رواية بالدارجة المغربية.. ممزوجة بالواقع و حدث خيالي..🍁
حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
جوج بنات كا يتناقشوا في غرفة..إنتصار كا تجر في شعر إسراء و معصبة..و إسراء غالبها الضحك.. إسراء:و صافي أ صحبتي غير ضحكنا..أي شعري لا وا شعري لا إنتصار:واش أ عباد الله هاديك مفاجأةو المشكلة كانو تيتيز أ بنت الحرام..شوهتيني إسراء:ههه و صافي..أنا مخسرة عليك كيكة صغيرة ب3 دراهم إنتصار:وااا عطيها ليا ناكلها ماشي طلسيها ليا ف وجهي..نبان كي شي شبح هاربة ليهم من شي فيلم.. إسراء(عنقاتها):هههه صافي صافي غير بغيت نضحك معاك..و لكن نتي ما عارفاش شنو جبت ليك في الكادو..جبت ليك الحلم ديالك..واحد الحلم كا تحلمي بيه ملي كنت صغيرة غير هو كانو شي أعداء ما خلاوكش تجيبيه إنتصاى: شحال فيك ديال الفلسفة.. صافي طلقينا خلاص إسراء:و دوري وجهك باش نجبدها إنتصاء: ديري فبالك ديري فيا شي كارثة غادي نضربك
إسراء جبدات كارطونة كبيرة حطاتها ليها قدامها..
إسراء:يا الله حليها حلاتها إنتصار و هي تصدم..كانت مشيشة صغيييرة مكمشة..بيضاء و كا تشوف فيها بعينيها الزرقاء
إنتصار::وااااااااااو إسراء:ها هو الكادو ديالك تلاحت عليها عنقاتها
إنتصاء:أححح يخليك ليلي..حلمي تحقق..صافي لا بغات الموت تجي غير تجي..احح و شحال كا نبغييك إسراء:شفتي قلت ليك جبت ليك الحلم ديالك..غير الأعداء كانوا واقفين في طريقك إنتصاء:هههه مسخوطة.. كا تقصدي ماما إسراء:ههههه وي
هزاتها إنتصار و هي كا ترعد ..شحال و هي متشوقة تربي قطة و لكن الأم ديالها ما كا تبغيش..كا تقول ليها العذر على أنها ملي كانت حاملة بيها قاليها الطبيب ما تقربش المشاش..واخة دابا دازت سنين..و العذر التاني هو أن إنتصار عندها حساسية ديال الغبرى
إسراء:دابا أنا جبتها ليك و فكيها مع مك إنتصار:هههه صافي غادي نشوف كي ندير..المهم غادي تبقا عندي ياك ا مشيشتي(باستها) إسراء:أش غادي تسميها؟ إنتصار:الضاوية و إلى ما قبلوهاش ليا في الحالة المدنية غادي نسميها حادة..واش من نيتك حتى نشوف بعدا كي ندير مع ماما إسراء:ههه سيري الله معاك إنتصار:يحفضك أ الساطة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
