حتى وصلها نزلات بلا ما تقول حتى كلمة..رضخات الباب و دخلات للدار..أما هو تنهد و ما عارفش مالو و علاش هضر معاها بديك الطريقة و رجع للدار
أما إنتصار تعصبات و صونات على إسراء
إنتصار:يالاه نخرجو
إسراء:السلام عليكم بعدا..مالكي داخلا زربانة
إنتصار:يالاه نخرجوا عفاك
إسراء:لقتيني دابا غادي نخرج مع غيث نبداو نتقداو و نوجدوا من دابا
إنتصار:هايهاي على نخرج مع غيث
إسراء:ايوا را خطيبي ..مهم غادي نجي عندك..باش تمشي معانا
و بعد ساعة صوناو عليها و نزلات..لقات إسراء جالسة القدام و جلسات اللور
إنتصار:لا وليتو تلوحوني..أجي نتي جلسي حدايا
غيث:مالك..خليها تجلس حدا خطيبها
إنتصار:اهاه و أنا؟
غيث:نتي عنقي تيليفونك و تبتي
إنتصار:إسراء هضري مع خطيبك
إسراء:صافي ما بقاش عشيرك
إنتصار:بففففف..دابا فين غاديين
إسراء:حتى نوصلو و تعرفي
إنتصار:شكرا على القمعة..أصلا أنا غير ديال القميع
سكتات و دورات وجهها للشرجم..خلات غيث و إسراء مستغربين و عرفوا أن بيها شي حاجة..
وصلو لمول صغير خاص بالأفراح..خرجو..و غيث قرب ليهم يالاه بغا يشابك يدو مع إسراء و هي تسبقو إنتصارو دارت يديها..و شافت فيه بتخنزيرة
إنتصار:يا كاملين يا بلاش
غيث:نتي مال حسك خارجة ليا في عودي..إسراء ياك اتفقنا نخرجا بجوج..
إسراء: وا هي لسقات فيا
إنتصار:ما كا تسماش لصقة..و إنما غادي نحضيكم لا تنساو راسكم و ديرو شي حاجة ماشي هي هاديك
إسراء:واش وقع شي مشكل بينك و بين براء
إنتصار:أصلا هو بنفسو مشكل
غيث:دابا شنو نتي غادي تحرميها عليا
إنتصار:دوز قداامي..
دخلوا للداخل..و إنتصار حتى هي كا تحط الرأي ديالها و كا تفرضو بزز منهم
غيث:بغيت غير نفهم واش نتي هي العروسة
إنتصار:أنا خت العروسة..و حتى انا خاص كولشي يعجبني
غيث:يا ربي الصبر
دخلو لجهة الكومبلي..و بداو كا يقلبوا ليه..حتى وقفوا على واحد الكومبلي في بلومارين..عجب إسراء و عجب غيث..إلا إنتصار
إنتصار:لا ما زوينش
غيث:ما سولناكش أصلا
إنتصار:مهم ما عجبنيش
إسراء:واااااا الأخت...أنا لي غادي نولي مرتو عجبني نتي مالك
غيث عجبو الحال من جملتها
خداو داكشي لي بغاو..
غيث:مالك اليوما..شفتك بحال الى باغا تبردي غدايدك فينا..آش طرا ليك
إنتصار:داك صاحبك..ولا عندو إنفصام في الشخصة و الله ما بقيت فاهمة فيه شي حاجة
غيث:را غير مع الخدمة هاذ الفترة مضغوطين
إنتصار:اممم قنعني بهاذي
وصلهم غيث و رجع لدارو..
بعد ما رجعات إنتصار للدار بقات كا تسنى إتصال من براء و لكن بدون جدوى..كانت كا تسناه يعطيها مبرر و تفسير على البرود و التصرفات ديالو..تنهدات..حتى شافت مها دخلات..جلسات و حطات راسها على ركبتها
خديجة:شكون هو؟
إنتصار:شنو
خديجة:الدري لي قلتي ليا كا تبغييه
إنتصار:آاه..هذاك لي كان معايا فاش تحرقت
خديجة:كنت حاسا
إنتصار:كيفاش
خديجة:من شوفاتو ليك و خوفو عليك
إنتصار:اممم
خديجة:مالك واش طرا ليك شي مشكل
إنتصار:أحم لا غير عيانا و صافي
خديجة:ما تخبيش عليا و نتي عارفا من شحال هادي و كا نقولك نهضرو كصديقات و ما تخبيش عليا
إنتصار:ايوا ما خبيتش عليك و جيت قلت ليك لي كاين
خديجة:غادي يخطبك
إنتصار:باقي ما دويناش في هاذ الموضوع
خديجة:ايوا ا بنيتي اش كا تسناو..نتي صافي استقريتي و خدمتي ايوا دخلي في المعقول و كملي حياتك ما تعرفي واش دائمة..عيشي اليوم و نساي غدا
إنتصار:واخة غادي نهضر معاه
خديجة:كيفاش تهضري معاه..ايوا لا الرجل هو لي كا يجبد الموضوع الأول
إنتصار:كل ما درنا معاك حاجة وحلا
خديجة:شفتك باغا ضربيني لا هزي السندالة و ضربيني
إنتصار:لا حاشا
خدبجة:ايوا ملي ما بغيتيش تهزيها..أنا نهزها
أنت تقرأ
~إنقلاب روحاني~ |مكتملة|
Humorرواية بالدارجة المغربية.. ممزوجة بالواقع و حدث خيالي..🍁 حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
