Bisaya One Shot Stories

Entry #17

"Sir ngano wala pa man ka magminyo?" Pangutana sa akong classmate ug naninggit ang uban.

Fresh grad si Sir ug unang section mi nga iyang gi-handle-an.

Ningisi ug namuwa ang nawong ni Sir, "dili man sad siguro contest ang pagminyo no?"

Nagkatinan-away mi sa akong seatmate nga akong bff.

"Bhieee, naa pa jud tay pag-asa kang Sir!" 

Dagko kaayo among ngisi samtang gagunitay'g kamot.

"Hi Ms. Happy!" Nahiugpot ko sa hunghung ni Sir sa akong dawnggan samtang gabaktas ko sa hallway.

"S-Sir.."

"See you around...crush." Sulti niya dayon nikidhat sa ako ug nilakaw.

Paspas pa kaayo ang pitik sa akong kasingkasing samtang nagsunod lang ko'g tan-aw ni Sir hangtud nawala siya.

Pila ka buwan ang nilabay ug charchar este chat-chat ming Sir.

Nahuman na lang ang school year pero wala jud manguyab si Sir nako. Di pa daw siya ready ug commitment.

Pakipot jud ay! Mas na-turn on jud ko tungod ato sa iyaha.

So mao to. Ni-graduate ko'g high school ug sa kadugayan cold na kaayo among convo hangtud sa wala na mi communication.

"Doc, pasudlon na nako ang mosunod?" Pangutana sa akong assistant.

Nitando ko ug gipunit ang gunting nga akong gamiton.

"Good morning Doc Happy." Nisiga jud akong mga mata samtang gatalikod ko sa akong sunod nga pasyente.

Pamilyar kaayo ang tingug maong bati kaayo nako akong heartbeat sa kakusog.

"S-Sir...J-Joash?" 

Nitabo nako ang lapad kaayo niya nga ngisi samtang hinay nga nihigda ug gitangtang ang tuwalya nga iyang gitabun.

"Di ba ingun ka sauna nga ganahan ka mahimong doktor? Maong karun nga graduate na ka, gusto ko nga ikaw ang mobuhat ani sa ako."

Niduol ko niya ug nitan-aw sa iyang atubangan dayon balik sa iyang nawong.

Lad-ok.

"S-Sir..g-gahi naman nang imuha, basin di na kayahon sa akong g-gunting."

Mas dakong lad-ok na sad.

Nigunit siya sa akong kamot nga namugnaw.

"I trust you. Tuli-a na ko Doc." Hinay nga sulti niya samtang gatutok sa akong mga mata.