إنتصار حركات راسها بالنفي و الدموع ما زال في عينيها
زينة:حيت أ بنتي ما كانوش كا يعاملوها مزيان كانوا كا يغوتوا عليها بزااف إيوا صافي طلقات
سعيد:التلفزة و المانطات و باقي الحوايج ديالك بقاو عندهم..كانو مضادين مع ماماك
إنتصار(دار عند ماماها..و شافت فيها ببراءة):سمحي ليا عفاك(ببكاء) ما كنتش عارفة
خديجة:هه ماشي مشكل أبنتي..عارفة أنكي ما كنتيش عارفة
زينة:خديجة بنتي عافاك سيري طلعي عند ختك عاونيها دير الطواليط و عطيها تاكل..حيت بنتها ما كايناش..بما لحقت عليك
خديجة:واخة..إنتصارما تخرجيش للزنقة أ بنتي واخة؟
إنتصار:واخة
مشات خديجة طلعات عندها أختها لي كبيرة في العمر و خاص لي يقابلها
أما إنتصار يا الله بغات تخرج من الصالون و هي تجرها جداتها..جلساتها بجهد حداها..صرفقاتها بدات كا تقرص فيها..و القرصات ديالها حااااااريييين و إنتصار كا تبكي ربي لي خلقها..و خالها بدا كا يضربها من ضهرها و صرفقها..
زينة:و دابا سيري.. مزيان تبارك الله وليتي تمشي عند باك..فشاتك موك بزاااف و ضسراتك و لكن أنا غادي نعرف ليك..يا الله سيري ل بيتك دابا
شافت فيها بخوف و هي كا ترعد و كا تبكييي بالجهد..كيفاش دغيا تقلبات عليها فاش مشات مها..
و حتى هي ما عاوداتش معها الهضرة.. مشات للبيت ديال جداتها و جدها..تلاحت فوق الناموسية و هي كا تبكي على الجهد..درية صغيرة ما عارفة واااالوووو..دارو ليها هكاااك..أول مرة غادي تعرف باباها.. أول مرة غادي تشوف عماماتها و جدتها الأخرى و لكن بطريقة عمرها فكرات أنها غادي تكون هكذا..بقات كا تفكر في الكادو لي كان غادي يجيب ليها باها و زادت كا تنحط
نهاية فلاش باك..العودة للحاضر☺
إنتصار(عينيها مغرغرين):الله يرحمك أ جدة و صافي..واخة درتي ليا شي حوايج خايبين و صارمين و لكن كا نحس أنك درتيهم لمصلحتي..عاد عقلك لي كان متعلق بالعادات و داكشي ديال ناس زمان..أما نتا أ جدي ف الله يرحمك و يوسي عليك..كنتي عطوف معايا و كا تحامي عليا..واخة متي قبل من جدتي..و ما بقاش لي يحامي عليا اولا يخرجني في الجردة في الصباح..اولا لي يعطيني معلومات و يثقفني..و لكن ماشي مشكل..مهم فاش كنتي حي..عمرك آذيتيني أولا نقصتي مني اولا حتى ضربتيني..الله يرحمكم بجوج و يجعلكم من أهل الجنة يا رب
خرجات عند مها للكوزينة..لقاتها كا تغسل الماعن
إنتصار:أحم أحم
خديجة:جيتي أ المسخوطة
إنتصار:أحم أحم أحم
خديجة:تي مالك كا تأحمحي علينا..دوي نيشان
إنتصار:أحم أحم أحم
خديجة:شعبي العزيز..(فكرات) أاااه فهمت أش بغيتي..بغيتي تاخذي الكادو ديالك من عندي
إنتصار:أاااااه
خديجة:واخة أ بنيتي ..ياك غير الكادو لي بغيتي هو لي كاين..حياتك إن شاء الله غادي تبقا كاملا كادوات
(تحنات بشوية بلاما ترد ليها إنتصار البال و حيدات الصندالة و دارتها بإيديها)
خديجة:غير هو أ بنتي ما درتش ليه بابي كادو حيت ما عرفتش إينا لون كا يعجبك
إنتصار:هانيا أ الوليدة..انا نديرو ليه غير عطيه ليا
خديجة:واخة
أنت تقرأ
~إنقلاب روحاني~ |مكتملة|
Humorرواية بالدارجة المغربية.. ممزوجة بالواقع و حدث خيالي..🍁 حدث الغابة يغير مجرى حياة الأبطال🥀..ساحرة غادي تلقي عليهم لعنة..لعنة غادي تغير الكثير من الأشياء..ماذا لو انتقلت روح بنت في جسم ذكر..و روح ذكر في جسم بنت..كيفاش يقدرو يتعايشوا مع هاذ الوضع؟...
