~إنقلاب روحاني~ |مكتملة|

الجزء 13

براء:كا تقلبي عليا
إنتصار: و هو كا يعرف يعبر على الأحاسيس ماشي بحالك قلتي ليا غير كلمة وحدة
براء هز ليزار و مخدة و وقف حداها داير ابتسامة خبيثة
فرش فوق الأرض حداها و دار مخدة و تكا
إنتصار(شافت فيه باستغراب):غادي تنعس هنا؟
براء:عنقي تعنز بسبب داك الفوطوي..و بما أنني ما نقدرش نعس في الناموسية..إذن هذا هو الحل الوحيد لي بقا
إنتصار تكات فوق الناموسية على جنبها كا ..و حتى هو متكي على جنبو كا يتبادلوا النظرات بيناتهم
أنتصار:و الى طلعات معاك البرودة
براء: هههههههه السخونية لي طالعة معايا دابا..نعسي خلي هاذ اليلة دوز بيخير و على خير..
إنتصار:ايوا تغطا مزيان لا يضربك البرد
براء:ههههه واش جاك تأنيب الضمير..شفتك خايفة عليا..ههه ما تخافيش شحال من مرة نعست في الأرض
إنتصار:شنو هو السبب..
براء(ضحكاتو): ملي كنت كا نمشي عند جداتي في فاس..كا نعس في السطح..و ملي كا يكون الصهد كا نعس في الارض

إنتصار:أنا عندي حساسية ديال الغبرى ما كا نقدرش نعس في الأرض..حيت الزرابي و القنات ديال السدادر كا يكون فيهم الغبرى كا نبقى غير نعطس
براء:من ايمتا فيك هاد الحساسية ؟
إنتصار:من الابتدائي و تقريبا ملي كانت عندي 6 سنوات..كنت كا نتخنق لماما بزااف و كانت كا تخاف عليا حتى كا تبدا تبكي معايا و تسهر معايا اليالي..
براء: مشيتي عند الطبيب ؟
إنتصار:سي دوزت كونطرول..و كنت كا نضرب البراوات كل مرة في سيمانة و من بعد كل مرة في 15 يوم

براء:و علاش ما كملتيهمش..تعالجتي منها؟
أنتصار:لا غير البراوات كانوا كا يجيو من فرنسا و تقطعوا..و صافي حبست..و مرة مرة كا نتخنق
براء:كا تشربي شي دواء؟
أنتصار:آااه.. و ما خاصنيش نقطعوا طول حياتي
براء:ما تقوليش ليا هداك لي خاصك تشربيه في اليل
أنتصار:آااه علاش؟
براء:حيت ما كنتش كا نشربوا(بقلق)واش غادي طرا ليك شي حاجة..(تقاد في الجلسة و شد ليها في يديها) ما كنتش عارف فقط كنت كا نعجز عليه و ما كانش يسحاب ليا مهم حتى لهاذ الدرجة
إنتصار:ههههه غير بشوية عليك..أنا ديما كنت كا نتخاصم مع ماما عليه..كنت كا نساه بزااف..عادي
براء(رجع تكا في بلاصتو):ايمتا بالضبط كا تخنقي..يعني اينا فصل بالضبط؟
إنتصار:البرد كا نتخنق بزاااف..أما الصيف مرة مرة
براء بقا شاد ليها في يديها و كا يدير حركات دائرية..و إنتصار مستمتعة بحركاتو
إنتصار:ما سخيتيش بيدي هههههه ..و هي حرشة.. ما كنتيش كا تهلى فيها
براء:لا رطبة
إنتصار:را نتا لي وليتي رطب..و غادي تقتلني بهاذ الرطوبية لي ولات فيك
براء:هههه غادي نحاول نبين ليك غير هاذ الجانب
إنتصار:علاش كاين شي جانب آخر
براء:آااه جانب خايب.. ما عندك ما ديري بيه
إنتصار:ناري خلعتيني
براء:ما ديريش شي حاجة لي تعصبني و ما غاديش تشوفيه.. نعسي غدا فايقين بكري
إنتصار:آااه بونوي
غمضات عينيها كا تقلب على النعاس..حتى غفاو بجوج و يديهم مازال متشابكين
********
فاق براء هو الأول..بعد ما حس شي حاجة ثقيلة مسندة عليه..دور وجهو لقاها إنتصار معنقاه من اللور و دايرا نعسة عجييبة
براء:ههههههه لا نتي بزااااف و الله..ديما مغتاصباني
حس بيها بدات كا تفيق و هو يسد عينيه باش يشوف ردة فعلها..أما إنتصار بعد ما تكسلات يالاه بغات تجر يديها و هي تحس بشي حاجة ماشي هي هاديك..حلات عينيها مزيان و هي تصدم
إنتصار:ويلي ويلي لا بصح زعمت..بقا ليا نقول ليه أجي نديرو الاولاد..تفو يدي وحلات
كانت كا تحاول تجر يديها لي كان براء متكي عليها..مزير عليها بلعاني و كا يضحك عليها في خاطرو
بدات كا تجر في يديها بشوية..و هو يحل براء عينيه و دار راسو يالاه فاق..و ضار عند إنتصار لي غير شافتو حل عينيه سرطات ريقها بصعوبة
براء:إنتصار آش كاديري..واش نعستي حدايا
أنتصار:هههههه لا ما تفهمش غلط غير غير طاح ليا الخاتم و هزيتو
براء:هههههه اعتارفي و قولي كنتي ناسعة هنا
إنتصار:إذن كنتي فايق
براء: و شخيرك غادي يخليني ناعس
إنتصار:حشااك..و لكن غادي نديرو 2 افتراضات
براء:لي هما
إنتصار:يا إما نتا تسطيتي و نضتي هزيتيني و حطيتيني حداك
براء:آهاه و الافتراض التاني ؟؟
إنتصلر:ما كاين إفتراض تاني..كاين غير إفتراض أنك باغي تنسب ليا جريمة ما درتهاش