حطهم الطاكسي قدام ضيعة كبيرة..فيها حقول خضراء..مزارع..دراري صغار مسموع صراخهم..توجهو عند رجل كبير باش يسولوه على الدار..يحيث أن الورقة مكتوب فيها عنوان هذا المكان لي فين حطهم الطاكسي..أما عنوان المزرعة و مكانها خاص يدلهم شي حد من تما..
وقفوا عليه شاف فيهم باستغراب..مدات ليه إنتصار الورقة بدون ما تهضر..فهم الرجل طلبهم و عيط على شاب
الرجل: git onlara evine o kadın bilge(سير بيهم لدار ديك المرأة الحكيمة)
الشاب: tamam(حسنا)
فهمو أنه غادي يوجههم..ابتاسمات إنتصار للرجل و نطقات
إنتصار(بلطف):tesękkürler(شكرا)
تمشاو مورا الدري..بقاوو طالعين في واحد الطلعة و كل ما كا يطلعوا كل ما كا الديور ما كا يبقاوش يبانوا..كاين فقط الخلاء..الشيئ لي خلاهم يستغربوا
إنتصار:أناري هادي فين ساكنة
بعد مدة وصلوا لواحد المزرعة أكثر من رائعة..منعزلة و زويينة..لمحوا الحسناء واقفة كا تبتاسم ليهم
الشاب: burada (هنا)
إنتصار:tesękkürler (شكرا)
براء:هههههه هادشي لي عارفة بالتركية غير شكرااا
إنتصار:كا نعرف للكلمات و بعض الجمل..أ بلاتي دابا نصدمك أ الحgار
قربوا للحسناء
الحسناء:على سلامتكم
براء و إنتصار:الله يسلمك
الحسناء:يا الله را كا يتسناو
تمشاو كا يشوفو في الطماطم لي في الأرض..و الأشجار فيهم الليمون..بقات كا دور في عينيها عاجبها الحال..بعد ما فاتو المزرعة عاد ظهرات جريدة..بانت ليها زعلولة..و جلسة زوينة مدورينها بمخاد كبار و رطبين ملونين..انباهرات و عجبها المكان..لمحات أشخاص واقفين بانتظاام..قربات ليها امرأة عجوز معgزة على عكاز
أنتصار: إنتصار selamüm aleyküm ben
المراة:ا بنيتي غير دوي بالدارجة را كا نفهموها
ضحك براء و ضرباتو بكوعها لكرشو..حتى حبس الضحكة بزز
إنتصار تحرجات و ما عرفات ما تقول
المرأة:مرحبا بيكم أنا نيروز و هاذي عائلتي..هادي بنتي فاضلة
قربات ليهم امرأة ستينية مبتاسمة ليهم..سلمات عليهم و رجعات حداها..
نيروز:و هادو اولادها روهان و عاطف
روهان شاب عشريني ..قرب عندهم و سلم عليهم كا يضحك
أما عاطف رجل ثلاثيني قرب ليهم..كان لابس في يديه قفازات بيضين..رش على يديه معطر و خلا بينو و بينهم مسافة و سلم عليهم سلام ناقص..الشيئ لي خلاهم مستغربين من حالو
رجع حداهم
نيروز: و هاذا ولدي الكبير محمد..( و هدرات بطريقة استفزاز) و هاذ مرتو أصلى الجميلة و المعروفة في تركيا كاملة(بطنز) باها دار إفلاس و جاو سكنو هنا
ناريمان(جات كا تبوزا):نعرفكم براسي..هااا أنا صلى أوغلو و سميتي كا تعني الأصالة هااا.. بنت أغنى واحد في تركيا..و نصحح المعلومة لحماتي الحبيبية..جيت هنا تضحية لزوجي الحبيب..
سلمات عليهم بالشيكي..و سلم عليهم زوجها و رحب بيهم
نيروز: عندهم بنت صغيرة كاينا في المدرسة دابا و بنت اخرى لكن نا غاديش تبان ليكم دابا ..مهم مرحبا بيكم في عائلتنا أ إنتصار و براء
تمشاو كاملين و هما موراهم
إنتصار(بوشوشة):علااش ما قلتيش ليا أنهم كا يديو بالدارجة كاملين..واش كانو في المغرب
الحسناء:رجل نيروز مغربي و مات..و نيروز علماتهم الدارجة كاملين
أنتصار:آااه مزيان
دخلو للداخل.. أثاثها تركي..و مركبة بطريقة تركية حديثة
جلسو في طابلة طويييلة كل واحد شد كورسي..نيروز في رأس الطابلة و وولدها و مراتو بيمينها و بنتها و أولادها بيسارها..و إنتصار و براء جلسو حدا الحسناء..كانت الطابلة معدة بأطباق تركية..
نيروز:تفضلو
بداو كا ياكلوا و كل واحد و طريقتو في الاكل..أصلى ماكلتها بالشيكي و عاطف كا ينظم ماكلتوا و خايف تخربق ليه شي حاجة..و الآخرين كا ياكلو عادي
بعد ما كلاو و إنتصار عجباتها الماكلة التركية
نيروز:غادي تكونوا عيانين..فاضلة ديهم يرتاحوا
دازت قدامهم و تبعوها جارين ليفاليز ديالهم و الأعين تابعاهم
طلعوا للطابق العلوي..لي كانوا فيه بزاااف ديال الغرف
فاضلة:تفضلو هذا بيتكم
إنتصار(بصدمة):بيييتنااا
فاضلة:آااه علاش مالكم..واش كاين شي مشكل
إنتصار:سمحيليا و لكن ما يمكنش لينا حيت ما مزوجينش
فاضلة: و الله ا ختي ما عندي كيف ندير..حيت هذا البيت لي بقا..حيت شفتي عائلتنا أفرادها كثار..مهم خليت ليكم الراحة
نزلات و خلاتهم واقفين
إنتصار:فين هي الراحة فين؟؟
دخلوا للبيت لي كان فراشو زوين..و فيه نافذة كا طل على الجردة..مشات كا طل و كا دور في عينيها مبتاسمة..
أما براء بدا كا يحط حوايجو في البلاكار
إنتصار:شفتك درتيها بصح
براء:شنوو
إنتصار:أننا نبقاو في غرفة واحد
براء:بان ليك شي حل آخر..الحمد الله بعدا ملي عطاونا غرفة
إنتصار:اولا قول عاجبك الحال حيت غادي تبقى مع بنت في غرفة واحدة
ضحك و قرب ليها
براء:را واقيلا انا لي في جسم بنت و أنا لي خاصني نقول هاذ الهدرة..ما تنسايش(غمزها)
رجع كا يكمل أما هي تفقصات حيت قال الحق..وقفات حداه و بدات كا ترتب الحوايج بالفقصة و تسوط أما هو شابع عليها ضحك..
بعد ما سالاو..
براء:أنا غادي نمشي نتوضى..
إنتصار:اوكي..حتى انا غادي نتوضا موراك
حل الباب بانت ليه الطواليط اونفاص مع الغرفة..دخل توضا..و خرج
عاود دخل..شافتو و خرجات تاهي توضات..و رجعات عندو لقاتو كا يصلي..بقات كا تسناه حتى سالا و صلات موراه
براء:اوووف داك العياء ديال الطيارة رجع عليا..
بغا يبدل حوايجو و هي دور دغيا وجهها
براء:ههههههههه من نيتك را واقيلا الجسم ديالك
إنتصار:كا نسا كا نسا
لبس بيجامة و حيد الزيف و تخشى في الناموسية
إنتصار(باستغراب):يعنييي؟؟
براء:ماالك؟
إنتصار:را واقيلا أنا بنت و أنا لي خاصني نعس في الناموسية و نتا نعس في الفوطوي
براء:هههههه أولا كا يبان ليا أثرو عليك المسلسلات..ثانيا ما تبقايش تنساي أنني بجسم فتاة يعني متاح ليا نعس هنا..الى بغيتي تنعسي حدايا ما عندي حتى إشكال و الى ما بغيتيش سوقك هذاك..تصبحي على خير
خلاها مصدومة كا تبقلل في عينيها..هزات مخدة بغات تقجو و هو يحل نص عين
براء(بطنز):بغيتي تقتليني..خلي بعدا حتى نكون فايق باش نزيد نتعذب ههههههه
عضات على شنايفها..هزات ديك المخدة و ليزار و مشات لفوطوي كا تقاد بلاصتها
إنتصار:تفو تفو
بعد مدة من العذاب في النوم..نعسات نتيجة العياء..و حتى براء نفس الشكل..نعسوا و ما عقلوش على راسهم..واخة كانت غير 7 ديال اليل..بقاو ناعسين حتى واحد ما فاق..
*******
مع 6 ديال الصباح إنتصار و براء مازال ناعسين..فجأة تسمع صوت بكاء امرأة و داك الصوت قوي..و كا يسمعو التهراس و بحال الى دار غادي تريب..الشيئ لي خلا إنتصار طيح من فوق الفوطوي
إنتصار(بخلعة):الله أكبر..منبت الأحرار
حتى براء فاق مفزوووع
حاولوا يستدركوا الوضع..خرجوا كا يجريو دايخين بالنعاس..لقاو واحد المرأة غليييظة كا تبكي و نيروز و فاضلة كا يحاولو يشدوها
أنت تقرأ
~إنقلاب روحاني~ |مكتملة|
Humorرواية بالدارجة المغربية.. ممزوجة بالواقع و حدث خيالي..🍁 حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
