Bisaya One Shot Stories

HIGH SCHOOL REUNION

"WOAAAH!"

Mao na nga reaksyon sa akong mga batchmates ang nitabo pag-abot nako sa venue para's amoang high school reunion.

Nilingkod ko tupad nila ug halos di gihapon sila katuo nga naa ko run kuyog nila. It's been eight years since ni-graduate mi ug nilarga dayon ko sa Manila for experience then abroad para manimpalad. Ug sulod anang mga tuiga wala ko ka-attend sa among reunion. Maong wa nako matingala kung shocked sila sakong pagkabanhaw.

"At last, nitungha ra jud ang atong escort sauna.." Gipikpik pa sa akong usa ka classmate nga tupad nako akong abaga.

"Nga hapit mahimong muse!" Sumpay sakong usa ka classmate maong nasaba ang venue sa ilang singgit ug katawa. Labi na tong mga bully namo sauna nga siaw gihapon hangtud karun. Little did they know nga nadayon jud hapit akong pagka ganap nga muse sauna. Haha.

Akong gitan-aw tanan nga naa karun diri ug wala masakpi sa akong panan-aw ang usa ka tawo nga importante kaayo sakong kinabuhi kadtong high school pa mi. 

"Si Jessa, di to siya mo-attend?" Pangutana nako sa ila maong nisamot hinuon ug kakusog ilahang panugsog sa ako. "Mura'g naa juy magkabalik ani run ba." Dako pa kaayong ngisi sakong classmate nga naka-utot ug kusog sauna.

Nagdungan pa jud sila'g panganta ug 'Muling ibalik ang tamis ng pag-ibig~' Nakatawa na lang pud ko'g apil kay hangtud karun usa ra jud gihapoy dagan sa utok sa tibuok batch namo, kanunay pabali.

Pero nahilom ang tanan sa dihang dihay niabot nga babae. Puti kaayo'g panit, straight iyahang taas nga buhok ug porma kaayo'g lawas. Mura siya ug anghel nga nitambong samong reunion. Mas ni gwapa siya'g samot pero di gihapon ko kalimot sa iya. Ang babae nga nagpatul-id sa hiwi nga dalan sa akong pagkalalaki sauna hangtod karun.

"Anj, kamusta na ka? It's been a long time!" Pagsugod nako sa among convo. Naglingkod mi kilid sa baybayon medyo layo-layo sa among mga batchmates. Nindot kaayo sa feeling ang presko nga hangin unya tapad pa jud nako akoang long time crush. Hihi.

"Okay lang man gihapon. Am starting my little business now." Tubag niya while naa sab ang panan-aw sa dagat.

Nilingi ko sa iya. Same gihapon iyang kabuotan ug kapursigido sa kinabuhi, which is maoy akong ganahan kaayo sa iya. Adto nga time nga nagkabuwag mi sa akong 1 and a half year nga relationship sakong ex-girlfriend kay lagi confused kuno siya and na-fall out of love na siya not knowing nga labaw pud kong confused sakong kaugalingon, na-attract ko sa iyang kagwapa on the inside more than sa iyang kagwapa sa gawas.

Dali ra kong naka move on tungod sa iya. Though daghan kong giganahan nga mga laki kay lagi ang inyong gwapo nga angkol nahimo mang barbie kadiyot, naa jud gihapon siyay special part sakong kasingkasing.

Until one day, I decided to ask her kung unsay iyang ganahan sa usa ka lalaki ug mopasar na ba kaha ko sa iyang standards. It came out nga gusto niyag straight ug makahatag niya ug anak and mahatagan ug kompleto nga pamilya iyang future junakis like sa iyang experience. So ako nga confused pa atong panahona, nibalik ug uk-ok ang dila ug ni distansya sa iyaha until ni graduate mi.

Pag-adto nako'g abroad naa koy nakaila and ni-offer nga magpa opera ko para mahimong ganap nga transwoman. Pero ako tong gi-reject. Naa pa jud diat gihapon siya sakong kasingkasing and gusto nako i-fix akong kaugalingon para mahatag ang gusto niyang mga anak ug pamilya, wholeheartedly.

So I flattened the curve ug naningkamot mahimong stable.

"That's good to hear, Anj. Wala pa diay kay plano magminyo after all these years?" Sumangil nako hoping nga naa pa koy chance sa iyaha. And sa akong nakita nga smile sa iyaha, mura'g naa gihapon. 

"Well, naa na sa akoang plano magpakasal pero siguro sa States kay dili pa man legal diri sa atoa." Wh-what? Unsa kuno iyang gisulti? 

"K-ka..sal?" Sure na jud to? Sakto ba akong pagdungog? Wait. Kinsa ang isug nga nangilog sakong baby Anj? Kay kulatahon jud nako ba.

"Yeah. Oh here she is!" Excited siyang nibarug ug ni-kiss ug pinakalit sa babae nga bag-ong abot.

Halos mogawas na siguro akong duha ka mata pagkakita nako sa iyang kauban. Mura ba'g nihawa kadali akong kalag sakong lawas unya gibubuan kog tubig dagat sakong nakita.

"Drake, si Jessa.. Akong fiancé." Wait again. Jessa?

SI JESSA NGA AKONG EX?!

Naunsa na man ning kalibutan uy?! 

"Di ba gusto ka ug anak, Anj? Magkapamilya?" Mao lang nay nigawas sakong baba out of nowhere. 

"Yes, I do. Pero sa dihang niabot siya sakong kinabuhi, everything just.. changed. And besides, naa na mi little Anj nga cute kaayo." Dako gihapon iyang smile. Nag-holding hands pa ang duha while akong ex mura ra'g way kami sauna.

Naay bata nga siguro mga 4 years old ang nigawas sa luyo ni Jessa ug gikugos ni Anj. 

"She's Jessica, a combination of Jessa and Angelica. Baby, say hi to Tito Drake!" Gigunitan pa niya ang kamot sa bata ug gipa-wave tahay sa ako.

Sakit kaayo sakong part nga ang babaeng hinungdan sakong pagbabalik-loob maadto ra diay sakong ex-girlfriend nga di pa jud lalaki. Kung kahibawo lang siya's tanan nakong sakripisyo para i-reject tanang temptasyon ug barugan akong pagkalalaki, di unta Tito iyang ipatawag nako.. kundili Tita.