~إنقلاب روحاني~ |مكتملة|

الجزء 3

الرجل:احتارميني راني كبر منك
إنتصار:كون حتارمتي ماما غادي نحتارمك..و لكن اش غادي ندير ليك و كرشك سابقاك..رخف عليها را السمطة ما نافعا والو
خنزر فيها و خرج
إنتصار(تابعاه):ياكما عندك تواام..بن الغليظ الآخر تفو..بنادم وجهو قاصح
دارت لقات خديجة مخنزرة
إنتصار:الواليدة
خديجة:حناك هادي..أش هاذ قلة الاحترام لي درتي دابا
إنتصار:حاشا درت معاه الصواب..و نتي عارفاني الصواب كا نعطيه قتلة
خديجة:ما فيا لي يتجاحد معاك حيت ما غاديش تسكتي..كي داز الصباح
إنتصار:كيف ديما
خديجة:قاريا في العشية؟
إنتصار:آه..فين هي القطة ديالي ياكما لحتيها
خديجة(عوجات فمها):را فين خليتيها فين بقات
إنتصار:ههه يا الله انا مشيت..و الله يعاونك..

دازت عند خالها سعيد لي حتى هو عندو محل حدا المحل دييال خديجة سلمات عليه و طلعات للدار..حلات ليها خالتها باستها و مشات نيشان للبيت..لقات القطة ديالها في الارض كا تشرب من واحد الطبسيل صغير فيه الحليب..
إنتصار(بحب):كنت عارفة الواليدة ما غاديش تخليك
هزاتها و جلسات فوق الناموسية..
إنتصار:إيوا را خاصنا نلقاو ليك شي سمية..اممم مينوش مينوش ما بيهاش..صافي نتي سميتك مينوش..تبغي نزيدك في الحالة المدنية معانا هههه..
بقات كا تلعب معاها..تصورات معاها و لاحتها في واتساب و كتبات عليها..و أخيرا"مينوش"..بداو صحاباتها كا يباركو ليها حيت عارفين ان هو داك الحلم ديالها..جبدات واحد المذكرة..
إنتصار:احح كا تحمقني هاد المذكرة..الريحة ديال الاوراق ديالها زوييينة
بدات كا تقلب في الاوراق ديالها..لكانوا مكتوبين فيهم بحال يوميات أولا مذكرات..لكن بطريقة مختلفة
إنتصار:اححح إمتا يجي الوقت و يتحققوا هاذ الاحلام و الطموحات كاملين لي كاتبة هنا ..و لكن أنا متأكدة أنه قرب
سمعات فيبرور ديال التيليفون لقاتو ميساح وصلها من عند إسراء..
إسراء:القردة..غدا نمشيو للغابة؟
إنتصار:مع من؟
إسراء:مع شي أصدقاء كا نعرفهم
إنتصار:معاش؟
إسراء:8..ندوزو النهار كامل تما
إنتصار:8 مالي باغا نجاهد..نو ميغسي..نبقا ناعسة و غير في الدار و نفيق على نgير خديجة و ما نفيقش مع8
إسراء:كاين تيتيز و الله .. و نيت نفوجوا و نرتاحوا من السطريس ديال الإمتحانات..
إنتصار:بففف كا تقولي نقطة الضعف ديالي..هما التيتز..بفف نسول ماما و نرد عليك

وصل الوقت ديال الغذاء..طلعات خديجة و سعيد تغداو مجموعييين..و رجعات تاني إنتصار للمدرسة..و دوزات نفس الروتين..وصلات للدار مع 6..تلاحت فوق الناموسية

خديجة:مالكي على ديك النعسة
إنتصار(خاشية راسها تحت المخدة و مينوش فوق من ضهرها):عييت
خديحة:لي يشوفك يقول كنتي كا تحرثي
إنتصار:داكشي لي كنت كا ندير..را عصرت دماغي هادي ماشي حراثة
خديجة:ولات هدرتك بحال الكوسالا
إنتصار:مالي أنا مجتهدة؟
خديجة:هههه و مال لي جايب الباك ب17 كسول
إنتصار:هههه صافي..مهم فكرتيني كنت بغيت نقولك غدا بغيت نخرج مع إسراء للغابة ندوزو النهار كامل تما
خديجة:و شكون غادي يمشي معاكم؟
إنتصار:مع شي أصدقاء كا تعرفهم..ما تخافيش
خديجة:صافي سيري نيت نتهنا من صداعك
إنتصار:الله يحفضك أ الوليدة..شفت نتي أكفس أم بغيت نقول أحسن أم
خديجة:ايوا الله يعميها ليك
إنتصار:يتوووب ا الزين