Bisaya One Shot Stories

Entry #21

"Okay classmates, karun magpili sad ta kung kinsay atong Escort. Siya ang mahimo natong representative sa Mr. Fit pag Nutrition Month!"

Announce sa among elected nga class President.

Ayay, kani kay si crush jud akong i-nominate.

"Mga babae lang ang pwede mo-nominate. Sige, sugdan nato."

"Pres! I nominate Joshua for escort!" Tindog ug singgit dayon nako sa iyang ngalan.

Nilingi ko kang crush ug ningisi nga gikilig kaayo ko kay nagkatinan-away mi.

"Woy dili ko! Dili lagi ko ganahan mag-escort!" Pag-disagree pa niya.

"Bisan ako ang muse?" Mas nidako akong ngisi sa iyaha pero mugtok gihapon iyang dagway.

"Bisan pa! Dili jud ko mag-escort!" Pagdabog pa niya nga kasab-onga'g bukag ang simod.

Ka-cute jud niya mangluod uy.

So ang ending, wala jud siya ma-escort. 

Hays. Sayang akong kagwapa kung dili lang man gihapon siya akong escort.

"Mamsh si Joshua oh, imong crush!" Gikuhit ko sa akong amiga ug gitudlo si crush nga gainusara'g kaon sa pikas side sa canteen. 

"Agiik! Kagwapo jud niya no? Tan-awa ra gud iyang dimples oh!"

Gikunot pa sa akong amiga ang akong kilid kay nisinggit man ko'g pinatago sa kakilig.

Nagngisi ko nga nagtutok lang niya, ginabantayan tanan niyang lihok.

Ug sa dihang pagpaak niya sa burger kay natangtang bitaw ng iyahang mga ngipon.

Jusko! Nakapustiso man diay akong crush!

Pirteng hikihiki ug katawa akong mga amiga sa among nakita labi na paglingi-lingi ni crush kung wala bay nakakita dayon gibalik ug suksok ang iyang pustiso.

"Tara na mamsh. Nawad-an na ko'g gana mokaon." Hagad nako ug nitindog na.

Paggawas namo sa canteen nagkatinan-away ming tulo ug sa kalit, dungan mi nga namuot ug katawa.

Mga amaaaaw!