زيني "قدري "

9

((9))
وفاء: كدي أحكي لي يااا ريم مواصفات الإنسان البتحبيهو
أنا: وإنتي اساسا عااارفة إني مااا بحب ،، سؤال بايخ زيك 😕😞
وفاء: يااا ستي الح تحبيهو فارس احلامك المرتقب
أنا : الحب بجي من غير مواصفات ولمااا تحبي بجد ح تعرفي إنو حتى لو في حاجة عايزاهاا ح تتنازلي عنهااا
وفاء: ده لمااا يجي ونحب ما تتفلسفي لي وأحكي عن أحلامك عشان ما أضربك بالمخدة دي
أنا: ما أكون انسانة عابرة في حياته ، يكون سند بالنسبة لي 💜 أشوف أبوي فيه 💞 لما أزعل منه الجأ ليهو هو بالتحديد 😍😍 يكون مصدر الأمان بالنسبة لي يعرف متين بفرح وشنوو بالزعلني يفرح معااااي 💖 ويحتويني في زعلي أنا ..
وفاء: بس بس لسة عايزة تواصلي كمااان ده ح نجيبه ليك من وووين سديتي نفسي الله يأذاك😔😔
أنا : ليييه ليه كدة 😞😞 فصلتيني أنا إبتديت أتخيله وأتخيل حياتنااا مع بعض شكلهااا ح يكون كيف
وفاء: حياتكم شنووو إنتي بالطريقة دي ما ح تعرسي نهاااائي الا تسجلي في برنامج الحلم
أنا: الموضوع ما صعب كدة كل الحكاية تفاهم وانسجام 💙💙💙 وحياة خالية من الأطراف الهدااامة
وفاء: ومفهومك شنووو عن الزواج 😉😉😉
أنا: ياريييت تبطلي تفاهة وأقري وخليني أقراأ ياااخ
وفاء: أبيييت بس إنتي ما عارفة أيام الإمتحانات التفاهة حااااصلة 😂😂😂 وأنا نفسي أعرس والله
أنا : ما ح أرد عليك ✔✔😄
******************
محمد : نسوووم حبيبتي يلااا أصحي الزمن إتأخر خلينااا نطلع
نسمة : اممممممم 😴 خليني شوووية تعبااانة أنااا
عايزة أنووووم
محمد : يلااا صحصحي حبيبتي 😘😘 لازم نمشي نسلم علي ناس امي ونمشي لي أبوك وخالاتك
نسمة : 😴😴😴😴
محمد : هاااا ح تقومي والا أستخدم إسلوب تاااني خاااالص إنتي عارفاهو كووويس
نسمة : خلاااص خلااص أنا قمت أساسا بس والله حرام عليك أنا زولة جاية تعبااانة وما خليتني أنووم 😔😔
محمد : 😂😂 بحبك
نسمة : 😊😊😍😍😍
محمد : طيب تعاالي أختار ليك تلبسي شنووو على زوووقي 😄
نسمة : إنت 😂😂😂 لااااا والله
محمد : اووووع تكوني ما واااثقة في زوووقي 😉😉 كفااااية إني إخترتك يعني 💜💜💜 ده سبب كااافي يخليك تثقي في زوقي 😍😍😙
نسمة: اساسااا إنت ما إخترتني 😜😜😜 ديل بابا وعموو 🚶🏻‍♀🚶🏻‍♀🚶🏻‍♀
محمد : تعاااالي هنااا ماشة وووين ولما تقوولي كلام خليك قدروو
نسمة : ابييييت ويلااا إنت كدة ح تأخرني 😂😂😂
محمد : ما مشكلة نتفاهم بعدين يلااا أنجزي
نسمة : حااااتر ياا حبيبي😉😙😙😙😙
*****************
زين : إزيييييك يااا وليد الخبرررر
وليد : زين الأحمدي بي زاتووو متصل علي كيف حصلت دي
زين: انت ما بتخلي بياختك دي المهم إنهاااا حصلت يااااخ 😂😂😂😂 بعدين أنا مااا كعب للدرجة دي والله
وليد : ما أنا عااارف بس بحب أشاغلك😂😂😂
زين : لالا ما تشاغلني مرتبط 😄😄
وليد : 😂😂😂😂 اااي ااي طلع الكائن التافه الجواك
زين : 😂😂😂😂😂 الله يسعدك
المهم عايز أقول ليك الحمممدلله سلمت المشروع والحممدلله اتقبل بس بعد ما عيني طلعت
وليد : من يووومك عااابر يااا زولي 💖 العبرة في الخواتيم
زين : ااي الحممدلله اهااا خبرك شنوو تااني وأخباار الشباب
وليد : فلة الحمممدلله ،، محمد جاء اليوم لسة موصلو قبل شوية إبن الكلب غنج وخلانا للعزوبية😂😂😂😂😂
زين:يا ساااتر عليك سيييب الناس في حالهاااا يااا أخي خليهم يتهنووو
وليد : وانا ح أحسدهم مثلااا ربنااا يسعدهم ويبارك فيهم ياااارب ما أتمنى ليهم غير كل خير والله
زين : عااارف عارف والله 💜💜💜 ربناا ما يحرمكم من بعض
وليد: وما يحرمنااا منك ياا حبيب💜💜💜
***************
في بيت خالة نسمة
الخالة: اهااا يا نسمة البلد المشيتي ليها كيف
نسمة: سمحة يا خالتي
الخالة : وعلي كدة فرحتي وإنبسطي
محمد : الحمممدلله مبسوطين وين ما كنااا وان شاءالله دايمااا مبسوطييين 😍😍😍😍
الخالة : انت هو لسة شفت حاااجة ياا ولدي 😕😕😕 المهم إنك تستحملهااا هي ومشاكلهااا الكتير
محمد: مشاكلهااا علي قلبي زي العسل
الخالة : 😑😑😑
محمد : نستأذن نحن بعد كدة يجماااعة يلااا يااا نسمة
الخالة : هي ما تقعدو تشربو شاي المغرب معانا
محمد: مرة تاانية إن شاء الله نحن جايين من سفر تعبانين هسي بس جينا نسلم عليكم
محمد ونسمة في العربية وكانت نسمة متضايقة من كلام خالتهااا وساكتة محمد نهااائي ما إتكلم معاهاا لحد ما وصلو كانت سرحانة وما منتبهة محمد طقطق ليهااا وصلنااا أنزلي حتى ما إتكلم معاهااا دخلو الغرفة وكل واحد ساكت غيرو ملابسهم جات ترقد ناداهااا تعااالي يا نسمة لازم نتكلم
نسمة اتخلعت من نبرة الجدية في صوته : خير مالك في حاااجة
محمد تعاااالي أقعدي هنااا أول بعدين نتفاهم أشر علي رجولو ،، نسمة مشت من غير تردد وقالت : فيك حاااجة
محمد: لا أنا ماا فيني حاجة انتي الفيك وعاايز أعرف مااالك
نسمة دنقرت رأسهااا وقالت ماااف حاجة
محمد: رفع رأسهاا بي يدوو وعيونه في عيونهااا ما علي أنا الكلام ده أحكي لي خالتك مالهااا معاك ؟؟ في حاجة غامضة أنا ما عارفهااا
نسمةوهي بتبكي: أنا زاااتي ما عارفة من إتوفت امي هي طلبت إني أقعد معاها أبوي وافق عشان ما يخليني براااي بس اتغيرت معاملتهاا معااي ما بتديني قروشي وحتى لو بابا أداني في يدي بتجي تشيلهم مني كنت بشتغل كل الشغلة أنا وبناتها قاعدين ما كنت بتكلم عشان ما أعمل مشاكل بستحمل أي حاجة وأنا ساكتة ما عارفة هي بتعمل كدة لييييه 💔😢😢😢
محمد : غلط إنك تسكتي كدة غلط ترضي بالإهانة والذل كان تتكلمي مع أبوك وترجعي بيتكم اأكيييييد أبوك ما ح يرضى كدة
نسمة : إستحاالة طبعااا كدة ح أعمل مشاكل بيناتهم وبابا طول عمره بحترم خالتي وبعزهااا وخلاني أقعد معاها على ثقة فأنا ما عايزة أشوه صورتهااا قدامه
محمد : تقومي تتحملي حاجات فوق طاقتك خليهاا تتشوه،،، طيب أحكي لي مواقفهااا في العرس والحصل بالضبط عشان أنا ما قادر أسكت عن الموضوع ده أكتر من كدة 😕😕😕
نسمة : وانت عرفت كيف ؟؟ ومن وين
محمد : لما جيت أسوقك من الكوافير البت الإسمهاا وفاء حكت لي وطلبت انك ما تعرفي بس انا ما قادر أسكت كل يوم بكون عايز أفتح الموضوع بسكت بس الليلة بعد كلامهااا ما قادر
نسمة: بس أنا طلبت منهم إنك ما تعرف😔😔
محمد: مع إني مفروض أكون أول زول يعرف ،،
يعني أنا مهمتي شنوو إذا إنتي بتكوني مهمومة أو عندك مشكلة وتمشي تفتشي الحل عند غيري ؟؟؟
نسمة: والله ماااا كنت بقدر أقول ليك كدة 😢😢 وما كنت عاارفة أتصرف كيف خالتي كانت ح تجيب لي أي بت تمكيجني وخلااص والحنة واحدة صاحبتهااا وهي ما بتعرف كدة شدييييد 💔💔💔 إتكلمت معاهاا بس قالت الكوافير كلام فاااضي وخسارة بتاعت قروش البنات برة بمكيجو أاحسن هي بس ما كانت عايزة تديني القروش
محمد : ممكن تبطلي بكاء طيب وكملي لي عايز أسمع للنهاية
نسمة: فكرة البوست كانت من إيمان صاحبتي وهي النزلتو أنا كنت مستسلمة وقنعاااانة ما في حاجة في رأسي أعملهااا وقعت ريم في طريقي 💜💜 وطلبت إني أجيهااا البيت إيمان أقنعت خالتي إنو صاحبتهااا ح تمكيجني ولأنهاا كدة ما ح تدفع ولااا جنيه وافقت ومشينااااااا بس
محمد حضن بسمة وباس رأسهااا 😘😘😘 أنااا أسف علي كل حاجة فاتت وعلي كل حاجة وجعتك وأنا ما معاك بس من هنااا خليناا نتفق أي حاااجة تحصل في حياتك لازم أكون عارفهااا ومن قبلك كمان وااااضح
نسمة : حاااضر إن شاءالله💜💜💜
محمد :اااي خليك كدة بتسمعي الكلام أنا أولى بيك وبي مشاكلك💛💛💛💛
******************
أنا: خير مالك جاية مبسوووطة كدة
وفاء: كنت بتكلم مع حسام أخوي وقال لي لو جبتي معدل عااالي ح أرسل ليك تجي الإمارات 😍😍😍😍
أنا: وماشاءالله عليك واااثقة من المعدل وخلاااص فكرتي في السفر ما تقومي تستفي شنطتك أحسن
وفاء: انتي ليييه محبطة كدة أنا بكرهك يلااا 💔
أنا: حبيت أضايقك شوية بس وأقطع عليك فرحتك دي 😂😂😂😂 يلااا أقري أقري عشان تجيبي معدل عاااالي وتسافري
وفاء: المادة دي كعععععبة ومللتني شديييييد وأي حاجة أقراها وتطير مني
أنا: أنا حاااسة إنو إمتحانهااا ح يكون كتير وصعب لو صدق إحساسي ده إتوقعيني أبكي في الامتحان
وفاء: في داعي هسي تقولي لي إحساسك ده وتخوفيني زيااادة 💔💔 أنا بكرهك
أنا: عاااادي دايمااا الزول لماا يقول الحقيقة بكرهوهو م مشكلة يعني
وفاء: باردة وسخيفة أحسن لي أمشي أقرأ
انا : ااي أحسن وعشان تخليني أنا زاااتي اقرأ 😂😂😂😂😂😂😂😂
وفاء: ما تتكلمي معاااي
جاء الصباح سريع ونحن مع قرايتناا واحساس الخوف من المادة دي أنا ووفاء واقفين منتظرين الترحيل : مش قلت ليك الليلة الامتحان ح يكون صعب
وفاء: وهسي جاء صعب يعني؟؟؟ اتلمي مني نحن لسة ما إمتحننا
أنا: عااارفة بس ما شفت أخواتي قبل نطلع وانا بتفاءل بيهم خصوصااا ريماس💜💜💜
وفاء: طيب ممكن تتفاءلي بي بس يوم الليلة ده وما تجننيني يااا ريم انا المادة براها قافلاها معااي
أنا:سكت خااااالص اهووو اراجع شووية
*************
ريماس: أمي ياا أمي تعااالي
امي: مالك عايزة حااجة أجيب لي حاجة تأكليهااا ؟؟
ريماس : لالا بس جيبي لي حبة بندول أبلعهاااا يمكن أقدر أنوم مصدعة شدييييد
أمي: ياابتي خليناا نمشي الدكتور أحسن
ريماس: دكتور لي شنووو شوية صداع وح يروح انا بس غسلت شعري ورقدت بيهو في المكيف وهو لين عشان كدة مصدعة خليني أنوم عشان اقدر أمشي لي ريم بعد الإمتحان لو ما مشينااا ح تشك إنه في حاااجة وانتي براااك عارفاهااا تاني ما ح تركز في شي
أمي: خلااااص بس خليك عااارفة لو صحيتي بي صداعك ده انا الح أكلم ريم وتجي هي تتصرف مععاااك
ريماس: طيب يااا أمي
*****************
اول سؤال قابلني في الامتحان كان صععععب شدييد مخي وقف وبقيت ما قادرة أجمع قعدت أبكي في القاعة اتلمو فيني المراقبين كان من الضمن في دكتور ظريف جاب لي موية شربت وسألني مالك ما قارية إنتي
انا: قارية والله بس السؤال الاول غلبني وما قادرة أحل
الدكتور : طيب أبدي من السؤال التاني وانا ح أجيب ليك قهوة عشان تركزي وبعد تخلصي أرجعي للسؤال الاول ولو ما عرفتيهوو م مشكلة
أنا: شكرااا ليك يا دكتور
إبتديت أحل والحممدلله إشتغلت كووويس ما شدييد بس الحممدلله
طلعت برة لقيت وفاء منتظراني جمب الباب
وفاء: يا بكاااية عملتي شنوووو
أنا: الحممممدلله وانتي
وفاء: يعني ما حلو وما كعب بس الحمممدلله

أنا:يلااا نمشي أنا ما طايقة الكلية دي بالناس الفيهااا
وفاء: وذنبهم شنوو الناس الفيهاااا
أنا: وفاء طلعيني من رأسك الليلة 😔😔 وأمشي معاااي وانتي ساااكتة
وفاء : الله يصبرني عليك 😕😕😕😕
وانا في الطريق طلعت التلفون وإتصلت علي أمي
أمي: كيفك يا بتي كويسة
أنا: الحمممدلله يااا أمي إنتو كيفكم كويسين
أمي: الحمممدلله اهااا إمتحانك كان كيف
أنا: والله فيهو صعوبة لكن الحمممدلله ناس ريماس ما جو الليلة مالهم ؟؟؟
أمي : ريماس ما مشت المدرسة الليلة
أنا: شنووو ؟؟؟ ما مشت المدرسة؟؟؟ ليييه؟؟؟ مالهاااا؟؟؟؟ حاصل عليهااا شنووو ؟؟؟
.........(يتبع)