~إنقلاب روحاني~ |مكتملة|

الجزء 22

براء:فين هي ديك القلادة لي عطاتنا نيروز؟
إنتصار:حيدتها واحد المرة.. و نسيت ما لبستها من بعد..علاش ؟
براء:ديك القلادة حماتني
إنتصار:كيفاش؟
براء:مونية كا ترش عليا من ديك القرعة كل مرة..يعني ديك القلادة كا تحميني الشيئ لي كا يخليها تعاود ترش عليا..و كون كنتي لابساها كون حماتك بطريقة مختالفة
غيث:علاش ما تعيطوش عليها تساعدكم مثلااا
إسراء:آاه عندو الحق و هي ساحرة
أيمن:شكون هاذو لي كا تهضروا عليهم..فهموني!!
إنتصار:حتى لمن بعد و نعاود ليك
براء:عندك نمرتها؟
إنتصار:ااه
اتصلوا بالحسناء و دار مكبر صوت..بعد ما سولوا على أحوال بعضهم..دخل في صلب الموضوع و عاود ليها كولشي
الحسناء:فهمت..المهم انا نسول نيروز و نعاود ليها الوضع..تقدر تنصحني بشي تعويذة اولا شي حاجة..و غادي نجي عندكم
براء: شكراا ليك
الحسناء:إنتصار عزيزة عليا..و ما نبغيش تكون متضررة..غادي نحاول نجي بسرعة

قطع معاها و جاهم أمل أنها غادي تشافا..حتى قاطعات تفكيرهم إنتصار
إنتصار(بصوت طفولي):فياا الجووع
ضحكوا عليها و على الطريقة باش قالتها
إنتصار:بغيت نخرج..أكثر من سيمانة ما خرجت..مليييت بغيت نشم الهواء
غيث:خطيير عليك تخرجي..و نتي مريضة
إنتصار:ماشي سوقي..غادي نخرج هي غادي نخرج
عاونها أيمن حتى وقفات
إسراء: العناد كون كان بنادم..يالاه نخرجوها قبل ما تسخف لينا هنا
مشات ليلى جابت مونطو على البرد..عاوناتها حتى لبساتو..شكراتها و ليلى ابتاسمات ليها..ناض واحد بواحد خرجوا..براء يالاه بغا يهز إنتصار..لكنها سبقاتو
إنتصار:غيث عفاك هزني
إسراء:بقاي تفشي على خطيبي نتي
إنتصار خرجات ليها لسانها..

نزلوا للتحت و أيمن و إسراء ودعوهم لأن الوقت كان متأخر و تعطلوا.. أما البقية ركبو في طمبيل براء..ليلى و إنتصار اللور و غيث حدا براء
براء:فين تبغي تمشي
إنتصار:بلاصة زوينة.. اونفاص مع البحر..
غيث:كا تشرطي مازال..
إنتصار:فيااا الجوووع..را الى ما خديتش داكشي لي ما بغيتش غادي نحكها فيه
غيث:نتي حاملة..و مع من ا ختي
إنتصار:كيفاش ختي؟ نسيتيني ا الحمار..نسيتي ولدك
ليلى:ههههههه..خويا آش هاذ الفعايل..عييب تفرط و تنسا ولدك
غيث:الله ينجيني
إنتصار(كا تبوحط):شوفي شوفي ا لوستي كيف كا ينكر..صافي غادي نربيه بوحدي و غادي نولي الأم العازبة الجميلة
غيث:الجميلة غير زدتيها

بقاو كا يضحكوا..و إنتصار كا تحاول تنسى و حتى هما متبعينها في هبالها..حتى وصلو لريسطو..كانت عامرة..
تمشا غيث و تبعاتو ليلى و براء بقا حدا إنتصار..بغا يشدها و لكن بعدات عليه..طلعات في الدروج بشوية و هو جنبها راد ليها البال..حتى وصلات..و كان عندهم حظ..طابلة حدا الزاج و اونفاص معاهم البحر..منظر زوين..خلا إنتصار تنهد بجهد و دير ابتسامة خفيفة على محياها..غمضات عينيها كا تستنشق رائحة البحر لي وصلاتها..و براء ملاحظ جميع تفاصيلها..طلبو داكشي لي بغاو و إنتصار طلبات 3 ديال الأطباق