زيني "قدري "

19

((19))
وليد: صااحب محمد يااا ستي كان إتلاقينااا أمس💛💛💛 من حظي الحلووو إنك طلعتي أخت حسااام
وفاء: ليه يعني؟ وبعدين جبت الرقم من وين
وليد : في الزمن ده الواحد لماا يكون عايز حاجة ماا بتغلبه يعني
وفاء: امممم وانت عايز شنووو ؟؟؟
وليد : انا أسف لو ضايقتك بي إتصالي بس أنا حسيت إني مشدود ليك وعايز اتعرف عليك عشان كدة
وفاء: لالا أبدااا مااف ضيق ولا حاااجة وهي من جواهااا طايرة من الفرحة 💜💜💜 مرت عليهم فترة هم بتونسو ويضحكو ووليد بيحكي ليهاا عن حياته وهي بتشاركه الحديث لحد ما حسام خبط عليهااا الباب استأذنت من وليد وفتحت الباب لي حساام إزيييك بقينااا ماا بنشووووفك صياااعة شديييدة هنا 😂😂😂😂
حسام : ما تحترمي نفسك ياابت انتي بتتكلمي مع أخوك الكبير 😂😂😂😂
وفاء: ما المشكلة هو العلمني التفاهة يعني 😂😂😂
حسام : عايز أتكلم معااك في موضوع كدة
وفاء: اتكلم ،، شكلك بيقول انك لقيت العروس 😉😉
حسام : ايوة لاقيهاا من زمان بس ما عارف إذا ح توافق أو لا
وفاء: ح تلقى زيك وووين هي ،، المووووهم أنا اعرفهااا يعني ؟؟؟
حسام : ايوة صاحبتك 😠
وفاء: ريم ؟؟؟؟! ما ح توافق اساسا بنصحك ما تطرح عليهااا الموضوع
حسام :لا ما ريم ما عندك صاحبة غيرهاا إنتي 😕😕
وفاء: ثانية واحدة إنت قاصد أمل ؟؟؟
حسام : أيوة أمل بي صراحة من زماان داخلة مزاااجي كانت لسسة شافعة في الاساس لماا أشوفهااا وهي ماشة المدرسة بتخطف قلبي 💜💜💜 ولما دخلتي الثانوي لقيتاا بقت صاحبتك كل ما أشوفهااا قلبي بدق وحبيتهااا بس هي كانت صغيرة ما ينفع اتكلم معاهاا واصارحهااا فإعتبرتهااا زيك وتاني سافرت هسي لمااا رجعت وشفتهااا يوم الكرامة كبرت وإحلوت زيااادة خطفت قلبي للمرة ألف 😍😍😍 وأنا كنت فاكر نفسي نسيتااا بس صحت كل المشاعر الجواااي وعايز أتزوجهااا قبل ما ارجع بس يا ترى ح توافق
وفاء: لا والله طلعت عااايش قصة حب عميييقة وانا اااخر من يعلم 😕😕
حسام : عااايش شنووو ياااخ بطلي حركات ووريني ح توافق ؟؟ والا كيف
وفاء: والله احتمال لأنو هي عبيطة كدة وماافي زول في حياتهااا فإنت وحظك وانا من رأي إتقدم طوالي وشوف البحصل
حسام : تمااام نفاتح امي وأبوي بكرة في الموضوع ☺☺ يلا تصبحي عااافية
*******************
تااني يوم في الجامعة وفاء فتحت معاااي الموضوع انو حسام عايز أمل فمن غير ما أفكر رديت عليهااا : بجد أمل ممكن تموت من الفرحةة😍😍😍
وفاء: ؟؟؟؟ تموت من الفرحة !!ليييه؟!
اتذكرت انو وفاء ما عارفة غير انو أمل ح تقتلني يعني سكت غلبني الرد
وفاء: بتحبه ؟؟؟
انا : من زماااان شديد بس بينهااا وبين نفسهااا
وفاء: وانتي عااارفة وما كلمتيني يخسي عليك يا ريم بجد يخسي وانااا الكنت فاكراك صاحبتي وبتكلميني بي أي حاااجة
أنا: اووفر شدييد انتي عاارفة إني بحكي ليك اي حاااجة بس ده سر يخص امل وهي ما عايزة تقول ليك إنهااا بتحب أخووك عشان ما تتحرج منك
وفاء: خلاااص يااا ستي حاافظي على الاسرار كووويس المهم انهاا ح توافق 💜💜💜 وهو ناوي يتزوج قريب قبل ما يسافر حتى
أنا : حلووو يعني عندناا عرس قريب 😍😍
وفاء : ايوووة بس ما تكلميهاا لحد ما نمشي ليهم بكرة ونتقدم يعني عشان ما تحرقي المفاجأةة
أنا : تمااام إذن انا ح أمشي معاااكم
حسام كلم امه وأبوهو ووافقو أبوهو مشى لي أبو أمل فاتحو في الموضوع وإتفقو انو بكرة يتقدمو رسمي يتعرفو على العريس وكدة
بكرة مشيت الشغل بدري كنت شايلة فستاني في شنطتي عشان ما أجي البيت وأرجع وجيت بدري نزلت عندهم جهزت نفسي مع وفاء وطلعنااا 💜💜
امل كانت بتتصل علي من بدري بس كنت متجاهلاهااا مشينااا لقيناا معاهم ناس ما كتيرين ضيفوناا قلت لي وفاء انا ح ادخل لي أمل عايزة أعرف ردة فعلهااا انتي ما تظهري مشيت لقيتاا تبكي بتبكي مااالك يابت واحدة عايزين يخطبوهااا تبكي لييه
امل : ريم دوبك افتكرتي انا من الصباح بتصل عليك مااا بتردي شفتي العريس 😕😕 انا ما عايزة غير حساام
انا : معلييش كنت مشغولة شوية بعدين هم ح يتقدموو انتي كل العليك انك تقولي ح أستخير وارد وفي النهاية انتي عندك حرية الإختيار ربمااا الخير فيهووو ما في حسام قومي امسحي دموعك وغسلي وشك خليهو يشوفك بي أحسن شكل لأنو بي صرااحة هو كسااااار 😍😍 ومز آخر حااااجة 💜💜
وفاء: لا خليهووو يشوفني كدة بس ولو عاجبك عرسيهو انتي انا ما دايراهووو
أنا : 😂😂😂😂😂 أحسن ليك والله ح تندمي بعدين
أمل : لا يعني لااااا واسكتي مني قال عايزاك تديني دعم معنوي
أنا : أكتر من كدة 😕😕 حرااام عليك يااا شيخة
في الاثناء دي برة كانو إتفقو ابو أمل قال ليهم انا ماا عندي مشكلة بس عندناا شورة وكمان الرأي الزمن ده بقى عند البنات ومااا بنجبرر ليناا زول على حاااجة ابو حسام قال ليهووو عين العقول خلااص نخلي العرسان ياخدو ويدو مع بعض في الكلام والفيهاا الخير ربناا يسويهااا واثناء ما انا وأمل بنتناقش الباب دق البسي توبك ده عشان شكله ده العريس 😂😂😂 شوية كدة جاء حسام معاهو وفاء وواحدة كدة شكلهااا بت خالتهااا سلام عليكم أمل نططت عيونهااا 😩😩 بقت مهجومة وقالت حساام انا هنا خلاص غلبني ضحكت بي أعلى صوت وأمل تحمر لي قلت ليهم معلييش عاااد الأخت كانت بتبكي عشان ما عارفة انو العريس حسام 😂😂😂
يلااا تعالو انتو نقعد هناك شوية نخليهم يتكلمو مع بعض حسام قال ليهااا خير ليييه بتبكي قالت ابدااا ما قاعدة أبكي ولا حاااجة قال ليهااا يعني القالتو ريم ده ما صااح م كنتي خايفة أطلع ده ما أنا 😉 هزت رأسهاا بي إرتباك بمعنى لا ضحك ليهااا وقال تعرفي ما كنت متخيل إنو اليوم ده ح يجي لما كنت في الجامعة انتي في سابع كنت بشوفك من بعيد ماشة المدرسة دخلتي رأسي من الزمن داك والليلة أنا بتقدم ليك الحممممدلله ربنااا يجعلك من نصيبي💜💜💜💜 مشيت عليهم قاطعتهم يلااا بعد كدة عن إذنك يا حسام نحن لسة ما اديناك موافقة خليهااا تأخد راحتهاا في التفكير 😂😂😂
يومين كدة واهل امل شاورو وأمل أدتهم رأيهااا وبلغوهم الموافقة حسام اصر إنو عرسه يكون خلال شهر وحصل جهزو كل امورهم والشيلة والليلة العرس أناا ووفاء مدروشين شديد وليد كان موجود هو وفاء علاقتهم بقت قوية شدييد بس لسة متحفظين عليهاااا النهااار كله عديناهو جري لحد ما عقدو والناس اتغدت مشينااا لي أمل في الكوافير باركنااا ليهااا وقشرنااا آااخر حااجة للحفلةة نسمة معانااا من أمس برضووو ومحمد كمان الحفلةة كانت ظااااابطة 😍😍😍 وانبسطنااا شديييد بعد كدة زي ما بقولو " العروس للعريس والجري للمتاعيس" أنا ونسمة قعدنااا مع وفاء يومين رتبناا معاهااا البيت والوضع رجع كما كان ورجعناااا 💜💜💝💜
***************
انتهت السنة سرييييع والحممدلله طلعت منهااا بي إمتياز برضووو 💛💛💛 ريماس نزلت امتحانات وبقينااا في إنتظار نتيجتهااا،،، محمد ونسمة علاقتهم زااايدة قوة وحبهم بيزيد ما مشت لي خالتهااا تااني من المشكلة ديك وما بترد على إتصالاتهااا ،،، زين لسة متوتر وعلاقته مع اهله رجعت اتوترت ،،،، أمل وحسام ما صدقوو مسكوا في بعض 💛💛 وفاء ووليد لسة بيتمادو مع بعض في التلميحات ومااف واحد راضي يعترف للتاني ،،،، كنت قاايلة إنو خلااص الزمن إبتسم لي وح أعيش في سعااادة والحمممدلله ما كنت فااكرة انو ح يكون في أيام أصعب من كدة جيت من الشغل لقيت أمي وريماس وريناد مجتمعين بيتكلموو خير في حاااجة متلمين كدة؟؟؟ وليه سكتو لمااا أنا دخلت ؟؟!
ريناد : عشان محتارين في موضوع كدة
أنا: موضوع شنووو ؟؟
ريناد: عبدالله عايز يتزوج ريماس
أنا : عبدالله منووو
ريناد : عبدالله ود عمي محمد
أنا : ههههههههههههه لا والله وده موضوع يحتارو فيهوو وثم القالو ليكم منو زاتووو ؟؟
أمي: اتصلت علي مرت عمك وقالت كدة ريماس بعد كدة كبرت وممكن تتزوج عبدالله وانا كلمتهااا
أنا :😂😂😂😂😂 أكيييد بتهظرو لعبة هي مرة عايزني ومرة عايز ريماس عبدالله ده لو آخر واااحد في الدنيا ريماس ما ح تعرسو وده ما موضوع تفكرو فيهوو زاتوو معليش تقعدو تضحكو فيهوو
ريناد : وما تفكر فيهووو ليه زول اتقدم حقهااا توافق أو ترفض والا إنت عايزاهااا تكون بايرة زيك
ريماس: ريناد 😡😡😡 عيب عليك تقولي كدة
أمي: ده كلام شنووو ياا بتي
أنا كنت حاااسة إني اتشليت كيف الكلام ده طلع منهااا رديت بي لسان تقيل : ده كل الطلع معاااك
اني بايرة طيب ياا ستي أنا رضياانة قولي علي بايرة بس أنا ما عايزة ريماس تكون زي ولا ح أمنعهااا عااادي ممكن تعرس من هسي بس لمااا يكون الانسان الصح
ريناد: لما تفرضي عليهااا رأيك دي أنانية منك انتي عايزاهااا تكون نسخةة منك
ريماس: ريناد بطلي كلام وأسكتي ريم عمرهااا ما كانت انانية بالعكس نحن الكنااا انانيين معاهااا
أنا : خليهااا تتكلم وتتطلع كل الفي نفسهااا في الأخير طلعت انانية ؟؟؟ سميهااااا زي ما تسميهااا ويااا ستي أنا انانية ورين ما ح تتزوج عبدالله لو قامت القيامة مشيت خليتهم وانا الدنياا دي ضاقت بي يعني أنا في النهاية أسمع كلام زي ده ومن ريناد يمكن هي صغيرة مفروض أفوت ليهااا بس كلامهااا ده كسرني من جووووة اعصابي انهااارت شديييد 💔💔 بكيت قدرتي الليل ده بقى لي ليلين كنت حابسة نفسي في الصالون لحد الصباح صليت وطلعت مشيت بي هناك البس عبايتي جات أمي اتكلمت معاااي يابتي ما تزعلي من أختك دي جاهلة وبتتكلم ساااي نحن عارفنهاا دي عمايل عمك وعمك غير طمع ما عندو تفكير خليك انتي الواعية ومشي ليهااا رديت عليهااا بي ان شاءالله لبست عبايتي وطلعت لقيت ريم في وشي حاولت تتكلم معااي وقفتهااا قلت ليهاا شوفي مهما كان وجهة نظرك فيني عبدالله لااااا ما ح تعرسيهو ومشيت من غير ما انتظر منهااا رد ما كنت عارفة نفسي ماشة ووين لفيت في الشارع كتييير مشيت مسافات بعيدة بي رجولي وانا ما حااااسة قعدت في الشارع في ضل شجرة ببكي وبرجع أعاين في الناس نظراتهم المستغربة من قعدتي دي بقيت مدنقرة تحت ودمعتي نازلة فجأة اسمع ليك سلام عليكم رفعت رأسي : زين😳😲😲
زين : ايوة مالك قاعدة كدة زي الشحادين شفتك من قبيل وكنت بكذب نفسي انو دي انتي
انا : عايزة أشحد انت ماااالك قعد جمبي وقال لي مااافي ميل انا بس كنت عايز أعرف مااالك لو عندك مشكلةوعاايزة تبكي عااادي بس ما تقعدي كدة سكت ما رديت عليهووو تاني قال لي طيب انا ممكن اعرف انتي مالك لو عايزة تتكلمي أنا ممكن اسمعك
انا : لا أنا ما عايزة أتكلم 😢😢😭😑
زين : تمااام طيب تعااالي اوديك من هنااا الناس بتتفرج عليك قمت معاهو وأناما حاسة بي نفسي راسي تقيل ولافي كأني غايبة من الوعي ركبت معاهو وبس قلت ليهو أنا ما عايزة أمشي البيت 💔 قال لي كويس ما سألتو حتوديني وين انا ساكتة وهو ساكت لحد ما وصلناا البحر قال لي انزلي نزلت قال لي اقعدي هنااا ابكي اتكلمي كوركي مااف زول ح يشتغل بيك المهم ترتااحي 💜💜💜 أنا ح أمشي اخليك تأخدي راحتك كمان عندي اجتماع بعد يخلص انتظريني ارجعك رديت عليهووو لالا معليش انا ح أقعد شوية وارجع ما تتعب نفسك قال لي تمااااام ومشى قعدت كتييير في البحر كنت فاااقدة ابوي شدييييد 💔💔💔 لو كان عايش كان حسم الموضوع ما كان واجهتني مشكلة زي دي كلام ريناد واجعني شديد كل ما أحاول اتجاهله ما بقدر كيف تقول عني كدة برجع بصبر نفسي بي كلام أمي واني اكون انا الواعية تاااني اقول لا ريناد ما صغيرة واعية وبتعرف تتتصرف معقولة أنا بي تصرفاتي معاهم خليتهم ياخدوا عني الفكرة دي خليتااا تشوفني انانية بعد تفكير كتير قلت تشوف العايزة تشوفه بس ما ح اتنازل وعبدالله ما ح يدخل بيتنااا ديل قادرين يفرقونااا للأبد وانا ما ح أسمح بي كدة رجعت البيت وانا احسن من قبيل دخلت الصالون طوالي شوية كدة وجاتني ريماس قعدت جمبي في السرير ما اتكلمت معاهااا قالت لي طيب أنا ذنبي شنووو ؟؟؟ زعلنااا من ريناد مااشي بس انا ما تزعلي مني ريم انتي مااا بس أختي الكبيرة إنتي امي وأبوي 💛💛💛💛 انت البتسند عليهااا 💜💜 منوو غيرك بشجعني منووو البدعمني 💜💜💜 انتي عاارفة اني بكره عبدالله ده وحتى عمو زاتوو صدقيني لو كان أحسن وااحد في الدنيااا وانا بحبه وانتي راافضة ح اضحي بيهو عشااانك انا ممكن اتنازل عن أي حاااجة في حيااتي قصاد إني ما أخسرك 💙💙 قلت ليهااا انا بس عايزاك تعرفي اني ما رافضة عبدالله عشان جاني قبل كدة ولا انانية مني عبدالله ده وااحد واطي وما يستاهلك ريماس اناا عايزة ليك الأحسن من كدة وتهمني سعادتك معاهم ما ح تسعدي ولااا يوم ردت علي انتي هبلة ح تسمعي كلام ريناد وتمشي عليهووو دي بتتكلم سااي انا عااارفة وااثقة انك عااايزة لي كل السمممح 😍😍😘😘 ونحن مهماا نعمل ما ح نوفيك حقك العلاقة بيناتناا انا وريناد بقت متوترة كنت قافلة منهااا شديد 💔 ظهرت نتيجة ريماس وجابت 273 فرحنااا وانبسطناااا بس انا وريناد كمااا كنااا اشتريت لي ريماس التلفون النفسهااا فيهووو كنت واعداهااا بي كدة 💛💛💛 في يوم جيت لقيت مرت عمي في البيت جات بي حجة انهااا تبارك النجاح ناس عندهم كمية بجاحة ما طبيعية وأكيد مرسلهااا عمي لأنه ما بقدر يجي هو عشان الحصل ليهوو هنا المرة الفاتت سلمت عليهااا وما إشتغلت بيهااا قعدت معاناا يومين وانا ما اديتهااا أي اهتمااام سألت ريم عن رأيهااا وريم رفضت 😍 جات أمي قالت لي اختك قالت ماشة تتم اجازتهاا في البلد ،،، أختي منووو 😳😲😲
امي : ريناد .
. ....(يتبع)
كسرتني ،،هدمتني ،، وأنا التي كنت أحتويها