Bisaya One Shot Stories

Entry #11

"Lodi tarunga baya unya ha? Kanang modaug jud ka!" Dasig kaayo nakong sulti sa akong idol sa boxing dayon gipikpik ang iyang abaga.

"Syempre, basta taga-Nangan kusgan!" Nisumbag-sumbag pa siya sa hangin pagpakita sa iyang abilidad.

Nidagan ang mga oras ug sadya kaayo ang pista diri sa baryo nga among gisuruyan.

Nakita nako si idol gapaniudto'g biku ug pansit sa gawas sa balay sa iyang amigo.

"Lodi! Lodi! Lodi!" Singgit nako samtang nisulod siya sa ring para sa ilang away.

Nasaba ang tibuok gym ug dungog kaayo ang tingug sa ilang mga sumbag.

Unang nasumbag ni idol sa kilid ang iyang kalaban.

Yooown!

Dayon nigakos ang kontra ug nagpadayon ang ilang laban human sila gibulag sa referee.

"Oooooh Noo!!" Nalaparo nako akong agtang ug nakatindog ko'g ahat sa dihang kusog ang hunat sa kalaban nga gisumbag ang kuto-kuto ni idol ug sa kalit lang nawad-an siya'g balanse.

Nigawas gikan sa iyang baba ang tag-as pa kaayo nga pansit ug nikalat kini sulod sa ring.

Aguyyyy aguy aguy! Sayanga sa pansit uy! Maayo pa'g giputos to'g selpun--selopin puno--ug gidala niya sa ilaha. 

Busog pa ilang pamilya akip pa ilang iro.

So mao to, nigawas ko sa gym nga minghoy kay nalurong ug wala kabakod akong idol.