بعد مافاق الكل..كانو مجمعين على طابلة..غيث عطا الحليب للقط
إنتصار:هايهاي راك مهلي في دينوش
غيث: ما سميتوش دينوش.. سميتو تيمو
إنتصار: مع من تشاورتي
غيث:ايوا نتي مسمياه سمية ديال البنات..هاذا رااا راااجل
إنتصار:ههههه ياك عندك حساسية منهم
غيث:ضد فيك غادي نتعالج منها
إسراء:كان يسحاب ليا قطة صدق قط هههههههه
غيث:حتى أنا البارح كنت كا نهضر معاه كقطة عاد تفكرت انه قط سمح ليا ا صحبي هنتك في رجولتك
كملوا فطورهم..
براء:الواليد وصاني ندير شي مهام هنا
غيث:مزيان سير الله يعاونك
براء:حتى نتا داخل في هاذ المهام
إنتصار:حتى انا نعاونكم
الحسناء:خاصك ترتاحي
إنتصار: وااا غير خليوني ما تخافوش ما غاديش ندير البسالة
إسراء:ههههه حتى أنا معاكم
غيث:ايوا ا سي براء شنو هما المهام
براء:هههه بزااف منهم لي صعيب و منهم لي ساهل
غيث:داكشي لي صعيب عطيه للبنات حيت هما قويات فهمتي..إنتصار وريهم عضلاتك
إنتصار:هههه الله يمسخك
براء:ههه اوكي..لي بغا يساعد يلبس ليبوط را محطوطين تما..باش ما توسخوش صبابطكم
ناضوا باش يلبسوهم.. و براء شد الحسناء من يديها..دارت شافت فيه باستغراب..أما هو حك على راسو بتوتر
براء:سمحي ليا على البارح..ما قصدتش نغوت عليك
الحسناء(بابتسامة):عارفة أنك كنتي خايف عليها
براء: واش غادي تكرر ديك الحالة؟
الحسناء:الصراحة ما عرفتش ولكن الوضع لي هي فيه خطير غير ما كا تبغيش تبين
براء:غادي تعاونيها بشيئ؟
الحسناء:آاااه غادي نعاونها بتعويذة و أشياء أخرى دابا تعرفها..
براء:غادي ترجع كيف كانت ياك؟
الحسناء:داكشي لي كا نتمنا..و غادي ندير كل ما في جهدي
براء:شكرا ليك
الحسناء:نتوما عزاز عليا داكشي علاش كا ندير معاكم هكذا
ابتاسمات ليه و مشات لحقات على البقية..بعد ما لبسوا ليبوط..كانوا مستفين واحد مورا واحد و براء غادي جاي عليهم و معلق صفارة
براء:اليوم عندنا مهام خاصنا نجزوهم
الكل:وي شاف
براء: ما كاين إعتراض و ما كاينش تراااجع
الكل:وي شاف
براء:السي غيث
غيث تقدم و داير وقفة ديال العسكر
براء:غادي نعطيك مهمة هامة..و أنا متأكد أنك غادي تقدر بيها..واخة صعيبة عليك شوية
غيث(بتفاخر):حتى حاجة ما صعيبة عليا
براء:متأكد
غيث:كا نلعبوا هنا
براء:كاين واحد الكوري خاصك تشطبوا
تصدم و خنزر فيه
غيث:كا نظن فهمت معنى الكوري بطريقة أخرى..أكد ليا عفاك أنني فهمتو غلط
براء:فين كاينين الأحصنة
غيث:الحمد الله ماشي الخرفان
براء:هذاك حتى لغدا و تشطبوا
غيث:كا تحلم ا حنيني
مشا و خلاهم
براء:آنسة إسراء تفضلي
إسراء:بلاما تقول ليا نمشي نعاون خطيبي..ما تخافش عليه را يقد عليها بوحدو
براء:ههههه وجدي لينا غير الغذاء
إسراء: و علاش قلتي ليا نلبس ليبوط و نتا عاطيني مهمة في الداخل
براء:ههه باش تشاركي معاهم و صافي
أنت تقرأ
~إنقلاب روحاني~ |مكتملة|
Humorرواية بالدارجة المغربية.. ممزوجة بالواقع و حدث خيالي..🍁 حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
