ليلى:و مال هيلو كيتي
أيمن:ههههههه جات معاك
ليلى(بثقة):أنا أصلا اي حاجة كا تجي معايا
أيمن:ما كذبتيش في هاذي
بدا كا يقرب ليها و هي كا ترجع بشوية للور حتى لصقات مع الحيط لتاني مرة..و حط يديه على الباندا و حل شعرها
أيمن: و لكن شعرك هاكا كا يجي أحسن
ليلى(حشمات):احم
أيمن:علاش وجهك ولا أحمر ؟هممم؟؟
ليلى(ضوخها بصوتو):خاصني نمشي
أيمن:ما سخيتش بيك
ليلى:و لكن أنا سخيت بيك(غلباتها الضحكة)هههه
أيمن:ههههه باقي تقطعي عليا مرة أخرى..غادي نتفك
ليلى:اوكي يالاه بسلامة
جرها و باسها من حنكها..خلاها كا تفرفر بالفرحة..و مشات كا تجري كي المشيشة و شعرها ميزها..طلعات كا تجري...حلات الباب.. سداتو و تكات عليه شادا في قلبها..أما هو ضحك على راسو و ركب الطمبيل و رجع لدارو
بعد يوم آخر..و من بعد يومين..و من بعد 3 أيام حتى وصلات 7 أيام..في هاذ السيمانة إنتصار ضعافت و ما بقاتش كا تاكل مزيان..كا ترض غير الدم..و ديما كا تبكي بقوة الآلام و ضرب راسها مع الحيط باش يخف..و غيث كا يشدها باش ما تآذيش راسها..حيدو من حداها أي حاجة حادة باش ما تآذيش راسها..غيث و إسراء خايفين عليها بزاااف..و رافضة فكرة أنها تمشي عند الطبيب
إسراء:إنتصار عفاك يالاه نمشيو عند الطبيب
إنتصار:كححح ما عندو ما يدير ليا
إسراء(شاداها البكية):ما نقدرش نشوفك ا صحبتي كا تموتي قدام عيني و ما ندير والو عفااااك
إنتصار(بتعب):إسراء..نتي لي عافاك..و فهميني
غيث حتى هو كا يشوف فيها بأسف..كا تموت قدام عينيهم و نا قادرين يديرو والو
أما براء في الشركة..حتى هو عينيه منفوخين بقوة السهير و السبب التفكيير و العصبية لأنه ما عارفش مالو..و في نفس الوقت مشطون على إنتصار واخة ما خلاوهش يشوفها حيت خافوا تزاد حالتها..ناض بتعب و خرج..حتى سمع مونية كا دوي و مخبية..جاه الفضول يسمعها..قرب ليها شوية..و سمعها
مونية:اختي خفت نزيد نعطيه و يتآذى
سعيدة:مااا تخاافيش..انا راجلي باقي كا نعيطه لحد الآن و ما طاري ليه والو
مونية:ايوا هذاااك راجلك..و هذااا برااء
براء فاش سمع سميتو استغرب و زاد ركز
سعيدة: و مال هاذ براء ديالك..شنو زايد فيه ؟؟
مونية:رااا سحور هذا..انا خايفة نهار يعيق بيا أنني كا نسحر ليه..و لكن كا ندير هادشي حيت كا نبغيه و بغيتو يتفارق مع ذيك اللفعة
براء خرج عينيه و تصدم..و بقوة الدهشة بقا راجع باللور حتى تزدح مع الحيط..ما متيقش آش سمع..سحور..الشعوذة..ساحرا ليه..كيفاش..واش سمع شي حاجة غلط..هادشي لي كا يدور في بالو..خرج من الشركة مصدوم و ساهي..مشا للبحر و صونا على غيث
براء:ممكن تجي عندي دابا..محتاجك ضروري
غيث:وااخة فينك
براء:في البحر و بالضبط ف****
بقا كا يفكر و كا يحلل..و كا يحاول يكذب داكشي لي سمعو.. بقا مدة و هو على ذاك الحال ..حتى وقف عليه غيث
براء:شكرا حيت جيتي
غيث:راك مازال صاحبي..غير فرقاتنا الظروف..شنو وقع ليك؟
براء:داك البرود لي كنت كا نتعامل معاك و علاش بعدت عليكم و علاش تقربت مونية في هاذ الفترة عرفت الجواب لهاذ الأسئلة
غيث:ايوا شنو هاذ الجواب
براء:تلقيت واحد الخبر دابا باقي ما متيقش..و كا نضحك على راسي حيت ما عقتش من الاول
غيث:شنو هو..را بديتي كا تخلعني
براء:سمعت مونية كا دوي في التيليفون مع شي حد..و الأخت الكريمة الشريفة العفيفة ساحراااا ليا باش نبغيها هههههه
غيث تصدم و بقا كا يشوف فيه كا يضحك بالفقصة
غيث:شنووو واش متأكد
براء: كنت حاس أن شي حاجة ماشي هي هاذيك..فين ما كا نبغي نفكر في إنتصار شي حاجة كا تمنعني و راسي كا يبدا يضرني..و غير صورة مونية لي كا تبان ليا..و لاحظتي في هاذ الايام تبدلات و حيدات الزيف و اللباس لي كا تلبس..خوك كان مكلخ ههههه لعبات بيااا برهوووشة
أنت تقرأ
~إنقلاب روحاني~ |مكتملة|
فكاهةرواية بالدارجة المغربية.. ممزوجة بالواقع و حدث خيالي..🍁 حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
