~إنقلاب روحاني~ |مكتملة|

الجزء 15

إنتصار:المهم الواليدة لي قالت ليا نقولك فهمتي الوالدة لي قالت ليا نقولك
براء:اممم آش قالت
إنتصار:كيما قلت قبل الواليدة ركز على كلمة الواليدة..قالت ليا نعيط عليكم تجيو تغذاو بالرفيسة معانا نتا و غيث
براء:دابا نتي كا تقولي ماماك لي قالت هادشي اممم
إنتصار: و الله حتى الواليدة و الله ما أنا..دابا را بزز مني باش كا ندوي معاك
براء: ضروري ؟
إنتصار:غير نتا و وجهك
براء:حتى هادي قالتها ماماك
إنتصار:لا من تأليفي
غيث(شد من عندو التيليفون):شفتكم وليتو كا تكثروا في المكالمة
إنتصار:شفتي نتا وااا بربي حتى كحلتيها معايا وجد راسك
غيث(باستغراب):أناري آش درت..(شاف في براء) قلتي ليها شي حاجة عليا..باينا نسبتي ليا شي جريمة 
براء(بدون اهتمام):ياك سمعتي آش كنا كا نقولو
يالاه بغا يسولها و لكن  قطعات عليه
غيث:مال هادي
براء:ماماها عارضا علينا للرفيسة للغذاء
غيث:اححح كنت مشهيها و الله.. و لكن علاش كحلتها
براء:الله ا علم

******
إنتصار لي جالسة كا تحلف على غيث..حتى دخلات عليها إسراء
إنتصار:بسم الله الرحمان الرحيم..منين خرجت نتي
إسراء:داااايريييين الرفيييييسة و ما قلتيهاش ليا
إنتصار:يالاه كنت غادي نقولها ليك
إسراء:اممممم
إنتصار:أجي تشوفي أشنو جبت ليك من تركيا
إسراء:الحمد الله ملي تفكرتيني
جبدات ليها الكادوات..و إسراء شكراتها
إسراء:آهاه و العريس
إنتصار:معاك فلوس يا شيخة؟
إسراء:لا
إنتصار:مافيش فلوس ما فيش عرييس يا ختي
إسراء:الله يمسخك..
بقاو مجمعات و دخلات عندهم خديجة لتاني مرة
خديجة:قولي ليهم مع 3 سمعتي 3
إنتصار:فهمت
صيفطات ليهم ميساج في الواتساب علماتهم و دغيا طفات الكونيكسيون ما بغات دوي مع حتى حد..حتى جراتها إسراء
إسراء:نتي ما غاديش تعاودي ليا شنو واقع بينك و براء
إنتصار:حتى لمن بعد و نعاود ليك
إسراء:إذن كاينا شي حاجة
إنتصار:صافي ا صحبتي صبري حتى نعاود ليك بلاما تحرقي الأحداث في بالك
إسراء:هاحنا غادي نشوفو
مشاو كا يوجدوا معاهم..حتى حان الوقت..و أول واحد دخل كان أيمن..دخلاتو إنتصار للصالون بعد استقبلاتو..
*******
بعد دقائق قليلة تسمع الدقان في الباب
إنتصار(قلبها كا يضرب):جااو
إسراء:باش عرفتيها؟واش وليتي شوافة
اتاجهات إسراء للباب حلاتو و بالفعل كانو هما..دخل براء بعد ما ألقى السلام و بادلاتو بإبتسامة أما غيث خنزرات فيه و مشات و خلاتو
غيث:يالاه شي ياخد تبسيمة شي ياخد تخنزيرة
جات خديجة كا ترحب فيهم..دخلوا للصالون فين كان أيمن كا يتسناهم..
دارو على الطابلة و غيث كا يحاول يقشب مع إنتصار كيف العادة و لكن هي ما معبراهش و ما كا تشوفش فيه الشيئ لي خلاه يستغرب
غيث(في وذن براء):تا را بربي حتى كحلتها مع عشيرتي
براء:شغلك هذاك
غيث:باينا نتا السبب
براء:أنا السبب و لكن بطريقة أخرى
غيث:كيفاش؟
براء:سول عشيرتك
قاطعهم دخول خدبجة هازة القصرية..حطاتها الوسط..و شافت فبهم
خديجة:مهم هاد العراضة حيت بغيت نشكركم واحد واحد و حيت وقفتوا مع هاذ السليعفانة حتى خرجات بيخير و على خير
إنتصار:شكرا على المجاملة ا الواليدة لهلا يخطيك
خديجة:مهم نخليكم..بصحة و راحة
إنتصار:علاش؟واش  ما غاديش نتغداو مجموعين ؟
خديجة:نتوما تغداو بيناتكم كأصدقاء و خودو راحتكم و حنى غادي نتغداو بوحدنا
خرجات و خلاتهم أما إنتصار سولاتهم
إنتصار:شكون لي بغا ياكل بالفورشيط نوض نجيبها ليه ؟
الكل هز يديه ..جابوا ليها الضحك
إنتصار:كيليميني حتى واحد فيكم ما غادي ياكل بيدو
إسراء: و نتي باش غادي تاكلي
إنتصار:بالفورشيط
إسراء:ايوا سكتي فاضحة الدنيا غير هكاك
كولشي بدا كا يضحك..أما هي عفطات على رجل إسراء و دازت و أيمن متبع ليها العين و طبعا براء ما خفاوش عليه دوك النظرات