"Glide, una sa ko'g uli ha?" Sanghid nako sa akong agaw.
Mouli na dayon ko kay basin mayawyawan na sad kong nanay nga gaigat lang ko diri sa skwelahan maong dugay ko makauli.
Nagsuwat pa man sad siya sa iyang i-report ugma.
"Sige Karms! I-kumusta nya kong ante ha?" Nitando ko ug ningisi. Ka-naning jud sa akong agaw uyy maong pirme honor student.
Pero ako, enough na ang kagwapa kay maminyo ra man ko puhon ug amerkano so sulbad na ang kagutom. *wink
Nigawas ko sa among room ug nitabo na sad nako ang kusog nga uwan sa gawas.
"Naol naay ka-share ug payong." Sulti nako samtang gatan-aw sa mga estudyante nga ga-agbayay nagbaktas.
"Uy nganu man ni akong payong naabot man diria?" Gikuha nako akong payong nga gipauga nako sa hallway.
Paglingi nako sa room kung asa nilupad akong payong niulbo dayon ang kaspa sa akong hubon pagkakita nako ni crush.
Yes, tapad lang mi'g room ug kanunay nako siya ginatutukan pag makalabay ko sa ilahang classroom.
Hapit na magisi akong baba sa dako nakong ngisi samtang mura'g wati nga gibubua'g asin gakisi-kisi ko sa akong hunahuna.
Nagkatutukay mi ni crush for the very first time!
Lami jud kaayo siya'g mata - kanang light brown bitaw nga lami jud kaayo as in.
Before pa motulo akong laway nibaktas dayon ko ug nagpayong nga nipalayo sa among building.
"Hey! Stop!"
Nahunong ko pagkadungog sa iyang tingug nga nidungan sa kusog nga dalugdog.
"Y-Yes?" Nilingi ko sa iya ug nakita nako ang mga tubig sa uwan nga nitulo gikan sa iyang buhok paubos sa iyang nawong.
Owemjiiiii! Nigawas si crush para lang sundan ko ug masiguro nga safe ko nga makauli!!!
Ayiiieee!
Naa na sad ang asin nga gibubo sa wati kong lawas nga gakisi-kisi.
"Ang akong payong, ayaw tawn kawata palihug."
Ug sa tunga-tunga sa kusog nga bundak sa uwan kuyog ang kusog nga mga dalugdog ug kilat, iya kong gibawian sa iyang payong ug gibiyaan ko nga basa kaayo.
Kalimot ko nga guba na man diay akong payong!
********************************************
Oh, basin nakalimot ka nga naa sab koy laing compilation nga huot sa dughan. Add to library na ang BINISAYA: LUYO SA KASAKIT
Add na ha? ayaw panundog sa imong ka-m.u. nga paasa, awts gege :'>
YOU ARE READING
Bisaya One Shot Stories
Teen FictionBISAYA KA? TARA, BASA! Learn more Bisaya words, phrases and expressions through these amazing stories.
