زيني "قدري "

26

((26))
في حنجرتي طعم بكاء مر يرهقني جداااا 💔😢😭😭
أنا : اوع يعني تكوني قاعدة تقابلي محمد بي وش زي ده والله العظيم يطفش ويشوف واحدة غيرك
نسمة :😕😞😞
أنا : يا ساااااتر عليك طيب أسمعي أنا كلمت امي إنهاا تجي تقعد معااك الفترة دي من هنااا لحد بعد ولادتك بي إسبوع وبعد كدة نحن بنتناوب فيك انتي عااارفة إمور الولادة دي نحن ما بنفهم فيهااا فعشان كدة بس طبعاا
نسمة : بجد ياا ريم يعني خالتوو سلمى ح تجي تقعد معاااي 😍😍😍 يعني في زول ح يولدني ويهتم لي أمري والله انا ما عارفة من غيرك كنت ح أعمل شنووو
أنا : اوووفر اوي يعني خليني أكمل كلامي طيب في مشكلة بسيطة كدة ،، إننا ح نعمل ليكم زحمة في البيت لانو ريماس ملازم لي امي وأنا ملازمة ليهم الاتنين 😂😂😉
نسمة : اعملووو زحمة بي راحتكم انا مااا صدقت تكونواا على الأقل ح تحسسوني بي جو الأسرة الانا مفتقداهااا من بدري شديد 💔💔
انا : ده بالنسبة ليك انتي بس محمد ممكن يكون فيهاا ضيق ليهوو وما ح يقدر يأخد راحته في البيت زي ما عايز
نسمة : لا طبعاا محمد عمرو ما يضايق من حااجة فيهاا راحتي وسعاادتي بالعكس هسي ح يفرح شدييد بالخبر ده 💜💜💜 وبعدين البيت وااسع يعني ح يشيلناا كلنااا
أنا : طبعاا وميين يشهد للعروسة
مشيت من نسمة في كل لحظة اكون فيهاا براي ما في شئ بشغل تفكيري غير زين ما قادر يفارق خيالي ولا ثانية لما وصلت البيت لقيت ريماس بتقرأ وقفت قدامهاا ممكن أتكلم معاك شوية يا خبيرة علم النفس والإجتماع 😉
ريماس: بالرغم من إنه الإسلوب ما عجبني 😕😕 بس احكي سامعاك
انا : كيف أقدر أمرق زول من تفكيري وما أفكر فيهو الوقت كله
ريماس: ريم انتي حبيتي ؟؟؟
هزيت ليهاا رأسي بمعنى أيوة
ريماس: طيب أفهم يعني إنتي لييه بتتهربي من الحب ده ؟؟
انا : ريمااس أنا ما عايزة أحب اساساا ما عارفة حصل كيف ومتين ،، إستحوذ على قلبي وعقلي وتفكيري بي شكل مخييف جداا بالنسبة لي 💔💔 دي حااجة ممكن تلهيني عن حاجات كتيرة أنا عايزة أعملهااا في نفس الوقت قلبي بدق لماا أشوفه ،، لما يمر في خيالي ،، لما ينذكر إسمه حرفيااا انا بغرق 😭😭
ريماس: أنا بحكم إني اختك عاارفة وفاهمة تفكيرك عاارفة إنه طموحك اكبر من إنك تتزوجي،، عارفة إنك عندك أهداف عايزة تحققيهااا ريم من البداية إنتي ضحيتي بي حاجات كتيرة عشاننا كانت بتجيك عروض للزواج من بدري ما كانت بتترفض كنتي يمكن ترتاحي بس انتي كنتي بتفكري فينااا عشان ح نتجهجه بي وراك ،،، فكري في نفسك شوووية نفسك ليهاا عليك حق نحن كبرناا وبنقدر نشيل المسؤولية معاااك لقيتي شنوو من وراناا ولا أي حااجة 💔💔 قدامك ريناد في اول السكة مشت سابتناا وإختارت طريق سعادتهاا بعيد عننا ونست كل القدمتيه ليهاا
انا ضد انك تتزوجي عشان الناس او عشان تأسسي بيت وخلااص او تهربي من واقعك الانتي عايشة فيهووو لاا لما قلبك ده يدق ويعرف طريق الحب ما لازم تفرطي في الإنسان البتحبيه وصدقيني ياا ريم إذا هو بحبك أحلامك وطموحاتك ح تكون جزء من أحلامه هو وح يحاول يحققهاا معاك ح يدعمك وح يسندك وإنتي محتااجة للسند ده 💜💜 خليهوو هو زاتوو يكون جزء من أحلامك
بعد ما ريم خلصت من كلامهااا فضلت سرحاااانة وطلعت من سكوتي قلت ليهااا : إنتي كيف قادرة تتكلمي عن الحب بالطريق دي بتحبي من وراااي ياابت
ريماس: 😂😂😂 لالا أبدااا يوم ما أحب ح تكوني اول واحدة تعرف بس أنا بقرأ عنه 😍😍
انا : عارفة يا ريماس بعد كلامك ده طلعت بي شنوو ؟؟
ريماس: اهااا بي شنوو؟؟
انا : بي إنه أي زول يحاول يتعمق في علم النفس ده كلامو كتير بجد
ريماس:شكرااا على فكرة ما جبتي حاجة جديدة دي أنا عارفاهاا
انا : مستفزة يلاا ح أمشي بعد كدة مواعيد شغلي جات
ريماس: انتي ما بتزهجي من شغل الحنة ده
انا : لاا ابداا لانو سلم ح يوصلني للحاجة الأنا عايزاهاا بعدين هي كانت بالنسبة لي هواية قبل ما تكون مهنة وإندمجت فيهااا يعني ماشة بي مبدأ أحمد حلمي 😂😂😉" حب ما تعمل حتى تعمل ما تحب "
ريماس: اهااا خليك وراهوو سمح ،، بس الشغل ده مااخدك مني شدييد 💔💔 أنا نفسي نطلع مع بعض
انا : من عيوووني بس بعد ما نسمة تولد عشان من بكرة ح نتنقل عندهم
************
بكرة من بدري جهزناا حاجاتناا ريماس مشت المدرسة وانا وصلت أمي بيت ناس نسمة محمد ونسمة كانوا فرحانين شديييد خصوصااا نسمة 😍😍 زالت كل همومهااا بي جية أمي ليهااا في البيت رجاءاا يا نسمة حاولي أولدي سريع عشان تطلعي ريم الجواك دي ريماس من المدرسة بتجي هنااا يلاا يا امي انا ح أمشي ،، إسبوع كاامل قاعدين معاهم كلنااا كناا مبسوطين بالونس الحاصل بيناتنااا انا من الجامعة بمشي البيت هناك عشان ده محل شغلي بخلص متأخرة محمد كان بجي يسوقني فكرة إنو بيتناا يتقفل كدة مرعبة 💔💔 بس كله يهووون عشان خاطر نسمة 💜💜 وفاء قالت لي تعاالي أقعدي معااي الفترة دي لحد ما نسمة تولد😂😂😂 إنتي عبيطة يااا بت فاكرة نفسك زي زمان عشان أنا أجي أقعد معااك
وفاء : وفيهاا شنووو يعني مش وليد ده بطيرو ليك عااادي يعني
انا : مااااا بحبش أكون عزوووول 😂😂😂 بطلي تخلف
بعد ما مر الإسبوع الأول ده في بالمساء نسمة بطنهاا وجعتهاا وتعالو شوفو الجرسة والبكاء والكواريك حتى محمد بقى ما عارف يعمل شنووو لحد ما أمي بقت تتكلم معاهو وإنو دي حااجة عاادية امشي دور العربية عشان نوديهاا المستشفى جهزنا الحاجات امي قالت لي ريماس إنتي أقعدي هنااا جهزي المكان وان شاء الله ما ح نتأخر واقفلي الباب كويس طلعناا محمد كان سايق وتركيزو مع نسمة كل شوية يتلفت عليهاا دمعته في طرف عينووو قلت ليهوو عاين في الشارع كويس نسمة ما عندهااا حااجة وصلناا المستشفى على طول دخلوهاا غرفة الولادة شوية كدة وجابو ليناا البنوتة كنت أول من شالهااا 😍😍😍 همست ليهااا ريم 💜💜 أمك وأبوك إتفقو يسموك علي اوع تطلعي بكااية وتخربي الإسم هههه😂😂😂😂 مشيت وديتهاا لي أبوهاا سمي الله كدة وشيلهااا كان بعاين ليهاا بي لههفة 😍😍 قطعة منه ومنهااا باسهاا في جبينهاا وأذن ليهاا رفع رأسه قال لي نسمة ووين ليع ما طلعوهاا إنتظر شوية وح تطلع ما عندهاا حاجة أمي معاهاا جوة بعد شوية طلعوهاا حوالي ساعة في العنبر خرجوهااا رجعناا البيت ريمااس كانت مجهزة المكان ومرتبة كل حاااجة بعد رجعنا البيت محمد إتصل على أبو نسمة وكلمه ما انتظر للصباح وجاء في باقي الليل داك رسلت لي وفاء وأمل رسايل على أساس ما أصحيهم وبكرة الصباح يلقو الرسايل ،، الصباح ما مشيت الجامعة وفاء ووليد هاجموناا من الصباح 😂😂 شوية كدة جات امل كنا ضابحين قعدو لحد ما فطرو ونحن بنشرب في القهوة جرس الباب رن مشيت فتحتو كان زين 💜💜💜 واقفين بنعاين لي بعض من غير ما نتكلم لحد ما جاني صوت محمد في منوو يا ريم قلت ليهو بإرتباك إتفضل سلمت عليهو ودخل 💜💜 في القعدة كناا الإتنين بنعاين لي بعض بنزل عيني منه وأعمل نفسي مشغولة بي حاجة أرجع أرفع عيني ألقاهو لسة بعاين ما كنت مركزة مع الناس ما عارفة اساسااا بقولو في شنووو شوية كدة وطلعوا كلهم بقيناا نرتب ونرجع الحاجات في مكانهااا خليت ريماس تكمل باااقي الشغل عشان انا خ أمشي البيت دخلت جوة عشان أغير واكلع جاتني ريماس: عايزة اسألك سؤال يا ريم
أنا :اسألي😳
ريماس: الزول الخطف قلبك ده زين ؟؟؟
انا :😳😳 وانتي عرفتي كيف ؟؟
ريماس: كان باين عليكم الإتنين جداا جدااا يعني
أنا : 😳😳كذاابة ياابت يعني كل الناس أخدت بالهااا
ريماس: لالا ياابت ما كل الناس زي 😉😉 بس يعني المستغرباهووو مش كان إنسان ثقييل ولا يطاااق 😂😂 الحد شنووو
انا : انتي برااك قلتي كااان بس هسي بقى يطاااق ويطاق جدااااا كمان 😍😍 يلااا امشي ما تعملي لي حفلة في رأسي
*************
يوم السماية عزمنااا الجيران أبو نسمة عزم معارفه بالإضافة لي أصحاب محمد كانت مختصرة وبسيطة وكان الإسم ريم 😍😍😍 وده كان سبب كاافي يخليني أحب البت دي غير إنهاا بت نسمة ومحمد💜💜 بعد الضيوف طلعوا فضلو معانا وليد وفاء وزين حتى أمل وايمان مشو قعدناا قي الصالة نشرب قهوة وأمي كانت في الغرفة مع نسمة زين ووليد كاننو بتناقشو في موضوع ما عارفاهو شنووو أنا كنت بعاين لي زين سارحة في تفاصيله 💜💜 غرقااانة فيهو غرق كنت مركزة مع كل حركاته صرة وشه رفعة حاجبه حركات يديه كل حاااجة لحد ما وفاء قربت مني وقالت لي ما تقومي تبوسيهو أحسن
عاينت ليهااا وضحكت كان نفسب والله بس ما أقدرش 😂😂😂😂 حركت لي رأسهاا نظام ده شنوو جاوبتهاا بي بساطة متيمة بيهووو 😍😍 غرقااانة في سواد عيونه القاتم في ملامحه وتفاصيله قلبي بيدق بي شوفته ❤ ما عايزة الزمن يمر وانا معاهو 😔
وفاء: لا والله وده من متين ده إن شاءالله وانا آخر من يعلم
أنا : من وقت أنا ما عارفاهووو وفاء انتي اكتر انسانة انا ما بقدر ادس عليهاا حاجة وبمجرد ما سألتي جاوبتك من غير كلام كتيرررر
***********
بعد يومين من السماية راقدين أنا وريماس في السطوح رايك شنووو ياا حلووة إنتي بكرة أحجز ليك يووومي بالكامل ونطلع نتفسح مع بعض ونتغداء برة كمااان 😉
نطت من سريرهاا وجااتني بتتكلمب جد يعني ما استلمتي شغل ح تطلعي معالي قولي اوقسم طيب خليني أصدقك
انا : 😂😂 يااابت انتي محتاجة حلييفة عشان تصدقيني والله العظيم ح أفسحك بكرة اليوم كلووو ليك
ريماس : أنا بجد مبسوووووطة 😍😍😍 لي درجة إني ما ح أقدر أنوم الليلة
أنا : مجنووونة والله 😂😉 ده شكل واحدة باحثة نفسية ومصلحة إجتماعية
ريماس: عاذراك عشان ماحااسة الإحساس الأنا حاساهوو حاااجة في نفسي شديييد
أنا : 😉😂😂 معلييش حبيتي حقك علي
بكرة بعد جيت من الجامعة لقييت ريمااس لابسة وجااهزة منتظرااني 😂😂 كانت فرحااانة شديييد وكأنهاا ملكت الدنيااا 😘😘😍 فرحتهااا دي عاادت لي الحياااة بالجد الزول احيانااا بفرح بي اتفه الإمووور 💜💜💜 بس هو يختااار إنو عايز يفرح ريماس بي كل تصرفاتهااا بتثبت لي إنه السعاادة إختيار 💛💛 غيرت ملابسي وطلعنااا مع بعض مشيناا الحدائق ولفينااا لعبنااا وضحكنااا مع بعض 😍😍😍 عشنااا لحظات حلوووة شديد ياريتناا دايمااا مبسوطين كدة وماافي هموم في قلبنااا وماافي حاجة شاغلانااا
ريماس : انتي ما ناااوية تغديني انا جوعاااااانة أبكي ليك عيني
أنا : بس بس بس فضحتينااا ليك علي أغديك غدوة ما تنسيهااا عمرك كله يلاااا
ريماس: اساسا اليوم ده كله ما ح أنساهو
دخلنااا مطعم وطلبناا الاكل وقعدنااا شوية كدة جابوهو لينااا كنا بنأكل ونتونس ريماس فجأة وقفت اكل وبتعاين وراي
أنا : ريماس يابت في شنوو مالك ما بتااكلي وسرحااانة كدة في شنووو
ريماس : لالا بأكل بأكل ماافي حاااجة
أنا : أمرك غريب من قبيل شابكاني جيعانة ولما ختيت ليك الاكل ما أكلتي في شنووو
رريماس: مااف شي والله أكلي إنتي بس
انا : في شي وبعدين انتي بتعايني وراء كدة في شنووو انا كنت فاكراك سرحانة في حااجة
ريماس: لالا ماف حااجة ما تتلفتي
أنا : ما أتلفت؟؟؟ لا ح أتلفت يا ريماس اتلفت وياريتني ما أتلفت زين كان قاعد مع واحدة بتغداء لمجرد شوفتي ليهم العبرة خنقتني 😢😢 الأكل الأكلته ده كان واقف لي في حلقي زي الحنضل جسمي هبط رجولي بقو ما شايلني الدموع ملت عيوني كأنو في سكين وإتغرست في قلبي الدنياا دي ضلمت في وشي بقيت ما شايفة ولا سامعة ولا حاسة بي أي حااااجة 💔💔 عقلي شغال يودي ويجيب دي منووو ؟؟؟ ليه بتونس ويضحك معاهاا كدة ؟؟؟؟ بضحك من قلبه معاها وأنا الكنت عايزة كل حاجاته دي لي برااااي ما كنت عايزة زول يشاركني في كدة ما عايزة ضحكته دي بي كل العمق الفيهااا تطلع لي زول غيري أنا زولة أنانية في حااجتي الخالصة والأنا بحبهااا كيف لما الموضوع يتعلق بيهووو ؟؟؟ لي لحظة كنت ح أقوم وأقلب التربيزة في رأسهم الاتنين 💔💔😭
ريماس : قلت ليك ما تتلفتي أصريتي بعدين ما تركزي معاهم إحتمال زميلته أو أخته أو أي حااجة
بقيت أستغفر وأهدي في نفسي بالقوة قدرت أتمالكهاا يلاا خلينااا نمشي دفعناا ونحن ماشيين ريم نحن ح نجي بي عندهم ما ح نقدر نفوتهم لازم نسلم ركزي معااي ما تحسسيهم وما تخلي يبان عليك حاجة لما قربنا نصلهم كانو بضحكو ضربهاا بي أصابعه في جبينهااا إتأكدت كل شكوكي إنه دي ما علاقة عااادية أبدااا وصلناهم
ريماس : سلام عليكم
زين : وعليكم السلام ريماس كيفك إزيك يا ريم
انا: الحمدلله 😔
ريماس: انت كيفك
زين : بخير والله إتفضلو أقعدو إتغدوا معانااا
ريماس: شكرااا ليك سبقنااكم نحن
انا : نحن إتأخرناا يلااا يا ريماس جريتااا وطلعتااا
زين : دي مالهاا كمان
سالي : دي منوو يا زين حتى ما إستنت يتعرفو علي
زين : دي ريم واختهاا ريماس
سالي: ريم منوو اااا ريم سبحان الله مش لسة كناا في سيرتاا بس لييه إتصرفت كدة
زين : ما عارف انا بالجد محتار في تصرفهاا ده
سالي : ح تكون إتضايقت عشان شافتني قاعدة معااك أكييد
زين : ايوة بس إنتي أختي
سالي : ياا غبي هي ما تعرف إنو أنا أختك
زين : ما أعتقد كدة
****************
في البلد
عبدالله جاء داخل سكران للنهاية ريحته ماشة قدامه لقى ريناد نايمة صحاهااا قومي أصحي ياا زفت انتي قوومي يلااا ريناد صحت مخلوعة بي حركة يدو شكله ومنظره بالحالة دي إتعودت عليهو كان بحاول يعتدي عليهااا ويقرب منهااا بي طريقة مقرفة متعود كل مرة يأخد حقوقه منهاا بالقوة بس المرو دي غير كان ما واعي ريناد كانت بتقاوم فيهوو وبتصرخ أبعد مني وبتبكي ريحتك المقرفةة دي أبعد بتحاول تبعده بي يدهاااا وتستفزه بالكلام بس ما كان ببعد لأنه أقوى منهااا ريناد جسمهاا بقى ضعيف وهزيل من الضرب وعدم الأكل بقى تنبذ فيهو وهو يضرب فيهااا رماهاا في الارض وبقى يضرب فيهااا وفي لحظة لا وعي منه طلع قزازة من جيبه فيهاا من السم البشربو ده وضربهاا بيهاا في رأسهاا دمهااا بقى جااري عبدالله هناا إستوعب العمله طلع جرى جري مشى بيتهم دق الباب بي يديهوو الاتنين صحاهم بي فزع جا عمي جاري فتح الباب إتفاجأ بي شكل عبدالله قدامه 😳😳 عبدالله في شنووو مالك زي الجايب مصيبة
عبدالله : أنا أنا ضربت ريناد قتلتهااا شكلهاا ماتت
عمي جرة علي بيت عبدالله لقى ريناد مضروبة ودمهاا جاري بس لسة عايشة ما كلف نفسه يوديها مستشفى عشان ما يتعمل ليهم بلاغ نقلهاا اقرب مركز واتفق مع الدكتور ورضاهو بي قروش عشان يضمن سكاته ريناد كانت نزفت دم إضطرو ينقلو ليهاا دم ونضفو الجروح وخيطو ليها جرحة في مقدمة الرأس ما كانت واعية بي كل ده الدكتور طمئنهم وقال حالتهاا مستقرة غايبة عن الوعي نسبة للضرب والألم العانت منه جسمهاا فاقد محتاجة شوية محاليل بعد كدة ح تصحى طبيعي عمي قال لي عبدالله داير توقعناا في مصيبة كنت الحمممدلله انهاا جات علي كدة اوع أهلهاا يسمعو أو يعرفو بالحصل ليهااا
*******
بعد يومين من الكلام ده نحن في بيت ناس نسمة جات لي أمي مكالمة من رقم غريب الدنيا كانت لسة صبااح حتى انا وريماس كنا لسة ما طلعنا
:الوو سلمى
امي: عليكم السلام ااي سلمى منو معااي
:ما مهم منوو المعاك انا عايزة أرضي ضميري وأبلغك بالحاصل محمد لو عرف أنا منوو وعملت شنوو ح ينفيني من البلد
أمي : بسم الله في شنوو والحاصل شنووو
نحن كلنااا وقفنااا بي إهتمام لأنو كلام أمي ما كان مبشر ابداا
: ريناد بتك ....... الخ
أمي وقعت في الأرض والتلفون وقع منهاا جريناا كلنااا عليهااا أمي في شنووو انتي كويسة
أمي امي أحكي مااالك .............(يتبع)

توقعاااتكم يااااا حلوووين 😍😍😍