Bisaya One Shot Stories

Entry #15

"For today's activity, send your best photo during February 14." Chat sa among Values teacher sa gc.

Karla sent a photo.

Una nakong nakita ang nawong ni Karla ug iyang iro nga dagko kaayo ang ngisi.

Jaeson sent a photo.

Nisunod ang picture ni Jaeson ug iyang uyab nga ga-holding hands.

Nituyok lang akong mga mata. Paikag sad wala man japoy forever uy.

Kianno sent a photo.

Gi-caption-an niya ug 'Self delivery' ang picture sa iyang uyab nga gihatagan niya'g bouquet nga red roses ug mga chocolates.

Nihiwi lang akong simod. Wala ba ni sila humigasa, sobraan ra sad ka-sweet mura'g true.

Amal sent a photo.

Mas nituyok pa akong mga mata pagkakita sa nawong niya ug sa babae nga giingun niya sauna nga dili nako dapat selosan kay amigo ra sila.

"Naol bagay!" Chat sa among classmate.

Tss. Bagay bitaw, pareho mura'g nawong ug tuko.

Nahurot na halos tanan pag-send ug giandam na nako akong photo para pagpindot na lang sa send button ang kulang.

"Sir mag-send sad unta ka'g imuhang date sa Valentines Day!" Sungog sa among classmates.
Pila ka minuto ang nilabay pero typing gihapon si Sir.

"Ayiiieee si Sir gikilig na ba kay dugay gud ka-send!" Sungog na sad nila ug napuno sa 'yiieee' ug 'sanaol' ang among gc

Aeron sent a photo.

Sa kalit lang naundang ang pagpitik sa akong kasingkasing pag-pop up sa iyang gi-send nga picture.

Daseeeg! Nganu ako man ning nawong uy nga dako kaayo ang nganga sa baba samtang gakatawa?!

Sir wa ka hilanti aning panahona?

"Stalking my long-time crush level 99999" caption pa niya.

"Why so cute mi amor *heart emojie*" sunod pa niyang send nga halos ikahagbong sa akong cell phone.

Jeneena sent a photo.

Nisiga akong mga mata pagkakita nga napindot nako ang send button.

Napangisi ko sa gwapo kaayo'g nakapula nga lalaki samtang ga-candle light dinner mi.

"JENEENA LANG SAKALAM!" Chat sa tanan nakong classmates ug puro heart reaction ang naa kilid sa akong picture.

"Y-You're...dating...my...dad?" Basa nako sa chat ni Sir ug nilakra ang lapad nga ngisi sa akong simod.

Yes, uyab mi sa tago sa among Principal nga dad niya nga may tinaguan sad diay nga pagkagusto nako.