Bisaya One Shot Stories

YOUR ANGEL, FOREVER

"AAAAAHH!!"

Singgit nako sa kasakit sa dagom nga gitusok sa babae sakong bukton. Gigunitan ko sa duha ka lalaki maong di nako halos kalihok arun molikay. Tanan kusog ako nang gigamit pero mas kusog jud ilang pwersa. Nalamba akong lubot sa sawog sa pagpugos nila nga magpuyo ko.

"Josh tabangi ko! Pasabta sila, moo please!" Naghilak nako while nangayo'g tabang sa iya pero worried kaayo iyang nawong nga nagbarog, nagtan-aw ra nako. Sige ko'g pangayo ug tabang niya hangtod sa nawad-an na ko'g kusog apil akong mga pilok nibug-at na pag-ayo ug nipiyong. Nakabantay ko nga naay nihikap sakong buhok maong akong gibuka akong mata.

"Moo.." I felt so relieved nga gwapo niya nga nawong dayon niya akong nakita. I smile at him ug mao pud siya nako. "I love you, moo.. I will love you forever." Matud pa niya samtang gihikap akong aping. Akong gigunitan iyang kamot nga naa sakong nawong ug gi-enjoy ni nga time nga kanunay mi kuyog.

"I love you so much.." I replied nga nagpatulo sa iyang luha. Mura'g kagahapon ra nga nagkauyab mi ug hangtod karun staying strong gihapon. Mao bitaw nga di na ko matingalang ilang tan-aw nako nabuang na. Yes, buang na ko. Buang na kaayo sakong nag-inusara nga moo, akong Josh.

Ang di lang nako masabtan nganu di sila kasabot nako. Dili sila motuo nga naa kanunay si Josh. In fact, uban na gani mi ug puyo bisan diri sa akong kuwarto. Dili sila motuo nga magtapad gihapon mi'g tulog ni Josh inig ka gabii. Dili sab gihapon sila motuo nga buhi pa kaayo akong uyab.

Maghinungitay inig kaon, magtinandayay inig tulog, maghagwa buntag kutob gabii ug mag-inunhanay pa sa banyo kung kinsay una maligo. Binuhatan man na sa buhi di ba? So dili jud patay akoang uyab.

"Josh, anak, wala pa lagi ka matulog?" Nilingi mi kang mama nga nisulod diay sakong kwarto. Oh di ba, buhi kaayo akong moo? Kita gani si mama sa iya. Ni-kiss siya sakong agtang, nibarug ug niduol kang mama. "Balik ra ko, ma. Palihug pahulata sa siya nako, ma."

Hinay ang tingog nga sulti niya kang mama nga mura'g naghilak. Grabe jud ko ka-love aning akong uyab uy. Malayo lang na siya nako maguol na dayon siya. Mura dayon ug dili nami magkita ug balik.

Gipikpik lang ni mama iyang abaga ug nilingi pa siya'g balik nako. Ni-smile siya ug ako pud then nawala na siya's akong panan-aw. Unya ni sunod na sab ug gawas si mama.

"Apo, kamusta na man imong paminaw?" Pangutana ni lola nga naglingkod na tapad sakong higdaanan. Wala ko motubag. Wala gihapon ko sa mood kay duhaon na ka adlaw nga wala miuli diri si Josh. "Kinahanglan nimo magpahulay, apo. Oras na..." Nitakilid ko ug higda para motalikod sa iya ug napa-pout.

"Hulaton nako si Josh diri, la. Una na lang ug katulog kung gusto nimo." Pagputol nako sa iyang gisulti. Gisungutan ko kay hangtud karun wapa nibalik akong moo like what he promised.

Nakabati ko nga niginhawa ug lawom si lolo unya gigunitan akong braso. Nagtalikod gihapon ko sa iya ug naminaw lang sa iyang sulti.

"Madawat ra lagi nimo, apo.. di pa lang siguro sa karun." Wala ko motubag ug nag-cross arms na lang sa kasungot.

Pagkabati nako nga nisirado na ang pultahan nilingkod ko sakong higdaanan. Nisiga ug ahat akong mata sakong nahinumduman.

OMG!

April 16 man diay run! Today's our 7th anniversary sakong uyab! Mao siguro nga wa siya pakita sa nako kay naa siyay surprise. Why did I forget about this big day?

Napahigda ko ug dali-dali pag-abli sa pultahan ug nipiyong.

"Moo..." Bati nako sa tingog ni Josh pero feel nako murag naghilak man siya. Pila pa ka times nga murag nisinghot siya nga mura'g gisip-on. Pero kebs ra, gisungutan pa baya ko's iya.

"Moo..." Pagbalik pa niya nga mura'g nagpakiluoy pero wa gihapon ko nibuka. Paluod-luod sa gud ta panagsa hahaha bisan luod na ta daan. Nigunit siya's akong kamot nga nagkurog.

"I know m-mata pa ka.. S-soryy.. kung wala ko ka..uli diri gahapon. Medyo na busy lang man gud imong bana.. S-sorry..." Kiligon na unta ko pero naglibog ko kay mura'g naghilak man jud iyang tingog. Pero sige ra, moo. Apology accepted man gihapon, ang importante miuli gihapon ka sa ako.

Ako na untang ibuka akong mata kay naa nay luha nitulo sakong kamot sa dihang naay kusog nga tingog ang halos nagpabungol nako. Kusog ug talinis kaayo nga tingog like anang naa sa ospital ba nga ni straight na ang linya.

Nakabati ko ug mga tingug nga nagkagubot. Tingog nila mama, papa, akong mga igsuon ug ni Josh. 

"Apo.. apo!" Pagbuka nako sakong mata naa si lola sakong kilid. Nakita nako sila mama nga naghilak nagtindog kilid sakong kama. Si Josh naggunit gihapon sakong kamot while naay lalaki nga nagbitbit ug stethoscope ang nag-check nako pero wala nako sakong lawas. Nagtindog mi ni lola medyo layo-layo nila.

Naglibog ko ug wala ko kahibawo unsa nay nahitabo. "Nganu wa ko sakong lawas, la?" Kulbaan na kaayo ko nga nitan-aw sa iya pero naa iyang panan-aw kila mama nga naghinilakay na.

"Gikasal mo ni Josh 2 years ago nga maoy pinakamalipayong adlaw sa imong kinabuhi, apo. After a year, nahibaw-an ninyo nga buntis ka ug grabe nimong lipaya kay at last nahitabo na jud ang imong gipangandoy nga mahimong mama. Actually, pangandoy ninyong duha ni Josh.."

Nilingi ko sa iya nga mas paspas na ang pitik sakong kasingkasing.

"Pero usa ka adlaw, nagdugo ka pag-ayo ug naglaglag inyuhang anak. Mao tuy hinungdan nga na depress ka, di na ka mokaon, di na pud matulog.. modili na ka sa tanan. Pero naa gihapon si Josh sa imong tapad, wala ka biya-i. Hangtud sa wa na nimo makaya, nanginahanglan na ka'g psychiatrist ug mga medisina para makontrol imong pagkabayolente. Sige ka'g hilak ug pamugos nga buhi pa imuhang anak.."

Nitulo na akong luha nga nagtan-aw kang lola.

Dili ko katuo. Dili ko gusto nga motuo.

"A-a..nak?" Pangutana nako sa iya.

Nitando siya nga halos gikahugno sakong kalibutan. How I prayed nga mahimo ming mga ginikanan ni Josh.. "Actually, dili si Josh ang namatay kundili inyuhang anak which brought you to the mental hospital. And then, ni-try ka ug takas didto ug nakaabot ka sa kalsada. Didto nabanggaan ka ug private nga van maong nawad-an ka'g pamuot that led you to a coma.."

Sakit kaayo akong kasingkasing samtang naminaw sa estorya ni lola. Ni baktas ko ug niduol sakong lawas while akong mga luha nipadyon ug agas. Si Josh hubag na kaayo ang mata ug wala jud mibuhi sakong kamot. Si mama gigakus na lang ni papa ug puro sila nagdanguyngoy ug hilak nga nagtan-aw sakong lawas.

"Ni tabang pagbayad sa bills sa ospital ang nakabangga nimo, apo. Pero ingun ang doktor nga gamay na lang kaayo ang chance nga mabuhi pa ka. Maong nidesisyon sila nga iuli na lang ka diri. Kay kung magkinaunsa daw, kompleto gihapon mo. Dili gusto ni Josh nga mawala ka sa iyang panan-aw maong diri ka gidala sa balay nga inyung gipundar.." Padayon nga pag-explain niya sa ako. Pero di jud gihapon ko katuo sa tanang panghitabo.

"Pero.." Libog gihapon nakong pangutana kang lola. 

"Wala kauli si Josh diri gahapon kay giasikaso niya imohang mga papel sa ospital ug sa imong gitrabahuan.. Para ma-settle ang tanan."

Wa ko kalihok sa tanang nabati naho karun. Kung damgo man gani ni palihug pukawa na ko kay dili jud ni maayo. Kung prank man gani ni, palihug igawas na inyong mga camera.. Okay ra nako.. Dili ko masuko ninyo.. Pleaseeee lang. Pero paglingi nako kang lola dako kaayo iyahang smile nako. Naay puti nga siga kusog kaayo ug makasilaw ang ahong nakita duol niya. Ug iyang gi-extend iyang kamot para paduolon ko.. para pakuyugon ko.

PERO DI PA KO GUSTO BIYAAN SI JOSH!

Dili pa ko andam. Ang biyaan siya maoy dili nako kayang buhaton sa tibuok nahong kinabuhi.

Bug-at pa kaayo akong dughan ug paspas gihapon ang pitik sakong kasingkasing. Nipiyong ko ug niginhawa'g lawom, gipasagdan nga lunuron ko sa grabe nga kasakit nga akong gibati. Nilingi ko pagbalik sa akong uyab, akong bana, kang Josh, akong nag-inusarang moo ug gipasagdan ang ahong mga tiil nga nibaktas sa iyang kaugalingon padulong kang lola.

"I'LL FOREVER BE YOUR ANGEL.." I mouthed as I make my last glance at My One and Only.