SCS (Salaksa Carita Sunda)

Diet

"Kieu dongengna Ceu Oy...cariosna nuju Rebo teh ngagodog tulang daging si dom-dom. Biasana ge tara naon-naon. Sonten eta mah bet rieut. Enjingna ka dr Prian."
"Kumaha saur dokter?"
Barabat wè Zsa Zsa ngadongèng, "Saur dokter teh....Zsa tuang naon?"
Seuri we. Can ge ngawaler...
dokter nyaur kieu  ".... teu kenging mam sangu 3x sehari. Sakali bae. Eta ageung teuing salira."
"Lapar atuh dok."
"Abdi ge sarapan quaker O bae. Neda sangu sadinten sakali wè."
"Kumaha pami lapar?"
"Buah-buahan bae atanapi lalab-lalaban sareng sayuran. Lalawuhna beubeutian nya. Lirèn tuang  daging hewan berkaki 4."

"Euleuh. Mangkaning dikau mah seneng pisan sarupaning nu asalna tina domba." Ceuk Ooy.
"Puguh gè. Dongengna tèh dokter gè 70 kg turun. Ayeuna  stabil 58-59 kg sehat."

"Ayeuna kumaha? Nurut ka dokter?"
"Kemis....Juma'ah abdi nurut.
Tadi enjing mah sudah melanggar...da sorabi deui ènjing-ènjing tèh. Janten nu diposting tadi  sangu jatah makan Zsa sore ini."

"Puguh Ooy gè tambah geulis meureun nya mun langsing. Tapi ah...Oy mah moal dièt da seksy kènèh kieu bohay."

"Kateuing atuh, da dokter tèh sigana anèh ningali Zsa bleg-blegan tambah baè jimblem. Panjang nasehat bilih nu bade nurunkn berat badan diet nasi. Gentos ku havermout. Mencegah penyakit gula, jantung, jsb. Pokona makan sehat."

"Sok atuh cobian."
"Pan tadi neda sangu sakitu tambih koneng ngora sareng randa midang dicoel sambel. Ampela wè dua."

"Enjing havermout?"
"Muhun. Ngan tadi tèh aya putra pun adi nu jadi mantri ngawèa.."Ua, ningal tuang sareng naon?"
Difotokeun we eta nu tadi.
"Pokna tèh kieu, Atuh Ua, teu kenging sarupaning jeroan mah. Geuning eta ampela nya Ua."

"Kapan Ua bilih kirang gizi."
"Dagingna Ua. Teu kenging kulit sareng jeroan."

Tos emam eta teh da lapar, teras we....go food rujak kangkung jeung jaer bakar atawa beuleum jaèr ceuk ema mah ti rujak kangkung Cibingbin. Nembe wareg."

"Disanguan?"
"Nya....saeutik. Da lada rujakna."
"Atuh rewog èta mah dièt tèh."
"Da tadina gè dipariksa naèk tènsi sanès badè dièt. Ngan saur dokter saèna dièt ogè da katingal rada subur."

"Jadi kumaha ayeuna?"

"Itu lebar sakilo deui daging domba ti Ceu Aah kenging pesen. Da nembe tulang dagingna baè nu dipasak mah."

"Mamah, wayahna lirèn heula." Jol tèh putrana.

"Siaplah. Da kumaha baè gè tungtungna mah bismillaah kumaha urang baelah. Keun baè rada montok saeutik mah asal sèhat."

Ooy seuri ngabarakatak. "Sugan tèh enya rèk nerus dièt." Pokna bari satengah nangtung ngarongkong papais koci.