Kawasna mah pèdah umur nu kahijina mah kunaon Bu Ati sok disebut ambu. Tempat gawè tèh lir kulawarga wè. Nu rumasa umurna rada undak, wayahna mun katelah ema, euceu, ètèh, mimi, mamih, rupa-rupa wè. Aya èta gè nu katelah bunda atawa umi. Kahayangna èta mah komo. Nu ngarora mah mèh prat ditambahan enèng. Aya nu disebut enok da ti leuleutikna enok baè. Boa nepi ka kolot enok baè.
Ieu mah wungkul ngobrolkeun ibu-ibu da asana teh bapa-bapa mah asa ukur bapa, akang jeung ayi. Utamana nu ahèng mah ambu. Ambu Ati tèh geulis, saregep masak, ngaput, ngarenda, nyieun kueh, nyieun opak, raginang, asana tèh sagala bisa. Nyupiran gè jago. Ngan hiji, sakapeung sok lèngotan.
Saperti poè ieu. Kumaha bisa hilapeun pisan nunda motor? Sidik koncina aya dina tas. Tempat parkir ukur dua tempat, hareupeun ruang guru jeung gigireun ruang tata usaha. Geus ngahinghing baè da motorna teu aya di ditu di dieu. Hapèna deui teu kapendak. Padahal ditelepon teh aktif.
Guru-guru tingkuciwes boa leungit kieu mah sanajan aya satpam gè. Lain ukur helm atawa jakèt nu nyampay na motor jiga jaman can aya satpam. Ayeuna mah motor gè leungit. Kumaha deui da satpam kèkèrèwèngan gegebes teu aya tamu nu teu katalingakeun gè da puguh teu aya motor ambu.
Antukna jam tilu mah dianteurkeun ku Pa Agung teu tèga diantep kana umum. Malah kuring gè nuturkeun jeung sababaraha urang guru kana motor boncengan. Rèk lapor pami tos salin cenah mah.
Nepi ka bumina, èta ambu, hariweusweus mènta hampura bari alhamdulillaah sababaraha kali. Motor aya di garasi. Horèng tadi tèh diboncèng ku carogèna. Hapèna aya dina korsi. Gusti, ari Ambu Ati.
KAMU SEDANG MEMBACA
SCS (Salaksa Carita Sunda)
Short StoryKumpulan cerita fiksi mini Bahasa Sunda. Gado-gado beraneka ragam. Kalau ga baca rugi ...hè maaf. Paling tidak, coba dèh baca. Bahasa Sunda itu seru. Hi hi hi....itu kata aku sih orang Sunda.
