رواية بالدارجة المغربية.. ممزوجة بالواقع و حدث خيالي..🍁
حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
إنتصار:وااااو تحركوا كا يستكشفوا و في طريقهم إليه. .تبهروا بالجردة لي فيها ورود بألوااان زوينة..إنتصار غير كا تصور..حتى وصلواا للباب..دخلوا كان المسجد كبير و التصميم ديالو محترف.. براء:أجي نمشيو "إمينونو" إنتصار:حتى نتا عارف هادشي براء:ههههه الثقافة للجميع و ماشي غير ليك مشاو لديك المنطقة لي كانت عبارة عن متحف مفتوح في الهواء الطلق.. إنتصار:صدق واااعر أكثر من الصور براء:إذن كنت كا تقراي على المناطق السياحية إنتصار:آااه.. أنا تركيا كا نبغي نعرف عليها كولشي..مبلية بمسلسلاتهم و أفلامهم..و كا تعجبني ثقافتهم كا نقرا عليهم بزااف و حتى المناطق الساحية لي كاينة في المدن ديالها براء:هههههه إذن المسلسلات التركية هما لي مأثرين على هضرتك هههههه إنتصار:كا تقمع فيا دابا براء:ههههههه لا .. حتى نتي الحلم ديالك تلاقاي مع شي ممثل أولا ممثلة تركية ؟ إنتصار:بطبيعة الحال..و أقرب ممثلة ليا ديميت أزدمير..و أقرب ممثل ليا(بدات كا تفكر) اححح ما عنديش غير واحد ..كلهم براء:سبحان الله البنات يمكن ليك تحددي وحدة منهم..أما الدراري باغاهم كاملين إنتصار:واش كا تحاسب معايا براء:بلاما نتخاصموا تاني..خلي هاذ النهار يدوز بيخير إنتصار:غادي يدوز بيخير الى ما تعمقتيش في الهضرة ديالي.. دورات وجهها حتى كا يبان ليها شخص كان داير كمامة سوداء بحال لي كا يدير شي ممثل ملي ما كا يبغيش يبان..شهقات و حققات فيه مزيان داك الشخص حيد الكمامة بلاما يرد ليه شي حد البال و بدا كا يكحب غير حقات فيه مزيان تصدمات..دارت عند براء عينيها كا يبريو.. إنتصار:شفتي نتا و الله حتى كا نبغيك..كيفانش تاتليتوغ(ممثل تركي) لا بزااف ا صاحبي و الله حتى بزااف
خلاتو مصدوم و مستغرب ما فهم والو..شافها كا تجري باتجاهو..حتى وصلات حداه ملي وصلات حداه..دغيا دار الكمامة..و دوات معاه بالنجليزية إنتصار(بطلب):please can I take a picture with you..you are my favourite actor كيفانش:okk
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حيد الكمامة و هي تصور معاه فرحانة..شكراتو و تمشات فرحانة..ردات ليهم البال واحد البنت حداها غير حققات فيه و هي تغوت حتى هي البنت:كيفاااااااانش تاتليتونغ سمعها الكل و كولشي دار كا يقلب.. البنات كاملين بداو كا يجريو باتجاهه إنتصار:ناريي شريت ليه الصداع..و أنا مالي هو زويييين بزاااف مشات فرحانة..فرحانة بإنجازها..وقفات اونفاص مع براء..لي كان مصدوم من آخر جملة قالت..و هاد الصداع لي طرا من موراها براء:دابا غير قولي ليا آش درتي إنتصار:مشيت خديت تصويرة مع الممثل التركي عزييز عليا و الله براء: و هاد القوم لي مجمعين عليه..مالهم إنتصار(ضارت كا تشوف فيهم):ويلي شوف وحدة سخفات براء:أو واش مشهور حتى لهاذ الدرجة إنتصار:من نيتك هاذ التيتيز كاامل و ما يكونش تيتيز..أحح على العوينات و العضلات و الشعر..هذا غير يعطيوني سيمانة معاه في الدار و الله ما نخرج نبقا غير نتمنظر فيه براء:أحم أحم كانت مضورة راسها كا تشوف فيه و كا تعبر..غير سمعات تحنحينة ديالو و هي ضور عندو بشوية دايرا ضحكة صفراء إنتصار:صافي يالاه نمشيو ناكلو جاني جوع..هانتا سمع كرشي كا تغرغر بغا يشد فيها و هو يتحنى باش يسمعها زعما..خلاها غير كا تفتف من الحركة المفاجئة لي دار إنتصار:آ..ش كا دير..واش تسطيتي الناس كا يشوفو براء(هز راسو):ايوا نتي قلتي ليا سمع إنتصار(تمشات و خلاتو): ايوا الله يستر مشاو لمطعم..دخلوا و طلبوا داكشي لي بغاو..و بقاو كا يتسناو إنتصار:أحححح فيا الموت ديال الجوع براء:لي يشوفك يقول حاملة إنتصار:الله ينجيني براء:كيفاش الله ينجيك..ما باغاش الولاد إنتصار:بطبيعة الحال باغاهم..و لكن خاصني هو الاول ندير عقلي باش راجلي ما يتعذبش و يربينا كاملين..و عاد حتى نتزوج بعدا براء:ههههههه وا بطبيعة الحال مورا الزواج إنتصار:أهيا را غادي تقطع ليا شهيتي ما تبقاش تجبد ليا الزواج براء:هههههه علاش إنتصار:كا نتخايل راسي..أنني خاصني نبقا مع رجل واحد طول حياتي و ما خاصني نشوف في حتى شي تيتيز آخر..قرب قرب نقولك شاف فيها باستغراب و قرب وذنو ليها إنتصار:أنا را عيني زاايغة قاطعاتهم الماكلة لي جات..غير تحطات..إنتصار ما عقلاتش على براء ..و بدات كا تاكل بشراهة بحال الى عمرها كلات براء بعد ما خلاتو مصدوم من الحركة لي دارت و صوت أنفاسها لي مازال حاس بيهم في حنكوا و في وجههو..بورشاتو..شاف فيها غير مبالية..فقط كا تاكل بدا حتى هو كا ياكل..حتى وقف عليهم واحد الشخص..لي غير شافتو إنتصار و هي توحل ليها..أما براء مرة كا يشوف في إنتصار مرة كا يشوف في الشخص مونية(بدلع):براااء كا تشوف فيه بابتسامة..أما إنتصار شدات الموس و زيرات يديها عليه مونية:برااء صدفة زويينة هادي إنتصار:صدفة واااااااعرة مونية(شافت فيها باستغراب):ماشي مشكل الى جلست معاكم يالاه بغا يهضر براء و هي تسبقو إنتصار إنتصار:انضمي..التاحقي..جلسي..خووودي راحتك شافت فيهم بابتسامة و خدات كورسي حدا براء و بجوجهم أونفاص مع إنتصار إنتصار(في خاطرها):جرييئة مع راسك مونية:ايوا صافا براء:أحم الحمد الله و نتي مونية:الحمد الله شكراا..كي جاتك تركيا براء:اممم زويينة مونية:حتى أنا عجباتني..و هاذي أول مرة ليا هنا و إن شاء الله ما تكونش الأخيرة هههههه إنتصار كا تشوف فيها بحقد..و براء حاضي تصرفاتها و خايف لادير شي مصيبة مونية(شافت في إنتصار):ما غاديش تعرفني؟ إنتصار:آااه أ السي براء عرفها بيا(كا تلوح بالموس)و قوليها آش كا ندير بالبشر براء:أحم هادي صديقة..صدييقة مقربة إنتصار:مقربة جدااا لواحد الدرجة ما تخايليهاش شاف فيها براء بصدمة ما فهمش آش بغات تقصد..أما مونية استغربات و دارت عند براء مونية:يعني واش كا تبغيو بعضياتكم؟ إنتصار و براء(في دقة):آااه/لااا
