زيني "قدري "

25

((25))
أمي : ريناد 😳😳😳 في شنوو مالك صوتك باكي حاصل عليك حااجة ؟؟؟
عبدالله كان جا خاشي في ريناد قشقشت دموعهااا واتماسكت: أبداااا ياا أمي ح يحصل شنووو صوتي تقيل بس لأني صاحية من النوم يادووب إنتي الفي حااجة مالك متصلة علي بدري كدة 💔
أمي:لالا مااف حاجة،، متأكدة انتي كويسة وما فيك شي
ريناد : لالا مااف الحمدلله
أمي : الحمدلله طيب خلااص اخليك تواصلي نومك
ريناد : امي😔😔
أمي :ايوة
ريناد : ريم وريماس كويسين ؟؟؟
أمي : كويسين كلنااا الحمممدلله ما عندناا عوجة
بعد امي قفلت منهاا سالتهاا هاا يا امي كويسة ؟؟؟
امي : كويسة الحممدلله ماا عندهاا عوجة
انا : الحممدلله ،، مشيت الجامعة قبل ما أطلع من هناك إتصل علي "الكائن العجيب" 😂😂😂 كل ما أشوف الإسم بضحك بس ما هاين علي أغيرو زييين إزيييك
زين : أحسن منك 😞😞
انا : دي حاااجة طبيعية والله لازم تكون احسن مني ،، بس غيروووو
زين : لا بجد زعلان منك ياا كعععبة  ما بتسألي أبدااا
أنا : 😉😂 لالا يااخ انا ما كعبة والله بس قلت أديك إنت الفضل ده 😍😍
زين : حنكيني حنكيني أااي
انا : وانت داير ليك حنك كمان بطل حركات
زين : 😂😂 الموووهم ياا ستي طولنااا ما اتلاقينااا حتى شات ما بشوفك خليناا نتلاقى الليلة
أنا :"لو تعرف إنو ما عندي زمن للواتساب اساسااا" والله يا زين مااف طريقة 😔😔 مضغووطة شديد وما عندي زمن أطلع فيهوو
زين: من وين الضغط ده كلووو كلناا قريناا جامعة وكنا خريجين وبنطلع عاادي يعني
أنا : زين أنا وضعي غير صدقني ولو في طريقة كنت ح أجي من غير تردد
قال تمااام وقفل الخط 😞  من الواضح جداا إنو زعل 😕😕 حرفياا مااف اسوأ من كدة عندي ألف تبرير اقوله لي نفسي وما عندي ولا تبرير أقوله ليهووو 💔💔

***************
سالي : زين يا زيييين
زين : بتكوركي مالك يا ساالي
سالي : ما أنا لي ساعة بتكلم وانت ما سامعني
زين: معليش كنت سرحان شووية في موضوع شاغلني
سالي : هو عايزة اسألك سؤال يعني ممكن
زين : طبعاا ومن غير ممكن يا سالي
سالي: انت في واحدة دخلت في حياتك .. ما تعاين لي كدة بتحب يعني
زين :  ما عارف
سالي : وأعتمدهاا اجابة دي ؟؟؟
زين : احساس غريب بحسه يا سالي ما قادر احدده هو شنوو من اول مرة شفتهاا في حاجة شدتني ليهااا ما قادر أميزهاا مختلفة شدييد ويمكن دي أكتر حااجة بتميزهااا التفرد 💜💜 عندهاا طموح وقوة إرادة بنبسط شدييد لما أكون معاهاا وبحب أدخل معاهاا في نقاشات واسمع رأيهاا  كل تفاصيلهااا جميييلة شديد 😍😍😍
سالي : ده كلوو وانت ما قادر تحدد الحاسيهووو 😂😂😂 ده ما حب بس ده هيااام أنا مبسوووطة إني بسمع منك الكلام ده ويادوب كدة عرفت سر التغيير الحصل في حياتك
زين : نقناقة نقة 😂😂😂
***************
رجعت البيت وانا متضايقة اساسا عرفت من نسمة إنو محمد رفض قصة إنهاا تولد عندنااا دي حااجة كنت متوقعاهااا رد فعل طبيعي مهما كان محمد واثق فيناا نفسه ما ح تسمح ليهو إنو يخليهاا تجي تقعد فترة الولادة معانا لأسباب كتيرة أولهاا المجتمع 💔💔 ده غير إنو أبوهاا ممكن ما يتقبل الفكرة خالتهاا الممكن تعمل مشاكل وتقوم الدنياا بس طمنتهاا وقلت ليهاا ما تشيلي هم ح أشوف حل للموضوع عقلي كان شغال لحد ما  دخلت البيت مشيت العريشة أمي وريماس كانوو بشربو في قهوة سلمت عليهم وقعدت
امي : في كلام في خشمك قوليهو وإرتااحي
مشيت قعدت قريب منهااا عايزاك في خدمة يا أمي انا عارفة إنهاا صعبة عليك بس دي اول مرة أطلب منك طلب عليك الله تعمليهااا لي
أمي : في شنووو لو بقدر ح أعملهااا أطلبي عيوني واديك ليهااا رااضية عليك ياا بتي
أنا : نسمة صاحبتي إنتي عارفاهااا بقت خلااص على مشارف ولادة امهاا متوفية ونسيبتهاا مافيشة انتي عارفة الموضوع صعب عليهاا خاصة انهاا بكرية عايزاك تقعدي معاهاا الفترة دي لحد ما تلد والاسبوع الأول وبعد كدة نحن بنتناوب فيهااا
امي : هي ياااا بتي كيفن كدي وأختك العندهااا مدرسة دي اخليهاا لي منووو
انا : يا أمي انا وريماس ح نرفق بعض او ممكن تمشي معاك الترحيل بصل هناك
أمي : والله عااد كلام ونجدعك هنا براااك 😕😕
انا : تجدعي شنووو يا أمي لو مشيتو ح أجي هنا أخلص شغلي وبالليل أجي أبيت معاكم انتي بس كدي وافقي ختي الموضوع ده في رأسك
***********
عمو محمد : اها يا عبدالله قدرت تطلع من مرتك دي بي حااجة
عبدالله : رأسهاا يابس زي الصخرة كل العرفتو انهاا اتنازلت عن نصيبهاا في البيت لي ريماس غبية ياااخ وما بتفهم
عمو محمد : دي هبلة ساااي كلهااا من أمور اختهااا الكبيرة هي ال ح تكون كتبتهاا التنازل
عبدالله : يااخ دي ما بتفهم في أي حاجة مدلعة كدي وما بتنفع معاااي
عمو محمد : لا لا حاول أكسبهااا عشان لو قلبت عليهاا وإشتكت لي أهلهاااا ما ح نقدر نتوقع ريم ممكن تعمل شنووو دي ممكن ترفع عليناا بدل القضية ألفف
عبدالله : وخايف منهااا علي شنوو البت دي اساسا هي ما بتتكلم 
عمو محمد : كلامك ده عشان ما بتعرفهااا،،، ما بتتكلم معاهاااا بس يوم تحصل ليهاا مشكلة ح تلقاهاا أول زول واقفة اسالني منهاا انا بعرفهااا زي أبوهااا البت دي انت بس سايسهاا البت دي
*****************
بعد خلصت شغلي بالليل ما قدرت انووم تفكيري كله كان مع زين إنو هو زعلان مني يعني أنا واقعة في النار 💔 انا لما خليت الشغل قلت ليهوة اني عايزة تركيزي كله يكون على الدراسة بالتأكيد ما ح أقدر أقول ليهووو إني شغالة خشيت الواتس لقيتو رافع حالة قبل مسافة ما كتيرة رسلت ليهووو ما دخل تاني وما رد نمت وانا منتظرة رد يجيني منه صحيت بدري مشيت الجامعة بعد خلصت المحاضرة الأؤلى غلبتني القعدة قلت لي وفاء عايني انا طالعة عندي مشوار مهم ومشيت من غير حتى ما أنتظر إنهاا تستفسر مني وصلت الشركة كيف أنا ما عارفة دخلت مكتبه لقيت السكرتيرة برة سألتهاا زين موجود قالت لي في مكتبه برة الشركة 😞😞 انا ما حصل مشبت ليهو في مكتبه برة فما عارفاهو وين ما أترددت وطلبت منهااا توصف لي المكان ما بعيد دخلت ما كان في سكرتيرة برة دخلت على طول من غير ما ادق الباب اتفاجأت بالمنظر الشفته زين قاعد في المكتب واحدة واقفة وراهو ماسك ورقة وقلم وبيتكلم بيشرح في حاجة بس هي ما كانت مركزة في الورقة على قدر ما هي متنحة فيهوو وبتحاول تقرب أكتررر إتضايقت شدييد من المنظر قربت من المكتب معليييش ح أقطع عليكم اللحظات السعيدة زين كان بعاين لي بي إستفهام عن إذنك يااا أخت ممكن تطلعي عايزة زين ردت بس نحن عندنا شغل هسي ،، قلت ليك أطلعي برة الشغل لااحق ما تتكلم يا زين الله
زين : اطلعي انتي هسي ونكمل بعدين
قبل ما تصل الباب قلت ليهاا بي بياخة كدة فنجان قهوة لوو سمحتي
زين : رفع لي حاجبه وقال خير إن شاء الله إيه الطلة دي
انا : ارجع يعني 😔😔 انا شفتك زعلت وقلت أجي اراضي الباشا بس من الواضح يعني إنك ما فاضي لي زاتووو
زين : 😂😂😉 فااضي ليك في أي وقت 💜💜💜 ولو ما فاضي أفضى عشانك بس ده شنو الحركات دي وبتتكلمي مع البت بي حدة كدة ليييه
انا : عشان بايخة وثقيلة وما حبيتهااا انت ما شايف كانت بتقرب منك كيف والا أنت عاجبك الوضع يعني
زين : لا حولة ولا قوة إلا بالله انتي بتألفي من رأسك يا ريم
في اللحظة دي جات خاشة مدت لي الفنجان مديت يدي عشان أمسكه منهااا قلبته في يدهااا بقت تكووورك القهوة حااارة طبعاا وقفت على حيلي قلت ليهااا سوري ما كنت قااصدة الظاهر إنو يدي رجفت كشرت وشهاا وطلعت انا بعاين وراهااا بي إبتسااامة زين جاء وقف قدامي ربع يديهووو وهو بعاين لي
في شنووو اهااا ما قلناا ما قاصدة الله
زين : عايني في عيوني كدة وقولي ما قاصدة
أنا : انا غلطاانة اساساا اني جيتك والله دايرة أمشي كدة وقفني : ريم إنتي بتغيري ؟؟؟
السؤال بقدر ما إنو صدمني بقدر ما إنو اكد لي حاجات كتييرة جواااي إتمالكت نفسي وضحكت 😂😂😂 أغير ؟؟ بتسأل من عقلك أغير من شنوو اساسا ومن منووو زين ملامحه إتغيرت كأنه كان منتظر مني إجابة تانية حاولت أغير الموضوع ونجحت في كدة اتونسنااا وضحكنااا قلت ليهوو دي اول مرة اشوف مكتبك هناا ما حلوو صرااحة الفي الشركة أحلى 😂😂 قال اساسا عندي فترة بصفي فيهو عايز أقفله واشتغل في الشركة وبس ،،،
كويس برضو عشان تمشي البت البرة دي في الأخير قلت ليهووو يلاا انا لازم أمشي ما تنقطعي بالله
إن شاء الله بس لما أقول ليك ما بقدر معناهاا ما بقدر ما تزعل مني وتمثل فيهااا دور المقموص
زين : ما بتستحملي زعلي يعني 😉😉
حكايته شنوو معااي قاصد يلخبطني بالأسئلة دي ماا بستحمل يكون في زول زعلان مني يلااا سلام
طلعت منه وأنا جواي أحاسيس ما فاهماهاا مصيبة لو الفي رأسي حصل معقول حبيته بيتردد في رأسي سؤاله إنتي بتغيري إنتي بتغيري إنتي بتغيري معقولة الأنا حاساهو ده غيرة ده حب ؟؟؟ لالا ما لازم يحصل وهو كمان ما لازم يعشم فيني" أنا لا أصلح للحب " حتى لو كنت متمنياهوو الحب ده ما للزي انا ما ح أقدر أكون متفرغة ليهووو زين مر بتجربة قبل كدة فأنا لو ما ح أكون البلسم البداوي جرحه بلاش اكون عشان كدة أحسن ابعد او ما اديهو فرصة يتعشم أنا بذات نفسي محتاجة زول يلملم بعثرتي 💔💔 ما عندي أي حاجة أقدمهااا ليهوو بقيت بكلم نفسي كتييير  يااربي أنا جنيت نسيتي ياا ريم الحب ما بستأذنك عشان يدخل ما بنتظرك ترتبي نفسك 😔😔
*****************
ريناد: الشاي 😕😕
عبدالله : ده شااي هسي انتي ما اتعلمتي تشتغلي عند اهلك ده شنوو البلوة الوقعت فيهاا دي وشال الكباية جدعهااا فيهاا ومشى ريناد اتحرقت في يدهااا قعدت في الأرض وهي بتبكي للحاصل عليهاا ولل هي وصلت ليهووو ريناد كانت دلوعتناا فعلاا ما كانت بتشتغل شي الشغلة كلهااا كانت على ريماس
شوية عبدالله تااني جاء راجع لقاها قاعدة بتبكي في شنووو اهااا مسكهااا من يدهاا قومهااا اوع أسمعك هناا بتنوحي قفلي خشمك ده الله لا جاب باقيك قفلي بقى يضرب فيهااا اكتر وريناد من الخوفة كاتمة البكاء وما قدرت تتكلم جراهاا من شعرهااا ورماها في الأرض وطلع بقت قاعدة في مكانهاا داك بتتحسر وتتندم حيث لا ينفع الندم ......(يتبع)

معليش قصيرة بس ما قادرة اكتب اكتر من كدة أعوضكم بكرة