زيني "قدري "

15

((15))
ﻋﻨﺪﻣﺎ ﻻ ﻳﻜﻮﻥ ﺃﻣﺎﻣﻚ ﺧﻴﺎﺭ ﺇﻻ ﺍﻟﻨﺠﺎﺡ ﻓﻴﻤﺎ ﺗﻔﻌﻠﻪ ﻓﺈﻥ ﺍﻟﻤﻌﺠﺰﺍﺕ ﺗﺘﺴﺎﻗﻂ ﻋﻠﻴﻚ ﻣﻦ ﺍﻟﺴﻤﺎﺀ ،،،
عدت 3 أيااام ونحن مبسوطييين وماافي سيرة في بيتنااا غير نجاحي أخواتي مشو بوتيك جمبنااا جابو لي هدايااا 😍😍😍😍 حبيباااتي ربي يسعدكم انا ما عايزة غير إني اشوفكم مبسوطيييين 💜💜💜💜 كفااية علي إني شايفة فرحتكم بي نجاااحي 💛💛💛💛💛💛
إتصلت علي نسمة رديت هلااا بالنسمة 💜💜 جاني صوت وفاء : بتسوي في شنوو ياا بايخة
أنا : وفاء 😩😩 عاينت للتلفون اتأكد من الرقم فعلااا نسمة كمان شوية جاني صوت نسمة يا بت ريم مشيتي وين ،،، لا معليش إتلميتو كيف سواا في زمن زي ده  اسمع ضحكاتهم الاتنين 😂😂😂😂😂😂
نسمة : مكالمة جماااعية يا بيبي
وفاء: ياااخ ليييه كدة يا نسمة كان تقولي اني معاااك 💔😂😂 خليني اكذب طيب
أنا: 😉😂😂 لا معليش يا فوفة دي ما ح تدخل رأسي لانو لو بقيتي معاها زي الزمن ده تبقى قلة ادب منك صراااحة 😂😂😂 وإحتمال يطردوك بعرفهم أنا الجوز ده
وفاء: ح تعمليهااا يااا نسمة 😕😕
نسمة : لا والله بيتناا واسع ياااخ ح نديك غرفة تنومي فيهااا😂😂
أنا : 😂😂😂😂😂😂😂
وفاء: إخص إخص 😕😕
أنا : اهاا عايزين شنووو أنجزوو ما فاضية ليكم أنااا 😉😂
وفاء: وراك العيال والا أبو العيال 😂😂😂
أنا : الاتنين حبيبتي أنااا
نسمة :ممكن تسكتو وتسمعوني 😑😑 يلااا أنا بعد بكرة ح أجيكم فشنووو إتلمو لي سواا عشان نقعد قعدة حلووة كدة واظن كلمتكم من بدري عشان تظبطي إمورك ياا ريم
ريم : أوكي خلاااص تمااام تعالو عندي أنااا
وفاء: لا تجو عندي أنااا عشان برتب في نفسي للسفر تساعدوني وبالمرة تعملو لي حفل وداع
انا: بطلي تخاااريف 😂😂😂
وفاء: 😕😕😕 لما تجي ح تعرفي التخاريف دي المووووهم بعد بكرة منتظراااكم
انا: تماام ما تنسي تكلمي أمل كمان يلاا سلااام
يوم بكرة مشيت الشغل واستأذنت من لمياء إني بكرة ما ح أجي وح أتصل علي البت تجي مكاني وعلي كدة مشيت تاااني يوم صحيت بدري ودخلت رقدت في العريشة ريماس شايلة شغلة البيت كلهاا نضافة غسيل مكوة وكله ما عدا المطبخ أما رينااد آخر العنقود كانت دلعاانة شدييد وما بتعمل حااجة شوية كدة وبديت أجهز في نفسي عشان أطلع قلت أسوق معاااي أخواتي يغيرو جو ريمااس إتحمست شديييد بعكس ريناد رفضت الطلعة من يومهاا بيتوتية وما بتحب الطلعات ناس معينين بتلعب معاهم بعكس ريماس أكتر واحدة فيناا مرحة والله خلقهااا بتحب الحوااامة 😂😂😂
طلعنااا انا وريماس بالأول مريناا علي البقالة إشتريناا شوية حاجات لزوم القعدة ومشينااا وصلناا ناس وفاء ما كان في زول جاء لسة سلمنااا عليهم وقعدنااا
وفاء: ولبيييه يعني متعبة نفسك وجايبة الحاجات دي ما كان ليهو لزووم
انا : ولااا تعب ولا حاجة جبتهم عشان عارفااك بتموتي في بطنك دي
ريماس:  أكلي وأشبعي الفرصة دي ما بتجي تاااني😂😂😂
وفاء : ربنااا يصبرني عليك إنتي وأختك دي واحدة فيكم تفتح الباب أخلص الفي يدي ده واجي
مشيت فتحت الباب كانو نسمة وأمل : بسم الله الرحمن الرحيم جيتو مع بعض كيف
نسمة: 😂😂😂 أبداا إتلاقيناا هنا جمب الباب
انا: إزيييك يا أمووول 😍😍😍 مشتااقيييين شنووو يعني إذا ماااف جامعة ما ح نتلاقى
امل: انا أكترررر حبيبتي إنتي كيفك 😍😍😍 والله بس ضغوطاات شدييدة
انا : اتفضلو ولما انتي عندك ضغوطات أنا اقول شنووو
أمل : حسيت ليك والله ربنااا يعينك ☺☺ دخلو سلمو علي وفاء وريمااس ودخلناا جوة والطقة كانت مالية المكان  اهم حاااجة عند وفاء لاحظت لي شنطة سفرية جمب الدولاب وفاء الشنطة دي شنووو ؟؟؟
وفاء: دي شنطتي ال ح أسافر بيهااا بعد يومين إن شاء الله ح أتنفس هواء غير البتتنفسوهو ده خااالص
أنا : إنتي غبية ياااابت ؟؟! كنتي ناوية تكلميني متين بعد تسافري يعني ؟😕😕😕
وفاء: والله ياا جماااعة أنا إكتشفت إنو عدم الجدية ده كعععب شدييد بيخلي الناس حتى لما إنت تكون جااادي ما يصدقوك 😔😔😔 يعني أنا هسي لي أكتر من شهرين يا ريم بغني ليك عديل لما انجح ح أسافر وانتي بتمشيني 😕😕 ويوم النتيجة وريتك إني خلاص ح أجهز نفسي للسفر بس والاسوأ إنك بتضحكي فيني غلطانة انا يجماااعة
ريماس: لا خاااالص 😂😂😂 غلطانة هسي لأنهااا ما متخيلة إنك ح تسافري 😕😕
انا :لا ثوااااني انا ما قادرة أستوعب كيف يعني ح تسافري وح تقعدي كتير؟؟؟ طيب انا لمااا ازهج او ازعل كنت بجيك في غيابك ح أعمل شنووو 😢😢
أمل: زعلتيني وأنا مشين وين ؟؟
نسمة : أسكتي يااا أمل نحن ما محسوبين 😑
أنا : ليييه بتقولو كدة امل إنتي من اوائل الناس الإتعرفت عليهم بعد جينااا هنا وإنت عاارفة اإني بحبك شدييد 💜💜 مكانتك إنتي و وفاء عندي واااحد كمان انتي ياا نسمة صااح اتعرفنااا علي بعض قريب بس كأني بعرفك من سنين وبرضوو حبيتك وفتحت ليك قلبي 💙💙💙 وصدقيني مكانتك ما ح تقل عنهم إنتو التلاتة وجودكم مهم في حياااتي
وفاء: طيب إنتو ليييه فتحتوهااا ؟؟؟ البت دي أصلن بتحب الدرامااا يجماااعة وخااايفة تفقدني  بس إطمئني يااا ريم كلهااا إسبوعين او 3 وبجي راجعة ما تحزني وخلونااا ننبسط الليلة
بقيناا نتونس ونلعب نسمة كانت بتحكي ليناا عن قصص ومشاكل مرت بيهااا وبتحكي لينااا عن محمد وكيف قدر يكسبهاا  وعلاقتهم كويسة مع بعض غمزت لي وفاء وسألت نسمة  يعني يا نسمة أنا ملاحظة إنو محمد و وليد دايماا مع بعض شكلهم أصحاب من زمان يعني
نسمة : فعلااا محمد و وليد وزين أصحاب من بدري حتى قرو مع بعض هندسة زين عندهم شركة خاصة بيهم هو وأبوهو و وليد إشتغل في شركة حكومية وهو مهندس كبير فيهااا وعندو مكتب هندسي خاااص محمد ده بالتحديد قرأ الهندسة شهاادة ومحتفظ بيهاا في الدولاب 😂😂😂😂 ابوهو عندو معرض أجهزة كهربائية اشتغل معاهو من بدري قبل الجامعة حتى ولأنه بحب العربات أفتتح معرضه الخاص بالعربات
أنا : حلوووو يعني بعدين لمااا أفكر أشتري عربية ح أشتريهااا منووو
ريماس: 😂😂😂😂😂 عربية قال ياابت نحن البيت ده لو مسجل بي إسمنااا كان زماننا مرميين في الشارع
أنا : ما ح أرد عليك ياا محبطة يا ثقيلة ولو لاقيتيني   راكبة عربيتي ما ح أقيف ليك بالعكس ح أشاور ليك بي يدي وأضحك فيك وأمشيى
الجميع : 😂😂😂😂😂
وفاء: يعني زين كمان صاحبهم من بدري شديد يااا نسمة ما اداني الاحساس ده
نسمة : صاحبهم من بدري شديد هو و وليد ده قامو سوااا من الاساس مع بعض
أنا : غريبة مع إنه ما شبههم خااالص مستفز كدة ولا يطاااق 😣😣
نسمة : بالعكس زول هادئ رايق جنتل وكلو زوق ومتفوق وناجح في شغله محمد قالي إني هو كان غيرر كدة خاالص وبحب الضحك والفرفشة بس حصلت ليهو مشكلة خلته إتغيرر كدة حتى بعد عنهم وما كان متواصل معاهم فترة من الزمن
ريماس: دي أكيييد مشكلة عاطفية كبيرة احكي لي بحب أسمع النوع ده من المشاكل
نسمة : ما عارفة محمد ما حكى لي وأنا ما حبيت أستفسر  أكتر من كدة
ريماس: ليييه بس ما حبيتي تعرفي 😔😔😔 أنا لو مكانك ما كان خليت محمد ده ينوم اليوم داك وكنت عرفت كل التفاصيل
وفاء: إنسانة غريبة بشكل ما طبيعي في زول بحب يسمع المشاكل
ريماس: ايوووة أنااا وعلى فكرة انتي لو مكانهااا كان برضو ح تسألي من باب الشمشرة والشمار 😂😂😂 لكن انا من باب الفهم والتطور 😂😂 عشان ده ح يكون مجالي في المستقبل
أنا : لا دقييقة مجالك كيف يعني !؟؟
ريماس : يعني ح اكون طبيبة نفسية إن شاءالله اسمع وأحل مشاكل الناس والا انتي تحبي اني اتخصص حاجة تاانية
انا : لا أنا أحب إنك تتخصصي في الحاجة الإنتي عايزاهااا وبتحبيهااا وتبدعي فيهااا 😍😍😍
ريمااااس : والله أنا بحبك 💜💜💜
وفاء: وكالعاادة انا بحبكم انتو الاتنين 💛💛💛
انا : وانا بحبكم إنتو كلكم والله 😍😍😍
عدينااا اليوم كله من ونسة لي ضحك وهظار وكنت بشغلهااا لي وفاء بالجاااابس كدة عشان مااف زول يعرف😂😂😂 المر اليوووم الحلووو بي سرعة شدييدة محمد جاء لي نسمة ومشينااا سلمنااا عليهو ساقوا معاهم امل في طريقهم وانا وريماس مشينااا عكس طريقهم
*****************
تاني يوم في بيت نسمة ومحمد
بعد محمد طلع الشغل ونسمة نضفت ورتبت البيت  جاتها مكالمة من خالتهااا ردت عليهااا أالو  اهلين خالتي كيفك
خالتهااا قالت ليهااا تمام الحممدلله اهاا راجلك في والا طلع الشغل ،، طلع من قبيل يا خااالتي ،،، طيب تعااالي لي ضروري دايراك من غير ما محمد يعرف
ليييه في شنوو وليه محمد ما يعرف ،، انتي بس تعااالي وتااني بتعرفي ،، طيب كوويس ح أجي نسمة اترددت كتير تكلم محمد والا تطلع من غير ما تكلمه تااني قالت خلاص تمشي تشوف خالتهاا عايزة شنووو وتجي قبل ما يرجع وبعد يجي تكلمه لبست وطلعت علي بيت خالتهااا وصلت لقت خالتهاا وبتهاا قاعدين منتظرنهاا سلمت عليهم وعشان كانت خايفة ومستعجلة طوالي سألتهاا مالك في شنوو يا خالتي ؟؟؟
خالتهاا: كنت عايزة اشوف يعني ليكم فترة متزوجين انتي ومحمد اهاا في حاجة حصلت
نسمة : حاجة شنووو 😩😩
بتهاا:قصدهاا ليك يعني مااف حمل ؟؟
نسمة : لا لسة ماف حاجة
خالتهاا: ومنتظرة شنوو ما تمشي الدكتور
نسمة : الزمن لسة بدري يا خالتي ونحن ما فكرناا في الموضوع ده
بتهااا: ما فكرتي شنوو بت جيراننا دي عرسوهاا بعدك هسي حامل ومتابعة مع دكتور وصاحبتي عرسوهاا من 20 يوم حامل تأخير الحمل ده مشكلة احسن تعرفيهاا من بدري
خالتهاا: ولو انتي ما فكرتي فيهااا أكيد هو فكر ولو حصل وإتأخر حملك ح يعاين برة إنتي فاكرة العرس ده حب وعلاقة حلوة وخلااص اكتر حاااجة بتهم الرجال ياهوو الجنا
بتهااا: شهرين كمان لو ما حصل شي ح يكون عرس فيك وما بعيد يطلقك ويرميك زي البهيمة
خالتهاا: وإحتمال يكون السبب  منه هو بس ما ح يعترف ليك
نسمة : يا جمااعة الإنتو بتقولو فيهو ده مستحيل عاادي في ناس حملهاا بتأخر ما لي مشكلة بس قسمتهم لسة م جات وان شاء الله قسمتنااا ح تجي وما ح يحصل مشاكل ومحمد مؤمن بي إرادة ربناا  ومستحيل يعاين برة
بتهااا: خليك هبلة كدة وبحبني وبتاع لحد ما يعرس غيرك ويحيبهااا ليك في البيت
خالتهاا : انا بعرف واحدة بتهاا ما ولدت الراجل مشا عرس وحا قعدهاا ليهاا في نفس البيت ما تأمني للرجال وتقولي بحبني بعدين الحب ده كلوو بروح وببقى ليك بمبي وبقو يتكلمو معاها خالتهاا وبتهااا ويحكو ليهاا في قصص وهمية من خيالهم المريض لحد ما رأسهاا جاط والدنيا ضلمت في عيونهااا إستأذنت منهم وطلعت اتحججت بي إنه محمد بعد كدة ح يحي ويلقى مافيشة بس هي كانت هاربة من كلامهم العامل زي السم ما عارفة تصدق اولا طلعت وهي الشك ماليهااا والتفكير ح يموتهاا ياربي عندهاا مشكلة تمنع الولادة؟؟ ولو عندهاا محمد ح يتقبل الفكرة ؟؟ ممكن لي اي سبب يجيب واحدة تشاركهاا في محبته  مااشة وهي بتفكر وعقلهاا شغال
بعد طلعت منهم البت قالت لي أمهااا تفتكري ياا أمي كلامناا ده ح يأثر فيهاا وعلاقتهم دي تخرب ردت الام بي تأكيد ما شفتي وشهااا عامل كيف بدت تصدق ولأنهاا هبلة وعبيطة ح تبدأ تتغير معاهو بس ادعي إنو هو ما يستحمل ويتشاكلووو ردت  البت بي حسد بس يا امي مصيبة لو حملت قريب قالت أمهاا إن شاء الله ما ح تحمل والمشكلة تكبر وماا بعيد يطلقهااا فيهااا عاارفة لو طلقهاا ياابت لاازم تعرفي توقعيهوو وتعرسي إنتي ردت عليهاا بتهااا بي فرحة ياااريت بس هو يطلقهاا وإنتي تشوفي أنا ما عارفة واحد زي محمد بي سماحتو وزوقو ده وغني وشيك وجذااب الخلاهو يحب نسمة شنووو وهو مكسر البنات نسمة دي ما تتقارن بيهم زاتووو 😕😕😕 والله لو ما هبلة وعبيطة كان قلت وقعته والا عملت ليهو حاااجة بس لالا دي ما ليهاا في الكلام ده
*******************
محمد كان عندو إستلام شحنة عربات خلص منهاا بدري وقال يرجع البيت يعدي بااقي اليوم مع نسمة 💜💜💜 ركب عربيته ورجع البيت دخل الصالة  لقى نسمة مااف غريبة مفروض تكون بتحضر في التلفزيون معناهااا دخلت المطبخ مشى طوااالي علي المطبخ برضو لقاهاا مااف إستغرب معقولة تكون نايمة زي الزمن ده لالا لا طيب مشت وين بقى يكورك وهو حايم في البيت نسمة يا نسمة مااااف رد دخل الغرفة يتأكد منهااا لقاهاا مااف طيب مشت وووين مافيشة في البيت كله إتصل وإتصل مااف رد السبب شنوو الخلاهاا تطلع من غير ما تكلمني أكيييد حاصلة معاهاا حاجة بقى مقلق وما عارف يعمل شنوو ولسة مااف رد معقولة ابوها عنده حااجة مشت تشوفو كان ح يكلموني إتصل علي أبوهااا كيفك وان شاء الله كويس
ابو نسمة : الحممدلله ياا ولدي كويس وما عندي عوجة إنتو كيفكم ونسمة كيفهااا ما تكون مغلباك بس
رد عليهو محمد وهو علي شك إنها ما معاهو : لالا الحمممدلله كويسين مع بعض💜💜
أبو نسمة : الحمممدلله ربنااا يحفظكم جمبك نسلم عليهااا لي منهااا يومين
هنااا محمد فقد المنطق فقد آخر ذرة امل انهاا مع ابوهااا ورد بي لهجة فيهااا خوف وقلق لالا ما جمبي انا لسة في الشغل وماا رجعت عن إذنك وقفل من غير ما يمهله فرصة للرد وبقى في حالة حيرة وقلق يااربي ح تكون مشت وين تكون مشت لي ريم وو وفاء لالا كانت ح تكلمني قبلهاا طيب أتصل علي إيمان أشوفهااا لالا ما ممكن طبعااا ياربي مشت تتحنن عقله ما واقف من التفكيرر ما قادر يقعد في مكان واحد مرت عليهو ما يقارب الساعة وهو في الحالة دي لحد ما في لحظة كدة سمع صوت الباب اتفتح اتلفت بي لهفة إنهااا هي ايوة صااح مااف زول عنده المفتاح غيرنااا إتلفت عيونهم جات في بعض عيونه كانت بتحكي ليهااا عن خوفه وقلقه وعتابه ليهاا كان ظاهر في كل شي الحالة الوصل ليهااا من الخوف نسمة كانت مخلوعة ومتفاجأة من وجوده بدري كدة كانت عاملة حساب إنهاا تجي قبل ما يرجع ما عارفة تتصرف كيف وتقول شنووو ما عارفة كيف ح تواجهه ردت بي صوت مخنوق ومرتجف : م م مح محمد ...... .(يتبع)