Bisaya One Shot Stories

Entry #20

"WAY POREBER!" Singgit nako's nilabay sa balay nga manag-uyab.

"Nak paliti sa ko didto ug asukar puti kaw!" Sugo ni mama dayon giduholan ko'g kwarta.

Samtang nagbaktas ko padulong sa tindahan naa koy nakit-an nga manag-uyab galingkod sa motor ug naay ginatan-aw sa cell phone.

"SANAOL!" Syagit nako dayon sutoy ug dagan.

"Ayo! Papalita'g asukar puti te!" 

"Lipaya gud nimo Badiday?" Pangutana sa chismosa nga tindera.

"Malipayon lang ko te. It's more fun in the Philippines baya." Tubag sad nako unya gihatag ang bayad.

Niuli ko sa balay ug naa gihapon didto ang manag-uyab.

Pinatakilid ko nga nilabay sa ila basin mahalata nila nga ako tong nisinggit ganiha.

"Nak palihug ko'g hatag ani sa atong customer naa naghuwat sa gawas." Sugo na sad ni mama nga gaduhol sa usa ka cellophane nga gisudlan niya sa iyang business nga leche flan.

Paggawas nako's balay naglingi-lingi ko pero wa man juy laing tawo sa gawas kundi kadto lang manag-uyab.

"S-Sir..dia ra ang i-inyong order." Gabuto-buto na jud akong dughan ug sa pagdawat sa lalaki sa cellophane nagunitan pa jud niya akong kamot nga bugnaw kaayo sa kakulba.

"Thanks." Tipid kaayo niya nga tubag ug giduhol ang bayad.

Nibaktas dayon ko'g paspas pasulod sa balay.

Ting!

Samtang gahigda ko sa among kama, naay ni-chat nako. Dili siya familiar.

"Hi. Bugnaw lagi kaayo imong kamot ganiha?"

Nisiga dayon akong mata. OMG unsay akong i-reply?!

"Cold blooded man ko maong natural lang to nako. smile emoji" Tubag nako.

"Pasensya na diay ha. Pakiingun sad sa imong uyab nga pasensya na." Nisugod na sad ko'g kakulba.

"Haha manghud man to nako akong kuyog. Gisungog pa gani ko niya ganiha kay nangluspad daw ko nakakita sa akong crush." Tubag na sad niya ug sa kakurat nako nahagbong akong phone sa akong nawong.

So mao to. Uyab na mi niya ug staying strong gihapon hangtud karun nga lima na mi ka tuig.

Maong girls basin mao na ni ang panahon nga magsugod na ta'g pang-SANAOL para naa sad tay date sa Feb 14!