Bisaya One Shot Stories

MAMA

"Tan-awa kang bataa ka! Pila pay imong edad pero buros na ka?"

"Ka biga-on jud nimong dako para magpabuntis ug laki nga di ka panagutan!"

"Unsay sulod anang imong utok nga nagpadaog ka man sa imong ka katol?!"

"Ka bright-bright nimo pero maangkan lang ka?"

"Ginapakaon, gipa-eskwela ug gibuhi tika para makahuman dili para mahimong inahan."

Yawyaw sakong Tiya kada adlaw. Siguro kada oras gani.

Halos gamay na lang gani ang wala kahibawo sa akong pagka buntis diri samong baryo. Iyang gipanabi sa among silingan nga katol daw kaayo ko ug biga ray akong gi-una imbis pag-skwela.

Tuyuon jud na niya nga apason ko sa skwelahan bisan madugay lang ko'g uli mga pila ka minuto kay naay gibuhat sa skwelahan para lang kasab-an ko ug ipabati sa mga tawo nga naangkan ra ko.

Ginapangandak na niya nga gipa-skwela ko niya ug gipakaon pero wa siya kahinumdom nga kwarta sakong mama nga nanimpalad sa laing nasud para nako ang iyang gipanggasto.

Single parent si mama ug only child ko maong gibilin ko sa iya nga igsuon ni mama.

Daghan na kaayo nga mga sakit nga estorya ang akong nadawat gikan kang Tiya.

Pokpok..

Biga-on..

Way utang kabubut-on ug unsa pa na diha.

Name it, nasulti na na niya tanan sa akong dagway mismo.

Si mama blind ra sa nahitabo nako kay siyempre anghel kaayo si Tiya pag mag-atubang sila mama sa video call. Nga maayo daw kaayo akong kahimtang ug nagkaanam daw ug taas akong mga grado which is kabaliktaran sa tinuod.

Ou, top 1 ko sa among batch run nga graduating unta sa junior high school. Pero nautro tanan after nakong nabuntis ug nag-anam tanan nakong grado ug kagamay nga halos pasang-awa na lang gani.

Wala koy choice kundili mosulti ug maayo about sa ila ni Tiya kang mama kay ginakuhaan ko nila ug allowance para sa skwela ug dili ko nila ginapakaon ug pila ka adlaw as punishment kung itug-an nako ang tinuod.

Halos kada adlaw na pud ko nga ginapamalikas ni Tiya pero ako lang giantos. Sa una, super depressed na kaayo ko like gusto na jud ko mag-suicide. Pero nabati nako ang hilak sakong anak bisan naa pa's akong tiyan. Bisan kausa wala ko kahuna-huna nga ipalaglag ni. Bisan pa'g bunga ni sa kadautang gibuhat ni Tiyo sa akoa.

Ou, wala silay anak hangtud karun kay dili na makaanak si Tiya. Una, I thought gina-baby ko ni Tiyo kay lagi di sila kaanak pero diay to, gusto ko niya himuan ug baby.

Sakit.

Sobra ka sakit nga mismo ang mga tawo nga kaingon ka'g kasaligan ug imong kasandigan mao pa ang mobuhat ug dautan. Nasayod ko nga nakahibalo si Tiya sa mga gibuhat sa iyang bana nako.. pero wala siyay gibuhat ug ako pay iyang gihimong dautan.

Mouli-ay si mama next year kay nagdahom siyang mopaso na ko. Wala siya kahibawo nga bata akoang dawaton puhon ug dili diploma. Siguro padak-on na lang nako akong anak kutob sakong makaya, and we'll see kung dawat ba gihapon ko ni mama.

*****************************************************

Instructor nga na-inlove sa iyang estudyante?

Naa na sa akong compilation entitled, BINISAYA: LUYO SA KASAKIT maong add to library na dayon!

Setting: University in Southern Leyte