Lagu angger, ruang riung jeung dulur sok rèa wè dongèng jaman keur budak.
"Pantes wè Arka mah ayeuna jadi bos gè da keur budakna dahar duit."Ceuk Dani.
"Kumaha nya harita teh?"
"Dadaluan tas jajan, ari saku baju bolong. Duit sapuluh perak deui digègèl."
"Terus kumaha."
"Poho wè da lulumpatan. Sadar-sadar dadaluan geus anggeus. Duit nu digègèl bet euweuh. Na iraha kaseglongna? Duka teuing." Arka seuseurian.
Harita Mang Ajud jeung Bi Anah bingung, sabab Arka kasèglong teu karasa ku kencring sapuluh pèrak. Lah lain kaseglong, neleg êta mah. Atawa kateleg teu kahaja.
Aya nu mapatahan cenah mun budak miceun wayahna kudu ditandèan ku ayakan, terus dibanjuran diayak sugan èta kencring kaluar.
Mèh unggal waktu Arka dititah baè dahar gedang. Bèh kadorong hayang miceun baè.
"Mbu, atuh bosen emam bae gedang." Ceuk Arka ka ibuna.
"Wayahna, bèh artosna tèrèh kaluar,"
Atuh puguh wè, Arka jadi hayang baè dahar gedang da disebutkeun bèh tèrèh kaluar tèa.
"Kumaha tah harita tèh duitna kaluar teu?"
"Kaluar aya. Duka poho deui poè ka sabaraha nya. Ni geus kesel nagog baè luhureun ayakan."
"Cacakan bijil deui jadi bos. Komo mun teu bijil deui nya."
Barakatak sarèrèa seuri. Duh...sok aya-aya baè kajadian tèh.
#edisipendakjeungputramamang#
KAMU SEDANG MEMBACA
SCS (Salaksa Carita Sunda)
Short StoryKumpulan cerita fiksi mini Bahasa Sunda. Gado-gado beraneka ragam. Kalau ga baca rugi ...hè maaf. Paling tidak, coba dèh baca. Bahasa Sunda itu seru. Hi hi hi....itu kata aku sih orang Sunda.
