~إنقلاب روحاني~ |مكتملة|

الجزء 6

إسراء:ماشي عند كولشي و ماشي كل الأوقات..مرينا من مشاكل أكبر منا..ناس ما فهموش عقليتنا..ناس ضلمونا
براء:و ما خديناش كل الحنان لي كان خاصنا(تفكر الأم ديالو)فقط كون كان داك الحنان ممكن حياتنا تكون زوينة أكثر..الحنان لي كا يجي من شخص لي غادي نضحيو على قبلو..نعوضوه على داكشي لي مر منو بسببنا..شخص لي يآمن بنا..يعتابرنا بطل العالم في عينيه..شخص لي يخاف علينا و يسهر معانا اليالي و ديما بالو معانا
إسراء:فهمتك في الأول دويتي على الأب ديالك لي باقي لحد الآن كا يعاملك ببرود و أنا متأكدة في الصغر كان عندك بصيص أمل أنه غادي يتبدل فاش تكبري و لكن داك البصيص اختفى لأن لا حياة لمن تنادي..و عارفة أنك مستحملاه و طايقاه غير على قبل ماماك..رغم جرح مشاعرك و الهدرة و المعاني لي كا تسمعيهم و داك الاشتياق للمسة من يديه على شعرك اولا فقط يربت على كتفك و يحسسك بالأمان و أنه هو الذرع الحامي ليك..و بطلك و هو علامن تعgزي عليه..هادشي كامل كا تخايليه و كا تمناي شي نهار يتحقق..رغم أنكي ما كا تبينيش إلا و أنني كا نشوف ديك اللمعة فاش كا دوي عليه بكره..رغم داك الكره لي كا تبيني إلى و أنه كاين جزء منك كا يناديه..كا يناديه لأنه محتاجو باش يكملو..و لكن هو ما يستاهلكش فغيمون ما يتاهلش بنت بحالك..
براء:كاين جانب آخر مشرق..كاينا الأم..هي ديك الشمعة لي مضويا داك الظلام..هي ديك الابرة وسط داك التبن
إسراء:شفتي يعني مازال عندك شخص تضحي و تحاربي على قبلو..ماماك في الكفاية هي لي آمنات بيك في حين الآخرين كانوا كا يضحكو..هي لي كا تسنا داك اليوم فاش يتحققوا أحلامك و طموحاتك لي كا تسعاي ليهم أكثر من أي شخص آخر..فقط تشوفك فرحانة هاذيك هي الدنيا و ما فيها بالنسبة ليك
براء:ههههه صدقتي طبيبة نفسية..إيوا أجي نكون حتى أنا طبيبة نفسية ليك..يا الله قولي المواجع ديالك..ربما نطلع ليك معناوياتك كيما درتي دابا..يعني داكشي خاصو يكون متبادل
إسراء:أنا...نتي عارفا طفولتي كيف دازت..ميولي للعب الكرة و نتفرج فيها و بكوني رجاوية 100% كنت كا ناخد عليه عتاب في بعض الأحيان..و أيضا عملية إسحاق لي كا نشعر بالذنب تجاهه..و عاد شخصيتي ما كانوش كا يفهموها بقولهم أنني سقرامة حريئة ما كا نحشمش و كا يوضفوها في شي اوقات كا ضرني
براء:هضرة المجتمع كا تأثر فينا خاصة إلى كانوا قراب لينا..كا نحاولو نبينو أننا غير مهتمين و لكن العكس..خاصة إلى كانت ناقصاك شي حاجة مهمة..و عند الآخرين..كا يعايروك بداك النقص و الفراغ لي عندك..و إلى كنتي صغير بزااف..ف كا تضرر و كا تبكي بوحدك ما كا ين لي حاس بيك(تفكر معانتو فاش ماتت ليه الأم ديالو و هو باقي طفل)كا تبدا تقول علاش أنا ما عنديش و هما عندهم..كا نشوفو فقط جانب واحد و لي هو المظلم..ما كا نشوفو الجانب المشرق و لي فيه السعادة..و المجتمع كا يضرك بهضرتو و كا ينسا راسو..كا ينسا أنه أيضا عنده نقص..و باش ينساه كا يمشي يزعج الآخرين و هادشي كا يحسو بالراحة..يعني إلى شفتي من هاذ الجانب ما غاديش تبقاي تضري و غادي ديري طريقتك لتجاهلهم..كل ما كا تجاهليهم كلما كا تزيد العافية فالداخل دياله و هادشي كا يعذبهم و غادي يفرحك ديك الساع لأنك كا ترجعي الضربة ضربتين بدون قتال أو شي حاجة عنيفة فقط بذكائك و بروحك