زيني "قدري "

أول حمل💛

:زين
زين: ايوة يا حبيبتي
أنا: انت نمت؟
زين: امممم لا بس ح انوم لو سكتي شوية
أنا: ومن غير ما تاخدني في حضنك🙁
زين : معليش يا حبيبتي تعبان شديد بس
أنا : مهمااا يكن مااف تعب في الدنيا يخليك تنوم وانت مديني ضهرك🙃
فجاة لقيت نفسي بين يديهو شالني وجابني بالاتجاه التاني
😂😂😂يا زين بطل تتعامل معااي زي الاطفال
زين : اعمل ليك شنوو انتي قايلة نفسك كبيرة وانتي وزنك 33 كيلو
أنا: نننننننننننن
زين : طيب ممكن تستكيني كدة في حضني وتنومي وتخليني أنوم ممكن يا حبيتي
أنا: هئه 😋😘ما جايني نوم نتونس شوية
زين: ما تثبتيني بي عيونك الحلوات ديل تعبااااااااان
كنت بلعب وبحرك أصابعي في صدره قربت منه أكتر طبعت بوسة في خده وقلت ليهو ح يجيك قلب تنوم وتخلي حبيبتك وروح قلبك صاحية قعد يضحك وضماني عليهو والله انتي أحلى دراما ياا قلبي هااا أعرف بس الاول ما جاييك نوم لييه
واصلت في تسبيلي وقلت ليهو هئه‍ انت اللي عايز تنوم بدري
زين: تعبان يا حبيبتي ما انتي عارفة الليلة كان عندي شغل كتير برة ومريت علي كذا موقع وبيني وبينك كدة المديرة بتاعتنا شرانية ومركزة معااي شديد😉😉 ما بتديني طريقة اتنفس ضربته في كتفه بي قوة لا والله ومنو العمل باب بين المكتبين كل شوية بيجي يتسحب ويشغلني ويلهيني عن شغلي منووو
مش انت المديرة برضو هي الشريرة
زين:بس بس خلااص 🤣🤣🤣 قلبك اسود شديد ياا ستي انتي اصلاا مكانك معااي وين ما اكون 💛💛 فكرة انه نكون في مكتبين دي زاتو ما جاية مكتب واحد شايلناا
انا : يا زين إحنا ح نشتغل والا ح نلعب الله
زين: ح نحب بعض 💛💛💛
ابتسمت ورقدت في صدره وسكت
🤣🤣🤣🤣 ياااه لسة بتخجلي من أبسط حاجة وملامحك لماا تخجلي لسة في حلاتااا الاولى💛💛💜
أنا : ح تفضل تتغزل فيني كتير إنت مش كنت ح تنوم
زين: 🤣🤣🤣🤣 في شافعة مسلطة مكنكشة فيني وحمتني انوم
ضربته في صدره يااا زين بطل خلاص الله
حاوطني بي يديهو وهو ساكت فضلنا ساكتين مسااافة لحد ما قرب ينوم رفعت رأسي ومسكت لحيته بي يديني الاتنين وناديت عليهو بي صوت خافص زين
زين : دنقر فيني وقال في حاجة يا ريم
أنا : إحنا لينا كم سنة متزوجين
زين: يا شيخة وده إيييه السؤال الغريب ده 3 سنين ما عارفة
أنا: لا عارفة بس زين أنا عايزة بيبي 😔
عاين لي كدة بي استغراب ورجع حضني وهو في وضعية النايم حااضر بكرة نمشي نشتريهو
انا :بتستهبل يا زين أنا بتكلم جد😕
زين : طيب إتكلمي كلام معقول
وغمز لي وقال أنا مقصر في حاجة لو مقصر قولي ما تخجلي وانا اقوم بالواجب
أنا : انت قليل أدب علي فكرة وأنا غلطانة إني بناقشك
زين : 🤣🤣🤣🤣 والله انتي البتقولي كلام غريب يا حبيبتي دي أرزاق زي ما اتكتب لينا نتقابل ونحب بعض ونتزوج💜💜 أكيد مكتوب لينا نجيب ولد والا بنت وفي أي وقت بالتحديد
أنا:طيب يمكن مكتوب لينا ما نجيب ولا واحد
زين: يبقى قسمة ونصيب "" عرفتي يا حبيبتي يعني كله بأمر الله وبعدين ياا حبيبتي ما تاخدي الاحتمال السيء إحتمال رزقنا متأخر شوية
أنا: بس كمان إحتمال يكون عندي مشكلة في الإنجاب 😕💔😥
زين : ريم انتي بتقولي يا نكد وخلاص لزومو شنو التفكير والتحليل ده
انا: زين نحن ولا مرة مشينا الدكتور 3 سنين مع بعض وماف حاجة حصلت احتمال في شيء غلط بعدين بصراحة أنا كبرت والعمر مافي صالحي ولو عندي مشكلة احتمال ما تتعالج وإنت في إمكانك تتزوج تاني وتجيب عيال بس انا لا
زين:🤣🤣🤣🤣🤣كبرتي والله انتي مسخرة 😂😂😂😂 برافووو عليك شاطرة والله وفي اللحظة ديك طبعاا انتي ال ح تختاري العروس لأنك ضحية في شنوو ياا بت أنا حاسي انه ماف شيء يمنع لو عايزة نمشي الدكتور نمشي عشان بس تطمئني يا قلبي💙💙
قرب مني وهو بيوزع قبلات علي وشي وبعدين هو في زول واعي وعاقل كدة اتزوج واحدة مجنونة وهبلة كدة وبتنكد عليهو حياته ممكن يعيد التجربة تاني
أنا :رديت بإنفعال انا بنكد عليك حياتك يا زين 😏😏
اخدني في حضنه وهو بيضحك لا يا حبيبتي أنا البنكد عليناا احنا الاتنين بس ده شنوو الحركات دي انا اتزوج تااني ليييه وانتي مهما يحصل بينا حتى لو متزاعلين بتنومي في حضني
أنا: يعني إنت ما نفسك في أطفال
زين : يا ريم يا حبيتي دي غريزة في الانسان أي واحد بكون نفسه يتزوج ويستقر ويكون أسرة وزي ما إنت نفسك في أطفال أنا كمان وان شاءالله ربنا يرزقنا بس ده ما معناهو اني اتزوج او اتخلى عنك لو عندك مشكلة ما هو الاطفال ال ح يقولو لي بابا ديل يا يكونوا منك يا بلاش ما عايز يعني هسي لو طلع في سبب يمنعني انا اجيب اطفال ح تتطلبي الطلاق وتمشي تتزوجي تاني
هو كان بيتكلم ورأسي في صدره بيمسح علي شعري وبيعاين في عيوني بي ترقب
أنا: رديت بي إنفعال وانا بضمه أكتر لا طبعاا إنت عبيط أنا ما صدقت إنه ربنا جمعناا ببعض ولا أقدر أبعد او استغنى عنك
زين : ما انا عارف خليك مطمئنة سعادتي وسعادتك في إننا نكون مع بعض 💙💙 وربناا ح يكرمنا ان شاءالله ونجيب ليك بيبي🤣🤣 سيبي المخاوف دي كلهاا وما تفكري في الموضوع كتير نحن في النهاية مع بعض💛💛
أنا: بحبك😍😍 بس عارف يا زين أنا الايام دي الاحساس ده مسيطر علي شديد كتير بقعد إتحسس في بطني وإحساس الامومة ماليني ما عارفة
زين: ما يمكن حامل😚
بقيت افكر بيني وبين نفسي يااربي ممكن يكون احساسي ده كله ناتج عن انه في حاجة جواي يعني أنا ممكن اكون حامل وماف شيء طلعني من سرحاني وهو بقول مشيتي ووين
أنا:هااا
زين : شنوو ال هاا بتفكري في شنوو
أنا: لا ولا حاجة نوم يا زين زمانك تعبت أكتر
زين: لا والله بعد ما طيرتي النوم من عيوني جاية تقولي نوم يا زين وعشان تعبت أكتر المفروض تكافئني من نفسك وبما انه ما حصل فانا حأخد المكافأة براي
انا: يعني ح تعمل شنوو؟؟
زين: ح اوريك البيبي بيجي كيف ☺🤣
انا : يا زين بطل قلة أدب ونوم الله يهديك
زين: ما هو عشان انتي بتتعاملي معاي بالطريقة دي ما بجينا بيبي كل مرة ح أفضل أشرح ليك إنه انا ما جايبك من الشارع ونحن متزوجين يا حبيبتي متزوجين
أنا: اشررح اشرح وجيب الاثباتات والادلة اللي معاك وايه جايبك من الشارع دي حسن الالفاظ ياعم أنا برضو مرتك يعني
زين : الف حمد وشكر ليك يااارب اعترفتي انك مرتي تعاااالي اوريك يلاااا 🙈🙈🙈
_____________________
تاني يوم الصباح
خلصناا الشاي مع بعض يلاا يا حبيبي إنت متاخر شوية انا ح ألم الدنيا هنا وانت تكون جهزت ملابسك في السرير
زين: وإنتي ما ماشة والا شنوو الليلة
انا: لا انا ح اتاخر شوية زي 9 كدة عندي شغل برة كم مكان لازم اشوفهم واكتب تقارير عنهم بس لو خلصت بدري ح اجي الشركة ولو اتاخرت بجي البيت
مسافة ما أنا لملمت المطبخ وعسلت عدة الشاي جاني صوته ريم يلا يا حبيبتي انا طلعت جريت وانا بقول هي هيييي هي استنى طلعت من المطبخ لقيت واقف في نص الصالة وقفت قال
زين:يلاا انا طالع
أنا :طوالي كدة 😔
زين: ايوة ما انا اصلا متأخر
أنا: ما قصدي بس طالع كدة حاف 🙄
زين: 🤣🤣🤣احشيهاا ليك بي شنوو
أنا: ما حبيتاا علي فكرة ح تطلع كيف من غير ما تودعني
زين: وداع شنوو اعوذ بالله مش نحن ح نتلاقى بعدين
انا: وده من متين ده يعني احنا بننزل مع بعض ولما بمشي عشان اركب عربيتي بتحضني 😕😕 ولما نوصل الشركة اول حاجة بتعملها انك تجيني في المكتب وتاخدني في حضنك
زين: ما ده الإنتي فالحة فيهو🤣🤣🤣 ماخدة حضني كله ببلاش يا حبيبتي
أنا: زييييين
زين: ايوة يعني انتي عايزة شنو هسي ما فاهمك ومعطلاني
أنا : صريت ليهو وشي معايزة حاجة خلاص امشي يلااا
إبتسم وفتح لي يديهو وقال تعالي 🤣🤣
جريييت جري وكأني محرومة منه سنيني حضني وهو بضحك رفع رأسي شوية وباسني مسافة وقال كان تقولي ح تمشي من غير ما تحضني ساهلة جدااا شنو تودعني
أنا: غياااظ يلاا امشي
زين : انا اصلاا ماشي بس كدي اسمعك تاني تقولي احضني هاا
أنا : اتخارج يلااا
____________
بعد ما زين طلع انا نضف البيت ولبست وطلعت لفيت علي كم محل عندي فيهم شغل وكتبت كم تقرير خلصت بدري قلت ما امشي الشركة وما ارجع البيت من هسي محتاجة افكر شوية بقيت لافة بالعربية في الشوارع من غير هدف وانا كل تفكيري في الحمل لما خلاااص تعبت وقفت العربية علي جمبة واتكيت ع الكرسي وانا سرحاانة بعيد ما انتبهت الا علي صوت ضرب في قزاز العربية شفت بت حلوة وشايلة مناديل نزلت القزاز ورديت عليهاا إزيييك يا حلوة
_انتي الحلوة والله ولو اشتريتي مني مناديل ح تبقي احلى
=🤣🤣🤣🤣 لا والله يعني المناديل ديل فيهم سحر جمالي
_ايوة فيهم عليك الله إشتري مني وانا ح ادعي ليك ماما قالت ربنا بستجيب دعواتي
=بجد ياا حلوة
_ايوة بالجد قولي انتي عايزة شنوو وانا ادعي ليك بيهوو
= عايزة بت حلوة زيك كدة عشان تكبر وتساعدني
_بس انتي عندك عربية ما محتاجة مساعدة يا خالتو
=عايزاها تونسني
_انا ح ادعي ليك وربناا ح يستجيب وح تجيك بت حلوة
=طيب جيبي صندووق واحد بس عشان فيهو ريحتك وشيلي ديل كلهم عشان
_شكرااا يا خالتو ويااارب تجيبي بت أحلى مني ومنك ممكن ابوسك بس
=طبعاا يا حبيتي تعااالي
البت دي بريئة شدييد ولطيفة الونسة معاها ريحتي شوية بعد مشت مني بقيت افكر في النهاية وصلت لإني لازم امشي الدكتور منهاا بتخلص من شكوك الحمل اللي زرعهاا زين جواي ولو مااف اشوف المشكلة ووين طوالي اتحركت ودخلت اقرب عيادة انتظرت شوية ودخلت للدكتورة كلمتها بالحاصل وبي إحساسي واني عايزة اتأكد واطمئن
الدكتورة سألتني اخر مرة كانت متين وريتاا انهاا مطولة شوية بس انا ما انتبهت قالت لي بالاول نحن نتأكد من الحمل وتااني نشوف طلبت مني فحوصات مشيت عملتهم وانتظرت شوية لحد ما النتيجة ظهرت شلتهم ودخلت للدكتورة وانا منتظرة علي أحر من الجمر كانت بتعاين في الورق رفعت رأسهاا وقالت كيف ما انتبهتي وانتي داخلة في شهرك التاني عاينت ليهاا بي ٱستغراب كيف؟؟؟ يعني أ أ أناا ح حا حامل 😳 ح يجيني بيبي؟؟؟ بجد؟؟ قولي والله العظيم ياا دكتورة ؟؟؟ أنا كنت متوترة بضحك وببكي وكلوو في نفس اللحظة الدكتورة كانت بتضحك علي منظري وانا بسال فيهاا ااي والله حامل وداخلة في شهرك التاني كتبت لي فيتامينات وحددت لي زمن اجي فيهوو تااني وانا اصلاا ما مركزة وكل تفكيري كيف ح اكلم زين لازم اعمل ليهو مفاجأة جااامدة بس كيف شلت منهاا الورق دخلت الصيدلية اشتريت العلاجات واشتريت شريط حمل وانا ماشة في الشارع خطرت علي بالي فكرة ح أنفذهاا
________
:مالك يا باش مهندس زين داخل ومارق في المكتب وراسك ضارب
زين: يا مهاا الساعة داخلة علي 5 ريم اتأخرت شديد وما اتصلت وما بترد علي التلفون لسة وانا بجد خايف عليهاا هي اليومين دي ما تمام
مها: لالا ان شاء الله خير تلاقيهاا بس مشغولة انت عارف لما تطلع شغل برة وتكون عايزة تكتب عنهم تقارير بتتأخر وما بتكون انتبهت للتلفون
زين:الحممدلله دي هي بتتصل ريم يا حبيبتي وينك من قبيل خوفتيني عليك ده كله شغل
انا:زين الحقني أنا تعباااانة بمووت بطني واجعاني شدييد😥😥 سرعة الله يخليك ياا زين وقفلت الخط
ما عارف بعد كلامهاا ده كيف شلت المفتاح ونزلت واتخطيت كم اشارة ومرقت من كم حادث لحد ما وصلت البيت فتحت الباب والبيت كله مضلم فتحت النور وانا بكورك ريم ريم لحد ما وصلت الصالة جوة المكان كان متزين بي طريقة رهيييبة بوالين ورود صناديق كتيرة مجدوعة ما عارف فيهاا شنوو الصفرة ملياانة وحوليهاا شموع حاجات كتيرة ما قادر افهمهاا يعني ده مقلب يا ريم صبرك علي بس الليلة ما عيد ميلادي ولا عيد ميلادهاا ولا عيد زواجنا ولاا أي تاريخ مهم في حياتناا نزلت في الارض وفتحت اول صندوق لقيت ورقة مطبقة فتحتهاا كان مكتوب فيهاا "كنت متأكدة انك ح تقول ده ما تاريخ مهم في حياتناا بس ح يبقى اهم تاريخ في حياتنا يا حبيبي"
ضحكت وقلت طيب نشوف اخرك شنوو اتقدمت شوية وفتحت الصندوق التاني لقيت شريط صغير كدة قلبتو جاي وجاي ما فهمت شيء مشيت فتحت الصندوق البعديهو عسى ولعل افهم حاجة لقيت ورقة مكتوب فيهاا "عارفة انك مستحيل تكون فهمت حاجة افتح البعديهو" 🤣🤣🤣🤣 لا يعني بتلعبي معااي ح تمشي مني ووين بس واتوكلت وفتحت الصندوق البعديهو لقيت جزمة بيبي حلووة شديد صغيرونة فيهاا كمية لطافة ما عادية ايوة بس يعني ليييه بقيت محتار فتحت البعديهو "لسة ما فهمت صاااح والله إنك غبي" أنا غبي ياا ريم استني علي طيب فتحت الصندوق البعديهو لقيت ورقة من الواضح انهاا بتاعت فحص بس ما فهمت شيء ولقيت ورقة مكتوبة "أكيييد ما فهمت شيء لأنك طبعاا ما دكتور " طيب الحمدلله انك عارفة انا ما دكتور البت دي ح تجنني والله قال نجيب بيبي وهي عقلهاا اصغر من عقل البيبي لحظة صمت بيبي بقيت اجمع الاحداث ح يكون أهم يوم في حياتنا ورقة الفحص الجزمة معقولة تكون حامل استعجلت شديد في اني افتح اخر صندوق عشان اتأكد لقيت فستان بنوتة كيوت صغير وحلووو شديد مبهج لأبعد حد يعني فعلااا حامل اكييد اكيييد حامل دخلت يدي في الصندوق اطلع الورقة اللي مع الفستان "حمدلله على سلامة عقلك ياا حبيبي 🤣🤣🤣🤣ح يجيناا بيبي" بقيت اضحك واردد في جملة ح يجيناا بيبي فجاة إيد هبشتني في كتفي اتلفت عليهاا ريم في كامل اناقتهاا لابسة فستان قصير فاردة شعرهااالطويل كانت عنوان للجمال والفرحة كانت بتنط من عيونهااا بقيت بعاين ليهاا بي كل اللهفة الفي الدنيا وعيوني بتسألهاا عشان تتأكد من كل الشوفتو ده وكأنهاا فهمتني وحسمت الموضوع هزت رأسهاا بمعنى أيوة وهي بتبتسم وشالت إيدي ختتا علي بطنهاا انت أكيد ما ح تحس بيهو لانه لسة صغير بس هو ح يحس بيك أكييد 💛💛💛💛
زين دموعه كانت جارية وعيونه بتلمع من الفرحة ما قادر حتى يتكلم وبس بيعاين لي فضلنا مسافة كدة لحد ما خفت عليهو زين اتكلم قول حاجة لقيته بيجرني ويأخدني في حضن دافيء وضاعت كل الكلمات في فرحتنااا دي❤❤❤

"وإنه لعناااق كافيء أفضل من ألف حرف"
حتى لا تُنسى