زيني "قدري "

27

((27))
أمي ،، أمي ،، مالك يا أمي ،، الإتصل عليك ده منووو ؟؟؟ يا امي في شنووو
نحن كلناا بنتكلم في لحظة واحدة أمي صوتناا جايهاا بعيد كأنهاااا ما سامعانااا جسمهاا بقى بارد جاتهاا حالة هبوط بقيناا ندلك ليهاا في يديهاا ونرش عليهااا موية بعد مساافة حتى إستوعبت الحاصل
اتكلمت وهي نفسهاا قالع : ريناااد ريناد
انا : بسم الله ياا أمي في شنوو ؟؟؟
محمد : في شنووو يا خالتي الإتصل عليك ده قال ليك شنوو ؟؟؟
أمي : .....(كل الحاصل)
أنا لازم أمشي هسي لازم ألحقهااا 😭😭😭😭💔💔
محمد : غيري ملابسك يا خالتي وانا بوصلك لحد عندهاااا وان شاءالله ما بتجيهاا عوجة
ما عارفة كيف رجولي ساقتني لحد الغرفة طلعت توبي ولبست عباية بي حالتي وشكلي الكنت بيهو داك وطلعت،، ريماس انتي خليك هنااا مع نسمة وبيناتناا التلفون طلعت انتظرتهم برة مسافة الطريق دي كانت كافية إنهااا تقتلني 💔💔 رغم كل الحصل من ريناد بس هي أختي حتة من قلبي 😭😭 إحساس إنو ممكن يحصل ليهاا حاجة ده كان مسيطر علي عمري ما ح أسامح نفسي لو ده حصل ،، طيب أنا ح اقابل أبوي كيف،، ما كان لازم نوافق ريناد غلطت بس نحن زدناا الغلط لأننا كنا عارفين العواقب وأنا دخلت معاهاا في تحدي خسران 💔💔
الطريق طويل شديد وأنا أفكاري بتقتلني بعاين لي  أمي  دمعتهاا ما جفت شوفتهاا كدة  خلتني أموت للمرة الألف 💔💔😭😭
على قدر ما الطريق طويل على قدر ما إنه طال علي زيااادة 😭😭😭 بالرغم من اننا سافرناا بي عربية محمد يعني أسرع بس وصلناا قريب العصر ولأننا بنعرف المكان كويس مشيناا على المركز ما حاولنا اساسا نمشي ناس عمي كنت بمشي وأنا ما حاسة بي نفسي احساس الخوف كان متملكني لما وصلناا المركز محمد هو الكان بسأل ويفتش وأنا وامي تابعنه ونحن بنفتش عيني وقعت علي عبدالله وعمي قلت ليهو محمد بي جاي مشيناا بي إتجاههم لما شافوناا قدامهم إتصدمو كان باين في وشوشهم 😳😳 اتلخبطو واتكركبو شديد أمي دخلت الغرفة من غير ما تقيف عمي حاول يبرر لي عشان يخلق سبب ويطلع عبدالله منهااا وقفته بي يدي ✋ أدعوا إنو  حظكم يكون سمح وريناد ما يحصل ليهاا حاجة عشان ح تشوفو وش عمركم ما شفتوهو ودخلت ويااااريتني ما دخلت 💔😭😭😭 الحالة الشفتهاا بيهاا رأسهاا كان مربط ملفوف بي شاش أبيض مغمضة عيونهاا ما عارفة إذا واعية أو لااا قعدت جمبهااا في السرير يااريتني منعتك 💔💔 إن شاءالله حتى نكون متخاصمين بس ما كان حصل فيك كدة قعدناا مسافة ريناد فتحت عيونهاا  جريت عليهااا
ريناد إنتي كوييسة ؟؟؟ حاسة بي حااجة ؟؟ فيك شي ؟؟ الله يخليك طمنيني
طلع صوتهاا ضعيف متقطع  ك وو و و ي س ة
حمدت ربنااا كتيييير الحممدلله انهاا بخير انا ومحمد طلعناا قابلناا الدكتور الحممدلله طمننااا بس قال انو الحصل سبب ليهاا مشكلة نفسية ح تعااني منهاا ومن الأفضل تتابع مع اخصائي نفسي وح تعاني من صدا لي فترة رغم كل ده ما كنت مطمئنة شدييد قلت لي محمد يارييت نطلع من هناا سريع ما قادرة أشوف الناس دي ولا ثانية لازم أسوق ريناد أعرضهاا على إخصائي هناك حتى الخدمة هنااا سيئة فأنا ما بضمنهم اساسا كان في شنطة مع ريناد لبسناهاا وطلعناا ما انتظرت حتى إذن من المركز أو يكتبو ليهاا خروج عمو محمد حاول يعترضنااا ختيت يدي في كتفه ياريت تمشي ترتاح في بيتك ذي ما انت دايماا مرتاح ومشينااا 💔💔 يعني بجد عمي محمد من اسوأ الناس في حياتناا طول الطريق كنا ساكتين ماافي إلا صوت أمي وهي بتطمئن على رينااد وصلنااا الخرطوم ليل شديد قريب الصباح حتى،، قلت لي محمد معليش نحن ح ننزل في بيتناا
محمد : لا والله ما ح يحصل اساسا ريماس معاناا وح تقلق لو أنا دخلت عليهم في وقت زي ده وانتو ما معااي ،، ما بااقي كتير بعد تصبح نمشي نشوف دكتور ومن هناك تمشو البيت ما كان فيني حيل اناقشو مشيناا معاهو ريماس ونسمة حسوا بي كركبتناا دخلناا ريناد في الغرفة أديتهاا حبة مسكن عشان تقدر تنوم شووية طلعت قعدت في الصالة وانا ببكي جات ريماس قعدت في الأرض ونزلت لي يدي في شنوو ريناد كويسة
أنا : أنا السبب في كل الحصل ليهاا ده يا ريماس راهنت بي حياتهااا 😭😭😭😭 أنا السبب
ريماس : ما تحملي نفسك فوق طاقتهاا يا ريم ، ان شاء الله ح تقوم وتبقى كويسة بس ما إنتي السبب أبدااا صاح عمي وعبدالله كعبين وهم العملو كدة بس ريناد كانت سبب مباشر في الحصل ليهاا وهي الأدتهم المسااحة دي
انا : غبية ما بتفهم ما مفروض نحن نجاريهاا نحن كمان سبب غير مباشر في الحصل ليهاا
ريماس: دي حاجة حصلت خلاص المهم انهاا هسي بخير
انا : بخير كيف بس وهي رأسهاا مربط كدة ،، بخير كيف وهي بتعاني من مشاكل نفسية لازم نقابل بيهاا إخصائي مخ وأعصاب
ريماس: طيب إنتي استحمي وغيري وأنا ح أبحث عن موضوع الدكتور ده وأشوف 
مشيت لأني فعلاا كنت محتاجة لي حمام بي موية باردة يمكن أصحصح شووية
ريماس كانت بحثت عن  دكتور  ،، إستحميت وجيت قعدت جمب ريناد كانت لسة نايمة شوية كدة وبقت تطلع في صوت أنين كأنهاا متضايقة الظاهر رأسهاا كان بوجعهاا شديد صحيتهاا اديتهاا حبة مسكن جبت ليهاا حاجة تأكلهاا بس ما رضت تأكل حاجة محمد جاء قال لي جهزيهاا نطلع ريماس أدتني إسم الدكتور وعنوان عيادته وصيتها تتصل علي وفاء تجي تقعد مع نسمة وتمشي تنضف البيت وتنتظرناا هناك مشيناا عيادة  دكتور "عمر ياسر" حكيت ليهوو الحاصل بقى يسألهاا في أسئلة بعدهاا طلب مننا صورة مقطعية للرأس وصورة رنين مغناطيسي من كلامه باين إنه شاكي في حاجة عملناا الصور ورجعناا البيت جيناا قابلناهو تااني يوم  الدكتور وهو بعاين في الصور كنت منتظرة ردوده علينااا بعد مساافة إتكلم وقال ماال حاجة مخيفة إطمنو بس عندهاا شوية إرتجاج في المخ
أنا : يعني شنوو يا دكتور في حاجة إسمهاا شوية إرتجاج ؟؟!
الدكتور : يعني ح يلازمهاا صداع احيانا غثيان  إرهاق ونعاس وأحياناا ممكن تغيب عليهاا الرؤية  او دوخة بسيطة  ممكن تلاحظوا عليهاا تداخل في الكلام وتاخر في الردود بس لازم تتبعو التعليمات واهم حااجة في العلاج الراااحة النفسية والجسدية ترتااح من أي حاجة تخليهاا تفكر وتبذل مجهود
من الواضح إنو ما عندهاا مشاكل في الذاكرة ودي حااجة كويسة والعلاج بسيط بس ما عليكم إلا تتاابعه  معااي
صرفناا الأدوية ورجعنااا كلام الدكتور كان مطمئن إلى حد ما بالرغم من إنه كلمة إرتجاج في حد ذاتهاا مخيفة ،،
بديناا مرحلة العلاج ريناد كانت منطوية عننا ما بتتكلم معانا كتير ودي حاجة كانت مشفقاني عليهاا شديد نفسيااتي كانت تحت الصفر حرفياا كنت محتااجة لي دكتور نفسي 💔💔 بقيت ما بمشي الجامعة تلفوني ما عارفة وين زاتو مااف شغل مااف أي حاااجة في حيااتي غير إني قااعدة في البيت ومتابعة ريناد في يوم جاتني وفاء قعد وإتونست معانااا : ح تقعدي كتير بااقي أقل من شهر للإمتحانات دي اخر سنة لينااا نحن خريجين ح تضيعي السنة عليك ما كنت مهتمة بي كلامهااا بعد وفاء طلعت جبت لي ريناد حبوب تبلعهم وقفتني ريم دي كانت اول مرة تتكلم معااي مباشرة مهما حاولت أتكلم معاهااا دمعت من فرحتي وجيت قعدت جمبهاا في حاجة
ريناد: أنا ما بستاهل الإنتي بتعمليهو عشاني ده
انا : هشش اوع تكملي تستااهلي اكتر من كدة نحن اخوات يعني لحم ودم
ريناد: ما اي اخت اخت انا أخت كعععبة فاشلة شدييد قويت رأسي وسمعت كلام عبدالله جرحتك بالكلام كتييير إتحديتك وإتزوجته بس ربناا عاقبني ليك 💔💔😭😭 أنا كنت بموت في اليوم مية مرة ولماا وقعت في مشكلة ماف زول وقف معااي غيرك أهملتي نفسك وحياتك عشااني بس لو إنتي بتحبيني عايزة مصلحتي عايزاني أتعافى واكون مبسووطة ما تفرطي في مستقبلك ده حلمك وحلم أبوي وحلمنااا  💜💜 انتي تعبتي لحد ما وصلتي هنااا ماف حاجة تستاهل إنك تضحي بيهو عشانهااا حتى لو كنت انااا 💔 حضنتهاا وبكيت شديدد 😭😭😭 بديت أقرأ فعلااا وإنضغطت شدييد وفاء جابت لي الحاجات كلهااا في البيت ماكنت قاادرة أمشي الجامعة واساسا ما بقى حاجة امشي ليهاا كناا خلصناا والامتحانات باااقي عليهاا إسبوعين إجتهدت فيهم ونزلت إمتحانات الحمدلله انهاا عدت بس ماا إشتغلت فل خااالص بعد يومين كانت مناقشتناا والحممدلله إجتزناهاا 💜💜💜 ريماس كانت متابعة مع ريناد بدلي وبتمشي معاهاا الدكتور وكدة بحكم إني ما فاضية ومضغوطة مع القراية كنت
****************
زين : تفتكري يكون حاصل عليهاا شنوو يا سالي تلفونهاا مقفول حتى الجامعة انا مشيت كذا مرة ما كانت بتمشي ما بقدر اسأل عنهااا أي زول احياناا بمشي من هناا أقيف قريب بيتهم اقول المحهاا بس ولا مرة شفتهاا طلعت
سالي : حاااجة غريبة فعلاا يعني معقول بس إختفت بس عشان شافتني
زين : لالا دي حاجة مستبعدة ريم ما بالضعف ده
سالي : طيب ح يكون مالهااا
زين : المجنني مالهااا ،،ريم ما بتهرب بتواجه
****************
بعد ما إمتحنت وقعدت في البيت بقيت أفكر مفروض أرجع أشتغل قعدتي كدة فعلاا ما عندهاا معنى اهااا وبعد أخلص القروش المعااي ح ناكل ونشرب من وين لازم ارجع لي شغل الحنة لحد ما أستلم شهادتي وإموري تظبط قطع تفكيري ده ريناد وهي بتستفرغ جريت عليهااا وقفت معاهاا غسلت وشهاا وقعدت ريناد انتي عندك حمة بتشكي من حااجة ما كان عندك إستفراغ ؟؟؟
ريناد : مااف حمة بي جسمي مكسر وفتور
ريماس: دي حاجة طبيعية قال الدكتور
أنا : ايوة بس انا شايفة عندهاا دوخة يا ريماس خليناا نمشي الدكتور نطمئن أحسن
لبسناا وطلعنااا مشيناا لي دكتور عمر حكينا ليهوو الأعراض طلب مننا بعض الفحوصاات مشيناا عملناهم انتظرناا لحد ما طلعت مشيت قابلته  بيهم
مساافة وهو بتفحص الورق سألني : اختك دي متزوجة؟؟؟
انا هنااا يادووب انتبهت اي إنه عبدالله لسة محسوب زوج لي ريناد 😔😔 جاوبته أيوة متزوجة
الدكتور : كيف ما أنتهبته إنه هي حامل في شهرهاا التالت
انا : شنوو ؟؟ حامل ؟؟؟ لا حولة ولا قوة إلا بالله
وكأنه كل هموم الأرض إتشالت وإتختت فيني يعني انا فعلااا الفرح وراحة البال  مخاصمني 💔💔 حامل ومن عبدالله دي مصيبة شنووو دي
الدكتور : مش بتقولي متزوجة في شنوو
انا : للأسف متزوجة بس زوجهاا هو سبب الحالة ال هي فيهااا دي
الدكتور : لا حولا ولا قوة الا بالله ياارب ربناا يصبرهااا ويديهاا العافية
شلت الاوراق وطلعت ليهم
ريماس : هاا قال في شنووو
ما كنت عارفة اقولهاا ليهم كيف واترددت كتيرر بس في الأخير قلت ليهم حامل
ريماس: استغفر الله ياارب💔
ريناد : 😭😭😭 لالا عليك الله لا قولي لي إنك بتكضبي قولي لي إني ما حامل 😭😭😭 وانهاارت بالبكاء الناس كانت بتعاين ليناا ومستغربانا بالقوة قدرناا نطلع ريناد سوقناهاا ومشيناا البيت ناس في غير  ظروفناا كان مفروض يكونو فرحانين بس نحن وقعت عليناا مصيبة انا ما كنت عارفة أهدئ نفسي والا أهديهاا ريماس كانت جمبهاا وبتتكلم معاهااا بتقول ليهاا   ده رزق ما تعملي كدة الأطفال جنة إستغفري 💜💜 حكمة ربناا وقدره ح تعترضي
ريناد : 😭😭😭 ما معترضة انا كيف ح اجيب طفل في الدنيا دي أبوهو عبدالله  💔💔 كيف ح اوجهه اساسا انا ما إخترت ليهوو الأب الصاح أنا زااتي ما اصلح اكون أم
ريماس: بي يدك تصلحي تكوني أم وأب إذا حبيتي تغيري من نفسك عشانه
ريماس كان كلامهاا كله حيوي وبتدي دافع لي ريناد إنهاا تصبر وتتحمل بس أنا الما كنت قاادرة أصبر ريناد كلامهاا صاح عبدالله لا يصلح يكون أب قلبي كان موجوع ومحروق على الحالة النحن وصلناا ليهاا طلعت من البيت وأنا ببكي إتمشيت كتير من غير ما احس بالمسافات دموعي ما وقفو مشيت البحر قعدت في الأرض كنت بتكلم معاهوو بي هيستريا سامعني إنت لييه الهموم بتتسابق علي ؟؟؟ كتير علي أفرح انا خلاااص مليييت تعبت والله تعبت ما قااادرة أتحمل 💔💔😭😭😭 وبقيت ببكي ببكي
زين : ريم
جاني صوته من بين دموعي وأنا منزلة رأسي تحت رفعت ليهوو راسي والدموع ماالية عيوني كان هااين علي أقوم أحضنه من الحالة الأنا فيهااا يمكن يخفف عني دنقرت رااجعة كرهت نفسي شدييد شافني في أضعف حالاتي 💔😭😭😭
قعد في الأرض جمبي إبتدأ يتكلم معااي ريم في شنوو مالك خوفتيني عليك  ليك فترة مختفية حتى تلفونك مقفول أنا كنت قلقان عليك وشوفتك بالمنظر ده قلقت بي زيااادة
أنا : 😑😑😑😑
زين : ريم الله يهديك بطلي بكاء وأحكي لي مالك ؟؟؟ في زول منكم حاصل ليهو حاجة
هزيت لبهوو رأسي بمعنى لا
زين : طيب انت بتشكي من حاااجةة
برضو هزيت لبهوو رأسي بمعنى لا
زين : طيب أحكي لي الحاصل شنووو شاركيني مشكلتك يمكن أساعدك
بقيت ساكتة وزين كان بتكلم كتير كنت متضاايقة شديد أنا جيت هنااا عشان أبكي عشان ماف زول يتكلم معااي مااف زول ينصحني وزين كان بحاول يعمل كل ده من غير ما يعرف الحاصل علي
زين : ما هو لو ما حكيتي ما ح أخليك
قمت على حيلي وإنفصمت فيهو ح تفهمني اساسا أحكي ليك لي شنوو وعشان شنووو ؟؟؟ كنت ماشة وقفني وقال :
عشان بحبك ❤❤❤❤.......( يتبع)

ﻟﻚ ﺣُﺒﺎً ﻓﻲ ﻗﻠﺒﻲ ﺃﻭﺳﻊ ﻣﻦ ﺍﻟﻔﻀﺎﺀ ﻭﻋﺸﻘﺎً ﻳﺮﻓﻊ ﻣﻦ
ﺍﻷﺭﺽ ﺇﻟﻰ ﺳﺎﺑﻊ ﺳﻤﺎﺀ ﻟﻚ ﺑﻌﻀﻲ ﻭﻗﻠﺒﻲ ﻭﻧﺒﻀﻲ💛💛💛
NoorJamalMohammed لعيووووونك رغم إني مصدعة يعني
# تقريبااا بكرة ماااااف حاجة عندي مواظبة خدمة وطنية