~إنقلاب روحاني~ |مكتملة|

الجزء 28

إنتصار:وقول ليا الهوايات ديالك
براء:اممم كا يعجبني نعزف على الغيثار..
إنتصار:خاصك تغني ليا
براء:صوتي ما زوينش غير كا نعرف نعزف عليه شوية
إنتصار:اممم فهمت
براء: و نتي كا يعجبك تكتبي و ترسمي ياك؟
إنتصار:ههه باش عرفتيها
براء:قريت داكشي لي كا تكتبي و شفت الرسم..
إنتصار:زيد حتى الرقص و الأكل و النوم
براء:الرقص آه..و الباقي علاش؟
إنتصار:غير دخلهم و صافي
براء:ههههه يالاه نمشيو

ركبوا الطمبيل فرحانين بتقربهم لبعض..

*********

في يوم آخر الكليكة اتفقوا يمشيو للسينما..واقفين كاملين كا يشوفوا في إختيارات الأفلام
براء:أول شيى شنو نوع الفيلم لي بغيتوا تشوفو؟
ليلى:رومانسي
أيمن/غيث:رعب
إسراء:مغامرات اولا أكشن
إنتصار:كوميدي او خيال علمي
براء:تبارك الله على الأذواق..
إنتصار:تفو عمرنا نتفاهموا على شيئ واحد

غيث:صافي دابا براء غادي يقول نوع الفيلم المفضل..و غادي يكون واحد من هاذو لي ختارينا و صافي هو لي غادي نتفرجوا فيه
داروا كا يشوفوا فيه كا يتسناو الإجابة ديالو
براء:تاريخي اولا حرب اولا سيرة ذاتية
شافوا فيه باستغراب
إنتصار:مالك على هاذ التفاهة ا زوجي العزيز
براء:هذا ذوقي و خاصكم تحتارموه
ليلى:شنو غادي نديرو دابا
إسراء:اول حاجة خاصنا نشوفوا فيلم لي كاينين هنا و لي غادي يعرضوهم ثاني حاجة غادي نختارو واحد لي كا يجمع الأذواق ديالنا

قراو أسماء الأفلام
إنتصار:هذاا
إسراء:rim of the world
إنتصار:آاه فيه المغامرات الضحك شوية الرعب
ليلى:باش عرفتيها ياكما تفرجتي فيه
إنتصار:كنت غادي نتفرج فيه و قريت التصنيف ديالو
الكل:صافي نتفرجوا فيه
خداو التذاكر و بوب كورن و بعض السقاطة و دخلوا..خداو الاماكن ديالهم جلس غيث و في اليمين ديالو إسراء..و حداها براء و من بعد إنتصار..ليلى..أيمن..

للحظة عم الظلام و تسلطوا الأضواء على الشاشة الكبيييرة..بدا الفيلم و الكل مركز الا كوبل
ليلى:رصاا را غادي يسمعونا
أيمن:خاصني نستغل هاذ الفرصة
ليلى:فاش غادي تستغلها
أيمن:الظلام و حتى واحد ما كا يشوف آش بان ليك
ليلى:هههه الله يمسخك..وااا رصاا خليني نتفرج را إنتصار غادي تسمعنا
أيمن:را انا صوتك و كا نسمعو بزز..دابا ما غاديش تبوسيني
ليلى:مالك هترتي..را لي مورانا غادي يشوفوا..و صافي خليني نتفرج

ضحك و حاوط ذراعو عليها و حطات راسها على صدرو..و براء و إنتصار مشابكين يديهم و في نفس الوقت كا ياكلوا..أما إسراء شادا البوب كورن بجوج يدين و كا دخل وحدة مورا وحدة..دار شافيها غيث..و شاف براء و إنتصار و يديهم المتشابكين..و رجع شافيها ما مسوقاش
غيث:شنو حنا ما نديروش وضع رومانسي
إسراء:هاا؟
غيث:شوفي
شير ليها لإنتصار و براء..شافت فيهم عادي و رجعات شافت فيه
غيث:ديري شي موقف اولا وضع رومانسي ا بنت ناس
إسراء: و حيت انا بنت الناس ها الرومانسية ديالي