Bisaya One Shot Stories

Entry #13

"Ma! Ma! Naa na koy uyab ma!" Syagit nako padung sa iyaha ug timing nga gaestorya silang ninong sa gawas sa balay.

Nahitan-aw silang duha nako nga kurat pag-ayo ang nawong.

Nakangisi ko sa akong hunahuna.

"Si kinsa man pud na?" Pinataas nga pangutana ni mama.

"Si Blake ma! Dia oh makig-estorya daw siya nimo para formal nga mananghid." Giduhol nako sa iya ang phone.

Actually, gusto lang jud nako i-prank si mama.

For sure epic fail jud na iyang reaction kay unica hija gud ko so pinangga jud.

"Unya kanus-a man nimo bulagan akong anak dong?" Gahinukbo ug gaabot pa ang kilay nga pangutana niya.

Kung tinuod pa lang jud uyab mi ambot na lang.

Magligid-ligid guro ko'g agik-ik ug katawa.

"Dili man nako biyaan imong anak ante. Gugmaan man ko kaayo sa iya. Pramis!" Tubag sa akong ka-chat nga kakontsaba sa prank nako.

"Asuus! Na hala. Paghigugmaay na lang mo ha? Pero skwela sa para dili ninyo pakan-on ug dinung-ag yuta ug pinabukalang bato inyong mga anak ha? Kbye." Gibalik dayon ni mama akong cell phone ug gangisi nitan-aw nako.

"Makisanaol na unta ko nak kaso naa na man sad koy akoa. Di ba pre?" Namula ang nawong ni mama nga nitan-aw kang ninong.

Whaaat?! 

"Ninong! Ingun ka ako ra imong gihigugma? Kanus-a pa mo nagtraydor nako?" Gilaparo nako ang aping ni ninong.

"Ikaw ma! How dare you para mopatol sa laki nga naa nay uyab?" Suko kaayo ko kang mama.

Nitalikod dayon ko ug nisulod na sa balay.

"Ako ang nag-una nak! Dili ka matawo sa kalibutan kung dili tungod sa tabang sa imong ninoooong!"