زيني "قدري "

4

((4))
فكرت كتيير في الموضوع لقيت انهااا فرصة مناسبة ح أمارس هوايتي بي شكل اوسع واكتشف مواهبي في الحتة دي 💛💛💛 والشغل ح يتماشى مع زمن قرايتي عقلي اتقبل الموضوع وواثقة من نفسي ح أبدع في الشغلانة دي لاني برسم من بدري شدييييد كنت تقريبااا إتخذت قراري في الموضوع ده بس بااقي رأي أمي جيت النهار من مكتب المحامي وقعدت مع أمي في العريشة برة مترددة أحكي ليهااا حاسة انهاا ح ترفض داهمتني بي سؤال : شكلك كدة عندك كلام عايزة تقوليهوو احكي مالك
أنا : بحبك وانتي فاهماني والله 😉😂😂
امي : بطلي حركاتك دي وقولي مالك
انا: والله يا أمي ........... (حكيت ليهاا الموضوع كلو )
امي: وعايزة تشتغلي حنانة علي آخر الزمن
انا : ومالهاا الحنانة ياا أمي ده شغل بي يدي وح ألقى عليهوو عائد زيهااا زي أي شغلة بتكسب قروش والشغل اي كان ما بعيب سيدو المهم انو يكون حلااال ودي شغلة مؤقتة لحد ما أعافر وامسك شهادتي بي يدي ♡
امي : وانا من متين بطلع كسبانة معاك في نقاش زي أبوك الله يرحمه  دايمااا بتقنعيني بي أفكارك أعملي البتشوفيهو مناسب وربناا يوفقك ان شااءالله ثقتي ودعواتي ملازماااتنك ورضيااانة عليك يااا بتي
حضنتهااا ودمعتي نازلة مني مااافي أحلى من كدة وربنااا يخليك لي وماااا يحرمني منكم انتي واخواتي ديل 💜💜💜 يلااا ح أمشي أخد لي نومة علي بال زمن الشغل يجي دخلت الغرفة شلت التلفون اتصلت علي وفاء قلت ليهاا أنا موافقة علي شغل الحنة ده بس لازمني شوية فترة كدة اظبط فيهااا اموري في العيادة والمكتب حتى أقدر انزل معاهااا
وفاء: لو كان علي العيادة الموضوع بسيط واحمد ح يتفهم الموضوع خليهو علي وشوفي المحامي قفلت منهااا نمت لحد الساعة 4 كدة قمت استحميت وغيرت وطلعت علي العيادة مر اليوم بي سلام وبكرة من الصباح علي مكتب المحامي فاتحتو في الموضوع واني ح ابدأ في اجراءات الجامعة ومااف طريقة اني اشتغل فترة صبااحية تااني اتقبل الموضوع بي كل صدر رحب وتميت معاهو الاسبوع لحد ما شاف واحدة تانية وظبط امورو 💜💜💜
اخر يوم ودعته وصرف لي مبلغ محترم مكافأة وكدة قال في اي وقت احتجتي لي أي حاااجة انا هنااا موجود دايمااا حقيقي الفترة الاشتغلتهاا في مكتبه كانت جميلة واكتسبت منهااا خبرة بفكر إنو من كثرة ما ربناا بحبني بوقف لي الناس الطيبين وكويسين في طريقي ودي نعمة أشكر ربنااا عليهااا في كل صلاة .
بداية الاسبوع مشينا قدمنااا للجامعة انا وأمل ووفاء واتلاقيت مع خالتو مها عشان نمشي الكوفير أمل ووفاء مشو معانا اتعرف علي لمياء صاحبة الكوافير زولة طيبانة شديد قلت ليهااا انا ما بقدر اوقع علي عقد لأني ما عارفة ظروفي والممكن يحصل لي شنووو بس اضمن ليك اني ما ح أمشي وأخليك في نص شغلي واذا قررت اني أخلي الشغل ح أكلمك من بدري وعلي الاساس ده تجهزي نفسك وافقت وقالت لي بمجرد ما أنزل جامعة الشغل ح يكون علي حسب جدولي وح تقبل الطلبات في وقت فراغي واتفقنااا علي كدة ♡ في الفترة دي بما اني كنت فاضية كنت بطلع الكوافير من الصباح والشغل كان ماااشي شديد وسااالك والحممدلله ومن قعدتي في الكوافير استفدت خبرة أكتر وانا أصلن مخي نضيف اتعلمت من لمياء كل فنون المكياج فبقيت بساعدهااا في مكياج الشباين رفضت اني اتهور وامكيج عروس بس الشغل كان حلووو شديد واندمجت فيهوو بي سرعة ولقيت نفسي فيهوو شديد رغم انو متعب .
ظهرت النتيجة وانا وأمل ووفاء شالونا في نفس الجامعة جامعة السودان 💙 مع اختلاف الكليات انا ووفاء في هندسة معمار وأمل محاسبة وتمويل مبسوطة انو وفاء معاي في نفس المجال يعني ح نكون متعودين قبل التسجيل بي كم يوم اتصلت علي خالتو مها وقالت عندهاا مرة صاحب راجلهااا عايزاني احننها ليهااا ضروري في بيتهم كنت في الكوافير وريتهاا بطلع متين واجي عليهم بمجرد ما خلصت ما اتأخرت ومشيت عليهم لقيت المرة اربعينية كدة أكبر من خالتو مها بس زولة محافظة وملامحهاا حلوة شديييد 😍😍😍 سلمت عليهم وكنت محضرة كيسي أصلن من هناك سألتهااا قلت ليهااا عندك شكل معين والا ارسم ليك أي حاجة قالت لي علي كيفك ياا بتي 💛💛💛 وبديت ارسم ليهاااا شكل حلوو في بالي جاء مقاسهااا طق والله 👌😍😍😍 حلووو شديد والحنة في رجولهاا تمسخ خلصت وقعدت خالتو مها جابت لي عصير المرة قالت لي أنا اسمي أمال حنتك حلوووة وعجبتني شديييد ربناا يوفقك تاااني ما عندي حنانة غيرك كل ما أكون عايزة أتحنن بضرب ليك عن مهااا وبجيك هنل عشان أقرب المشوار ولو طلبتي اجيكم في الكوافير ما عندك مشكلة قلت ليهااا : رأحتك يا خالتو أمال ما عندك أي مشكلة وبعدين أي زول من طرف خالتو مهااا نشيلو في رأسنااا والله انتظرتهااا طلعت الحنة وحاسبتني قلت ليهم :يلااا أنا امشي قالت لي : كان انتظرتي يااا بتي زين ولدي هسي يجي يسوقني يوصلك أول
أنا : لالا م مشكلة انا اصلن بيتنا من هنا ما بعيد ما ح أعطلكم معااي شلت شنطتي وطلعت جاارية لأنو الزمن إتأخر وانا بقطع الشارع بتاع ناس خالتو مها ومستعحلة عربية وقفت نزل واحد ضربنا في بعض رفعت عيوني عاينت ليهو تهت في عيونو 🙊🙊 الشعر اللبس الإستايل سماااااااحة تلخم سرحت فيهو كأني شفتو قبل كدة  طقطق لي أصابعو انتي متعودة تمشي في الشارع وانتي ما واعية وما شايفة المرة الجاية فتحي عيونك
انا: رديت عليهو انت شكلك أهبل صاااح المفروض تعتذر على فكرة وتتخارج انا مستعجلة وما فاضية ليك
هو : وكمان لسانك طويل وما عندك زوق انتي الضربتي فيني ما أنااا
حدرت ليهوو زحيت من طريقو عايزة أمشي
قال : علي فكرة دي المرة التانية تكرري نفس حركتك البايخة دي
رجعت عليهوو: قصدك شنوو بالمرة التانية ؟؟ نحن اتقابلناا قبل كدة ؟
هو : أيوة كنت ح أضربك بي عربيتي كنتي منهارة وبتبكي انا متذكر شكلك ده وكنتي شايلة طرحة في يدك ما لابساهااا
انا: وده انت يا ساتر عليك  ياااريت تبطل تهور ومشيت خليتو واقف في مكانه .
بااااقي الاسبوع كله كان عبارة عن تجهيزات للجامعة سجلنااا ♡ والامور تمااام استلمت قروشي ومشيت السوق اشتريت تلفون كويس وشوية حاجات للجامعة ومواظبة في شغل الحنة ومااشي معاااي زي العسل 😍😍😍😍😍
بكرة ح ننزل الجامعة رجع لي أحساس التوتر والخوف 😂😂😂 أكيد ح يبرلموني يااارب موقفي ما يكون ذبالة بس برجع اطمئن انو وفء معاااي كنت بدردش معاهاا في الواتساب فجأة قلت ليهااا اسمعي هنا نحن ما ح نتفارق ابدااا في الجامعة ح تكوني زي ضلي لحد ما اتأقلم علي المكان واعرفو حتة حتة وفاء شغالة تضحك : يابت انتي مسطولة نحن داخلين الجامعة ما اولى اساس بطلي خوفك ده سفهتهااا وما اشتغلت بيهااا صحيت من النجمة مرة اجرب اسكيرت واجرب عباية واجرب فستان وماا فاهمة حاجة مشيت صحيت ريماس تعاالي اختاري معااي حاحة ألبسهااا
ريماس : أي حاجة فيك بتجي حلوووة والله 😍😍😍 انتي خاايفة صح من متين بتقيفي للبس كدة 😂😂😉
أنا ما عارفة بس إختاري لي البس دي والا دي
ريماس : الاسكيرت ده مع ده بلاش الفستان من اول يوم 😂😂😂
أمي جات فيناااا : يابتي الزمن ده لسة بدري اخدي ليك رقدة
ريماس : خليهااا يا أمي دي فرحااانة شديد الليلة وما بتقدر تنوم 😂😂😂😂
انا : امشي من وشي يا عفففنة يا كلبة
لبست واتمكيجت مكياج خفيف شلت شنطتي وطلعت شربت الشاي ومرقت مشيت لي وفاء لقيتااا لسة نايمة صحيتاا من النوم
وفاء: بسم الله انتي حلماانة والا شنوو
انا : عشان عارفة دمك بارد وح أجي القاك نايمة يلاا قومي سريع قاعدة معاهاا ساعة وشوية حتى جهزت لاقينااا أمل في المحطة وطلعنااا مع بعض ❤❤❤ امل علي كليتهااا ونحن علي كليتنااا أول ما دخلت الكلية دمعتي نزلت لو أبوي عايش كان جاء معااي الليلة لانو عارفني بخاف كان ح يكون طاير من الفرحة وانا داخلة كلية الهندسة كان ح يقول لي شفتي انتصرا عليك واتحققت رغبتي انا ما انتي كان وكان وكان ... حقيقي أنا  فاقداهووو شدييييد وفاء قعدت جمبي ساكتة ادتني مساحتي اني ابكي البكاء الجواي دعت لي أبوي بالرحمة وقالت لي أدعي ليهو بدل تبكي كدة مر اليوم الاول سرييييع في الجامعة ومنهااا طلعت علي للكوافير ولحسن الحظ ما بعيد شديد من الجامعة وفي شارعي بقى دوامي من الصباح الجامعة من الجامعة بنزل في الكوافير واخلص شغلي وارجع البيت .
كنت مضغوووطة شديد ما بين الدراسة والشغل بس الحمممدلله الاتنين ماشات كووويس
اتمكنت شديييد في شغلي حنة ومكياج الحمدلله 💜💜💜💜 يوم كدة خلصت بدري قلت امشي علي أمل شوية حتى اطلع اتصلت عليهااا لاقتني جمب البوابة قعدت معاها شوية هي وشلتهااا اتونسنااا وطلعت علي الشغل.
يوم الجمعة من الصباح وانا في الفيس لقيت في قروب مشكلتي مشكلة واحدة منزلة استشارة انهااا عروس امهاا متوفية وماافي زول واقف في رأسهااا ماا عندهاا قروش عشان تمشي كوافير وماف زفاف وعندهاا توب الجرتق علقت ليهااا لو بتقدري تجيني في البيت تعااالي خاااص ما عايزة منك لا قرش لا تعريفة مرت مسافة كدة والبت جاتني خاااص بديت ادردش معاها ساقني فضولي أعرف اذا امهااا متوفية العريس دوره شنووو ؟؟؟ عرفت إنو كل القروش مع خالاتهااا وانهااا ما بتقدر تطلب منو تاني تصغر نفسهااا وتصغرهم معاهاااا قلت ليهاا طيب خلي يشوف ليك عربية أو يتصرف ليك في حاجة توصلك بيتنااا عشان الزمن قالت دي بسيطة عندو صاحبو هو العايز يجيبهااا الكوافير وهي ما كانت عارفة تقول شنووو وريتهاا تقول ليهم انهااا ماشة لي واحدة شغالة في البيت وصفت ليهااا البيت واديتهاا رقمي علي اساس تقرب تصل ترجع لي وانا ح أنتظرهااا في الشارع في المسافة دي مشيت شحدت ليهااا جدلة من منى بت خالتو فتحية جارتنااا كنت عارفة إنو عندهااا إشترتهااا للعرس من برة رغم انهااا كانت متخوفة من الموضوع بس انا قلت ليهااا علي ضمانتي كانت جدلة كاملة بي إكسسواراتهااا يعني ما ناقص شئ وجهزت الصالون بتاعنا عشان أقعدهاا واجهزهاا فيهو وعملت عصير خليتو جاهز في التلاجة جهزت كل حاجاتي البسيطة في الصالون واتصلت علي وفاء تجيب لي حاجات من عندهااا بي أسرع طريقة علي بال ما العروس توصل كنت متوترة شديييد بقى لي زي الامتحان عايزة اساعدهااا وأحل ليهااا مشكلتهااا وتطلع سمحة 💜💜💜 وان شاءالله ما أفشل في الحاجة دي بقيت داخلة ومارقة زي أم العروس 😂😂😂😂 شوية كدة وتلفوني إتصل .....(يتبع)