باوعلي بخوف وگال..
يوسف:بابا اني خايف على زهرة خاف..
ما خليته يكمل حضنته قوي وحجيت وإني احاول اهدي..
إسرائيل:اااااش حبيبي لا تحجي هيج ما بيها شي هسه باجر تشوف..
يوسف:صدگ بابا..
إسرائيل:اي يروح ابوك..
اي هي هسه نايمه؟؟
يوسف: اي ويمها عمه استبرق..
إسرائيل:هاا لعد خليهم ياخذون راحتهم..
وانته تعال يمي نام مشتاقلك كله تنام يم زهيرة وعايف ابوك..
ضحك وگال..
يوسف:لو تسمعك زهرة تكول زهيرة تتخبل..
ضحكت كدته ورحنه للغرفة بدلت ملابسي وانبطحت على الجرباية وهو بصفي نام على ايدي وإني مرتاج على چسعي والعب بشعرة..
حسيت بخنگة قووية كمت وإني اگح شوي وراحت ما ادري ليش تخيلت زهرة بالفستان الابيض وابوي يزفهه ل لابان وإني بس اتفرچ..
حسيت هل السيرة ذبحتني من الوريد للوريد كمت ابچي وإني ما احس اعرف صعب على الرجال انو يبچي وعيب عليه بمجتمعنه بس تره الرجال عنده مشاعر ويحس ليش ما يبجي ليش يگبت بداخله حتى بعلم النفس البكاء يفرغ كل الطاقة السلبية كلها والشخص الي من ينقهر ما يبحي يصير بي امراض اكثر من الشخص الي يبجي من اني وصغير من اضوج ما اضم بگلبي اكعد وحدي أفرغ حزني بالدموع وامسح دموعي واكوم ما اخلي أحد يشوفني مو علمود استحي لا بس علمود ما يكولون ضعيف ويشفقون عليه..
مسحت دموعي ورجعت حضنت يوسف ونمت..
.
.
.
أيتها البعيدة عن عيني
الحاضر بقلبي
اطمئن يا كل عمري
فمازلتي تقاسميني اوقاتي
تسكن نبضاتي ....
تشاركني لحظاتي
ممتلئه بك ذكرياتي
وكيف لا اعيشك
وحبك اغلا من حياتي
يا اول من نبض قلبي بحبها...
بآهاتي ..بألامي ... بأحزاني
ايها البعيـــدة القريـــبة ...
ايها الحاضــــرت الغائــــبه ....
اطمئني ... فانتي نبض حياتي.
.
.
.
صعدت وطبكت الباب مال السيارة قووووي..
استبرق:يمممه خوفتني شبيك..
كلت بعياط وإني اسوق واضغط على الاسترين قوووي..
إسرائيل:ما شفتي مكياجها ولبسها والبنطرون ضيگ..
يعني هو هذا لبس تطلع بس كدام العالم والله حرام وعييب..
استبرق: إسرائيل تره زهرة جاي اطلع حرتها هيج ما تشوف هي البارحة عرفت بأهل ابوها واليوم هيج لابسة خليها لا تضغط عليها..
اصلا انصدمت من شفتها هيج كلت يجوز اصلا بعد ما اداوم عوفها على راحتها هي راح تراجع نفسها..
سكتت على اعصابي صح كلام استبرق راح احاول اعوفها هل الفترة ونشوف شلون بعدين نتصرف وياها..
العالم والمصايب والمشاكل كلها بچفة وزهرة وعنادها ورأسها اليابس بچفة أخرى..
وصلت استبرق للكلية وتوجهت لعيادتي..
فتحت الباب وفتت تلاكني السكرتير..
محمد:اهلا دكتور..
إسرائيل:اهلا بيك محمد،اي شكد عدد المراجعين اليوم..
محمد:خمس مراجعين واحد دكيت عليه وكال مو اكيد انو يجي واذا اجه يصيرون سته..
إسرائيل:خير ان شاء الله،من يجي مراجع دك الجرس..
محمد:أن شاء الله دكتور..
فتت للغرفة مال المراجعين فتحت موبايلي وكعدت اتصفح بي..
دگ موبايلي رقم غريب اني دائما ادك عليه ارقام عربية عادي بسبب شغلي مو دائما احفظ الارقام جاوبت اجاني صوتها اي ما ناسي لحد الان بس هي الي غلطت اني ما وعدتها بأي شي..
:اهلا دكتور اخبارك،عرفتني مو؟!
حاولت اكتم اعصابي وما انفعل..
إسرائيل:خير شكو داگة عليه اظن ما بينه اي شي يخليج تتصلين بيه وانتي بنيه خافي على سمعتج..
كلت بضحكه واستهزاء..
إسرائيل: هههههههههههههه ولو انتو كلشي عدكم عادي فأكيد انتي ما تخافين على سمعتج..
كالت بعياط..
:احتررررررم نفسك واعرف ويامن تحجي اني اشرف راسك وراس اي واحد يجيب سيرتي..
رجعت كملت بشماته..
:هاااا صدگ كتلك راح تطلقون وشوف طلقتكم وما راح اخليك تتهنى بحياتك يا إسرائيل ما اريدك اني طابت نفسي منك وإني ما أخذ فضاله أحد بس ما راح اخليك تشوف يوم حلو بحياتك..
نسد الموبايل بوجهي حاولت ارجع اتصل بس يطلع الي مغلق..
حطيت راسي على الميز وإني احس راح ينفجر منين طلعتي الي منينننن..
من وين ما اتجهه عووجة ومسدودة بوجهي ما اذكر بحياتي كلها اذيت نملة لعد ليش هيج جاي يصير وياي من دخلت على حياتي كلشي خربته..
ما جان بينه بس الشغل بس كدرت تدخل شوي شوي لحياتي الشخصية لحد ما صارت صديقة مقربة بس هي حللت هل العلاقة غير شي ببالها ومن كلت الها احب وحده واريدها من يومها بدت تخرب كلشي عليه...
اذكر اول يوم شفتها بي..
.
.
.
إسرائيل:تمام لابان مع العلم اني ما اشغل أحد ما عنده شهادة جامعية بس يله هاي علمودك..
لابان:اي تسلم والرب بلگي تخلصني من نگها خبلتني اريد اشتغل واريد اشتغل..
عود شغلها كم اسبوع واذا ما عجبك شغلها اطردها..
إسرائيل: هههههههههههههه لا أن شاء الله تطلع خوش تشتغل..
لابان:ما اعرف بعد جربها..تره هي طلعت من البيت يجوز على جيه..
إسرائيل:أها تمام لعد انتظرها..
سديته من لابان وضليت انتظرها..
شوي واندك الباب مال غرفة المراجعين..
إسرائيل:تفضل..
جنت مدنك واسمع طكه كعب مال بنيه رفعت راسي شفتها وجانت هاي اول مره اشوفها..
عيون مبطنه لون عسلي،خشم صغير،حلك صغير مدور،شعر طويل لحد ظهرها لون نحاسي،قامة مشووقة وطويلة..
كمت طلعت من وره الميز ومديت ايدي..
إسرائيل:اهلا دكتور إسرائيل طبيب نفسي..
إيلنور:تشرفت بيك اني إيلنور طالبة محاسبة مرحلة ثانيه..
كعدنه وحجينه شوية وعلمتها على طبيعه الشغل شلون..
حسيتها اجتماعية وراسا اخذت عليه وهم جانت ذكية بسرعة بدت تشتغل وتعلمت لطبيعة الشغل..
.
.
.
فزيت على دگة محمد للجرس ينبهني انو اكو مراجعين عدلت كعدتي شربت مي مسحت وجهي وحاولت ارجع طبيعي وبديت استقبل المراجعين واحد وره الآخر..
.
.
.