~إنقلاب روحاني~ |مكتملة|

الجزء 19

إنتصار:يوم بان الحبيب بصورة أخرى..يوم عمرو داز في حياتي..يوم تخذلت فيه من أقرب الناس لقلبي .و هاذ الخاتم لي حيدتي كا نواعدك ما غادي يتحط غير في أصبع الشخص المناسب..الشخص لي غادي يقدرني..و يقدر مشاعري و أحاسيسي..الشخص لي غادي يبادلني نفس الشعور..الشخص لي غادي يبغي ليا الراحة ..و كا نواعدك أنك غادي تندم..و عمرني غادي نسمح ليك..شكراا على هاذ النهار..شكرا حيت بينتي حقيقتك..شكرا حيت بينتي ليا ماشي كولشي كا يستاهل التضحية..شكرا حيت بينتي ليا أن الحب أعمى و ليس نعمة..فكرتي غير في نفسك و ما فكرتيش فيا..قلتي فقط نهضر و ما نتسوقش ليها و لمشاعرها لي جرحتهم..و دابا بغيتك تسمع واحد الكلمة لي كنت كا نحاول ما أمكن عمرك تسمعها مني(بصراااخ) كااااا نكرهك..

خرجات كا تجري..أما هو يالاه بغا يوقف يتبعها و هو يحس شي حاجة قوية كا تمنعوا..أما إنتصار ركبات طوموبيلتها و مشات كا دور باش طفي غضبها
إنتصار:كا نقسم ليك ماغي طيح حتى دمعة على قبلك..اليوم رجعت قوية أكثر..و غادي تندم غادي تندم بزاف

غيث طلع عند براء
غيث:علاش إنتصار خرجات كا تجري
براء:ما عرفتش
غيث:برااااااء؟؟؟؟
ما جاوبوش و خرج غادي ساهي..و غيث ما فاهم فيه والو صونا على إنتصار ما كا تجاوبوش..و صونا على إسراء
غيث:الو..واش معاك إنتصار؟
إسراء(بقلق):لا..علاش؟
غيث:مهم صوني عليها..و الى جاوباتك بقاي معاها..حتى لمن بعد و نعاود ليك

إسراء صونات على إنتصار..المرة الاولى الثانية الثالثة عاد جاوباتها
إنتصار(ببرود):شنووو
إسراء:فينك
إنتصار:علاش؟
إسراء:جي عندي..اولا قولي ليا فينك بغيت نجي عندك
إنتصار:بلاش..بغيت نبقا بوحدي
قطعات عليها و شافت قدامها
إنتصار:الشفقة ديال النم..(شافت في الخاتم و بقات كا دورو في صباعها) ماشي أي واحد غادي يلبس هاذ الخاتم..و يحمل سميتي و بطبيعة الحال براء ما غاديش يكون ضمن الائحة..كا نواعدك غادي تندم ..و الله ما غادي نطيح شي دمعة على قبلكم..حيت ما تستاهلوش

رجعات للدار و نعسات
أما براء بعد ما خرج صونات عليه مونية و جاوبها بدون تردد
مونية(بدلع):براء حبيبي لباس؟
براء:الحمد الله و نتي
مونية:ملي نتا بيخير حتى انا بيخير ههههه
بقا ساكت ما جاوبهاش
مونية:شفتي إنتصار اليوم
براء:آاه
مونية(بغيرة):علاش؟ فاش دويتو؟
براء:تفارقنا
مونية(بفرح):ههههه بصح ما تصورش شحال راني فرحاااانة..كا نبغييك بزاااف و الله
ما جاوبهاش و كملات هضرتها
مونية:مهم غدا غادي نخرجو ياك؟
براء:واخة..بونوي
قطع عليها و بقا كا يشوف في الفراغ..ما فاهم والو في نفسو..كا يحس بشخص آخر ساكن معاه في الجسد ديالو و كا يتحكم فيه..شخص كا يبغي و كا يتسطى على مونية و كا يكره إنتصار..و الى قاوم كا يحس بالآلام بقلبو و في راسو
تنهد بقلة حيلة و نعس.. أحسن جزء في يومو هي النوم..لأنه كا ينسى و دماغو كا يرتاح و ما كا يفكر في حتى حاجة..و ما كا يسخاش ينوض اولا يفيقو شي حد