زيني "قدري "

21

((21))
أنا : وإنت طلعت أبيخ وأسخف مما توقعت خليتني أبكي واتعب واساهر الليل عشان تختبرني كنت بتقدر تختبرني بي طريقة تانية بس لاا تخلي الثقالة لي منووو عن إذنك يا باش مهندس طلعت من غير ما أديهووو فرصة يتكلم لملمت حاجاتي وطلعت من الشركة  يعني موقفه ده بالجد زعلني شديييد 💔💔 وخلاني مشيت متضاايقة عدت الايام بقيناا نتلاقى في الشركة كتير بس ما كنت بديهوو إهتمام حتى لو كنا في شغل مع بعض بتكلم معاهو بي برود وفي حدود .
في يوم تصلت علي نسمة وقالت لي تعالي لي ضروووري هسي ما كان عندي حاجة اساساا ومشيت ليهااا مالك يااا نسمة شكلك ما طبيعي انتي عياانة ؟؟ في حااجة
نسمة : باين علي يعني ؟؟ ريم انا شاكة إني حامل لي كم يوم كدة حالتي صعبة ومتوترة وتعب وارهاق وما بقدر اقرب علي الاكل ده اتصلت عليك تمشي معااي الدكتور
انا : كلمتي محمد ؟؟؟
نسمة : لالا اتأكد اول واجي أكلمه
انا : الزمن إتأخر يعني إحتمال يجي يلقانا مافيشين عشان كدة كلميهووو انك طالعة
نسمة: طيب اتصلت علي محمد قالت ليهوو معاي ريم وطالعة معاها مشوار قريب وجاية وافق طلعنااا قلت ليهاا عايني يا نسمة نحن نمشي معمل نفحص لو النتيجة إيجابية تااني أمشي الدكتور مع محمد تماااام مشينا اقرب معمل عملنااا فحص انتظرناا لحد ما النتيجة طلعت والحمدلله كانت ايجابية 😍😍😍 مبرووووك يااا نسمتي 💜💜
نسمة : الحمممدلله 😍😍 ما قادرة أصدق
أنا : صدقي حبيبتي الله كريم ويلااا أمشي عشان تفرحي محمد أنا ح أرجع البيت من هناا طوالي اتفقناااا ✋
مشت نسمة البيت كان محمد لسة مااا رجع استحمت وغيرت بي فستان بيت قصير شوية  بنفسجي 💜💜 سرحت شعرهااا بالجمبة وعملت مكياج خفيف طلبت أكل دليفري  وبفت تفكر يااربي ح أوريهوو كيف؟؟؟ جهزت القعدة في الصالة والشموع على اساس تولعهم لما محمد يجي شوية كدة محمد جا داخل 😳😳 اللهم صلي علي النبي جماااال ما طبيعي محلوووووة بي زيااادة يعني وقرب باس رأسهااا خير في مناسبة خاااصة الليلة وانا ناسي ؟؟؟
نسمة : لالا ما ناسي حاااجة ادخل غير بس يكون الأكل وصل وتعرف
نسمة استلمت الاكل طفت الأنوار ونورت الشموع كان محمد غير وجاء : وااااو عشاء على ضوء الشموع 😍😍😍مشا على جهة نسمة ووقف قصادهاا لا عيد ميلادي ولا عيد ميلادك ولا عيد زواجنااا ولا حتى أول يوم اتلاقيناا فيهو في شنووو ضحكت نسمة وقرب منو أكتر بقت في وضعية إنهااا حاضناهو باسته على خدو وقالت إحساسك ح يكون شنوو لو قلت ليك إني حامل 😉😍😍 عايزة تبعد مسكهااا بي يدو وجراهااا عليهو بعاين ليهااا في عيونهااا بي شك عايز يتاأكد هزت ليهو رأسهااا بي أيوة بقى مرتبك ما عارف يعمل شنووو نسمة بتتكلمي جد وهو بضحك 😂😂😂 انتي حامل فعلااا 😂😂😂 نسمة شاركته في ضحكه وقالت أيوووة والله العظيم حاامل بجد 😍😍😍 الحمدلله😍😍 لاازم أحتفل بالخبر ده بس في الاول نمشي الدكتور نطمئن عليك وعلى البيبي
*************
تااني يوم في الشركة زين كان في مكتبه بيفكر لييه بقت تتجنبني كدة وبتحسسني إنهااا ما شايفاني  يعني مفروض أعتذر ليهاا؟؟ أعتذر علي شنووو هي مكبرة الموضوع بس ،، فيهاا شنوو لو تعبت وصممت المشروع مرتين بس والله طلعت شاطرة وبتحب التحدي التصميمين كل واحد أحلى من التاني ومافيهم غلللطة ولااا أكبر المهندسين ما يقدرو يعملو الهي عملتهم ،،، انااا شاغل نفسي وتفكيري بيهاا لي شنوو وراي شغل أهم من كدة في اللحظة دي الباب خبط إتفضل 😲😲
أنا : سلام عليكم إزييك يا باش مهندس
زين : وعليكم السلام إتفضلي
أنا : لااا معليش عمو طارق قال ليك راجع التصميمات ده وابعت الايميلات في الاوراق دي وبعد تخلص أديهو خبر إتفضل
زين :  😲😲😳😲عمو طارق؟؟
أنا : ياريت تركز في شغلك وبس يا باش مهندس عن إذنك وطلعت
زين 😂😂😂😂 أنا يتقال لي يااريت تركز في شغلك البت دي مجنونة والا شنووو هي
****************
محمد ونسمة مشوا الدكتور الحمد لله طمئنهم وراهم كيف يتابعو معاهو محمد قال لي نسمة بما إنو بكرة الجمعة رأيك شنووو نعزم الشباب بس ماافي البيت طلعة برة نسمة قالت ليهووو ياريت تكون على البحر كمان قال ليهاا بس كدة تأمري ياا قلبي يلاا نكلمهم اتصل محمد على وليد وزين واصحابهم أحمد وعثمان  ونسمة إتصلت علي أنا وإيمان ووفاء
صبااح الجمعة محمد اتفق مع مطعم قريب من البحر يجهزو ليناا الأكل ونحن كل واحدة فيناا عملت حااجة وطلعناا القعدة على البحر حلوووة شديد 😍😍😍 كنا عاملين خيم صغيرة كدة (تشبه الشمسية ما عارفة إسمهاا شنووو 😂😂) وليد وفاء منفردين بي بعض عصافير الحب 💜💜💜 نسمة ومحمد الفرحة مالية حياااتهم بيتونسو وكأنهم ما بشبعوو مع بعض 💜💜💜
فضلنا انا وزين وأحمد وعثمان الكانو بتكلم معاااي ويحاول يعرف تفاصيل عن حيااتي وأنا ما كنت حااابة الموضوع زين كان متابع في صمت 😕 إستأذنت منهم ومشيت على البحر شميت هواه شوية 😍😍😍قعدت  دخلت رجولي في الموية بقيت ألعب بيهاا مسافة وبقيت ماشة في حافة البحر
زين : ممكن أقطع عليك خلوتك دي ؟؟؟
أنا : ما إنت قطعتهاا وإنتهيت 😕😕
زين : لا يعني لو ينفع أتمشى معااك شوية ولو لا ارجع عادي
أنا : إتفضل ،،، مشيناا مساافة ونحن ساكتين لحد ما إتكلم : انتي زعلتي لما عرفتي إني شلت التصميم ؟؟؟
أنا : إنت شايفة شنوو 😡
زين:شايف إنك زعلانة بس الموضوع ما قدر كدة انا شرحت ليك  كنت عايز أعرف ح تتصرف كيف
أنا : لأنك ما  بتعرف عني حاااجة إحتمال أنا بمر بي ظروف إحتمال عندي مشكلة ليييه إنت تزيد مشاكلي بإختبارك ده ؟؟؟ إتصرف بي عقلانية أكتر من كدة 😕😕
زين : أنا أسف لو سببت ليك أي نوع من أنواع المشاكل وبعترف إني غلطان
انا : م مشكلة  ،، بس يارييت تاني ما تعيدهااا وبالذات معااي أناا حاسب على تصرفاتك
زين : ان شاءالله
سكتناااا وبقينااا ماشين مساااافة وقف قدامي ومد لي يده وقال لي ممكن نبقى أصحاب 💛💛💛💛
مديت ليهوو يدي وقلت ليهووو أفكر في الموضوع لأني ما بصاااحب أي زول أنا هز لي رأسه سكت مني قلت ليهوو يلاا نرجع،، في الخيمة لقيناا الأكل وصل وديل بجهزو فيهوو وفاء سألتني مشيتي وين انتي
انا : وإنتي يعني حسيتي بي غيابي 😕😕😕 ما إنتو كل واحدة قاعدة تتونس مع الحب بتااعهااا وسايبني براااي الواحد لو بقى سنقل في البلد في البلد دي بضيييع 😂😂😂 كلهم بقو يضحكووو جهزناا الفطور فطرناا واتونسنااا ولعبنااا ،، أحمد وعثمان كانوا بحاولو يتقربو مني ويتونسو معاااي بس انا كنت عاملة حواجز ،، زين حسيت بيهو متضايق من رجعنااا خلصناا جلستناا الحلوووة وح نطلع عشان زمن الصلاة
وليد : يلا معانااا ياريم عشان أوصلك مع وفاء
أنا : لا أنا ما ماشة البيت اساسااا داخلة السوق عايزة أشتري تلفون جديد
محمد : لييه مالو تلفونك ؟؟؟
نسمة : 😂😂😂😂 اتدشدش ياااا عيني 😂😂😂 قالت في واحد ثقيل ضرب فيهااا وكسروا
أنا: بعد كلام نسمة ده بقيت قدر السمسمة وما عاارفة أعمل شنووو منظري ذبالة قدام زين والهبلة لسة بتضحك
محمد :طيب خلاااص وديهااا إنت ياا زين بتفهم في الحاجات دي كووويس وعندك ناس بتتعامل معاهم
أنا : لالالا ح أمشي براااي ،، اساسا الزمن إتأخر وانا ما عايزة أعطله
زين : عااادي ما فيهااا حاجة في شارعي وما بيأخد زمن
ركبت معاهوو وأنا محرجة منو شديييد طول الطريق ما إتكلمنااا،، لما وصلنااا السوق كان الزمن خلااص قرب ولقيناا معظم المحلات مقفلة
زين : ما باقي للصلاة كتير بعد كدة والمحلات قفلت جيبي تلفونك وأنا بالمساء ح أجي أبدلو ليك
انا : أيوة بس أنا عندي فيهوو حاجات عايزاهااا
زين : ح أنسخ ليك كل الحاجات الفيهو في فلاش
قلت ليهو خلااص تماام واديته التلفون ،، انت الحق الصلاة وأنا ح أجر أمجاد او اي حاجة من هنااا  شكرته ومشيت  بكرة لما مشيت الشركة لقيت صندوق في المكتب فتحته كان فيهوو تلفون جدييد 😍😍 وفلاش معاهم كرت صغير فتحته مكتوب فيهو " هدية بسيطة عربون صداقة من الإنسان الثقيل الكسرو ليك " 😂😂😂😂 ضحكت وقلت كائن عجيب ما مفهوم بالجد اتذكرت نسمة إتصلت عليهااا : ياا هبلة إنتي غلطاانة انا لما اقول ليك حاااجة كدة تفضحيني قدامه 😆😕😕
نسمة :😂😂😂😂 كنت قااااصدة على فكرة
انا : بايخة بس 😕😕
نسمة : اهااا اشتريتي التلفون ؟؟ قلت المساء تظهري علي في الواتس
أنا : لقينااا المحلات قفلت زين شال تلفوني وهسي لقيتو جايب الجديد خاتيهو لي في المكتب نظام هدية قال بدل الكسرو بس ح أمشي ارجعو ليهوو أو ادفع الفرق
نسمة : اووعك تعملي كدة زين حساس وممكن يأخد الموضوع بي شكل تااني
أنا : مشكلته دي ،،
نسمة : ما تكوني قاسية ياا ريم عليك الله ما ترجعيهو عشان خاطر لاا ما عندي خاطر عندك اساسا الفرق ما حيكون كتير
انا : خلاص خلااص زنااانة يااا شيخة ح أشكره وخلاااص مشيت مكتبه لقيته مافيش لحد ما طلعت ما جاء ،،، ولحد نهاية الاسبوع ما جاء
بعد كدة  إنضغطت شديييد في الجامعة كنا خلااص في نهااية السنة بقيت ما بجي الشركة من الكلية للكوافير للمكتبة قبل الإمتحنانات بي إسبوعين أمل  ولدت بس طبعاا برة مع حسام وبعد شهرين ح ينزلو جابت بت سموهاا حنين ،،،ولما بديت إمتحانات وقفت الشغل وبقى تركيزي على القراية وبس  خلصت الإمتحانات سرييع والشغل كان حلووو الحمممدلله 💜💜💜💜
أول ما خلصنااا الامتحانات وليد إتقدم لي وفاء قال ليهاا العرس يكون هسي في الفترة دي السنة الأخيرة دي تقريهااا معااي في بيتي 💖💖
جيت كلمت أمي بالخطوبة قالت لي أهااا وانتي ح تقعدي كدة لمتييين ؟؟؟
أنا : لحد ما صاحب النصيب يجي يا أمي
امي : جاء مرة واتنين وتلاتة وأكتر وإنتي ما بترضي
أنا : كل شي ليهوو وقته بعدين انتي عارفاني ما بحب أتكلم في الموضوع ده
أمي : ياااا بتي العمر ده جااري والناس بتتكلم
انا : تتكلم تقول شنوو يعني بايرة ؟؟؟ عاااادي ولاا يهمني والموضوع ده مااا بفرق معاااي وياريت نقفله
أمل وحسام راجعين الليلة يعني بعد كدة خلاااص عرس وفاء قررررب لأنو وليد كان منتظر رجعة حساام بس 💜💜💜 بتهم كانت زي القمر قلت ليهم ما شاءالله حلووووة تشبهني 😂😂😂😂 شكلك إتوحمتي علي يااا اأمل 😂😂😂
**************
شغل الكوافير بقى بارد شديييد وانا ما كنت فاضية الفترة دي كلهااا جري مع وفاء بعد إسبوع جابو الشيلة والحاجات وفاء كانت محبوسة وكنت مشغلاهاا ليهاا تشغيلة بالدخان 😂😂😂 ما بيطلع معاهاا شي فبتقول لي انتظري لماا يجي دورك بعرف أنظمك 😂😂😂 الفترة دي كلهاا ما إتلاقيت مع زين ساعات كدة كنت بفكر فيهو ما عارفة فقدته لييه رغم إنو تركيبة عجيييبة كدة
***********
في بيت ناس زين
خالتو امال : مالك قاعدة كدة يااابت
سالي: زهجااانة يا ماما 😕😕 وما عندي حاجة أعملهااا
خالتو أمال : طيب أطلعي شمي هواء
سالي:انتي عارفاني ما بحب أطلع إﻻ مع زين وما عندي أصحاب اطلع معاهم بس زين ليهو زمن ما بطلعني
خالتو أمال: ونهايته شنوو الولد ده يطلعهااا من رأسه ويتزوج غيرهااا
سالي : انتي عاارفة كان بحبهاا شديد ومن شافهاا بتخونو مع واحد تااني ما قدر يتقبل الموقف و بقى ما طبيعي بعد عننا وكل علاقاتوو إتغيرت بس انا أكتر زول إتأثر بالموضوع ده لأنه كان بيديني إهتمام كبير وأهملني شديييد بس أرجع واقول كل السبب سارة هي الصاحبت نسرين ودخلتهاا بيتناا واتعرفت على زين وحباهااا في اللحظة دي جاء زين داخل سلم عليهم وطلع غرفته خالتو أمال قالت ليهااا أمشي قولي ليهوو يمكن يطلعك سالي طلعت وراهو دقت الباب ودخلت وقفت ما اتكلمت كانت مترددة خايفة يرفض
زين : تعالي يا سالي في حاجة
سالي : أيوة أنا انا زهجااانة وعايزة اطلع وما عندي زول أطلع معاهو 😢😢😢
زين : 😂😂😂 وبتبكي مااالك طيب امشي جهزي نفسك وأنا ح أطلعك
سالي: بجد يا زين 😭😭😭 ح تفسحني زي زماان 😭😭😭
زين: ايوة بجد ما مصدقة يعني
سالي: ااي والله لأنك من انفصلت مع نسرين بقيت ما بتطلع معاااي انا بكرههههاا وبكره سارة لاانو هي العرفتك عليهاا
زين : عيب عليك ما تقولي كدة سارة دي أختك الأكبر منك وكمان ما عندهاا ذنب في الموضوع يلااا امشي البسي وانا بنزل وراك
***********
كنت شبه مقيمة مع وفاء خلاص باااقي يومين والعرس الليلة حفلة الحنة كانت بناتية بس وفء اصرت إني أمكيجهااا وكنت مصرة إني ما أعمل كدة بس تحت الضغط بتاعهااا مكيجتهااا كانت لابسة فستان بالكوبي في منتهى الرهاااااااابة أنا فستاني كان كبدي بي طقمو كامل فكيت شعري وعملته تسريحة بالجمبة وعملت مكياج خفيف امل ونسمة لبسو معااي تياب بالكبدي إتصورناااا كمية من الصور وكنااا مززززز آآخررررر حااااجة 😍😍😍😍😍 الحفلة كانت ظااااااابطة هججناا هجيج شديييد بعد الحفلة وفاء مشت معاااي البيت عشان بكرة أحننهاا وبرضوو ده تحت إصرار منهااا وقال لي والله انتي بتحنني ما أمشي أقعد لي واحدة تانية حننتهاا حنة ظااابطة وحننت يدي الاتنين  وعملت حجل في رجولي أمي قالت لي مل تتميهااا مرة واااحدة 😂😂😂😂 المرة الجاية ي نبع الحنان 😂😂😉
اهااا يا وفاء انا من السهر والتعب حق أمس وهسي ما بقدر أرجع معاااك خليني ارتااح هنااا وسوقي معااك ريماس وأنا بكرة من الصباح ح أكون معاااك
*****************
يوم العرس صحيت بدري طلعت برة لي أمي
أمي: اقعدي باري لي في أعراس صاحباتك دي كدة لحد ما تبقي براك عايزة تقعدي لي متين انتي كدة
انا : 😔 لو سمحتي يا أمي ممكن نأجل الكلام ده أو أصلن بلاش منوو صاحية مبسوطة وما عايزة أعكر مزاجي ممكن يعني
أمي: يا بتي أنا عايزة أعرف نهاية البتعملي فيهو ده شنوو الأصغر منك اتزوجوهم وبي عيالهم
أنا : معليش يا أمي نصيب ح نعترض يعني 😊😊 وان شاءالله ح ألقى قسمتي ما تستعجلي
أمي : يابتي ما أي حاجة بنعلقهاا في القسمة شغالة ترفضي في العرسان اشكال والوان لحد ما العمر سرقك وانا خايفة عليك وخايفة تندمي
انا: مشيت عليها سلمت في رأسهاا وحضنتهااا والله انا عارفة الكلام ده يا أمي وعمري ما أندم وانتي عارفة كدة وربنااا كريم 💜 عايزاك تكوني متفائلة وحلوة زي كدة 😂😂😂 وانتي بس أدعي لي وبتهون إن شاءالله 💛💛💛
أمي : ربناا يسعدك ياا بتي ويهونهااا عليك ويديك الفي مرادك ويفرحني بيك
أنا: والله مافي أحلى من كدة امشي أجهز نفسي زي م عارفة الليلة طبعاا عرس وفوية 💖 وما لازم اتأخر عليهاا أكتر من كدة أكيد هسي قاعدة تسب لي
أمي : طيب ربنا يسهل دربك ياا بتي انا لي بعدين كدة بجي عليهم
**************
في بيت ناس زين 
خالتو أمال يعني ح يكون علي الحال ده لمتين يا سالي
سالي: والله ما عارفة يا ماما انا حاولت اتكلم معاهو بس زي ما عارفة برفض مجرد المحاولة وبقلب واحد تاني لمن نفتح ليهو الموضوع
خالتو امال: يااا ربي تصبرني 💔 بعد ما كان زول ونسة وضحك شفتي الحالة الوصل ليهاا بقينا ما قادرين نتكلم معاهو
سالي: بكرة ينسى يا أمي ارجع واقول دي كلها معارف سارة المهببة
خالتو أمال: عيب تتكلمي عن أختك الكبيرة كدة
سالي:😕😕😕

زين: سلام عليكم
سالي: زبن 😩😩
خالتو أمال: خير يا ولدي مالك جاي بدري كدة
زين: ماشي عرس واحد صاحبي كان عندي اوراق وديتا بس وجيت راجع
خالتو : ان شاء الله عقبال ما أفرح بيك يا ولدي
زين:😑 تعالي معاي يا سالي
سالي: طيب حاضر ........ في حاجة يا زين
زبن: أنا مش قلت ليك ما تفتحي الموضوع ده وتتكلمي مع أمي وما تقولي كدة عن سارة
سالي: معليش انت عارف ماما عايزة تفرح بيك وكمان انا ما قادرة اتجاوز انو الزفتة دي كانت صاحبة سارة انت ناسي انو هي الدخلتهاا حياتك وحياتنااا وهي الخلتك في الحالة دي 😭😭 هي الخلتني أفقدك أفقد حتى حنيتك علي وانت الكنت بالنسبة لي مصدر أمان 💔😭😭😭
زين: اششش أهدئ كدة وروقي معليش يعني سارة كانت تعرف انها ح تعمل كدة وبعدين ده غلطي أنا ما كان لازم أخلي مشاكلي تأثر علي علاقتي بي اختي السمحة 💜 وأوعدك شوية شوية ارجع زين بتاع زمان يلااا أمشي غسلي وشك وذاكري شوية عشان لو جبتي تقدير كويس ح أنزلك تتدربي معانا في الشركة
سالي: بجد 😍😍😍 انت أعظم أخ في الدنيا
زين غير ملابسو وطلع علي بيت العرس
****************
وفاء : يعني ما قدرتي تجي أبدر من كدة حضرتك
انا: 😉😂😂 كنت عارفة ردة فعلك دي بس معليش راحت علي نومة يلاا خلينا نمشي الكوافير عشان نجهزك ونسلمك للأستاذ وليد 😂😉😂
وفاء: انتي فعلااا هبلة مصدقة اني ممكن أمشي كوافير وأخلي واحدة تخرمج لي في وشي غيرك 😂😂😂
انا : وده معناهو شنو إن شاءالله😞 اوع تفكري فيهاا أنا مستحيل اعملهااا أصلن
وفاء: المستحيل إنو انا أمشي الكوافير وانتي هنااا وانتي أصلن عارفة اني ما بقتنع بي أي مكياج تاني فبطلي عبط
انا: والله ماافي عبيط غيرك كفاية اني رسمت ليك
وفاء : هااا ح تقيفي كدة كتير والا
أنا : أمري لله دقيقة بس أشوف أمل وين واجي اتنيل 😆😆 نحن كنا قاعدين في بيت خالتو مهاا  اتصلت على امل يا امل إنتي وين حاجاتي المعاك عاوزاهم هسي
أمل : انا في البيت معاي نسمة ما بقدر أطلع تعاالي شيليهم "مرة الولد الظريفة " 😂😂😉
أنا : خلااص كوويس جاية عليك خليت تلفوني مع وفاء وطلعت  المسافة من بيت خالتو مها لي بيت ناس وفاء ما قريبة شديد وما بعيدة لما خلاص قربت من بيت ناس وفاء في لفة كدة وانا لافة ضربت في زول صرخت اااااخ رفعت رأسي زين 😂😂😂😂😂😁😁😂 كسرت رأسي يا إنسان
زين : دي المرة الكم إنتي حاااسبة لي نفسك شكلك كدة بتتعمدي تتخبطي فيني 😉😂😂😂
أنا : سخيف 😕😕
زين :شكرااا كان ماشي طوالي من غير ما أحس وقفته زين لو العرض لسة مستمر أنا موافقة نكون أصحاب💛💛💛💛💛💛💛💛💛

تجمعناااا الصدف💜💜💜💜
تصويتكم ياااااا ناس