Bisaya One Shot Stories

Entry #25

"Happy first weeksary, milove." Greet niya sa akoa.

Nag-agree mi nga magkita mi run sa cafe kung asa mi unang nagkaila.

Humot kaayo akong uyab uy nya perting gwapoha pa jud.

Nipiyong ko ug hisimhot nako siya pero kadugayan, nalain man iyang baho.

"Naunsa man ka, milove uy? Apil akong ilok singhuton na man nimo." Reklamo niya pagbuka nako sakong mga mata ug guba kaayo ang nawong.

Nitarong ko'g lingkud kay niduol ang waiter ug naay gibutang duha ka platito nga slice sa chocolate cake.

"Uy, mao diayng niuna ka'g anhi ha kay naa diay kay pa-surprise cake sa akoa." Dako kaayo iyang ngisi ba unya gikinamot niyang tusok ang cake ug gipahid sa akong ilong ang dark brown nga icing. "Love jud kaayo ko nimo, milove. I love you too!"

Okay na unta kaso nikuha pa jud siyag icing ug ginudnod sa akong aping. Nisurok bitaw akong dugo ug gikamot pud nako ang icing sa cake sa akong tungod ug giayo'g pahid sa tibuok nawong niya.

"Ikaw, abi nimo'g ikaw ray kamo mobagnud ha!" Sulti nako nga dalang kasungot pero ga-smile ra gihapon ming duha.

Giyera na ni! Dili ta papildi.

Halos mahurot na'g pahid apil ang cake mismo ug hugaw na kaayo among mga sinina ug gakalat na ang table.

"Ehem.."

Nahunong mi ug dungan nga nihangad sa waiter nga naa's among kilid.

"Sorry. Naka-reserved man gud ng lingkuranan para sa VIP, Ma'am, Sir. Ako unta mong ingnun ganiha kaso sweet man kaayo mo." Hilaw siya nga ningisi.

"And, what?" pangutana nako.

Nitudlo siya sa mga platito nga iyang gi-serve ganiha pero kalat na ang icing ug cake sa lamesa. Automatic nga nahitan-aw mi sa akong uyab sa usa'g usa.

"Wala pa man gud na mabayri, Ma'am, Sir. Bali 2k sab na. Palihug na lang ug bayad sa counter before mo molakaw. Salamat!" Ug nilakaw dayon siya.