زيني "قدري "

16

((16))
نسمة : محمد إنت من متين هنااا خير جاي بدري في حااجة
محمد :كنتي وين ؟؟
نسمة ما كانت عارفة تقول ليهوو شنوو محتارة بين إنها عايزة توريهوو وتشوف ردة فعله وبين إنهااا خايفة من ال ح يحصل وكلام خالتهااا وبتهاا مدور في رأسهاا كذبت وقالت ليهو مشيت أاشوف أبوي شوية هنا محمد إتصدم عاين ليهاا مسافة علي أمل إنهااا تغير رأيهااا بس ما قالت حااجة دخل يديهو في جيبو ومشى عليهااا وقف قدامهااا وهو بعاين ليهاااا يعني إنتي يا نسمة هسي جاية من بيتكم؟؟؟
ردت نسمة بي صوت مهزوز أيوة طيب ليييه أنا لما إتصلت علي أبوك طلب يتكلم معاك ليه قال لي إنو ليك يومين منووو هااا ؟؟؟ سكتت نسمة وعرفت إنهااا هنا غلطت غلطة كبيرة إنها كذبت عليهوو وإن خلااص كذبتهاا بقت واضحة دنقرت في الأرض من غير ما ترد عليهوو محمد رفع رأسهااا بي يدوو منتظر إجابتك أناا عايز افهم في الاول طلعتي من غير ما تكلميني وانا لا حابسك ولا مانعك من الطلعات بس أكون على علم ده حقي وهسي جاية بتكذبي علي أفهم الكذب لييه نسمة مواصلة في سكوتهااا وما ردت محمد صبره نفد وهاج فيهاا للمرة الأخيرة ياا نسمة بسألك عايز تفسير للحاصل ده وبرضو نسمة ما ردت ،، يعني ما عندك إجابة تمااام خليك على كدة وما تردي ولما تلقي إجابة انا قاعد مشى محمد منهاا وهو زعلان وغضبان دخل الغرفة استحم وغير ملابسه وطلع دخل في غرفة تاانية وقفل الباب عليهو كل ده تحت نظرات نسمة المندهشة من إنو اول مرة بعد زواجهم ما ح يشاركهااا الغرفة ما ح ينوم معاها في نفس السرير ما قدرت تتمالك نفسهاا أكتر من كدة وبقت تبكي بي صوت مكتوم 😭😭😭😭
***************
كمان الليلة ما مشيت الشغل لأنو وفاء خلاص بكرة مسافرة وعايزة أقضي معاهوو اليوم كناا مبسوطين وبنتعاور ونتهابل مع بعض وبنوثق اللحظات دي بي أجمل سيلفي ونضحك علي بعض 💜💜💜 فجاة كدة إتضايق😳😔😔 وفاء أمانة وريني اذا ح تقعدي هناك كتير الله يخليك ما تتأخري
وفاء: يابت والله العظيم كلهاا إسبوعين احتمال أو تلاتة اساسا حسام أخوي إجازته قربت وح أنزل معاهو
أنا : انا من هسي حاااسة إنو الدنيا ضااقت بي💔 ما قادرة أتقبل الفكرة 😢😢😢
وفاء في محاولة منهاا تطلعني من الجو: أول مرة أعرف إنك بتحبيني كدة 😉😂😂
أنا: بحبك شديييد 💜💜💜 وح أفقدك جدااا إحساي الفقد حااار يا وفاء 😭😭😭 وأنا ما نفسي اجربه تاااني حتى لو فترة بسيطة بقيناا نبكي مع بعض وإتقلب الجو لي حزن شديييد بيناتنااا لحد ما خلاص الزمن إتأخر كان لازم أمشي ودعتهااا وعلى أمل نتلاقى بكرة واودعهاا وامشي معاهاا المطار 💔 قلبي كان موجعني شديييد كأنه جزء من روحي ح تطلع يعني بالرغم من إني عارفة إنهاا ماشة فترة بسيطة وح تجي بس نحن من عرفناا بعض ما اتفارقناا 💔 وفاء بتفهمني وبتستحمل مشاكلي كنت دايمااا بحي احكي ليهااا وهي بتسمعني وبرجع من عندهاا مرتااحة 💜💜
****************
مر الليل علي نسمة ومحمد ببطء شدييد محمد ما نام الليل كله بفكر في نسمة عملت كدة لييه وهو ما حسسها بي خوف وعودهااا انهاا تكون صريحة معاهو وتحكي ليهو مشاكلهااا بس كيف تكذب عليهو عقله كان رافض يستوعب الحتة دي صلى الصبح وطلع من الغرفة عشان يستعد ويطلع للشغل لقى نسمة نايمة في الصالة قاعدة في الأرض ويدهاا ورأسهاا على الكنبة من الواضح آثار الدموع في خدودهااا قلبه حن عليهااا لي لحظة كان ح يصحيهاا يحضنهااا ويقول ليهااا انا جمبك ما تبكي واحكي لي مالك بس قسى قلبو ورجع غير ملابسة وشال مفاتيحه وطلع بعد مسافة ما طويلة نسمة صحت عاينت لقت الزمن إتأخر إتسحبت براحة ودخلت الغرفة الكان نايم فيهااا لقته مافيش مشى الشغل يعني من غير ما يصحيهاا من غير مايصبح عليهاا من غر ما يودعهاا وهو العودهاا علي أبسط التفاصيل دي البتملاأ يومهااا سعاااادة قعدت في السرير وهي بتبكي 😭😭😭 لحد ما إستحوذ عليهاا سلطان النوم
**********
في مكتب زين كان معاهو خالد وزين مستاء شديد من الوضع : الموضوع ده ذاد عن حده يا خالد كل مرة بيتسرق تصميم جديد نحن صااحةعاملين حسابنااا وأي شي بس لازم الزول البعمل كدة يتعرف
خالد: بصراحة أنا شاكي في زول معين هو البقدر يدخل ويطلع من مكتبك من غير م زول يشك فيهو
زين :هبة السكرتيرة صااح؟؟
خالد : ايوة ماف زول غيرهاا ممكن يعمل كدة ماف زول عندو صلاحية الدخول في مكتبك وانت مااف غيرهااا
زين : أنا شكيت في كدة بس لازم نتأكدد أول ويكون عندنااا دليل عليهااا كمان لازم نعرف هي بتعمل كدة ليييه ؟؟؟ أكييد الحاجة دي ما منهااا لازم وراهااا زول كبير وعندو هدف في رأسه
خالد : بالضبط كدة عشان كدة لازم نكون متابعنهاا
زين : طيب شوف شغلك انت وانا ح اراقب كويس
****************
أصبح الصبح والليلة وفاء مسافرة فايتاااني الحزن كان مسيطر علي طيارتهاا الضهر وانا لليوم التالت ما مشيت شغلي حاولت ارسم ابتسامة علي وشي واخليهااا تفتكرني وانا مبسوطة مشيت معاهاا المطار وانا ساكتة ما قادرة أتكلم بس المهم اني معاها وجيت عشان اودعهاا
وفاء: ريمي 💜💜 عاارفة إنك زعلاانة وبتحاولي تدسي زعلك عايزاك تطمئني أنا وإنتي ح نكون بي خير 💜💜💜 ودايمااا مع بعض ح أبعد عنك مساافة بس ارواحنااا متصلة والتلفونات بيناتنااا ح أحكي ليك كل تفاصيل يومي وانتي نفس الشي وان شاء الله ماااف شي يزعلك في غيابي اساسا
إبتسمت ليهااا وما قدرت أمسك دموعي أكتر من كدة ودعتهااا بي الدموع ورجعت
صبراا يا قلبي إنه مجرد فراق بسيط حتمااا سنلتقي 💜💜 فاللهم لا تبتليني في من أحب...
******************