≤بسم الله الرحمن الرحيم≥
#أزهري...
#البارت|الرابع والعشرون|~
#ل: إيلاف الابراهيمي.
صلوا على محمد 💜
.
.
.
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني
نهر طولك عذب صافي ويرد الروح
وأنه الميت عطش وبگطره ترويني❤
.
.
.
عدلت كعدتي لان جنت متمدد ومن كعدت اتأذت ايدي المچبسة..
إسرائيل:آاااخ،يمه صدگ تحجين السالفة راحت وصار الها زمن طويل شنو الي ذكرهم هسه يهددون؟!
إيمان:والله ما ادري إسرائيل ولد الحرام هوواي ما يهمهم شكد مر زمن ما تشوف شجاي يصير بينه من كوارث وحوادث بسببهم..
حسبي الله ونعم الوكيل بيهم يارب..
يمه قنع ابوك نسافر بره العراق كم سنه بين ما ينسون ونرجع إسرائيل ما مستعده اخسر ابوك گلبي ما يتحمل فراگة والله..
إسرائيل:اسم عليكم يمه لا تحجين هيج اني راح احجي وياه وأقنعه لا تخافين أن شاء الله خير..
كامت امي من يمي وإني الخوف سره بداخلي..
صدگ ابوي جان دكتور عسكري بدور صدام حسين بس هو عاف شغلة من يوم السقوط شذكرهم هسه وفتح محل صغير يسترزق منه وكبره ما شاء الله وحتى بطل شغلة بالمجال الطبي..
وانوب اسمه صدام اكيد راح يگيدون ربي سترك علينه واسترنه..
.
.
.
:ارفع رجلك فوگ،تمام عفية،ايدك سوي بيها حركة الدولاب..
تمام تمام..
الحمدلله خوووش جابرة الايد والرجل حتى بالأشعة واضح هل الشي..
إسرائيل:تسلم دكتور..
:عندك الصحة والعافية أن شاء الله..
طلعت من يم الدكتور وإني مرتاح لان واخيرا شلت الچبس..
ضليت افتر بالشارع لان من يوم الي سويت الحادث وإني ما طالع..
وصلت قريب يم محل أبوية تذكرت كلت لازم احجي وياه وأقنعه..
إسرائيل:هلا بووية..
صدام:لك هلا بوليدي اكعد اكعد..
كعدت وصبلي ابوي جاي انطاه الي..
إسرائيل:ما اشرب جايك اله تكول سالفتك مكضية..
صدام: هههههههههههههه ها يول متعلم سوالف الشيوخ..
إسرائيل:اي شعبالك بوية..
صدام:دشرب اشرب يمعود هسه يبرد أن شاء الله مكضية..
صدگ شربت الجاي و اني اسأل ابوي على الشغل شلونه واخذتنه السوالف..
إسرائيل:اي بوية شنو هل التهديد الي چايك..
هو انصدم ضرب على فخذه وعض إصبعه..
صدام:آاااخ يل نسوان ما ترگد بحلگهن سالفة وهاي عود اني موصيها..
إسرائيل:ها يعني جنت ما ناوي تكول بويه تره السالفه خطيرة ومو مال عرض عضلات اني اكول نسافر كلنه سنه سنتين ومن تهدئ السالفة نرجع..
عمي احسبها ونسه لا تحسبها هچرة..
صدام:لا تخاف وليدي ذولي جهال الي يهدد ما يسوي شي..
الي يريد صدگ يفوت راسا بسلاحه يضرب چيلة بصدري والله يرحمني..
لا من شاف ولا دره لان حتى المحل ما بي كاميرات..
إسرائيل:اي يا بوية هي أشارة من ربي الله يحبك وخلاهم يهددوك علمود تكون إشارة انك تطلع من العراق..
كال وهو يلبس نظاراته ويددق بسجل الدين..
صدام:وليدي توكل للبيت عندي شغل..
وما اريد هل السيرة تنفتح انوب لا والله يصير شي مو زين اذا كل واحد تهدد عاف بيته وطفر چا بوية محد ظل بالعراق..
توكل روح للبيت توكل..
طلعت وإني جنت عارف انو ابوي ما راح يقتنع بس ما راح اسكت واستسلم لازم اقنعه لان مبين ناوين على شر الله يبعد عنه كل شي مو زين يارب ويطلع صدگ حجيه انو لعب جهال..
.
.
.
إيمان:آااااخ من ابوك هو من يومه رأسه يابس اله يوگف گلبي من وراه يله يرتاح..
إسرائيل:يمممه اسم الله عليج شهل الحجي،ان شاء الله كلام ابوي صحيح وماكو شي صدگ الي يهدد ما يسوي شي..
ضربت على صدرها وگالت بحرگة..
إيمان:لك وهذا گلبي الي صاير جمر عليه شيقنعه لك اني من يوم الي گالي ابوك على التهديد لا ليلي ليل ولا نهاري نهار..
كل ما يدگ الموبايل افز اكول خاف صار اله شي..
انته وابوك راح تخبلوني وتشلون حالي اله اموت ناقصة عمر يله ترتاحون..
فزيت من مكاني وإني احضنها..
إسرائيل: حبيبتي انتي اني اقنعه لا تشيلن هم بس لا تضلين تحركين بدمج واعصابج فايرة كولي يا الله ليش تفاولين بس اهدئي وكلشي أن شاء الله محلول..
سكتت شوي وكامت..
إيمان:اروح يم جدتك خطية وحدها وانته خابر ابوك شو تأخر..
إسرائيل:لا تخافين هسه ادگلج على حبيب الگلب هههههههههههههه..
إيمان:انجب ادبسزز صاير حيل..
ضحكت عليها راحت هي وإني دكيت على ابوي..
إسرائيل:هاا يابه وينك انته..
صدام:جاي بالطريق،ليش محتاجين شي؟
إسرائيل:لا والله بس امي خبصتني دگ شوف ابوك وينه شو تأخر..
صدام: هههههههه لا جاي هسه لا يظل بالها،يله في امان الله..
إسرائيل:في امان الله..
طمنت امي ورحت لغرفتي كلت اسبح قبل ما يجي ابوي و يصبون العشة جاي احظر بملابسي دگ موبايلي ذبيتهم ورحت اشوف منو قبل ما اشوف المتصل انقطع الخط فتحت الموبايل دا اشوف منو وصلتني رسالة..
💭:روضت المهرة وهسه هي للخيال جاهزة بأشارة مني أخذها بس اني اريد اخذها كدام عيونك مثل ما وعدتك راح اخليك انته تسلمها الي بفستانها الابيض واذا حجتها الدين فاني اسلم على مودها لان كلنه نعبد الله ما عنده طائفية وعقد نفسيه مثلك يالمريض تذكر من اختي نامت مستشفى ببسبك رادت تنهي حياتها اني راح اخليك انته تمر مثل الي مرت بيه والرب ما ارحمك يادكتور مثل ما انته اذيت اختي وإني رفضتني وهنت كرامتي راح اشربك من نفس الكأس الي شربتني منه،بس انتظر وشوف بعينك..
رجفت ايدي من العصبية ضغطت حيل على الموبايل لابان،لابان،لابان،وين ما اروح اشوفه حتى باحلامي صار يطلع الي كرهته كره العمى ولو كان القتل الحلال لقتلته..
دكيت عليه مره ومرتين وثلاثة وما جاوب بالرابعه طلع الي مغلق..
إسرائيل:وين تريد تروح مني الزمك الزمك واخليك تنسى شي اسمه زهرة لان هي زهرتي،زهرة إسرائيل..
.
.
.
بوية حطمت العمر لمن مشيت
شنو وكفت بس عليك المگبرة!
هي هيج الماله ابو يحس بالضياع 💔
اخلافة ضايع والحجي يا مكثرة
بوية حطمت العمر لمن مشيت
شنو وكفت بس عليك المگبرة!
ما كلت عايف بهل الدنيا يتيم
ما حسبت الزمن خاف يخسره
سره لازم على الفرح والدنيا ليل
طلعوني وخربوا حتى السره
جنت اول واحد يعيش بأمان
وهسه تقريباً صرت گبل الوره
بوية ما اوصف وضعي من أعثر واطيح
چني طفل توي متعلم تره💔
أنت تقرأ
أزهري ||باللهجة العراقية||
Storie d'amore🔴{مكتملة} من انا؟!انا التي سخرت لها الأقدار حياة غير الحياة العادية... من انا؟!هل انا اللقيطة، ام اليتيمة، ام المتشردة، ام انا فرد زائد في هذا المجتمع ليس لي اي فائدة أن مت ام عشت... اشتقت ليس لاحبتي الذين فارقوني، بل اشتقت لروحي الضائعة اريد ان ار...
