~إنقلاب روحاني~ |مكتملة|

الجزء 5

إنتصار غادا جايا كا تسنا فيهم..حتى بانو ليها غادين بيه لواحد الغرفة..تبعاتهم..حطوه فوق الناموسية ناعس على كرشو..و دارين ليها فاصمة على ضهرو
إنتصار:امضرا آش عندو
الطبيب:بما أنه طاحت عليه شي حاجة ثقيلة فتهرس ليه واحد العظم..و لكن ماشي شي حاجة خطيرة غادي يبقا هنا حتى يرجع عليه
إنتصار(في خاطرها:في الصراحة 2 حوايج طاحو عليه):شحال المدة تقريبا
الطبيب:على حسب..ممكن سيمانة اولا 2 اولا أكثر
تمشات ببطئ حتى قربات ليه
إنتصار:غيث
غيث:بعد مني
إنتصار:وا غير سمح ليا ا صاحبي ما درتهاش بلعاني
غيث:دابا عجبك الحال نبقا ملوز بحال هاكا..و الى كانت شي ممرضة تيتيزة ما نقدرش نشوفها
إنتصار:هههههه سمح ليا خاصك شي حاجة..
غيث:خاصني تيساع
ضحكات و خرجات خلاتو على خاطرو..هزات تيليفون..قرات الميساج من براء و سمعات التسجيل
إنتصار: و دابا عجبتيني الله يرضي عليك

صونات عليه جاوبها دغيا
إنتصار:ألو
براء:ألو لاباس
إنتصار:اممم الحمد لله
براء:مازال مقلقة سمحيلي..ما يسحابش ليا هما هكذاك
إنتصار:عرفتي كون ما قمعتيهم gاعما نسمح ليك و ندوي معاك
براء:هي صافي سمحتي ليا
إنتصار:آااه..مهم خاصني نقولك واحد الحاجة مهمة..أنا دابا في صبيطار مع غيث
براء(بقلق):علاااااش
إنتصار:حتى نقولك من بعد
براء:قولي ليا فين..أنا جاي
إنتصار:فين جاي آش غادي تقول لماما
براء:إنتصار هذاك را صاحبي و ماماك أنا غادي نعرف آش غادي نقوليها
إنتصار(بتفهم):ف*****
***
براء:احم ماما واحد الصديقة دخلات الصبيطار و كا يخصني ضروري نمشي عندها
خديجة:نمشي معاك
براء:غير خليك..ما غاديش نتعطل بزااف
خديجة:واخة ردي البال
****
بعد نصف ساعة..وصل براء سول على الغرفة..وجهوه للغرفة 24 في الطابق الثالث
مشا دغيا ووقف قدام الغرفة..حل الباب دغيا و بان ليه مستلقي
غيث:براء هذا نتا؟
براء بقا ساكت و ما عرف ما يدير فقط كا يشوف فيه بصدمة..عريان و لاوين عليه فاصمة
غيث:شكون لي كاين هنا؟؟؟؟
ما جاوبوش و خرج سد عليه الباب..دور وجهو و هو يلق إنتصار
براء:شنو واقع ليه
إنتصار(بأسى):تهرس ليه عضم في ضهرو و واجب عليه يبقا هنا
براء:كيفاش وقع ليه
إنتصار(في خاطرها:تفو نقول ليه كنت كا نشوف في واحد التيتز و كنت غادي نقتل صاحبك):مشينا لاصال و كنت كا نهز في هادوك دمبل و انا ما شافتوش ملي كان قدامي و طاحو عليه
براء:كيفاش حتى طاحو عليه فين كنتي كا تشوفي
إنتصار(في خاطرها:كنت كا نشوف في واحد البقلاوة):كنت كا نشوف في واحد الذبانة تتوالد..لا بغيت نقول كا تولد
براء:واش دابا بان ليك الوضع ديال الضحك دوي بجدية
إنتصار:احم سهيت و صافي..و عاد راني اول مرة كا نمشي لاصال
براء:بففف واخة

شاف فيها لبرهة و شنو لابسة و ضحك
براء:هههه اش لابسة يسحاب ليك الصيف..اصلا هادا كا نلبسو غير في الدار
إنتصار:نتا مطفرو مالك داير للزيف ديك الحالة..شوف خاصنا نتافقو على واحد القضية..بما أن كل واحد في جسد الآخر إلا أنه خاصو يخليه كيف كان في السابق
براء:هههه واخة أ لالة..و لكن خاصك توريني كيف ندير نصاوبو
قربات عندو..حيدات الفنيتة..و بدات كا توريه الطريقة
إنتصار:فقط غادي تقسمو على 2 و تلوح كل طرف في جهة و تبتو بفليل باش ما يبقاش يطيح ليك..أولا تخلي جهة و تلوي جهة
بعد ما قادات ليه بعدات شوية..شوية و هو يقرب ليها أكثر حتى تساطحات مع الحيط
براء: و حتى نتي شعري عودي مشطيه لهاد الجهة و نقصي شوية من هنا(غمزها)
و بعد خلا قلبها كا يضرب
إنتصار:احم شفتي غيث
براء:شفتو من بعيد نتي عارفا ما نقدرش ندوي معاه
إنتصار:أجي معايا