زيني "قدري "

الأخيرة

((الأخيرة))
أنا : أنا بحبك 😍😍😍
وقف على حيله كأنه ما مستوعب بقى يتحرك بي عشوائية وبيحرك يديهو في وشه انا متابعاهو بي إبتسامة مرت لحظات وهو علي الحالة دي عاين في عيوني وهو بسأل بي لخبطة إنتي قلتي شنوو؟؟؟ 😂😂😂
حرفيااا أنا ما كنت قادرة أرد لأني ماسكة نفسي من الضحك على منظره 😂😂😂
زين : لا ما هو ده ما وقت تسكتي فيهوو أنا محتاج اتأكد من الأناا سمعته ده
أنا : بحبببببببببك 😍😍 🙈🙈
زين : طيب انا هسي أعمل شنوو عشان الناس دي كلهاا تعرف إنك بتحبيني 😉😉
انا : الناس منوو إنت مجنون
زين: مجنوون اااي جنيت من اللحظة العرفتك فيهاا لسة بتذكر اول مرة اتلاقيناا شافعة شايلة طرحتهاا ماشة وهي بتبكي من غير ما تعاين لو ما الله ستر كان هسي بقيتي في عداد الموتى 😂😂😂
انا : 😂😂😂 اساسا ما كنت مركزة معاااك وما شفتك حتى
زين : صحي إنتي كنتي مالك في اليوم ده
أنا : ما خلاص هو يوم وعدى يعني
زين: عايز أعرف تفاصيل حياتك اي حااجة وجعتك عايز أخفف عنك كل الاوجاع المريتي بيهااا من غيري 💔💔 ريم انا عايز أعوضك عن كل لحظة تعبتي وإتألمتي فيهااا عايزك ترجعي لي طفولتك تعيشي أي حااجة إتحرمتي منهااا إن شاء الله حتى ألعب معاك بالعرايس
أنا : 😂😂😂😂 عرايس ميين ياااعم القدامك دي شارفت على ربع قرن
زين: العمر ما بالأرقام بالإنجازات بالأفكار الكبر كبر عقول يا قلبي في ناس كبيرة بس عقلهاا فاضي والعكس وإنتي أعقل العاقلين 😍😍 إنتي عمرك ما عدي وخلااص إنجازاتك فيهوو كتيرة ولسة ح تنجزي أكتررر لسسة العمر قدامك كتيييرر وأنا معاك فيهو ما تنسي😉😉
أنا: دقيقة دقيقة قصدك بي "عمري ما عدى وخلاص" إنه عدى يعني كبيرة صااح 😟😟 حزينة منك والله
زين :😂😂😂😂 ماجادة والله على فكرة أنا بقول ليك في كلام عميق
أنا : ما أنا لقيتك بتمدح فيني وانت جااادي شديد فقلت أخرب ليك الموضوع 😂😂😂
زين : ياااارب ما أتحرم منك 💜💜ومن هبلك وشقاوتك
"برغم الإساءات أنا فصلت"
زين : 😂😂😂تصدقي ملامحك وإنتي خجولة تااني أحلى حاااجة في العالم 😍😍😘 الاؤلى ملامحك وإنتي ضااحكة دي ماااف حاجة تحل مكانهاا عندي أبدااا 😍😍😍💜 بس ووين البت الشفتة ام لسان طويل 😉😉
انا : إخص عليك أنا لساني طووويل ؟؟ زعلت منك وعلى فكرة أنا إتأخرت جدااا وماف زول عارف انا وين وما معاي تلفون
زين: يعني؟؟؟؟
أنا : يعني لازم امشي يا ذكي 😂😂
زين : خليك شوية أنا مشتاق ليك شدييييد 💛💛💛 عايز أقعد اتأمل فيك كدة بس عايز أشبع من شوفتك وبس 😍😍😍
أنا : الكلام ده كدة كتييير علي لممن ما قادرة أستحمله براحة علي ياااا عم أنا عمري ماف زول قال لي أكتر من كلمة "مشتاقين وبحبك "
رفع لي حاجبه بي إستنكار وقال:لا والله وده منو القال ليك كدة
ضحكت على منظره:😂😂😂😂😂😂 إيييييييييك كتااار أولهم أبوي أمي ريماس ريناد أمل وفاء نسمة ومحمد ووليد 😂😂😂
زين :محمد و وليد ؟؟؟
أنا : بهظر يا إنسان 😂😂😂 ما تحاول تغير من أي زول لأنه اول ما قلبي دق دق بي إسمك انت 💜💜 زين إنت الأول في حياااتي ما ليك تااني ولا شريك أول زول أخد مسار مختلف في حيااتي في فترة وصلت مدى بعيييد مااف زول وصلوا غيرك فعشان كدة إطمئن 💜💜💜
زين:أنا قلت ليك بحبك؟؟؟
أنا:لالا قعدت تتعاور بس 😂😂😂
زين: ولاااا تزعلي نفسك بحبببببك تحبي أسمع الناس كلهم ؟؟ وقف على حيله على البحر وصرخ بحببببببببببببك 😍😍😍
أنا :😂😂😉😂😂 أقسم بالله مجنوون ويلااا رجعني من مكان ما جبتني لووو سمحت 😂
ركبنااا العربية ومشينااا في الطريق كان زين كل شوية بعاين لي وهو مبتسم 😍😍😍 يضحك ويرجع يركز في الطريق وتااني يكرر الحركة
:عاين ما تعاين لي كدة بتخجلني ياااخ 🙈🙈
زين : بحب أشوفك كدة 😍😍😍 بتحلوووي أكترر 💜💜💜
أنا : يلااا أنا وصلت وقف هنااا
زين: ح أشوفك بكرة😉😉
أنا : لا طبعاا انا زولة مسؤولة وعندي اشغال ما أقدر افوتهاااا
زين: ريييم 😕
أنا : ما تهرشني أنا جااادة انت براك عارف طبيعة شغلي عشان كدة لما تكون عايز تقابلني تحجز من بدري يعني 😂😂😂
زين : أحجز شنوو انتي عبيطة من هسي خليك عااارفة إنه كل يوم لازم أشوووفك لااازم لحد ما نتلم في بيت واحد 😉
أنا: عاين معسسلااااامة
مشيت منه وأنا طاااايرة من الفرحة 😍😍😍😍 هل قال نتلم في بيت وااااحد؟؟😂😂😂 اوبعععععلي بس 😍😍😍 ما قادرة أصدق اول ما فتحت الباب ودخلت البيت لاقيت ريماس في وشي
ريماس: خير يا غزالة مالك مفرهدة ووشك منووور كدة
أنا : تعااالي معاااي عايزاك دخلنا الغرفة وقعدت في السرير ختيت ليهاا الظرف قدامهااا
ريماس: ده شنووو
أنا : افتحي و شووفي براك
ريماس كانت بتفتح في الاوراق وعليهاا علامات الفرحة والاستغراب رفعت رأسهاا وسألتني إنتي قابلتي زين ؟؟؟ هو العمل كدة صااح ؟؟؟
أنا: ايوووة هو العمل كدة مش إنتي اتفقتي معاهو من ورااي 😏😏
ريماس: وانتي ليه ما وريتيني إنه اعترف ليك هااا ليييه وليه صديتيهوو حرام عليك حنيت عليه و كسر قلبي والله
أنا : 😂😂😂😂 نفسياتي كانت زفت يا ريماس ما كنت طايقة نفسي اساسا وما كان عندي أي إستعداد أدخل في علاقة حتى لو مع زين 💛💛💛 إختار اسوأ وقت في حياااتي وقالهااا لي فيهوو وكانت النتيجة سلبية
ريماس: طيب هو قالهاا ليك في الوقت الإنتي محتااجة تسمعيهااا فيهوو وحاول إنه يخفف عنك ويشيل مشاكلك بس إنتي ما رضيتي تحكي ليهو واحدة غيرك كان مفروض ما تفوت فرصة زي دي وتحكي كل الجواهاا عشان تلقى زول يقيف معاها ويدعمهااا
أنا : إنتي عاارفة اني ما بحب أتكلم في الحاجات دي ويمكن أكتر زول بحكي ليهوو هي وفاء من باب إني أطلع المكتوم جواااي وافضفض عن نفسي+ هو من غير ما أحكي ليهوو وقف معااي ودعمني فأنااااا مبسوووووطة شدييد بوجوده في حيااتي وإني حبيت واحد زي زين 😍😍😍
ريماس: ما هو عشان بحبك شديييد يااا ريم اجتهد وحاول يعرف الحاصل عليك كان مراقبك من بعيد كل يوم بيضرب يسألني عنك رغم إنه بقول لي إنه شافك ده غير إنه بمشي الجامعة عشااانك وصى عليك كل الدكاترة أنا صاح حكيت ليهو وقلت ليهو إنه ده مهرك بس في النهاية كسلته ووريت انه ح يعاني وح يتعب بس ما كنت متخيلة إنه ح يقدر يعملهااا
أنا : عارفة لما وراني الاوراق دي حبي ليهوو اتضاعف شديييد لي درجة إني بقيت أشوفو في أي حاااجة 😍😍😍 قلبي ما خاني لما حبيته هو وبس 💛💛💛
ريماس: أنا مبسوطة وأنا شايفاك كدة 😍😍
أنا : ادعي بس إنو فرحتي تدوووم وما تطلع لي أي حاااجة تعكر صفو مزاجي
ريماس: تفاءلي يا شيخة الله يقرفك
أنا : 😂😂😂😂 المهم يااا ستي أنا ما ح أقدر أمشي اسلم أمي الاوراق دي لأنهاا ح تسألني ومااا عندي ليهاا أي إجابة وبما إنك انتي الطلبتي المهر ده فأمشي قدميهو ليهااا ياا ستيى😂😂😂
ريماس: بياااعة أوي عايزة تختيني في وش المدفع
أنا : 😂😂😂 عايزاني أقول ليهاا شنووو
ريماس: الحقيقة وبس والا عايزة تهضمي حق ود الناس
أنا : لالا أبدااا عشان كدة قلت ليك كلميهااا انتي عايزاني أمشي أقول ليهاا بحبه يعني
ريماس: 😂نظام خجلانة وكدة يعني 😂😂😂 عشت وشفت
أنا : بطلي هبل ويلاا من وشي عايزة اتصل على وفاء احكي ليهااا
****************
ما قادر أوصف إحساسي بعد ما ريم قالت لي أنا بحبك فاجأتي لماا قالت كدة إتلخبطت وإتكركبت شديييد حاجات كتيرة جاطت جواااي بقيت بتحرك من غير وعي ما عارف إذا أنا سمعتهاا بالجد أو لاا وكأني لأول مرة اتخت في الموقف ده كأني أول مرة أسمع كلمة "بحبك" أي إحساس معاهاا مختلف مختلف شديييد البراءة الفي وشهااا كفيلة بي إنهااا تمحي الهم 💜💜 ضحكتهاا دي عالم تااني فيهاا كمية من الأمان 💛💛💛 يمكن دي أحلى حاجة تحصل للواحد في يومه 😍😍 لاحظت إنه الكلام الحلو بلخبطهااا وبتخجل سريع 😂😂😂 ملامحهاا وهي خجولة حااجة فوق حد الوصف 😍😍😍 فاقت الخيال بكتييير ده سبب كافي يخليني أتعمد أخجلهاا عشان اشوف الملامح دي 😂😂😂
اول ما وصلت البيت كان لازم أول حااجة أحكي لي سالي فرحت معااااي شدييد وبقت تسأل فيني اهاا ناوي على شنووو أنا ما حكيت ليهاا أي حاجة عن ريم وظروفهاا لأنه دي حاجة بتخصهاا وبس أو بالأحرى بتخصناا 💜💜💜 والأنا ناوي عليهوو إني أعوضهاا عن أي حاجة شينة في حياتهاا وارسم ليهاا مستقبل جميل وأحقق فيهو أحلامهااا نمشي كل خطواتناا سوا كان في إمكاني من بكرة أمشي أخطبهاا بس أنا ما عايز أستعجل عشانهاا هي عشان تعيش كل الفترات أعيشهاا أحلى فترة حب في حياتهااا 💜💜💜 بس ما ح تطول ونتخطب والخطوبة زاتهاا ما تطول المهم انهاا عاشت الفترة دي حتى لو بسيطة عايزهاا تكون معاااي في أقرب فرصة ترسم حيااتي وتلونهااا 💛💛💛
****************
مرت علي أيام في حيااتي حلوووووة شديييييد 😍😍😍😍 الجماعة كلهم عرفوا بي علاقتناا وتشغيلات شدييييدة 😂😂 أنا وزين علاقتنااا حلوووة شدييد طول الوقت معااي في التلفون وخصصت ليهو ساعتين يوميااا اطلع اقابله فيهم 😂😂😂 مجنون بشكل كان مصر شديييدإننا لازم نتلاقى يوميااا ما بمل من الكلام معاهو وأول ما يقفل مني بكون منتظراهو يرجع ملأ علي حيااتي شديييد خلاااني مبسووطة حبي ليهووو كل يوم زايد أحياناا الساعتين بتخلص ونحن لافين بالعربية في يوم ونحن قاعدين مع بعض
أنا: زين
زين : أحكي
أنا : انا ح أقدم على شغل في شركة كويسة وإحتمال لو قدمت يقبلوني
زين : لااا
أنا : شنوو هو اللااا بقول ليك عايزة أقدم على شغل
زين : لا م ح تقدمي
أنا : زين ممكن تكوني جادي شوية أنا عايزة أشتغل
زين : ما انتي ح تشتغلي بس ح تشتغلي معااي شغل برة لااااا
أنا: قلت ليك خليك جاادي وبطل سخاافة 😔
زين: أنا جاادي على فكرة ح نشتغل مع بعض وما ح أسمح لي أي حاجة تبعدناا عن بعض
أنا: يا زين ياااخ أنا عايزة اسس نفسي وأبنيهااا فما تتعاور
زين : أسسيها وأبنيهاا معاااي لو عايزة ترجعي تشتغلي في الشركة أوكي ولو ما عايزة ممكن نفتح
المكتب ونأسسه مع بعض وشوية شوية ح يكبر ويبقى أكبر شركة هندسية
أنا :وأنا ال ح أكون المديرة ما إنت وح أكون مديرة شريرة شديد ح أتعمد أعطلك في البيت وفي المكتب ح أعاقبك زيك زي غيرك ح نكبر الشركة مع بعض وتبقى فيهااا كل المجالات الهندسية ما بس العمارة احم سرحت بي خيااالي زين أنا م عايزة اشتغل معاك والله نحن ما بنصلح اساسا للشغل مع بعض
فما تضغط علي
زين : انا ما بخيرك تشتغلي برة او تشتغلي معااي أنا بخيرك تشتغلي معااي وين عشان نحن لازم نكون مع بعض في أي مكان 💖💖
أنا: دي دكتاتورية وتصرف ما جنتل منك 😔😔
زين: هااا الشركة والا المكتب ؟؟؟؟
أنا: اامكتب بس خليك عارف انك جابرني،،،عندي شرط لازم اشتغل فيهو بي حقي يعني نتشارك مع بعض حتى لو بي نسبة تافهة
زين : ما مشكلة ياا سخيفة راحتك تهمني مع إنه حقي ياهو حقك ماف فرق بيناتناا
أنا : لحد هسي في فرق بيناتناا يا زين وحقك ما حقي
زين : اوكي اوكي انا ما ح أقدر أغير ليك رأيك في الحتة دي وانتي كمان ما ح تقدري تغيري رأي أنا وانتي حاجة واااحدة غصباا عن عينك ،،، عايز اتكلم معاك في موضوع تااني
أنا: واللي هوووو
زين : المركز بتاعك
أنا :اوع تقولي اقفله وكدة عشان ح نخسر بعض والله
زين: هبلة 💔💔 أنا مستحيل أقول ليك اقفليهو عشان أنا عارف انتي عانيتي وتعبتي حتى وصلتي هناا عارف إنه المركز ده أول وأهم انجازاتك وعارف قدر شنوو بيعنيك أنا ما اناني يا ريم انا بس عندي ليك إقتراح بي خصوصه،،أنا ما عايزك تتعبي وتحملي نفسك فوق طاقتهاا كمان عايزك تركزي على مجال الهندسة أكتر وتبدعي فيهو ريم انتي معاك ماجستير ودكتوراة كورسات حاسوب وانجليزي معاك شهادات اكبر المهندسين ما عندهم فمااا تهملي الحتة دي بالنسبة للمركز ممكن توظفي فيهو بنات على مسؤوليتك يكونوا تحت إشرافك وإدارتك وممكن تخصصي يوم تشتغلي فيهو بي نفسك ده لي ذباينك العايزنك بالتحديد بس الاتنين مع بعض صعععبة عليك
أنا : 😍😍😍😍 إقتراحك جميل شدييييييد وعجبني جداااا 💛💛💛 آسفة اني اتسرعت انت دايماا بافكر في مصلحتي اساسا بس انت عرفت الكلام ده من وين وجبت الإقتراحات دي 😉😉😉
زين : 😂😂😂 بتعلم أي حاجة عشاانك ❤❤❤
أنا: بحبببببك ياااخي 😍😍😍
زين : حبيناا بعض كتير نتخطب بعد كدة أحسن صاااح
أنا: لاااااا ويلااا عشان زمنك خلص لازم ارجع واي كلام زيادة عايز تقوله خليهو لي يوم بكرة 😂😂😉
:ريم من الناس النادرين البلتزمه بالشغل والمواعيد كانت جاااادة وملتزمة شديد بي موضوع الساعتين بمجرد ما يخلصوا بتقاطعني على طول وحتى لو إتأخرت بتحسبهااا لي وبتعاقبني عليهااا 😂😂😂😂 جادة بي طريقة مضحكة شديييد ما كنت بتضايق أو ازعل لأني عارف نوعية شغلهااا بالتحدبد تطلب منهاا كدة وعارف انه في ناس منتظرنهااا فما كنت بضغط عليهااا برجعها وأنا مبسوط لمااا قلت ليهاا نتخطب كنت جاااادي شديييد خلاص كفاياناا نواصل الحب ده ونحن مخطوبين 💜💜💜 بس ما أخدت الموضوع بي جدية لكن أنا ما كان في شي يوقفني خلااص أخدت قراري ده ومشيت فاتحت أبوي في الموضوع أبوي فرح شديييد خصوصاا بعد ما عرف إنهااا ريم لأنهااا اشتغلت معاهو وبعرفهااا كويس عرف قدر شنوو هي انسانة كويسة وطيبة شديد أبوي انسجم معاها في الفترة دي وحباهاا شديد كان بتعامل معاهاا كأنهااا بته ودي سهلت علي مهمتي لمااا كلمت أمي واخواتي سالي كانت عارفة مسبقاا فرحوا شديييد 💜💜💜 ما كانوا مصدقين إنه أنا خلاص فكرت وقررت أتزوج سارة بتهمهاا المظاهر والطبقات فما اتناقشت معاهاا كتير أمي طلبت مني اعزمهااا يوم تتغداء معانا وتتعرف عليهااا ما كانت عارف رأي ريم ح يكون شنووو فقلت ليهم بس إن شاء الله لحد ما بكرة اشوفهااا وأحكي ليهااا وبالفعل بكرة أول ما اتلاقينااا وقعدنااا: هااا أمس وقفناا كلامنااا وووين
أنا : زين ممكن تكون جااادي
زين : وين عدم الجدية في الموضوع أي اتنين بحبوو بعض أكييد ح يتخطبوا وشي طبيعي نهايتهم الزواج عشان بعدين ما تتخلعي
أنا : زواج 😳😳
زين : ريم انا ما قاعد ألعب واتسلى معاااك جاادي جدااا وامس بعد مشيت كلمت أمي وأبوي واخواتي بالموضوع
أنا : بالجد يااا زين اهااا وعمو طارق كان رأيه شنوو
زين: فرح شديييد وطبعااا وافق أبوي بحبك جدااا على فكرة 😍😍 ولو عليهو الليلة يجي يتقدم لي
أنا : الحمممدلله طيب وأمك وأخواتك فرحانين بي طريقة غريبة ما صدقوا إني عايز اتزوج لو شفتي الفرحة في عيونهم كمان أمي متحمسة شدييييد وعايزة شوفك في اقرب وقت
أنا: حقيقي يا زين
زين: حقيقي يا روح وقلب وعقل زين💛💛💛💛
أنا: ما تلخبطني يا زين يااااخ أنا اتوترت جداااا
زين : ولييه ده كله بسم الله في شنووو
أنا: خايفة ما أعجبهم ياا زين ما يوافقوا علي
زين: اطمئني كفااية إنتي بتتحبي وتدخلي قلب أي زول من غير مقدمات 💜💜💜 بعديم كفاية إنك عاجباني أنااا ،،، أنا ال ح أتزوجك ما زول تاااني هم ما عليهم الا يباركونااا ويدعوا لينااا بس في النهاية القرار حقنااا نحن الاتنين ونحن البنكمل بعض 💛💛💛
أنا: زين أنا بحبك شدييييد 😍😍😍😢 ما عندي كلام أقوله انت بتعرف تسكتني اساسا 😔
زين : في طرق تانية اسكتك بيهاا تحبي تجربيهاااا
أنا: قفل مني 😕😕😕 زين انا ح الاقيهم ووين؟؟؟
زين: أمي طلبت إني أعزمك في البيت ع الغداء
أنا: انت جنيت مستحييل طبعاا بيتكم ؟؟؟ لالالا صدقني مااااااا بقدر صعععبة جدااا كيف أمشي بيتكم زين نحن ماااف شي رسمي بيناتناا
زين: أنا كنت متوقع ردة فعلك دي عشان كدة قررت أعزمكم كلكم هنااا نتغداء مع بعض وتتعرفوا
أنا: اوكي فكرة كويسة بس خايفة يفهموني غلط
زين : ريم انتي مااا عليك بي زول غيري وأنا فاهمك صاااح
أنا: طيب يلااا نمشي تأخر الزمن
وصلني البيت ومشى بس انا ما قادرة اهدأ ابدااا كنت متوترة وخااايفة شديييد ما عارفة لييه كنت متوترة وقلبي ماكلني شديد عقلي يودي ويجيب كنت خااايفة اني ما أعجب أمه واخواته خايفة ما يوافقوا بعد تفكير كتير مشيت رقدت لي أمي في رجولهااا ومن غير مقدمات بقيت بحكي ليهااا وإني خايفة وكدة تلقائيا أمي بقت تهدي فيني وتدعمني بالكلام وإنه انا ح أعجبهم وما ح أترفض وأكييد ح يحبوني وألف من يتمناني،،، بس أنا م بتمنى غيرر زين 💜💜💜 زين وبس ما عايزة غيره والله أناا حبيت زين وبس يااا أمي بقت تهدي فيني لحد ماا نمت مر يومين وأنا وزين بنتلاقى فيهم وعلى طول بنتكلم مع بعض بس ما فتح معااي الموضوع تااني وأنا ما جبت ليهو سيرة خلصنااا قعدتناا مع بعض ونحن راجعين قال لي ريم أعملي حسابك بكرة ح اعزمكم ح تلاقي ناس أمي
أنا: جاي تكلمني هسي يا زين غبي بجد 😕😕😕 مشيت لغيت أي حاجة مفروض اعملهااا بكرة وبقيت داخلة ومارقة الاحساس ده صعب شديييد انا ما عايزة افقد زين وكل شوية بطلع حاااجة أقول البسهاا برجعهااا وبشوف غيرهااا لحد ما جات ريماس وقفتني : ريم في شنووو؟؟؟ انتي ح تقابلي أمخ ما بعبع طيب خليك علىى طبيعتك ريلااااكس حبيبتي الموضوع ما مستاهل ما تخااافي إنتي تتحبي زي ما إنتي جميلة شديييد و روحك حلوووة مااف شي يخليك تقلقي والأهم من كدة زين معااك وبيحبك جدااا فاطمئني حبيبتي وانا ح أختار ليك الحاجة ال ح تلبسيهااا ومن غير نقاش 💜💜💜
أنا: حاااضر ،،، بحب ريماس شدييد لأنهااا بتهون علي أي حااجة وبتبسطههااا بتخفف عني إرتحت شوية بعد كلامهااا اتكلمت مع زين وأنا مبسوطة ونمت على كدة تاني يوم من الصباح بقيت في حالة التوتر امي واخواتي بس بضحكو فيني ما قدرت أكل أي حاجة دخلت لبست وعملت مكياج خفيف كنت كل شوية بعاين لي نفسي في المراية وبسألهم طالعة كيف حلوة ؟؟ ناقصني شنوو ؟؟ اعمل شنووو؟؟؟ ولما زهجوا مني بقوا يقولو لي شينة 😂😂😂 ريناد جات قعدت جمبي وقالت لي عااارفة الليلة زكرتيني لما كنتي ممتحنة تامن وكنتي ما بتأكلي من الخوف وبتبكي وأيام الامتحانات أبوي كان يمشي يوصلك 😂😂😂 مرت 11سنة ولسة ما اتغيرتي لسة في خوفك ده
أنا:😂😂😂😂😂 ياريتو كان معانااا كان برضو ح يوصلني أبوي كان بيعرف يحتويني كويس وبيحترم انه انا خايفة وما بتمسخر علي زي ما انتو بتعمل
ريماس: 😂😂😂😂 شفتي يا ريناد جيتي تواسيهااا خربت وش معانا كلنااا
في اللحظة دي تلفوني اتصل كان زين من الخلعة رميت التلفون الا ريناد رفعته لي وقال لي اهدي كدة مااف حاجة بعدين ما تديهوااحساس انك خايفة ممكن يزعل ديل أهله في النهاية ماف شي بخوفك انتي بس ح تقابليهم شلت تلفوني وطلعت ركبت من غيرر ما اسلم عليهو حتى
عاين لي وقال : الناس بتسلم دمك تقيييل شديد الليلة
أنا : زين انا ما ناقصاك فأسكت مني ،،، ضحك فيني وواصل كان بتكلم معااي ويحاول يطلعني من الجو الأنا فيهو لحد ما وصلناا المطعم نزلناا ماشة وحاسة رجولي ما شايلاني والله حاسة انه في حاجة ما كويسة ح تحصل 💔💔 وقفته بي صوت باكي وهزيل : زين 😢😢
زين : ريم 😳😳 بسم الله الحصل شنووو؟؟؟
أنا: زين انا خايفة 😢😢 ماقادرة رجعني البيت عايزة أبوي أنااا ما عايزة حاجة تانية 😭😭😭💔💔
زين : طيب تعااالي رجعني العربية اداني قارورة موية ممكن تمسحي دموعك طيب ريم أنا عارف انك متوترة من المقابلة دي كمان بعرف انك فاقدة أبوك جدااا وعارف انه أنا على قدر ما أحاول ما بقدر أعوض مكانته جواك بس ريم أنا بتضايق جداااا لما أشوفك خايفة وإنتي معاااي الحاجة دي بتجرحني شديد لأنيى عايز أكون بالنسبة ليك مصدر أمان 💜💜💜 لو انتي ما قادرة على المواجة دي او ما عندك ليهااا استعداد انا برجعك واعتذر ليهم بي أي حاجة ما مشكلة يعني دور العربية وعايز يتحرك مسكت يدي وقفته : زين أنا اسف للإحساس الوصلك ده ما قصدي كدة انت فعلاا بالنسبة لي أمان 💜💜💜 عشان كدة انا خايفة أفقد الأمان ده 😔😔 خليناا ندخل هم منتظرين وشينة في حقنااا اتاخرنااا عليهم
زين : طيب أنا الليلة قلت ليك اني بحبك والا ما قلت ليك ؟؟؟
انا: انت شايف انه ده وقتهاااا دايمااا بتختار اسوأ الاوقات
زين :😂😂ده حقك عندي وانا ما بحب اهضم حقوق الناس او اكون مديون لي زول
أنا : انزل انزل دخلنااا المطعم ونخن ماشين عيني وقعت على البت الكان معاهو قبل كدة زين دي منو عاين لي بي ابتسامة وما جاوب زين انا شفتهااا معاك قبل كدة دي ما كان برد علي ونخن ماشين على اتجاههها معاها اتنين ما شايفة وشهم زين اكيد متفق معاهااا لحد ما وصلنال التربيزة كانت المفاجأةة 😳😳 خالتو أمال سارة ،؟؟؟؟؟
سارة : ريم ؟؟؟؟
زين : ثانية واحدة انتوا تعرفوا بعض ؟؟؟
سارة : ايوة نحنةبنعرفهااا انت بتعرفهااا من وين ؟؟؟
خالتو أماال ووين البت العايز تتزوجهااا؟؟
زين : دي ريم الانا حكيت ليكم منه والبت ال ح اتزوجهاااا
سارة : تزوج منه دي واحدة بتشتغل حنانة انت شكلت جنيت اساسا من نسرين خانتك
سالي: سااااارة 😡😡😡 اتلمي أحسن ليك
زين : خليهااا تواصل في بجاحتهااا من يومهااا سطحية وتفكيرهااا محدود ضيق
خالتو امال: ح تتشاكلو قدامي يعني غلط كبير في حقكم اقعدوا قعدنااا وانا بستنجد بي عيون زين نظراته لي بتطمئني
: أنا سالي أخته الصغيرة نورتينااا وإتشرفت بيك
زين وسالي كانوا بتونسوا معاااي وبيحاولوا يلطفوا الجو بس انا بالي كان مع سارة وخالتو أمال كانوا بتهامسوا أساسا وصلني احساس انهم ما رحبوا بالفكرة فبقيت قاعدة على نار ما بحب اتفرض على زول جابوا الغداء انا ما كنت بأكل وبس همي ارجع البيت عايزة أبكي دمعتي في طرف عيني بس
ما كنت عايزة زين يتحسس همس لي ح تاكلي والا اتهور وأكلك قدامهم بقيت أكل لاني عارفة زين اهبل بس الاكل ما بنزل لي اتكلمت امه وقالت لي صحي نحن بنعرفك من بدري بس ما عارفين بتقري شنوو؟؟؟عاينت لي زين و استجمعت شجاعتي ورديت عليهااا انا خريجة هندسة معمار
زين : وعاملة ماجستيرر و دكتوراة
خالتو أمال: طيب ما دام كدة بتشتغلي في الحنة ليه
أنا: مجرد موهبة وهواية صاحبتي دعمتني ووقفت معاااي عشان اشتغل في المجاال ده ،،، الشغل أيا كان ما مهم وانا ما عندي فيهو اشكالية المهم اني بشتغل بي يدي وبكسب حلال 💝
سالي: واااو 😍😘 مبسوطة بيك قليلين البنمو مهاراتهم وهواياتاهم ويبدعوا فيهااااا زين مفروض يفتخر بيك يعني 😉😉
زين: لاا ما أنا أصلن فخوووور بيهاااا انتي عارفة إنه هي اشتغلت ومارست الحاجة دي وكسبت ذباين لحد ما قدرت انهااا تبدع وتفتح بيوتي سنتر خاص بيهااا 💜💜 وانا واثق انهاا ح تنجز أكتر وأكترر
سالي: عيونكم الاتنين منوووورة من الحب فربنااا يديم محبتكم 😍😍😍😍
سارة: ويا ترى قالت ليك انه نحن كنا من الزباين الدايمين والمميزين عندهاااا
زين : لاااا وده لأنهااا ما بتعرفكم بس طبعااا ح تكونوا دايمين لأنه اكيد شغلهااا عجبكم بالنسبة للتميز ده أكيد لأنه هي بتعامل كل زباينهااا بي طريقة ممميزة ريم وأنا عارفهاااا
مبسوطة جدااا من كلامه وردوده 😍😍😍 زين واقف في ضهري بجد انا خلاص زهجت من القعدة دي وحاسة انهااا بتخصم مني ومن طاقتي همست ليهو زين كفاية انا عايزة ارجع البيت طوالي قال ليهم يلااا يا جماااعة بعد كدة نطلع الزمن اتأخر لما طلعنا برة زين كان عايز يوصلني وقفته معليش يا زين اجع مع اهلك اساسا طريقنااا ما واحد انا برجع براي هو كان مصر وأنا مصرة أكتر منه في الأخير وقف أمجاد وقال لي أركبي وحسابناا بعدين مشيت البيت وانا متضايقة لما نفسي كاتم لقيتهم منتظريني لما شفتهم قاعدين طوالي بقيت ابكي قدر ما حاولوا يعرفوا ما لي ما كنت قادرة ارد بعد تعب حكيت ليهم الحاصل وانو من الواضح جدااا هم ما متقبلين فكرة انه انا حنانة ودي حاحة ما بقدر اتجاوزهااا لأنه دي حياة كاملة بالنسبة لي بقوا يواسوني بس انا ما مركز معاهم
*****************
زين: ممكن أفهم التصرفات البايخة دي لزومهااا شنووو احرجتوني والله معاهااا
سارة : انت الاحرجتناا زين دي واحدة حنانة ما من مستواك كانت بتحوم بالبيوت عشان تشتغل
زين : سارة احترمي نفسم وانتي بتتكلمي معاااي ريم ما كانت بتحوم بالبيوت وما بتمشي الا لي زول عزيز عليهااا وحتى لو ده حصل ما يعيبهااا في شي بالعكس يرفع من قيمتهاا في نظري بس انتي كل همك المظاهر
سالي: فعلااا هي زولة طموحة وراقية غير كدة متعلمة دي معاها دكتوراة وكفاية انهااا بتحبه وصادقة في مشاعرهااا بعدي زين هو ال ح يتزوج يعني يعني هو البيحدد اذا كانت مناسبة او لا
خالتو أمال: قصدك انه نحن موافقتنااا ما ضروية
زين : يا أمي ما كدة موافقتكم مهمة وأي شي بس انتو اذا بتهمكم سعادتي مفروض توافقوا عليهااا انا ما عايز غيرهااا وما ح اتزوج الا هي كونوا عارفين وطلع خلاهم
سالي: ان شاءالله تكوني مرتاحة يا سارة وانتي بتخربي عليهووو وانتي يا ماما مشكلتك دايمااا بتمشي وراء كلام سارة وده ح يضيعه مننا حرام عليكم ياااخ
*************************
بعد المغرب اتصل علي زين اتكلمت معاهوو عااادي وما حسسته بي حاجة بس هو صوته ما كان طبيعي
في البداية حاو اتحاوز بس غلبني سألته زين مالك صوتك متضايق شديد في حاجة
زين : لالا ماف حاجة كويس انا
أنا : لااا في انا حافظة نبرة صوتك كويس ما تحاول انك تكذب علي
زين: تعب وارهاق بس ما تكبري الموضوع
أنا: ممكن ما تلف وتدور علي قول لي إنه أمك ما رضيانة وما موافقة عااادي ما فيهاا حاجة كل أم بتتمنى لي ولدهااا الأفضل وأمك ما شايفاني كدة
زين: بس أنا ما شايفك غيرك اساسا
أنا: والعمل شنووو ح تقد تقنعهم يعنيى؟؟؟؟
زين : ان شاءالله اقتنعوا ما اقتنعوا انا ح اتزوجك وما ح اتزوج غيرك
أنا: لا طبعااا اذا اقتنعوا اوكي غير كدة انا ما ح اسمح انك تعادي اأهلك عشااني اناا 💔💔
زين: ريم أنا بحبك واستحالة اسمح اننا نفترق خليك عارفة سبق وقلت ليك انو انا وانتي ال ح نتزوج ما
زول غيرناااا يعني القرار في يدنا نحن وطالما نحن بنحب بعض ومتمسكين بي بعض مااف شي يقيف في طريقنااا