زيني "قدري "

28

((28))
زين :عشان بحبك .... ده ما سبب كافي إنك تحكي لي ما سبب يخليني أشاركك في مشاكلك ،، أقيف معاك احاول أفتش ليك ومعاك على حلول والا انتي عايزاني أقيف وانا شايفك منهااارة بالمنظر ده دموعك مغرقة وشك حتى ملامح وشك باهتة ومطفيئة ليييه ده كله
اناا :😑😑😑
زين :كل مشكلة ليهااا حل يااا ريم شاركيني همومك ومشاكلك حتى لو مااا حليتاا أكيد ح أخفف عليك ريم انا  .....
انا : بس بس اوع تقولهاا  تااني انا ما شبهك ولا انفعك 😭😭😭 ما ينفع أحب ولا أرتبط اساساا أنا ما البت الإنت خاتيهاا في رأسك ولا الشخصية الإنت متوقعهاا ح تنصدم شديد لو قربت أكتر من كدة صدقني انا ما بنفعك فتش على واحدة غيري💔💔 واحدة تكون شبهك ومن مستواك واحدة ما عندهااا لا هموم ولا مشاكل 💔💔😭😭
زين : يا ريم المشا...
أنا : ✋ما تحاول تشرح لي حااجة عن إذنك 🏃‍♀️🏃‍♀️ مشيت وانا مهمومة ومتضاايقة اكتر يعني زين ما لقى وقت يعترف لي بي حبه فيهو غير ده 💔💔💔 يمكن لو جاء في وقت أحسن كان علاقتناا ح تكون أحسن بس كيف كيف ح أدخله حيااتي ذنبه شنوو يدخل في سلسلة  مشاكل ما عندها حدود وفي نفس الوقت ما عندهااا حلول 💔💔
************
زين قاعد في عربيته وقال :
ما  قادر أصدق كيف هاجمتهاا وقلت ليهاا "بحبك"  أيام وأسابيع انا برسم للقاء ده خططت ألف خطة وألف تفكير عشان أصرح ليهاا كل يوم كنت بحلم بي فكرة جديدة وإني أعترف ليهاا بي طريقة مميزة 💛💛💛 بس أول ما شفتهااا كانت قاعدة وبتبكي لما عيوني لمحت عيونهاا كانت حزينة باهتة شدييد ما ريم الأنا بعرفهااا  ريم كانت حيوية وكلهاا طاقة وشهااا منور ،،نفسي أعرف اسباب مشاكلهااا دي واحدة في عمرهاا ده ح يحصل ليهاا أي نوع من المشاكل ؟؟؟ لييه بتبكي بالعمق ده لازم حااجة كبيرة خلتهاا تصل المرحلة دي .
**************
وصلت البيت وكأنه كل هموم الدنيا إتجمعت في رأسي مستاءة شدييد 😔😔 من جهة وضع ريناد والهي فيهوو💔💔 من جهة علاقتي بي زين💔 علاقتناا ما لحقت تبدأ دي علااقة محكوم عليهاا بالفشل من جهة "عمي وعبدالله " اللي انا ما عارفة أبدا معاهم كيف أحاسبهم علي شنوو وأخلي شنوو ؟؟؟ أول مرة أحس إني مكتفة مربطة ما قادرة أتصرف 💔💔 ما قادرة أتحرك من مكاني ما قادرة حتى أتكلم واتناقش مع زول او بالأصح ما قادرة أشوفهم  دخلت في الصالون عشان ما يحصل نقاش بيني وبين أي زول فيهم 😭😭 قعدت أكتر من ساعة ببكي وعقلي شغاال بفكر اطلع من الجو الأنا فيهو ده بفكر أبدا من ووين جات ريماس داخلة شايلة كتاب وتلفونهاا وكباية قهوة 😳😳 ريم ؟؟، انتي هناا جيتي متين ولييه عاملة في نفسك كدة ،،،
ما قدرت أرد عليهااا فضلت سااكتة وانا بعاين ليهاا ريماس من النوع البتجاوز المشاكل بي سرعة ما بتخليهاا تأثر عليهاا وعلى حياتهااا حتى المشكلة بتفكر فيهاا بي إيجابية وبتنشر الإيجابية في المكان
ريماس : زعلانة من حمل ريناد
هزيت ليهاا رأسي بمعنى لا زعلانة عليهاا هي وزعلانة عليهو هو وزعلانة على نفسي أكتر 😭😭
ريماس : ح أقول ليك نفس كلامي ليهاا يا ريم بما إنهااا إتزوجت شي طبيعي تحمل طبيعي جدااا ،، مشكلتهاا في الإختيار الغلط "عبدالله" ولو هي ما بطلت البتعمل فيه ده ح تكون هي زاتهااا غلط لازم يكون عندهااا عزيمة قوة إرادة عشان تصلح من نفسهااا وتطورهااا عشان تستحق إنهاا تكون ام 💛💛 تقدر تعوضه عن أي نقص او أي حرمان بتقدر تكون بالنسبة ليهو أم و أب وما أي ام أم ناجحة قوية يقدر  يفخر بوجودهااا 😍😍 ونحن كمان بما إننا أخواتهاا لازم ندعمهاا ونساعدهاا انهاا تتقدم،،
بعد كلامهاا ده قمت من مكاني حضنتهاا وانا ببكي 😭😭😭 ريماس إنتي كيف كدة 😍😍 انااا بحبك إنتي ضمادة جروحي 💜💜💜 دايماا بتبهريني بي آيجابيتك عاارفة أنا دايماا بقول ياريتك كنتي إنتي الأكبر كنتي قدرتي تشيلي المسؤولية دي أنا ما قدرهااا 💔💔  ما كان البحصل معانا ده حصل
ريماس : أبدااا يا ريم إنتي كنتي قدر المسؤولية دي وزيااادة أنا وصلت هنااا بي فضلك إنتي 💛💛💛 أنا بستمد الطاقة الإيجابية دي منك فإنتي أولى بيهااا لأنك بالنسبة لي "طاقة أمان " ما بحب أشوفك بالحالة دي ما بحب أشوفك منكسرة وصدقيني مااف حاااجة تستااهل كدة بما إننا مع بعض 💜💜💜 ح نتجاوز كل حاااجة تقيف في طريقنااا ،، امسحي دموعك إتوضي وصلي ركعتين وارجعي اقيفي من تاااني وخلاص ودعي فترة الإنتكاسة دي لأنهاا طالت معاك وأبدي إنتفضي من الأول 💛💛
أنا : حااااضر 😍😍😘😘 ، خليتاا في مكانهاا داك ومشيت إستحميت غيرت ملابسي وإتوضيت وصليت "بسم الله ابدأها"
ريماس: "ساعات بحس إنه ريم أكبر مني ما بي ستة سنين بس لاا اكبر بي كتير من اللي هي شافته وعانت منه بدلنااا نحن اتحملت كل المشاكل والهموم عانت ما عانت في عمر صغير ،، واحيانا بحس إنها أصغر مني أصغر بي كتير لي درجة إنهاا محتاجة إني ادعمهااا فقدت طفولتهااا بي سببنا نحن 💔💔 " الحممدلله على كل حال  ربناا يعوضهاا خيرر عن كل الشافته في حياتهااا ...
*************
خلصت صلاتي وجيت أول حاجة عملتهاا طلعت تلفوني المقفول ليهوو زمن وصلته في الشاحن  جبت دفتر وقلم وبديت أكتب خطواتي ال ح أعملهاا فيهو فتحت التلفون دخلت الفيس نشرت في كل القروباات "عدناا بقوة " لقيت ترحيب كبيير الناس وانهم افتقدوني وكدة الحممدلله المجال ده أو شغل الحنة خلاني كسبت كمية من الزبائن اتعرفت على كمية من البشر وده اداني دافع أكبر وحمسني إني قااادرة ارجع زي أول واحسن كمااان ما اترددت ولا لحظة وما اجلت اي شغل إبتديت من نفس اللحظة الأنا أعلنت فيهاا إنتفاضتي زي ما ريماس بتقول من المغرب إبتديت شغل💛💛💛 الشغل كان ماشي كوويس شدييد بس أنا الما كويسة كيف اليوم بعدي علي أنا ما عارفة 💔💔 وسط كل الزحمة الانا فيهااا ما قادرة أنساهو ما قادرة ما أفكر فيهوو إتعلقت بيهو بي طريقة رهيية في فترة قصيرة شدييدة 💔💔 مواقفناا بسيطة مع بعض بقعد أعيد فيهاا وكاني بتابع فيلم للمرة الألف من غير ما أحس بالملل منه ما كان في بينا زكريات كتييرة تصبرني على فراقناا 💔💔😭😭 انا ما بطلع حتى عشان نتلاقى إن شاء الله حتى صدفة "إشتقت ليه" ما كافية ما بتعبر عن الإحساس الجواااي 💔💔 احياناا بعاتب نفسي إنه هو حاول بس  أنا رفضت ،رفضت إحساسه كان صادق في مشاعره بس برجع بقول انا بي ذات نفسي ما قادرة على حياتي دي اللي كل يوم طالع لي فيهاا شكل جديد 💔💔 ياا ترى في يوم ح تتصلح ؟؟؟ ح نتلاقى ؟؟ يااربي عندناا نصيب في بعض والا خلااص انتهت من قبل ما تبدأ 💔💔
مر شهر بالحال ده ما بين اني شغالة ليل ونهاار وبين زكرياتي مع زين ♡ بشوفه في أي حاجة بحسه في كل كلمة 💛💛💛 إتمكن مني شديييد
: الوو عمو حسين كيفك كويس
عمو حسين : الحممدلله بخير انتي كيفك ياا بتي
أنا : بخير الحممدلله ،، كنت عايزاك تتفق لي مع العمال الكان بدوأ لي في بناية المركز يكملو الشغل ما باااقي كتير ياريت يواصلوا  من بكرة عايزاهو يتم في أسرع وقت
عمو حسين : خلاص كويس أشوفهم ليك هسي وأرجع ليك
بعد 5 دقايق
انا : ايواا يا عمو حسين هااا اتفقت معاهم
عمو حسين : كله تماام ياا بتي وتحت السيطرة إتفقت معاهم ومااف أي عوجة من بكرة ان شا ءالله ح يجوك لو في اي حاجة ناقصة أو لازماك كلميني
انا : ما قاعد تقصر أبدااا مننا ودايمااا في الخدمة شكراا ليك 💛💛
من بكرة العمال نزلوا شغل في فترة إسبوع كان خلصوا كان بااقي حاجات بسيطة الكهرباء والتلوين قررت إني أطلع انا والحولي من جو الكآبة ده واجمع وفاء ووليد ونسمة ومحمد هناا في بيتناا من باب الونس هم ما انقطعو مننا بس ما بنجتمع كلناا فاناا قررت إني اجمعهم تحت مسمى " نفرة صغنتوتة " 😂😂😂 ودي كنت عاملاهاا نظام تشطيب للمركز أكييد هم ما صدقوا إني محتااجة ليهم وبطلب المساعدة منهم من الصبااح الأربعة جونااا فتح ليهم الباب وانا بضحك فيهم الحكاية شنوو مكابسننا كدة 😂😂
وفاء : افهم من ذلك إننا نرجع ،، اساسا انا ما لي في الشغل جااية اونسكم بس
نسمة : انا كمان والله مساهرة الليل كله مع ريم ما بقدر أشتغل
وليد عاين لي محمد وقال ليهو : إنت برضو كنت مساهر معاهم وما ح تشتغل ؟؟ عشان لو كدة أنفد بي جلدي واتخارج 😂😂😉
أنا : عاينو إنتو جايين ليه ؟؟ ح تشتغلو يعني ح تشتغلو ما أسمع لي زول فيكم يشتكي يلاا خشوا جوة سلمو علي ناس أمي وقعدوا عملت ليهم عصير بعد شربوا يلاا معليش يا حلوين فترة الإستكانة دي خلصت يلاااكم على الشغل
ريماس : ثانية وااحدة بس انا ح اوزع ليكم الشغل ده 😂😂😂 كل زول ح أديهوا  مهمة معينة يعملهاا ولازم ينجزهاا من غير ملل وتضجر 😂😉
انا : لا والله 😂😂
ريماس: زي ما بقول ليك والله 😂😂 المهم محمد و وليد إنتو ح تكملوا شغل التوصيلات كل حاجة جاهزة بس عليكم ترموا الاسلاك وتوصلو ولو في حاجة غلبتكم انا في الخدمة 😂😂💔
أما إنتو أقصد الصبايا يعني تتعانوا في البوماستك طلاء الحيطان ووروني ح تبدعوا كيف في الالوان وأنا ح أشرف عليكم 😂😂
وليد : لا فيك الخير والله 😣😕
وفاء: عايني أمسكي أختك دي مني قال تشرف عليناا 😏😏
ريماس : قال ليك اتنين مطبلاتية معرسين بعض والله انا أخااف على الأجيال ال ح تنجبوهاا انتوا 😂😂😂
وفاء : وإنتي مااال أهلك اساساا إتلمي يااا بت أحسن ليك
انا : خلاااص انتي وهي خلوناا نبدأ دخلناا المركز واسع وجمييييل 😍😍😍 زي ما كنت راسماهوو بالضبط مبسووووطة لانه دي إنجازاتي 💜💜💜 محمد ووليد شغالين في الكهرباء انا ونسمة ووفاء شغالين في الطلاء ريناد كمان أصرت تجي تساعدنااا
وليد: بس ما شاء الله عليك ياا ريم ولاا اجدع مهندس شغل رااقي ومنظم
انا : تسسسسلم يااا اجدع مهندس 😍😍😍
وفاء : عاارفة يااا ريم أنا مبسوووطة شديييد 😍😍😍😍 إنك رجعتي تتعاملي زي زماان أنا كنت بجي هنااا بقعد وبطلع ما بتتكلمي معااي كنت بكتئب اكتر منك بس هسي مبسووووطة بيك مبسوووطة شديييييد 💜💜
انا : يااارب أعيش دايمااا وانا شايفاك مبسووووووووطة 😍😍😍
نسمة : وأنا ماا لي في الحب ده نصييب والا شنووو 😕😕😕
أنا : معقوووولة بس إنتي كل الحب يااا قلبي 💜💜
ريماس : شباب ناخد إستراحة نفطر ونواصل
وفاء : اخيرااا يا شيخة إتكرمتي عليناا
ريماس : وانتي كنتي شغاالة يعني ما كله كلام قايلاني ما شايفاك أنا 😂😂
وفاء : امسكوهاا مني البت دي عليك الله
اثناء ما نحن بنفطر ونتونس جات سيرة زين في الكلام
وفاء : صحي وين الشخصية دي ؟؟
محمد : والله زين ده ليهو شهر كدة برة في شغل احتمال يرجع في الأيام الجاية دي قلبي إتحرق من جوووة إني انا ما عارفة عنه حااجة وبسمع أخباره بالصدف بس ومع الأسف ما بقدر أعبر أكتمهاا في جواي وبس 💔💔 إحساس مؤذي شديييد
أنا شبعت الحمدلله قمتةوكان نفسي جدااا أبكي بس إتماسكت غسلت وشي ورجعت أشتغل جات وفاء لاحقاني : فاصلاهاا مع زين إنتي والا شنوو ؟؟؟
انا : ليييه نحن في بيناتنا حاجة يعني ؟؟
وفاء : ريييييم بطلي سخف
انا : بتكلم معاك جادة أناا ماف بيناتنا حاجة اساسا مجرد إحساس جوااي ومااات 💔💔
عاينت لي نظام ما مصدقااني بس ما إشتغلت بيهااا واصلت في الأنا بعمل فيهو ضربناا المكان كله من جوة ومن برة محمد ووليد خلصوا شغل الكهرباء في "لافتة" هناك أرفعوهاا لي برة في الواجهة 😍😍😍
ريماس: يخسسسي عليك عاملة فيهاا اختي وما وريتيني إنك عملتي "لافتة " للمكان حقيقي زعلاانة منك 😔
نسمة : كتبتي فيهاا شنووو
انا : إسمي بالخط العريض لماا تشوفوهاا في المسافة دي خلوناا ننضف المحل وندخل الحاجات دي هنااا ونرتبهاا في مكانهاا الصحيح
ريماس: عشان تفضي لي الصالون المكان الآمن بتااعي 😂😂😂😂
انا : ح أفوت ليك البيت كله بعد كدة واستقر هناا 😉😉
محمد ووليد نقلوا ليناا الحاجات ونحن نضفناا وبقيناا نرتب فيهاا لحد ما خلصناا هم كانو علقوا اللافتة " الريم سنتر " 😍😍😍
ريماس: وااااااو 💜 ده منوو صمم ليك الإسم
أنا : أنا 😉😍😍
وفاء :بطلي تخاريف
أنا : وحيااااتك يا غالية أنا رسمتهاا وخططتهااا هو ما عليهو الا جهز لي الحاجة دي
نسمة : ما تقومي بكرة تفكري إنك تشتغلي في المجال ده
الكل :😂😂😂😂😂😂😂😂😂
انا : وليييه لاا لو لقيت طريقة أشتغل ومالو انا اتعودت أشتغل أي حاااجة بعرفهااا
دخلنااا جوة هاا شايفين المكان كيف 😍😍
وليد: رااقي شدييد والله 😍😍😍
محمد : ح أخد ليك ليهو كم صورة تهبل تعملي بيهم دعااية وإعلان ممتاااااز 😍
وفاء : أنا شهاادتي مجروحة فيك
نسمة : وأنا زي وفاء 
ريماس : يهنااااااية خليك عندك شخصية وأبدئ برأيك
نسمة : وانتي واقفة لي في حلقي مالك 😞😞
ريماس: عشان بريدك بس
انا : 😂😂😂خلاص يا نسمة أمشي شوفي بتك طولتي منهااا
واثناء ما نحن بنتوني ما أسمع ليك إلا صوت ريناد وهي بتصرخ ااااااااا قلبي كان ح يقيف جريت وأنا ما واعية ما فاهمة الحاصل شنوو ما عارفة وصلتهاا كيف كانت واقعة على ضهرهاا شكلهاا إنزلقت بي موية وأنا بحاول أرفعهاا ألقى ليك الحتة كلهاا دم 😳😳 نزيف هناا خلاص أعصابي باظت بقيت قاعدة ما عارفة أعمل شنوو
ريناد : ريم ولدي وكانت خاتة يدهااا على بطنهاا
اتمالكت نفسي وقلت ليهاا ما ح تجيهو حااجة
ريناد : بس انا حاسة إنه مات 😭😭😭😭
انا : ما تقولي كدة إن شاء الله ما ح تجيهاا عوجة
امي مشت جابت ليهاا توب جات قالت لي ختي فيهااا ده وخليناا نمشي المستشفى لفيت التوب فيهاا محمد و وليد ساعدوني ركبناهاا العربية ومشيناا دخلناا أقرب مستشفى الدكتورة كشفت عليهاا جاتناا برة للأسف فقدت الجنين وفقدت دم كتير محتاااجة دم عشان نعمل ليهاا عملية
ريماس: تقدري تأخدي دم مني أنا فصيلتي o
انا كنت في حالة من اللا وعي كيف فقدت الجنين نبهني من غفلتي دي صوت أمي وهي بتتكلم مع نسمة المهم تقوم منهااا هي قالوا فقدت دم كتييير هنا انتبهت صحة رينااد أهم من أي شي وإن شاء الله تجي على قدر كدة اخدو الدم من ريماس ودخلوهاا العمليات لحد ما طلعت كنا واقفين منتظرين الحممدلله الدكتورة طمنتنااا حالتهاا مستقرة شوية كدة وح تطلع في الغرفة إحتمال إنه الموضوع يأثر على نفسيتهاا
ريناد بعد طلعت و وعت بقت تبكي ومنهاارة كل العملناهو إنو اديناهاا مسكن نامت بيهو قلت ليهم خلاص إنتو امشوا ووصلوا معاكم أمي وريماس البيت
أمي كانت مصرة إنهااا ما تمشي
انا : ياا أمي مااف حاجة هناا تعمليهاا وما ح تقدري على قعدة المستشفى كله باقي يوم الليلة ده وبكرة ح يخرجوهااا وياا ستي تعالو من الصباح راجعين
حتى إقتنعت ومشت قعدت جمب ريناد في السرير وأنا بفكر "ليه دايماا فرحتي ناقصة " شوية كدة ريناد بدت تتحرك صحت ختيت يدي عليهاا قابلتهاا وانا مبتسمة حمدلله ع سلاامتك  😍😍 كنت ح تبكي وقفتهاا هشش اوعك تبكي دي أقدار الحممدلله انهاا جات على قدر كدة
ريناد :بس أنا إتعلقت بيهوو 💔😭😭😭 في البداية كنت رافضاهوو بس تااني حبيته إتعلقت بيهوو أنا بقيت أصلح في نفسي عشانوو ريماس جابت لي دفتر كنت بحكي ليهو فيهو كل تفاصيل يومي كنت بحلم بي شكله 💔💔 وإني شايلاهوو في يدي 😭😭😭
انا : معليش معليش حكمة ربنااا وربناا ح يعوضك أفضل وأبرك إن شاءالله 💜💜 ما عايزاك تنتكسي والدفتر لسة موجود وتقدري تكتبي فيهو كل تفاصيل يومك المهم إنك تكوني بخير عدينااا باقي اليوم هناك ريناد شبه إتقبلت الموضوع بس اكيد قلبهاا مقطوع عليهوو في النهاااية ده "جناها" كنت بتونس معاهااا وأطلعهااا من الجو ده الصباح ريماس وامي جوناا انتظرنا الدكتورة جات وكتبت ليهاا على خروج رجعناا البيت ما كنت معتذرة عن الشغل يوم الليلة فمن وصلت بقى في زبائن يجوا دخلت على طول كان اول شغل لي في المركز 😍😍😍
شغلت ليهم أغاني وقعدت أشتغل فجأة إشتغلت أغنية لي  فرفور مرقتني من جو الشغل :
أقول أنساك 😞
أفوت لي دنيا ما دنياك
يسرح قلبي في ذكراك
وتااني الشوق يرجعني 💔💔 ......(يتبع)

إحتفظوا بي أكبر قدر ممكن من الذكريات للناس البتحبوهم
مساء الخيرررر ومشتااقييييين يجماااااعة
ظروف بس 💔